رايحة لجاك المرسول عندكم متتفرجوش الحلقة ...

[السلطانة]

السلام عليكم
خيتو عجبني موضوعك بلبزااف
ويعني هي حصة مميزة جعلتنا نرى المشاكل اللي فالدنيا
هاذي انا واحد من الناس حاب نفرغ همومي ونسامح
اللي جرحوني نتمنى كون يديرو موضوع فاللمة ويسميوه جاك اللمة
كاين عندي صحابي وخواتاتي هنا فاللمة عندي مدة ماشفتهمش
المهم مشكوورة اختي على الموضوع الاكثر من رائع
+
لي عودة

تقبلي مروري :re_gards:
​

وعليكم السلام
يعطيك الصحة على المرور الطيب
سلامي

​

 

[السلطانة]

منروحش كون نروح نتعارك
:p:p:p:p

هههه مالا ريحي برك تزيدي تدير الدبز
شكرا اختي على المرور الطيب

​

 

[السلطانة]

mrc bcp hanounti enti tani rawwwww3a wlh

:$الله يخليك لعزيزة
​

-واش رايك في هاذ البرنامج؟ b1 y3alg bezaf 9adaya ijtima3ya
:up:
-وبرامج الواقع عامة؟ هل انت معاها او
ضدها ana b1 sur m3aha
ممممم راكي كونتر
-كون تعود مريح في داركم
وتلقى المرسول جاك هل تقبل تروح oui b1 sur mais ana ma3andi 7ata problem m3a al ghachi possible yhabou ykarmouni balak hhhh
هههه مالا لازم عليك تحبي برامج الواقع

-هل تفكر كاش نهار تروح تكرم أو تطلب السماح من شخص معين oui possible mais ana ma3andi 7ata mochkul takhaluni notlbe ssmah balak nro7 nkarme ma famille et mes amis o entouma b1 sur habubi ta3 allama

​

ميرسي على المرور الطيب
سلامي

 

[السلطانة]

السلام عليكم
واسمحيلي طاطا هاذا وين قرت الموضوع وحبيت نشارك فيه
انا نقولك الصح لوكان جيت عايشة في بلاصة وين يخلوني نروح ووين العباد ماشي معقدين نقولك نروح اليوم قبل غدوة
نقولك الصح ما نروحش على جال نشكر غاشي لاخاطر اللي نشكرو نقولهالو في وجهو وعلى بالو بيها
مي نروح برك باش نعيط لوحد العبد ونقولو وعلاه فرقت بيناتنا ونقولو يا ريت لوكان تبدل رايك
ويا ريت لوكان تفتح قلبك شوية وتعاود تخمم فينا مليح وتخلينا نكونو معا بعضانا
ما عليش راني قلتلكم ليكم
امالا ادعولي معاكم بالخير​

وعليكم السلام
وانا هاداوين قريت ردك خخخ
قاسني كلامك في الصميم
ياريت هاد العبد يسمع نيداءك
ولا مسمعش يحس ويبدل رايو
ربي يهنيك اتي
صحيتي

​

 

[السلطانة]

أولا السلام عليكم ورحمة الله وبركاته وبعد:قد سرني كثيرا معرفة اسمكي اخت عائشة وهذا لا يتطلب مني الذهاب إلى نسمة tvهههههه

وعليكم السلام
اهلا بك اخي :$
​

ثانيا ما أود أن أقوله من خلال مقالكي الرائع هو:إن الذي يحدث في هذا البرنامج يشبه مسلسل losteأو الضائعون. بالله عليكم أقاربنا وتنازلنا عنهم من أفعالهم تبرأنا منهم من مكرهم كل يوم نصحى على خبر مثل النار لما تقذف الشرر عن نفسي لن أذهب إلى نسمة رغم ما أحمله من جراح سأفضل الظل على الضوء وهكذا بالي مرتاح لن أطلب عفوا من عبد لأني لم أقترف ذنبا بحقه أما من أذاني فلنا يوم الدين الذي نتخاصم فيه عند ملكه ولن أفضح لا من آذاني ولا نفسي

فهمت وجهة نظرك تحب ابقاء مشاكلك لنفسك ولاتحب نشرها امام الناس
​

.ربنا أمر بالستر .يالله نخلي الطبق مستور وإن لم يكون الخاطر مجبور ولا تكترثي بردي أختي الكريمة عائشة فأنا لم أصل مرتبة الانسان بل ما بقي منه

وجهة نظرك على العين والراس
​

.صنعتني الأداث وآذاني معظم الناس واتخذت من الصمت لباس ودفعت ثمن طيبتي ببقيتي
شكرااااااااا مرة اخرى اختي

الله يفرج عليك ويصلح احوالك اخي الفاضل
ومهما اذاك الناس فأنت افضل منهم
مادمت لاتحب الرد عليهم بقدر أذيتهم
شكرا على المرور الطيب
سلامي

​

 

[السلطانة]

وي لازم نروح

جاك المرسول برنامج هادف و ذو مزايا عديدة


انا مذا بيا نروح و نسامح لي غلط معايا

و مذا بيا نروح و نشكر والديا

و ماذا بيا نروح و نتلاقا بصاحبي لي عندي وقت ماشفتوش

و ماذا بيا نروح و نتكلم مانخليهاش في قلبي تحرقني


علما انو قالو ماتخلص والو كي تروح هوما يتكفلو بكلش

...جارنا جاو داوه من دارو في تاكسي مكتوب عليها جاك المرسول ..

​

ان شاء الله تروح لجاك المرسول
ومتنساش تبعثلنا تحية من تم
صحيت على المرور
سلامي

​

 

[السلطانة]

-واش رايك في هاذ البرنامج؟
رأيي الشخصي انا ضد هذا البرنامج و البرامج التي مثله
-وبرامج الواقع عامة؟ هل انت معاها او ضدها
ضدها طبعا
بالنسبة لي ناس مهابل لي يروحولها لانه كيف واحد يروح لحصة ينشر اسراره الخاصة و العائلية امام الناس مثل حصص لي تقولك تتبع مسار زوجين و تعيش ملايين مشاهدين معاهم؟؟؟
ولا حصة لي يجي واحد يفضح مشاكله و اسراره العائلية على كرسي كشف لكذب فقط من اجل المال كل هذا تقليد اعمى للغرب
لي حاب يحل مشكل مع واحد من اسرته او يصارحه او يشكره على شي يقولهاله في البيت و يعمله حتى حفلة اذا حب بحضور افراد الاسرة علاش عليه يروح قدام الملايين من الغرباء في حصص همها الوحيد الربح الاعلاني باستغلال امثال هؤلاء كمادة اعلانية
-كون تعود مريح في داركم
وتلقى المرسول جاك هل تقبل تروح؟لا لا اذهب و لي حاب يراسلني يجيني للدار و مرحبا بيه
-هل تفكر كاش نهار تروح تكرم أو تطلب السماح من شخص معين
عزيز عليك.اذا وي شكون هو هاذ الشخص؟
نهار نفكر في هذا نروحله شخصيا علاش حتى نروح لحصة

بارك الله فيك شكرا على المرور الطيب
​

 

[السلطانة]

ساعود و اجيبكــــــــــــــــــ

انا كون يجينى بلاك نروح وهي حصة شابة مى منشوفهاش بزاف

ana madabiya nerouh lahd l 'emission bah negoul wach fi khatri mahmakan ihtmamti bah nass gaa yarfou par exemple nerouh we nared waldiya negolhoyum semhouli wela nebghikom
nebghi gaa nass taref had chi en + neheb tayeb bezaff nehb had l'emission

صحيتو على المرور الطيب

​

 

[السلطانة]

-واش رايك في هاذ البرنامج؟
والله برنامج مميز وفي المستوى اعتبره برنامج مشرف لانه يعكس صورة جميلة لنا كشعب جزائري شعب مسامح وكريم
-وبرامج الواقع عامة؟ هل انت معاها او ضدها
اكيد معاها
-كون تعود مريح في داركم
وتلقى المرسول جاك هل تقبل تروح؟
والله ياختي رايحة نكون صريحة معاك لا اقبل الدعوة، المسامح كريم حتى الله يسامح اما انا مجرد عبد فكيف لا اسامح لكن اختي والله سامحت بزاف سامحنت ناس جرحوني بزاف لكني فوجئت مين عاود لقيتهم يعاودو نفس اخطاءهم لهدا قررت ان لااصفح عن احد
-هل تفكر كاش نهار تروح تكرم أو تطلب السماح من شخص معين
عزيز عليك.اذا وي شكون هو هاذ الشخص؟
نعم نحب نكرم زوجي لانو تعب معي جدا ولطالما كان واقفا الى جانبي تعرضت لمشاكل لكنو وقف معايا مرضت ووقف معايا فقدت ابني وتعدبت جدا بصح ظل واقف معايا ولا مرة اشتكى ولا قالي تعبت دايما كان يساعدني معنويا

​

شكرا حبيبتي على المررو الطيب

​

 

[السلطانة]

أنت كمواطن جزائري وعضو لماوي اجب عن مايلي:
-واش رايك في هاذ البرنامج؟

ماشفتوش بزاف باه نحكم عليه
​

-وبرامج الواقع عامة؟ هل انت معاها او ضدها
ماني معاها ماني ضدها
-كون تعود مريح في داركم
وتلقى المرسول جاك هل تقبل تروح؟

لالا
​

-هل تفكر كاش نهار تروح تكرم أو تطلب السماح من شخص معين
عزيز عليك.اذا وي شكون هو هاذ الشخص؟
لالا خاطر نعرف حاجة انو اي واحد عندي مشكل معاه وكي نحب نطلب السماح نقصدو الوج للوجه ماش لازم حتى نفوت في لاتيلي ويتفرج فيا الغاشي

سلام

مع حسام والصراحة راحة
صحيت على هذا الرد الصريح جدا جدا
سلامي

​