وين راه الغاز يا ................... زعما بلاد غار

[بيكهام]

المشكل مش فالبلاد المشكل راه فالشعب كاين الغاز مي حنا ملهوفين غير نشوفو حاجة نروحو
نزيد فالسومة نهار الفياضانات نتاع باب الواد الناس ميتة و هما يزيدو فالفرينة
و الثلج اليوم و هما يزيدو فالغاز ربي يهديهم
​

اسمحلى مشكيتش كاين لغاز في بعض ولايات في وطن

ابسط مثال تسمسيلت مفيهاش

شكرا لك
​

وين راه الغاز يا ...................
الطحاحنة
كملها وشبيك صديقي
ياك رانا في بلاد الديموقراطية
وحرية التعبير
اهدر واش تحب

ايــــــــــه
كيما يقولك
السطح سطحنا وهوما ينشرو فيه
ولا الحمار حماري وانا نركب مالور
هاذي حال خيرات البلاد
حنا نعرفو الدول تستعمر الدول على جال الثروات لي فيها
حنا ماراناش مستعمرين هكاك وراهم يدولنا ثرواتنا بلاد عنف وبلا اي قطرة عرق
والشعب فالبلاد يمووووووت
مام حنا هنا رانا نعانيو مالغاز
الله غالب
بلاك ميكي ماوس
ولبارح جا السي خونا يخطب
قاللنا ارواحو تفوطيو شغل ماراه صاري والو فالبلاد
ياو روووووح تكري
وفرلي واش نحتاج من بعد نفوطي عليك
ايه راه قصر الحكومة مايخصو والو
وجماعتو راهم في المرادية وحيدرة
يعني وين مايخص والو وين ماكاش الزوالي
حيدرة المرادية زوج مناطق راهم عايشين فالدزاير
راك عاصيمي وراك تعرف



صحيتووو
​

اهلا اهلا
ايه رانا في بلاد دمقراطية بصح هاذيك كلمة ميستاهلوهاش باسكو يستاهلو اكثر

علا بيها محبتيش نقولها وراني داير نقاط ............ يعني كلمة كبيرة بزاااف

هي حبيبي مارسي عليك
​

 

[بيكهام]

مول العهدة الثالثة هو سبابها

مارسي عليك لعزيز
​

السلام عليكم خويا
والله ربي يهدينا فعلا كيما قلت بلاد الغاز والبترول والموارد الطبيعية
وسكانها يعانو من نقصها مي يقولك اذا عرف السبب بطل العجب .دول الخارج يوصللهم الغاز تاعنا .مي الشعبي مسكين معندوش حتى قرعة تع غاز يطيب بيها عشاه ولا يدفى بيها مسكين في هاذ البرد
ويقولك بلادنا في امان انا مانيش نشوف فيها في امان راني نشوفها شاعلة نيران ....وين راهو بوتفليقة .وين راهم لي يباتوا يقولوا نعدلوا لبلاد ..ماراهمش حاسيين بالشعبي كامل
مي خويا ربي يهدينا هذا ماكان
تقبل مروري المتواضع كانت معك محبة الورد ​

صحا يا غالية تحياتي لك

شكرا جزيلا
​

 

[بيكهام]

لا مناصب شغل لا عمل لا غاز لا كهرباء لا ماء ........إلخ
البلاد قسموها الصحراء باعوها ..........
و يقولك روح تفوطي !!

صحيت حبيبي

ههههههههههههه قسموها وبصحتهم الله غالب

وش تحب تعاندهم تحير

مارسي حبيبي
​

 

[sql]

بلاد تنتج الغاز لكن لا يوجد فيها

هاشعب راقد كل شخص يخمم في روحو بركـ / لوكان تنوض الحالة غادي يوفرو الغاز لي ماعندوش
​

 

[مرام التيبازية]

سلام خويا شكرا على الموضوع..
والله العظيم رانا نعانيوا بالبزاف بازمة الغاز هادي بصح واش نقولوا ربي معانا وربي يفرج هدا ماكان..

 

[دعاء19]

شئ محير بلاد غنية بالغاز ويعانون من قلة الغاز وبارتفاع سعره هذا دليل على الفساد الموجود ربي يلطف بالشعوب العربية ويخلصها من الاستبداد والظلم

 

[بيكهام]

شكرا للجمـــــــــيع

تحياتي وبرك الله فيكم
​

 

[iman la brune]

الغاز كاين والسلطات تعمل ما بوسعها لايصاله للقرى النائية

البارح زوج طيارات للجيش عقبو علينا هازين مؤن ومساعدات

راحو لضواحي ولايتي

وكما نعرف الجزائر تضاريسها صعبة والقرى منتشرة في كل مكان

والزيادات هاذي سببها بعض المستغلين من الشعب اللي يحبو الربح السريع من الشعب

والحمد لله علىكل حال










​

 

[آمِيْرَتُه]

الغاز كاين والسلطات تعمل ما بوسعها لايصاله للقرى النائية

البارح زوج طيارات للجيش عقبو علينا هازين مؤن ومساعدات

راحو لضواحي ولايتي

وكما نعرف الجزائر تضاريسها صعبة والقرى منتشرة في كل مكان

والزيادات هاذي سببها بعض المستغلين من الشعب اللي يحبو الربح السريع من الشعب

والحمد لله علىكل حال










​

عنذك الحق في كل لي قلتيه بارك الله فيك حنا ملهوفين

 

[بيكهام]

مارسي عليك كحلوووشة بصح رانا نشوفو في غاز متوف بصح بعض من ولايات مفيهمش

عنذك الحق في كل لي قلتيه بارك الله فيك حنا ملهوفين

مارسي عليك .........
​

 

[حكاية احاسيس]

ايه و الله لا عجب و تبهديلة كبيرة بلادنا بلاد الغاز راحت تصدر للغير و خلات شعبها يموت هدي تسمى خيانة و غدر
الناس راهي تموت من البرد و en +و علاش الغاز راه يتباع بالغلا النار في السومة الشعب راهي يموت و هوما كل خاطرة راه يزيد
ياو راه يتباع في بلايص 2000DA
موضوع رائع بارك الله فيك +++