كرهت من بابا خلاص معدتش متحملة

[العائدة الى الله]

السلام عليكم و رحمة الله وبركاته

راني مليت هالعشية و كرهت من بابا و من تصرفاتو من عصبيته التافهة عن اشياء مش تستحق الواحد يعصب

اوووووووووووووووووووووف
تعرفوا درك واش صار كنت قاعدة في النت و الباب طبطب و مش سمعتوا و كي شفت اختي الصغيرة رايحة تشوف شكون نضت و قلت و الله ما سمعته في نص الطريق جاء هو و مسكني من ايدي و بعدني بطريقة تخلي الواحد يستغرب
و كاني مش بنتو و كاني وحدة غريبة
منعرف يمكن تقولوا راني مكبرة الموضوع بس و الله مليت
و احيانا نفكر ننتحر باش نريح من حالي و نريحو احسن
يا ربي مش متحملة خلاص
قولولي واش ندير
راهو الصبر نفذ خلالالالالالالالالالالالالاص
و حاجة اخرى تاني
هو ينسى روحو و تصرفاتو يلي تزعجنا
مرة برك بروطابل نتاعو قاعد يرن و هو بالنت و لا على بالوا و بعد عاد ينادي عليا روحي جبيه
يا ربي يا ربي
خلالالالالالالالالالالالالالالالاص هبلت و ناوية ندخل مستشفى المجانين و الله العظيم
شئ يقهر
واش ندير قولولي

 

[ام منصف]

اولا تفكري بان الشخص اللي راكي تهدري عليه اسمو باباك
يعني طاعته واجب عليك بعد طاعة الله
*ولا تقل لهما اف*
ممكن تكون عصبية باباك زايدة شوية لكن ممكن تسايروها
والامور اللي راكي تحكي عليها ممكن تجاوزها وماتعطيهمش حجم اكثر من حجمهم
​

 

[جہْےمالہْ الہْےروحہْ]

معليش هذا يبقى باباك ولازم تتحمليه ويصرا واش يصرا ماتلقاي فالدنيا هذي غير باباك ومتحسيش بقيمة الشي حتى تفقديه سقسي الناس اللي خسرو ابائهم يقولك يرجعك برك ويدير واش يدير خاطرش حسو بقيمته وفهمو بلي كانو غالطين دونك انتي متكونيش زيهم وتحمليه حتى لو كان عصبي سايريه وان شاء الله فترة وتعدي ..... وفكرة الانتحار هذي نحيها من بالك ...... ربي يحللك مشاكل وتتهناي في حياتك ان شاء الله انتي اصبري برك ....... كاين ناس بزاف ابائم مدايرين فيهم كثر من هكا وماقالو والو بارسكو علابالهم بلي باباهم وميقدرو يديرو والو غير انهم يصبرو ....... انتي احمدي ربي .....

 

[AnGeL*dZ]

سمحيلي ختي مش هاذي تاع تنتحري دهشـتني
ياخي ماهوش يضرب فيك وماهوش مخليكم تمدو يديكم للناس
استحملي عصبية باباك كون يروحلك من الدنيا بعيد الشر تندمي وتقولي ياريتو يرجع ويعيط عليا حياتي بكل
بلاك هو يعيابرا ويحب كي يدخل دارو يرتاح وكلش يكون كوراكت

​

 

[BARCA232]

السلام عليكم ورحمة الله تعالى وبركاته
رأيي لن يختلف عن امنا أم منصـــــــف
لاتعتقدي مايقوم به الوالد أتجاهك هو قســـــــــوة
عادي والله تصرف مثل غيره من الآباء
والله لو أحكي معاملة أبائنا زماان كانت جد قاااسية لكن كان ورائها هدف وهو أصلاح النشأ
والحمد لله تم ذلك برعااية الله
ممكن شدة وتزول
ويجب عليك طاعته وطاعته دائما
وكوني صديقة له لا أبنته ستنالين رضاااه وحبه
نحتاج الى أن نعود الى حضن العائلة من جديد
خاصة بعدما أخذتنا عنهم الدنيا ومشاكلها
وخاصة(النت،الفايس بوك،ووسائل الأتصال الحديثة،الدرااااسة)
بالتوفيق وربي يوفقك
​

 

[secret de coeur]

وعليگم السلــآم خيتو
ربي يطمن بآلگ على گل حآآل
مي هآد الشخص مدامو وآلدگ لازم تطيعيه مهما گان الأمر
والا عصبيتو معاگم قاع فالدار هگآ
سآآعفوهــ ..ممگن مآمآگ تحگي
معآه تقولو البنات شوية مقلقين من عصيبتگ الزآيدة
مهم نتي بعدي عليگ فگرة الإنتحآر ووو
وربي يجآزيگ خير لو وآصلتي في طآعة ولي أمرگ في گل الظروف
سلآآمي
​

 

[nada242008]

علجال هذا التصرف برك ولا كي قالك جيبي البورطابل كرهتي منو ؟؟
هو رباك وقراك وعلمك ويوكل ويشرب فيك ومقعدك على النات واللي تطلبيها تجيك وعلى ابسط حاجة تكرهي منو وتشكي منو بموضوع ؟؟ ابدا كون تلفي الدنيا كاملة ماتلقاي واحد يحبك ويخاف عليك قدو
روحي بوسيلو راسو وقولو يسمحلك وماترقديش الا اذا رضا عليك
اكيد انت صغيرة وقلبك تعمر وجيتي تفرغي فيه لكن يا ريت تتقبلي نصايحنا
صح حنا كامل معرضين للمشاكل والضغوطات اليومية وينك ياباباك اللي وراه مسؤوليات كبيرة كيف تكون الضغوطات عليه .. حاولي حتى كي يكون مقلق التميسيلو العذر واصبري عليه لانو الاب مايتعوضش خلاااص وعبد ما يجي في بلاصتو
انا بنتي في عمرها 3 سنين 20 مرة في النهار نقولها جيبي البورطابل وجيبي التيليكوموند وحركي بخوك ووو وكون تنطق كلمة نعاقبها هههه كون جيتي بنتي راني كتلتك هههه /// نضحك معاك برك

 

[طير الجنة]

شوفي ختيتي هذا باباك هاذي أول حاجة
و تاني حاجة طاعتوا واجبة
لوكان تحوسي تلقاي بلي كاين ناس ما عندهمش باباهم
و هوما واش يقولوا
أحمدي ربي اللي عندك باباك واقف فوق راسك
و لازم عليك تصبري و تديريلوا رايوا
هذا هو الحل الوحيد
و ثالث حاجة واشنوا هي قضية الالنتحار الي راكي تخممي فيها
أتقي مولاك يا طفلة
روحي
تصلي و أقراي القرأن يبعد عليك الشيطان

​

 

[EL General]

عسى ان تكرهوا شيئا و هو خير لكم
​

 

[وائل ابن الجزائر]

شوفي اختي
معاك الوالدين سيي برك رضيهم وازدمي للقدام هو يربي فيك
وانتوما علابالي متحبوش ينوضوكم من الميكرو ايا تهلاو في والديكم شويا
​

 

[بنت الجسور المعلقة]

آآآآآآآآآآآآوها يا لحبيبة ايا اسكتي علينا وراس لعزيزة واش هادي لهدرا
أنا بابا كي يعيط تلاينقي فاسخة بضحك لخطراك ساعة غضب وتروح ومبعد يحن أيا قوليلي درك كون تحكمي لفراش بعيد الشر عليك واش تلقايه يدير ؟؟؟؟؟؟؟؟؟؟؟؟؟؟؟؟؟؟؟ ولا تمرضي يقعد غير يخمم على بنيتو باه تشفالو استغرفي مولاك حنونة هوما ثاني الهم لي فيهم يزيهم
وهدا يقعد بابك يصرا واش يصرا متقلقيش روحك ديري وذن من طين و وذن من عجين كيما يقولو سوريين هههه
نتكل عليك !! ​

 

[العائدة الى الله]

اولا تفكري بان الشخص اللي راكي تهدري عليه اسمو باباك

يعني طاعته واجب عليك بعد طاعة الله
*ولا تقل لهما اف*
ممكن تكون عصبية باباك زايدة شوية لكن ممكن تسايروها
والامور اللي راكي تحكي عليها ممكن تجاوزها وماتعطيهمش حجم اكثر من حجمهم​

متفكرة هالشئ لكن احيانا نقول كلام غصب عني لانه طفح كيلي
و الله العظيم راني من زمان صابرة بس المبارح خلاص صبري نفذ
لانه هو في بالو راني قاعدة في النت و لا على بالي بالباب و انا و الله العظيم ما سمعتو مش قصدي
على كل شكرا كتير خالتو ام منصف على ردك بموضوعي
و ان شاء الله المرة ما نعطي حتى موضوع حجم اكبر

 

[العائدة الى الله]

معليش هذا يبقى باباك ولازم تتحمليه ويصرا واش يصرا ماتلقاي فالدنيا هذي غير باباك ومتحسيش بقيمة الشي حتى تفقديه سقسي الناس اللي خسرو ابائهم يقولك يرجعك برك ويدير واش يدير خاطرش حسو بقيمته وفهمو بلي كانو غالطين دونك انتي متكونيش زيهم وتحمليه حتى لو كان عصبي سايريه وان شاء الله فترة وتعدي ..... وفكرة الانتحار هذي نحيها من بالك ...... ربي يحللك مشاكل وتتهناي في حياتك ان شاء الله انتي اصبري برك ....... كاين ناس بزاف ابائم مدايرين فيهم كثر من هكا وماقالو والو بارسكو علابالهم بلي باباهم وميقدرو يديرو والو غير انهم يصبرو ....... انتي احمدي ربي .....

معك الحق اختي
و الله راني متحملة طول فترة حياتي بصح المبارح خلاص تصرف يغضيني بزاااف
و المشكلة انه يبقى اسبوع زعفان على واش و الله منعرف
حاضر راح نحمله و نسايره و نصبر
ان شاء الله نحيها من بالي نهائيا
صح الحمد الله على كل حال
شكرا لك اختي على ردك بصفحتي
ربي يحفظك

 

[ISMA.dz]

مهما يكون باباك

كاين اللي ماعندهمش اب


يقولك يولي لاشتا يصبحني بطريحة ويرقدني على طريحة

احمدي ربي لي باباك راهو في وسطكم

وهدي عادي مش قسوة

قدري ظروف باباك

هو اللي راه يشقا ويجيبلكم في الخبزة

وردي بالك تعصبي عليه ولا تتقلقي منو

مهما يكون باباك

وكيما قلتلك فكري في الناس اليتامى

سلامي ليك​

 

[العائدة الى الله]

سمحيلي ختي مش هاذي تاع تنتحري دهشـتني

ياخي ماهوش يضرب فيك وماهوش مخليكم تمدو يديكم للناس
استحملي عصبية باباك كون يروحلك من الدنيا بعيد الشر تندمي وتقولي ياريتو يرجع ويعيط عليا حياتي بكل
بلاك هو يعيابرا ويحب كي يدخل دارو يرتاح وكلش يكون كوراكت ​

اسمي راهو أنثى مجنونة يعني اي شئ نتاع جنون نفكر فيه عادي
صح لا يضرب و لا غيره بصح عصيبة تخلي الواحد ينفجر
حاضر راح نستحمل و مش راح نضخم الموضوع و نصبر
شكرا لك اختي على ردك بموضوعي
ربي يخليك و يحفظك

 

[العائدة الى الله]

السلام عليكم ورحمة الله تعالى وبركاته

رأيي لن يختلف عن امنا أم منصـــــــف
لاتعتقدي مايقوم به الوالد أتجاهك هو قســـــــــوة
عادي والله تصرف مثل غيره من الآباء
والله لو أحكي معاملة أبائنا زماان كانت جد قاااسية لكن كان ورائها هدف وهو أصلاح النشأ
والحمد لله تم ذلك برعااية الله
ممكن شدة وتزول
ويجب عليك طاعته وطاعته دائما
وكوني صديقة له لا أبنته ستنالين رضاااه وحبه
نحتاج الى أن نعود الى حضن العائلة من جديد
خاصة بعدما أخذتنا عنهم الدنيا ومشاكلها
وخاصة(النت،الفايس بوك،ووسائل الأتصال الحديثة،الدرااااسة)
بالتوفيق وربي يوفقك​

كيف اكون صديقته و هو طول اليوم مشغول و لما يرجع للبيت يكون غارق بالنت و بعدها يحاسبني انا على اي تصرف
بصح على كل انا عادي نضحك معاه و نتمسخر بس وقت عصبيته لا نعرف روحي و لا نعرفه
اعرف ذلك ايام زمان كانت قاسية جدا و احنا درك في رحمة
شكرا لك اخي على كلامك الرائع بموضوعي و ان شاء الله نكون احسن المرة الجاية و مش نعطي للامور الصغيرة اهمية
ربي يحفظك و يسعدك

 

[العائدة الى الله]

وعليگم السلــآم خيتو

ربي يطمن بآلگ على گل حآآل
مي هآد الشخص مدامو وآلدگ لازم تطيعيه مهما گان الأمر
والا عصبيتو معاگم قاع فالدار هگآ
سآآعفوهــ ..ممگن مآمآگ تحگي
معآه تقولو البنات شوية مقلقين من عصيبتگ الزآيدة
مهم نتي بعدي عليگ فگرة الإنتحآر ووو
وربي يجآزيگ خير لو وآصلتي في طآعة ولي أمرگ في گل الظروف
سلآآمي ​

امين
راني نطيع فيه و الله راني جيت برك نفرغ قلبي هنا المبارح لما بعدني عن الطريق سكتت و رجعت للنت عادي
ماما تحكيله راكي متعرفيش بابا لو تحكي يزيد يعصب اكثر
خلينا ساكتين احسن
خلاص نحيتها من بالي لا تخافي ختي
حاضر ساواصل ذلك
شكرا ختي على ردك بموضوعي
ربي يحفظك و يسعدك ربي يجزيك الخير

 

[العائدة الى الله]

شوفي اختي

معاك الوالدين سيي برك رضيهم وازدمي للقدام هو يربي فيك
وانتوما علابالي متحبوش ينوضوكم من الميكرو ايا تهلاو في والديكم شويا​

مش قضية مش حابة نوض من الميكرو و الله العظيم مش سمعت الباب
هو يلي في بالو داير انا راني غارقة بالنت و مش هامني مع انه في الدار كاين ناس اخرى
شكرا لك ابن ولايتي على ردك بموضوعي
ربي يحفظك و يسعدك و يحققلك كافة احلامك

 

[العائدة الى الله]

علجال هذا التصرف برك ولا كي قالك جيبي البورطابل كرهتي منو ؟؟
هو رباك وقراك وعلمك ويوكل ويشرب فيك ومقعدك على النات واللي تطلبيها تجيك وعلى ابسط حاجة تكرهي منو وتشكي منو بموضوع ؟؟ ابدا كون تلفي الدنيا كاملة ماتلقاي واحد يحبك ويخاف عليك قدو
روحي بوسيلو راسو وقولو يسمحلك وماترقديش الا اذا رضا عليك
اكيد انت صغيرة وقلبك تعمر وجيتي تفرغي فيه لكن يا ريت تتقبلي نصايحنا
صح حنا كامل معرضين للمشاكل والضغوطات اليومية وينك ياباباك اللي وراه مسؤوليات كبيرة كيف تكون الضغوطات عليه .. حاولي حتى كي يكون مقلق التميسيلو العذر واصبري عليه لانو الاب مايتعوضش خلاااص وعبد ما يجي في بلاصتو
انا بنتي في عمرها 3 سنين 20 مرة في النهار نقولها جيبي البورطابل وجيبي التيليكوموند وحركي بخوك ووو وكون تنطق كلمة نعاقبها هههه كون جيتي بنتي راني كتلتك هههه /// نضحك معاك برك

لا قضية البروطابل قديمة و مش مهمة عن هاد التصرف نتاع المبارح
و الله معك الحق بصح انا من عصبيته المستمرة اقنعت روحي انه يكرهني
هاد للحساسة الزايدة عندي
مع اني نعرف انه اب حنون و يخاف علي و يهتم لي بصح العصبية معترضة الطريق
ايه صغيرة و قلبي تعمر للفوق و ما لقيت حتى واحد الا انتم
اكيد تقبلتها لانها نصائح رائعة و من درر
و عندكم الحق كامل
هههههههههههه ربي يخليك لبنتك و يحفظهالك يا رب
هههههههههههههههههههههه على بالي تضحك برك
شكرا عمو على النصائح يلي عجبتني بزاااف
ربي يسعدك و يخليك لاسرتك و بنتك
شكرا

 

[العائدة الى الله]

شوفي ختيتي هذا باباك هاذي أول حاجة

و تاني حاجة طاعتوا واجبة
لوكان تحوسي تلقاي بلي كاين ناس ما عندهمش باباهم
و هوما واش يقولوا
أحمدي ربي اللي عندك باباك واقف فوق راسك
و لازم عليك تصبري و تديريلوا رايوا
هذا هو الحل الوحيد
و ثالث حاجة واشنوا هي قضية الالنتحار الي راكي تخممي فيها
أتقي مولاك يا طفلة
روحي
تصلي و أقراي القرأن يبعد عليك الشيطان​

راني عارفة انه بابا و طاعتو واجبة
عندك الحق نورمالمو نحمد ربي عندي اب
و الله صابرة و اي تصرف يجي منو انا نتصرف عادي بصح المبارح غاضني بزااف تصرفو فجيت نفرغ قلبي لاحبابي هنا
اكيد الصبر مفتاح الفرج
حاضر لا تخافي خلاص نحيت هالفكرة من راسي و من حياتي
شكرا اختي على ردك
ربي يسعدك و يحفظك