ماقواهم ...استفزاز يقهر صلابة الرجال .. والفاهم يفهم ؟؟؟

ا

السوفي

:: عضو مُتميز ::
أحباب اللمة
السلام عليكم ورحمة الله وبركاته'

كيف هي احوالكم اخواني رواد منتدى اللمة الجزائرية ان شاء راكم بخير وعافية

مش عارف كيفاش حتكون ردودكم الله اعلم ؟ المهم الله يستر برك

كل شخص واقصد الرجال متزوجين وعزاب قد تعرضوا الى هذا الاستفزاز وهو استفزاز مع صبق الاصرار والترصد قولوي
واش معناها تخرج مراءة متزوجه وهي في كامل حلتها ويزنتها تقول عنها عروس ... اليس هذا استفزاز صارخ
واش تقولوا الراجل يهبط عينه ويتحشم على روحه وهي تبقى تخزر فيك والمصيبه انها منقبه .. اليس هذا ترصد واستفزاز
واش تقول على وحده رايحه لامتحان الباكلوريا وهي عليها من الاسباغ والحنه والنقوش والروائح تقول عنها رايحه لعرس مش للباكلوريا والمراقبين وتلاميذ معاها في كلاص مساكين خلطوا لافونس مع الروطار وممبعد يقلك حرية وكل واحد يمسك نفسه .. اليس هذا قهر ما بعده قهر
كيفاش يدير الموظف المسكين وهو مصباح للمساء مع موظفات في كامل زينتهم وروائحهم والمشكله ان كل وحده راميا سنارتها والسمكه وحده محتاره الحشمه ضاعت .. اليس هذا تعدي على مشاعر الغير
راني من هنا ارفع صوتي واقول بركات من الاستفزاز كفايا من افتان يزينا نقصوا شوي واحشموا على رواحكم والصيف على الابواب
رانا مساكين وخاصة من ابتلى بزوجه غافله ولا تعرف عن الحياة الزوجية الا هات ناكلوا وهات نلبسوا واديني لحوش باب باغيا نبقى ايمات
من هنا ومن هناك اتمنى ان يتفهم الجميع كلامي دون عصبية
اسف على الازعاج
السلام عليكم ​
 
يعطيك الصحة خويا على الموضوع الطيب
صراحة الوقت لي رانا فيه صعيب وصعيب بزاف وانا مانلومش بزاف النسى انا نلوم الرجال لي مابقاوش رجال
يشوف في مرتو متزينة وهو فرحان ولا يبشوف في بنتو عريانة ويقولك مازالت صغيرة
ربي يجيب الخير وربي يهدينا وربي يردنا الى دينه ردا جميلا
الله المستعان​
 
نتحدث عن الحرية والحقوق التي جعلت الدنيا سايبة لو تمسكنا بالدين و الشريعة مكان حالنا وصل الى هذا المنعطف خلي ختك تلبس كيما حبيبتها وخليها تزوق روحها كي نتجاتها حتى وصلنا لهذه المواصل لوكان كل اخي يربي اخت نتاعوا وكل راجل يربي مرتوا على يدوا لوكان رانا كي الشعوب
 
بارك الله فيك
و أضم صوتي لصوتك بل لأصواتكم بل قل لمن له قلب يخشى الله
الحقيقة قلتها كما هي بل اظنك تحفظت عن بعض الامور التي يستحي اللسان من قولها
فكيف تمردت البنات اللائي من اصلهن الحياء !!
حقيقة مرة زادت من هواننا و ذلنا
اللهم يا مقلب القلوب ثبت قلوبنا على دينك
و اهدنا يا ربنا
 
wé 3andek sa7 ..akadli 3la taliya te3 mra machi methaliya fe ro7ha

w rajalha ychouf nssa nkayin 3liha w mlaa7 ya3ya ya3ya yesthmel mé chitan yghor biih

w ynejem yfout fel hraaamm

lah ye3fo 5oya w sbaar hadak ma3andek diiir

merci pour le sujet ​
 
normal khoya
ay wlh ana fi 3omri 12 o no93de ghur hayra fwach 9a3da nchouf
la lebssa taslah
la hadra tasslah
la adbe kayn
wach rah ndurou
rabi yahduhom wa khlass
​
 
الله يهدي الجميع وكلامك الكل حق يا خويا ...انا فتاة وبعض المرات اخجل من تصرفات بعض الشابات ومن لباسهم وتصرفاتهم .....الحرية ماشي في قلة الحياء والاحترام ....الحرية انك تتصرف دون ما تؤدي غيرك .....واللباس او الزينة نعم حرية خاصة لكن في اطار احترام النفس والغير ....ادا كنت حرة ماشي معناها تلبسي من غير هدوم كيما قال عادل امام ....الله يهدينا ويهدي الجميع وشكرا
 
راك جايب موضوع بزاف مليح خويا واش رح نقولك رانا نعانو والله
سيرتو الشباب المراهقين او لي يحب ميغلطش يولي يتحجب هو ميش البنات
يبقى فدار الناس راهي متزوجة و بولادها دير بهادل الجورنال ما يقبلهاش
وين حنا مراهقين وصغار مساكن زيد ضعاف الايمان ربي يصبرنا ويهدينا ان شاء الله
دينا عطلة قبل الامتحنات لخرين ممبعد كساو كامل وجاو يفوتو والله ما بقات حشمة ما قدرناش نقراو رانا صابرين وخلاص احنا ولاد منخسروش حذاهم فلهدرة وهوما ما يخليو واش يقولو ايـــــــــــه واش نحكي واش نخلي ربي يهدينا ويقوينا ويصبرنا هذا مكان
​
 
ربي ينورك خويا حمة ديما فور ومانخرجش حتى نقول كلمتين

خويا نهدرو شوية ونفهمو بزاف لوكان تقول لاإله إلا الله يقولولك فتنة
لوكان تقول الحق فتنة لوكان تبكي على حوال الدنيا فتنة والغنية تاع الفتنة الجديدة هذي لي راهي دايرة السوكسي ورجعت فتوى للجيعان يفتو بها للغاشي الراشي
بصح كيما قلت اللبسة العريانة والترونسبارون وخلي مانزيدش نكمل لا نبدا نخسر
هذا يسموه التفتح والتطور خويا ماعلابالكش بلي يطلعوهم لسطاد يسبورتو تاني ولا نسيت
وزيد تاني من التطور تاني تقدر تدخل معاها واحد باطل والغشي المسكين لي ربي لاعنو دنيا وأخرة
عند الباب يقولها ختي دخليني معاك تاني يقولها ختي أكد على كلمة ختي
وزيد ماعلابالكش بلي دوسيك تاع الخدمة ماشي مقبول بصح دويسها أكد على الهاء بالفتحة
مقبول ماعلابالكش بلي الكفاءة رجعت بلطاي ماشي بالبروفيل كيفاش ياخويا هذا ماشي إستفزاز
من ناحية الصنارة خويا نحب نقولك منين يكون الرجال ماتلقاش الحوت تلقى روكان
ولا بالين بصح الله غالب رانا في وقت منين توقف هي وهو ماتفرقش بيناتهم ومنين تجي أنت يقولك واش
تحب ومنين تجي هي يقولها تفضلي ختي كاش ماتستحقي راني هنا
مانكملش خويا الغاشي بزاف على بالو واش راه كاين مالا نحبس هنا خير
ربي ينورك وربي يخليك على الموضوع
​
 
السّلام عليكم ورحمة الله تعالى وبركاته
صلّوا على الحبيب محمد.
شوف خويا لعزيز: وحنا نقراو في تفسير قوله تعالى:"قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ"النور:30
 إن المتأمّل لهذه الآيات يرى طولا في تعامله مع المؤمنات وتفصيلا ودقّة، على عكس ما هو حادث مع المؤمنين. ببساطة لأنّ المتضرّر الوحيد من النّظر هو الرّجل...وذلك قوله "هو أزكى لهم" ثمّ قوله "خبير بما يصنعون".
الطّامة الكبرى هو أنو هاذ الدّاء وصل حتّى للمناطق المحافظة والمعروف عليها بالحشمة والحرمة. وكي تجي تحوّس على السبّة تحيرلك.
والله الواحد ولّى يحشم يخرج لبرّا حتّى باش يروح يصلّي ولّا يقرا. تحط راسك تشوفهم، ترفد راسك تشوفهم...تغمّض عينك تشوفهم. ملّي تخرج وانت تلعن وتلعن حتان تنسى روحك تجّي تقول بسم الله تغلط تلعن.
يا خويا لعزيز ربّي نشاء الله يعافينا وجميع المومنين.
جزاكم الله خيرا.
​
 
بسم الله الرحمن الرحيم ​

والصلاة والسلام على اشرف المرسلين​

اود ان اشكرك في الاول على طرحك الموضوع المتميز ​

وصحيح هذا ما نراه بالمجتمع الذي هو بفساد وانهيار و بالتكلم في الموضوع​

قال الله تعالى (( قل للمؤمنين ان يغضو من ابصارهم ويحفظو فروجهم ذلك ازكى لهم ان الله خبير بما يصنعون ))النور.30​

فالله عز وجل نهنى عنه وهو اعلم بحالنا و بتاثيره السلبي على مجتمعاتنا ​


طرحت في موضوعك جانب النسائي ولاكن اعذرني انت نسيت ما نحن نعانيه من الجانب الرجالي وهذا خارج عن المحتوى ​


اخي في الله ان الشخص المتربي والذي هو على اخلاق لا يفعل باسا ولو كان في جماعة من الجنس الاخر

ولاكن المراقبة المنزلية وكل ما دعانا له الاسلام في تلاشي فذهاب المكارمنا بذهاب الاخلاقنا​

وغض البصر صلاح للقلب و نهي عن الحسرة ​

كنت ساجيب اكثر لو توسعت في الفكرة اكثر ​

ولاكنك حصرت الموضوع على النساء وانا حصرت اجابتي على الاخلاق​

دمت في حفظ الله ورعايته ​

والسلام عليكم ​
 
قال الحياة كلمة:
بسم الله الرحمن الرحيم ​

والصلاة والسلام على اشرف المرسلين​

اود ان اشكرك في الاول على طرحك الموضوع المتميز ​

وصحيح هذا ما نراه بالمجتمع الذي هو بفساد وانهيار و بالتكلم في الموضوع​

قال الله تعالى (( قل للمؤمنين ان يغضو من ابصارهم ويحفظو فروجهم ذلك ازكى لهم ان الله خبير بما يصنعون ))النور.30​

فالله عز وجل نهنى عنه وهو اعلم بحالنا و بتاثيره السلبي على مجتمعاتنا ​


طرحت في موضوعك جانب النسائي ولاكن اعذرني انت نسيت ما نحن نعانيه من الجانب الرجالي وهذا خارج عن المحتوى ​


اخي في الله ان الشخص المتربي والذي هو على اخلاق لا يفعل باسا ولو كان في جماعة من الجنس الاخر

ولاكن المراقبة المنزلية وكل ما دعانا له الاسلام في تلاشي فذهاب المكارمنا بذهاب الاخلاقنا​

وغض البصر صلاح للقلب و نهي عن الحسرة ​

كنت ساجيب اكثر لو توسعت في الفكرة اكثر ​

ولاكنك حصرت الموضوع على النساء وانا حصرت اجابتي على الاخلاق​

دمت في حفظ الله ورعايته ​

والسلام عليكم ​
إضغط للتوسيع...

السلام عليكم ورحمة الله وبركاته

الى كل من شاركني هذا الموضوع ان يتقبل مني فائق التقدير والاحترام شاكرا له اضافته واثراءه موضوعي ولقد احسنتم واجدتم فجزاكم الله خيرا
اختي الفاضلة اخترت الرد على ردك من اجل ان اوضح لك سبب اختياري الجانب النسوي من طلق من ردك
قال تعالى:{وقرن في بيوتكن ولا تبرجن تبرج الجاهلية الأولى وأقمن الصلاة وآتين الزكاة وأطعن الله ورسوله إنما يريد الله ليذهب عنكم الرجس أهل البيت ويطهركم تطهيرا}. سورة الاحزاب الاية 33 اختى الفاضله هذا كلام رب العالمين الموصوف بالرحمة وهذه الاية دليل على رحمته فقد علل تلك الاداب والمقصود منها هو اذهاب الرجس كي يطهركم تطهير فمن هي هذه الغافله التي تآبى وتصر على ان تفضح حالها ثم لا اريد ان ادخل في تفصيل دقيقة للعلماء ولكن اود ان ارسل لك هذه الاشاره من الاية الكرية التي ذكرتها في ردك قول الله ( قل للمؤمنين ان يغضو من ابصارهم ويحفظو فروجهم ذلك ازكى لهم ان الله خبير بما يصنعون ) وهي على صيغة المذكر رغم دخول النساء تحتها لماذا ذكر الله من الرجال غض البصر وهو ابعاده بالقوة الفعلية والنفسية رغم ان النساء في عهد رسول الله قليلات الخروج وان خرجنا ابتدرنا الحجاب ولا اعتقد ان هناك زمن اطهر من زمن النبيء اتعرفين لما لان الرجل حساس تستميلها الحسنوات وان بداء اقل شيء منها حتى لو كان صوت الخلخال كما اقر الله عز وجل ولا يضرب بارجلهن ليعم ما يخفين من زينتهن فلو سالتك هل يستطيع رجل من غص بصره في عصرنا الحاضر الذي هو كما وصفه احد العارفين بالله بقوله .. لا تمشي في الشوارع فالنسوة عارضات ازياء قليلات حياء يكشفن اكثر مما يسترن ... الى اخر كلامه
يا اختي الرجال مجبورون للخروج للعمل والارتزاق ام النسوة ما بالهن يخرجن على غير هدى الله يهدينا جميعا
اسف على الازعاج
السلام عليكم ​
 
الله يهدي ما خلق
و يعطينا الصبر و الرزانة
 
توقيع assinat
قال assinat:
الله يهدي ما خلق
و يعطينا الصبر و الرزانة
إضغط للتوسيع...

السلام عليكم ورحمة الله وبركاته

الله يهدي ما اخلق وكيما يقولوا ناس بكري الله يفيقنا بروحنا
شكرا

السلام عليكم
 
كلامك صحيح 100 % مي الحنة ديمودي
​
 
مساكن والله غي يشفو

الله اعفنا منهم عندنا نخافو على رواحنا بياتنا وهوتنا

يقلك الرجال ذئاب ياخويا انا عندي من حقهم المراة اللي متحترمش روحها

علاه تستنا الاحترام
 
السلام عليكم
موضوعك خويا جد رائع
انا نقول بلي زينة المرأة لراجلها و في دارها هدا واش قال دينا
بصح رانا في عصر النساء يتنافسوا من اجل الزينة و شكون خيرمن خوتها
ماشي خلاص باش يستفزوا الرجال
والرجال ماهمش حاطينهم خلاص في الحساب
ولات عندهم لعبة و عنادة في بعضاهم
لازم تخرج من الدار هاديك هي بعد هههههههههههههههههههه
انا عندي هادي حرية شخصية
ونتمنى تاني لبنات يتبعوا شوية الدين واش يقول و ربي يهدينا
و للولاد ربي يصبركم و غضوا البصر
 
الله يهدي الجميع وكلامك كله حق​
 
خويا السوفي والله راك عندك الحق في كلامك مئة بالمئة
بصح كاينة حاجة
واحد لا دربك على يديك و قالك شوف و مطهبتش عينيك
وربي يهدينا ان شاء الله



​
 
هاذا هو القماش
 
توقيع عليلو 24
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom