رايحة لجاك المرسول عندكم متتفرجوش الحلقة ...

[السلطانة]

السلام عليكم

حبيت نحكي اليوم على الحصة لي دارت نجاح باهر ولاقت صدى كبير بين المشاهدين
لي هيا جاك المرسول على نسمة tv.
بون كيما راهو معروف برنامج عاون الناس باش تلاقاو مع بعض
جمع بزاف عايلات واصدقاء
كاين حلقات اثروا فينا توشاونا
عرفنا حكايات لناس قادرين يكونو حكايات عايشينهم في مجتمعنا
جزايريين ،توانسة مغاربة

وغيرهم من الجنسيات ..لي جازو
هو برنامج يقدر يتفرجو لكبير مع الصغير
هاذي مفيهاش اشكالية
وزاد زينو هاذاك الطيب :luve_2:
(يؤبشني شو حلو)
لما يقول ياو تكلم
متخليهاش في قلبك

أنت كمواطن جزائري وعضو لماوي اجب عن مايلي:
-واش رايك في هاذ البرنامج؟
-وبرامج الواقع عامة؟ هل انت معاها او ضدها
-كون تعود مريح في داركم
وتلقى المرسول جاك هل تقبل تروح؟
-هل تفكر كاش نهار تروح تكرم أو تطلب السماح من شخص معين
عزيز عليك.اذا وي شكون هو هاذ الشخص؟

بالنسبة ليا
وي نقبل المرسول

ونتمنى شي نهار نكرم
والديا
ونقول نحبك لصديقتي لي دارت خير معايا عمري مننساه
ونحاول نفهم شخص معين
نقولو علاه جرحتيني بهاديك الطريقة عل الرغم من اني درت معاك غير الخير
ونكرم احباب وحبابات اللمة
نقوللهم تؤبشوني شو طيبين
الله يحفظكم يااروع ناس
ونهديلكم تحياتي من خلال الشاشة
ونديرلكم باي باي


نتمنى يعجبكم الموضوع
:re_gards:

​

 

[إنسانة ما]

يعطيك الصحة أختي عائشة
ما نعرفش الحصة لأني ما نتفرجش التليفيزيون وقناة نسمة بالذات ما نطيقهاش خصوصًا بعد ما قريت وشفت وسمعت في النت وش عرضو، هذاك الفيلم لي صورو فيه الذات الإلهية -أخزاهم الله-.
يعني في رأيي مثل هاذيك القناة من المفروض واحد ما يتفرجها لأنو لما يتفرجوها يطلعولها شانها وهي في الأساس تحت الصفر.

أما برامج الواقع هاذي نظن أنها فضيحة هذا ما كان، في رأيي القنوات هاذو ما يهمهمش يديرو الخير بقدر ما يهمهم وش رح يربحو من هاذ البرنامج.
لذلك هوما يستغلو قصص الناس باه يدخلو الصوارد لأنهم علابالهم الجمهور يتأثر بالقصص الإنسانية ولي تبكي.

هذا رأيي والله أعلم


​

 

[sin@me]

نروح نشوف الطيب ونولي

ههههه

 

[nina bonoise]

ana nakbel nrouh nferegh gelbi wallah rahou m3amer

 

[آمِيْرَتُه]

السلام عليك
برنامج جاك المرسول برنامج مليح هادف انساني عائلي اجتماعي
كون تسمحلي الفرصة نروح نكرم الأم ربي يخليهالي و نروح نقول على المباشر لوحد الانسان اني نحبك و سمحلي غلطة في حقك
و على قداية نوجه تحية ليكم ناس اللمة
​

 

[المتفائلة_91]

الكتيبة جت مخربطة ،،، لي عودة للرد

 

[*ليديا*]

السلام عليكم ورحمة الله وبركاته
-واش رايك في هاذ البرنامج؟
الحقيقة شفتو مرة وحدة وعجبتني الحلقة الي شفتها
-وبرامج الواقع عامة؟ هل انت معاها او ضدها
انا معاها اوموا تسمعي واش راه صاري في الناس وتتأثري بالققص نتاعهم
خاصة كي يجو الوالدين يشكو من اولادهم واش صعيبة :sadwalk:يعلموك تحسي بقيمة الناس اكثر
مي نقلك الصح ديفوا تجي قصص نتعجب علاه اصحابها يجو يشهرو بيها خارجة النطاق شوي
-كون تعود مريح في داركم
وتلقى المرسول جاك هل تقبل تروح؟
ههههههه الا اذا بعثتيها انتي
-هل تفكر كاش نهار تروح تكرم أو تطلب السماح من شخص معين
عزيز عليك.اذا وي شكون هو هاذ الشخص؟
التكريم تاع الصح ناس ياسر يسحقوه نتمنى تجي فرصة تكريمهم
مثلا انتي على مواضيعك الحلوة في اللمة
يعطيك الصحة

 

[السلطانة]

يعطيك الصحة أختي عائشة

ما نعرفش الحصة لأني ما نتفرجش التليفيزيون وقناة نسمة بالذات ما نطيقهاش خصوصًا بعد ما قريت وشفت وسمعت في النت وش عرضو، هذاك الفيلم لي صورو فيه الذات الإلهية -أخزاهم الله-.
مرحبا بيك اختي
بلعقل راكي خلعتيني ههه
هذا رأيك وانا نحترمو :re_gards:
يعني في رأيي مثل هاذيك القناة من المفروض واحد ما يتفرجها لأنو لما يتفرجوها يطلعولها شانها وهي في الأساس تحت الصفر.
في هاذي نغلطك اختي
مادامك متتفرجيهاش نورمالمو متحكميش عليها بالسلب
يعني برامجها فيها وعليها
كاين برامج فيها انا تاني منشوفهش
كيما تاع الاناقة هادوك ميعجبونيش
نتابع جاك المرسول
ولا كرة اليد لي فاتت وتكاليفات فيها دزاير

​

أما برامج الواقع هاذي نظن أنها فضيحة هذا ما كان، في رأيي القنوات هاذو ما يهمهمش يديرو الخير بقدر ما يهمهم وش رح يربحو من هاذ البرنامج.
لذلك هوما يستغلو قصص الناس باه يدخلو الصوارد لأنهم علابالهم الجمهور يتأثر بالقصص الإنسانية ولي تبكي.​

هذا رأيي والله أعلم
متنجميش تحكمي على نية العبد
كيما قلتي الله اعلم
بلاك يكون غرض صاحب القناة الدراهم
وغرض المعدين والمذيع وو مساعدة الناس ​

صحيتي اختي على المرور الطيب
رايك وانا نحترمو
​

 

[السلطانة]

نروح نشوف الطيب ونولي

ههههه

ههه روحي وارجعي اختي
:re_gards:​

 

[السلطانة]

ana nakbel nrouh nferegh gelbi wallah rahou m3amer

صحيتي اختي نينا
نفهم انك مع هاد البرنامج
:showoff:
شكرا على المرور الطيب
​

 

[ماكانش]

لي عودة
وليت غير نحكم في لبلايص هههه

 

[***سوسن الجزائرية]

وقتاه يديروه هاد البرنامج والله غير جامي سمعت بيه
​

 

[السلطانة]

السلام عليك

برنامج جاك المرسول برنامج مليح هادف انساني عائلي اجتماعي
كون تسمحلي الفرصة نروح نكرم الأم ربي يخليهالي و نروح نقول على المباشر لوحد الانسان اني نحبك و سمحلي غلطة في حقك
و على قداية نوجه تحية ليكم ناس اللمة ​

وعليكم السلام
اهلا امينة
والله لامشاعر كبيرة لوكان توقفي تم وتعبري لأغلى انسانة عندك في الوجود انك تحبيها قدام الجميع الله ي حفظلك الوالدة الغالية
صحيتي على ردك الطيب
:re_gards:​

 

[محبة الورد]

السلام عليكم اختي
برنامج جاك المرسول نتبعوا ويعجبني بزاف ومرات يقيسوني القصص لي نسمعهم
انا لوكان جااات في يدي نروح لجاك المرسول نكرم تاج راسي امي لعزيزة عليا ونشكرها على واش دارتلي كامل
اما بخصوص لوكان جاتني طلب من جاك المرسول نعم نروح وعلاش لا ..ونشوف شكون هذا لي يحب يبعثلي بيناتنا تقرعييج برك ههههههههه شششش متقولي حتى واحد
المهم اختي تقبلي مروري المتواضع كانت معك محبة الورد من وراء شاشة الكمبيوتر
واذا رحتي لجاك المرسول قوليلي وقتاه باه نشوفك هههههههههههههه​

 

[secret de coeur]

وعليكم السلام شوشيتا
واش راكي منغولــة ؟؟
ها جاك المرسول انا مكولية عليها ههه تعجبني بزاف ديك لميسيون
نتبعها كل سمانة
مليحة يتلاقاو فيها الحباب ويتسماحو وقاع الي عجبتني تاع التونسي الي عرض عم صاحبو وطلب منو السماح علاجال قتلو وليد خوه بالخطــأ >> حطيت بحر من الدموع داك النهار :tears:
اذا جاني مرسول نروح ونقولهم ماتعرضوش الحصة ههه
مانبغيش نكون كوني :shay:
راح نعيطلك يا شوشو وقولهم او جاني المرسول نروح نشوف جيمي ههه

ايا سلاااامو ع السوجي الزينة
++
​

 

[السلطانة]

الكتيبة جت مخربطة ،،، لي عودة للرد

_o:
خطي ماش واضح؟
في انتظار عودتك
​

 

[إنسانة ما]

أهلا أختي
ما تتخلعي ماوالو، هذا مجرد رأي تاعي
علاه دراكيلا أنا :shiny:

​

في هاذي نغلطك اختي
مادامك متتفرجيهاش نورمالمو متحكميش عليها بالسلب
يعني برامجها فيها وعليها
كاين برامج فيها انا تاني منشوفهش
كيما تاع الاناقة هادوك ميعجبونيش
نتابع جاك المرسول
ولا كرة اليد لي فاتت وتكاليفات فيها دزاير
​

صحيح أنا ما شفتهاش وما نعرفهاش
بصح في رأيك قناة تتعرض للذات الإلهية وتصورها بهاذيك الطريقة تستاهل أنو الواحد يتفرجها؟؟؟
مادام تجرؤوا وعملو هذاك الشي معناه أنو أصحابها لازمهم محاكمة لأنهم تعرضوا لرب العالمين.
كان من المفروض بعد هذاك الفيلم القناة هاذي تتسكر بالشمع الأحمر.
وآسفة ممكن خرجتلك على محور موضوعك
أعذريني أختي
ربي يهنيك
:re_gards:
​

 

[secret de coeur]

حالياً الأعضاء النشيطين الذين يشاهدون هذا الموضوع : 11 (10 عضو و 1 ضيف) ‏secret de coeur, ‏منيني, ‏ماكانش, ‏إنسانة ما, ‏bibars125, ‏المتفائلة_91, ‏بشطوطة, ‏iman la brune, ‏سمو الأميرهـ+, ‏ساندريلا زماني+

عجبتني لافوتو + فيها 10 اعضاء ملونين:shiny: وزائر ههه ايا نديرو ماتش خخخ ​

 

[iman la brune]

نحب هذا البرنامج لانو جمع شمل عائلات واصحاب

خصوصا الحلقة تاع الجد عبدالرزاق الجزائري وبين صحبو المغربي

وكذلك لوجين

وبرامج الواقع عجبني غيرهذا والطيب زاد حلاه ماشاء الله عليه

اما اذا جاني مرسول لامنقبلش اختك حشامة منقدرش نقابل جمهور وكاميرا

شكراعلىالموضوع







​

 

[السلطانة]

السلام عليكم ورحمة الله وبركاته
-واش رايك في هاذ البرنامج؟
الحقيقة شفتو مرة وحدة وعجبتني الحلقة الي شفتها

وعليكم السلام اختي لعزيزة ​

-وبرامج الواقع عامة؟ هل انت معاها او ضدها
انا معاها اوموا تسمعي واش راه صاري في الناس وتتأثري بالققص نتاعهم
خاصة كي يجو الوالدين يشكو من اولادهم واش صعيبة :sadwalk:يعلموك تحسي بقيمة الناس اكثر
مي نقلك الصح ديفوا تجي قصص نتعجب علاه اصحابها يجو يشهرو بيها خارجة النطاق شوي

ايه اكثر القصص لي تقيس قص الوالدين مع ولادهم
نتعلمو منهم بزاف حاجات
وكيما قلتي كاين قصص نورمالمون ميجهروش بيهم ​

-كون تعود مريح في داركم
وتلقى المرسول جاك هل تقبل تروح؟
ههههههه الا اذا بعثتيها انتي

:sheer:محلاها كون نبعثها انا يقوللك مرسول من قالمة i-o:​

-هل تفكر كاش نهار تروح تكرم أو تطلب السماح من شخص معين
عزيز عليك.اذا وي شكون هو هاذ الشخص؟
التكريم تاع الصح ناس ياسر يسحقوه نتمنى تجي فرصة تكريمهم
مثلا انتي على مواضيعك الحلوة في اللمة
يعطيك الصحة

:shay:كلامك قاسني شكرا خيتو
ونشكر الله اني تعرفت على ناس من ذهب كيما انتوم الله يحفظك​

صحيتي ختيتو على المرور الطيب
​