آرجى ...... عندي هدرة مهاكم .....

[sahiko hamza]

سلام عليكم ورحمة الله



خاوتي .. خياتي

جيتكم اليوم بموضوع سامبل خفيف ضريف
مش معنتها راهو خفيف تقولو مكلاه نقراوه ولا تدخل تقرى وتخرج وماتستفيد والو
الهدف من كلامي هو انك تستفيد وكان شفتنا غالطين مش مشكل صحلنا ورانا هنا اكل خاوة ... :up:


كي عادتي نحب نجيب الامثال قبل ماندخل فالموضوع ...


قالك بكري الرسول صلى الله عليه وسلم كان كي يخرج من دارو يلقى حشاكم زبلة قودام بابو ديركت ... وش راح يدير راح يهزها ويحطها في بلاصة خلاف
نهار الزاوج كيف كيف بوغطون راه علابالوا بلي جارو اليهودي هو لي يعمل فيهــا
التالت والرابع وهكذا كل يوم يخرج يلقى بوبالة قودام بابوا ...

ايا وحد النهار خرج مالقاش البوبالة تعجب !!! :-o


هاداك الوقت كان جارو ليهودي مريض :down:


مالا قلق عليه رسولنا الكريم صلى الله عليه وسلمـ راحلو طبطب عليه يشوفو وش بيه مارماش البوبالة حتى لقاه مريض

معروفة عدنا بلي حبيبنا محمد صلى الله عليه وسلم اخلاقو ماتوصفش في موضوع ...


ياجماعة كي شافو مريض قالو ربي يشفيك
على شكون على جارو ليهودي ......
هاداك ليهودي بكى بزاف ونطق الشهادتين ودخل الاسلام




الله أكبر ... الله أكبر ... الله أكبر



وين رانا احنا من هاد الاخلاق
زعما احنا مسلمين ومانعرف واش
الميت يموت جيرانو عندهم عرس تشوف لغنا عادي خلاص كأننا ماعدناش قلب ؟؟؟
نزيدكم جيرانكم ماعندهمش وش ياكلوا وانتوما تشريو لقطوط لمربية ماعرف وش يسموها وتشريولها الماكلة سبيسيال بلاك الكيلو تاعها يدير اكتر من 120 الف ؟؟؟


عجب والله ...........



كل جيل ماعرف وش يخرج ...



خليونا نحكيوا على جيرانا واخطيونا من حبيبي وحبيبتي
وصحبتي دارتلي ودارلي .............






اتفضلوا



​

 

[السلطانة]

وعليكم السلام
مليح موضوعك يعطيك الصحة
عليه الصلاة والسلام
أن نحن منه؟
بعيدون حد البعد
*******************
جيراننا حنا نسكنو في باطيما
يعني ديار لاصقين في بعضاهم
لي يعيط نسمعوه ولي يتعارك كيف كيف نسمعوه
جيراننا برك هادوك تاع حكاية الدجاجة
خلعونا الصباح نضنا كامل
حنا جيراننا خاطيهم
يحبو يصدعولنا راسنا بالحس برك
هيا تقبل مروري
سلامي

​

 

[sahiko hamza]

وعليكم السلام
مليح موضوعك يعطيك الصحة
عليه الصلاة والسلام
أن نحن منه؟
بعيدون حد البعد
*******************
جيراننا حنا نسكنو في باطيما
يعني ديار لاصقين في بعضاهم
لي يعيط نسمعوه ولي يتعارك كيف كيف نسمعوه
جيراننا برك هادوك تاع حكاية الدجاجة
خلعونا الصباح نضنا كامل
حنا جيراننا خاطيهم
يحبو يصدعولنا راسنا بالحس برك
هيا تقبل مروري
سلامي

​

بعاد عليه مي نحاولو ولو شويا نهزو شويا من أخلاقوا
الرسول صلى الله عليه وسلم يبات يوصي على الجار
واحنا كيما قلتي يقتلوكم بالحس ولخلايع ؟؟
علاه هادا كامل من تتباع تاع المسلسلات سيغتو ماري تشوي ؟؟ :s

. قوليلي وش دخلها هنا ؟ .


حبيت ندير موضوع على هاد النقطة باه نحي القسم ونرجعو لمواضيعوا المفيدة كيما تفاهمت مع عبدوا ..
نحتاجو دعمكم ...

​

 

[Houda Chaouienne DZ]

ربي يهدينا و نطهلاو في جيراننا
لانو الرسول صلى الله عليه و سلم وصى بسابع جار
و بقالو غير ما ورثش الجار برك
و كي نحكيو ع المشاكل تاع الجيران ذرك مع بعضاهم .. نسكتو خير
مالا ربي يجيب الخير ....
​

 

[نسيــم البرج]

السّلام عليكم ورحمة الله تعالى وبركاته
صلّوا على الحبيب محمد.
ياو واش راك تgول يا خويا حمزة.
الجار...ما كانش اليوم كلمة وسّمها الجار.
إذا غاب أوّل واحد يزورو هو جارو (يعني يسرقو).
وإذا مرض يزيد عليه بالبوست والعياط والغنا.
وهذي إذا جاع ما فهمتهاش (يعني يموت بالشرّ).
وهاذي العفسة نتاع الgطوطة راحت بكري، ضرك ولّاو يربيو الكلاب (حاشاكم)...
كيما يgولو عندنا "كلب يسوg في كلب والكلب حاشاه."
ويربّيو لكلاب باش يgريسيو بيهم (يسرقو بيهم).
وإلى عشّى عندو الجار بنية زوينة (مربيّة)...يخرجو عليها حكايات وحكايات.
ربّي نشاء الله يبقّي الستر.
جزاكم الله خيرا.
​

 

[السلطانة]

بعاد عليه مي نحاولو ولو شويا نهزو شويا من أخلاقوا
الرسول صلى الله عليه وسلم يبات يوصي على الجار
عليه الصلاة والسلام
ايواه الجار عندو حقوق
وعندو واجبات
ولازم يتقيد بيهم
ماش يخدم واش يقولو راسو
واحنا كيما قلتي يقتلوكم بالحس ولخلايع ؟؟
علاه هادا كامل من تتباع تاع المسلسلات سيغتو ماري تشوي ؟؟ :s

. قوليلي وش دخلها هنا ؟ .
هههه او كثرت تتباع المسلسلات تجيب غير لبلا
كيما يقولو لي خاطيك راه يعييك
تلقاها تقول للزوج تاعها لازم تكون كيما تاع الترك
ومباعد ينوض لعراك والنتيجة ازعاج الجيران


حبيت ندير موضوع على هاد النقطة باه نحي القسم ونرجعو لمواضيعوا المفيدة كيما تفاهمت مع عبدوا ..
نحتاجو دعمكم ...

​

ان شاء الله تعم الفائدة في أرجاء ركن واش راك تهدر
بمواضيع قيمة كيما هاد الموضوع
ونفوتو مرحلة ديك المواضيع الشاحبة لي فيها غير ال (هههه)
تقبل مروري مرة أخرى في الموضوع
تحياتي

​

 

[secret de coeur]

>>
عليه الصلآة والسلآم
وعليگم السلآم ورحمة الله وبرگآته
ايه يالجــآر وين عآدت دگ قيمة لجيرآن لبعضاهم!!
نهــآر گل مقآبلين غي التقرعيج والحسد وو يحسبو ألف حسآآب
بلآ الدبــآز على حاجات تافهــ’ـة..
مي تلقى وحديــن گي السمن والعسل
گيمآ حنا وجيرآننا اونفآص خخ ربي يدوم عليــنآ
مع أنو البعض دگ عآد يخآف مايخالطش
يغلق بآب بيتو وخلآص مايعرف شگون يسگن قدآآمو ..
ربي يهديــنآ
مرسي ع الموضوع
سلــآآ/مو
​

 

[سجل أنا جزائري]

وقتنا هذا واحد ما علابالو بجاروو و هذا يمنشر في خوه ربي يهديهم و يهدينا

بارك الله فيك على موضوع المهم

 

[بنت الجسور المعلقة]

عليه الصلآة والسلام
يآآ خويا لعزيز وين راهم جيرآآآآن بكريـ واحد مآ ولا يسمع بخوه
نشكرك على الموضوع البآهي
​

 

[meriem150491]

سلام موضوع مليح بارك الله فيك خويا

واش نقولك رانا في وقت يعني صح صح سماونا مسلمين هكاك

الرسول صلى الله عليه وسلم ركز بزااااااااااااف على الاخلاق لانها ديما كانت سبب في اسلام الكفار

وزاد ركز عليها من الحديث إن أقربكم مني مجلساً يوم القيامة أحسنكم أخلاقاً وكون مكانوش الاخلاق لازمين ماي ركز عليهم الرسول صلى الله عليه وسلم كيعاد يعكسو صورة المسلم الحقيقي

بصح في وقتنا حدث ولا حرج والمشكلة الكبيرة حنا اموان في بعضانا نعرفو العقلية يعجبك يروحو للخارج يفسدو صورة الاسلام حتى اللي رايح يدخل للاسلام يقولك بطلت

 

[ريم الشرق]

احنا جيرانا مرة تلقاهم ومرة لا ما تفهمهم خواتك و لا عديانك

 

[EL General]

يعطيك الصحة خيو حمزة و الله كفيت ووفيت
حنا الشهر لي فات قدامنا عرس و جنازة منهيه ماهيش بعيدة على العرس
مالغري جيران و يعرفوا بعضاهم مي علاش يديرو هكا معلاباليش !!!
ميضوع مليح تستاهل عليه تقييم شريكي ++
​

 

[iktimel]

صلى الله عليه وسلم
موضووع في القمة بارك الله فيك
راك تشوف وين وصلنا ... ولله ماتت القلوب تاع الصح
مالقيتش واش راح نهدر ...
على العموم ربي يهدينا و ربي يجيب لي فيه الخير ان شاء الله
شكرااااا على الموضوع الرااائع :regards01:
​

 

[مابقاش بزاف.Dz]

اللهم صل و سلـم على نبينـــــــا محمـــــــــــد
نبينا صلى الله عليه و سلم وصى على الجـــــار و بكري كانت الجيرة تاع الصـح اما درك ربـي يرحمها
دركـــ واحد ما راهو داري بجيرانو المهم دارو و خلاص و ناس بكري كانوا يقولوا الجار قبل الدار و كانت عندهم القيـم النبيلة يحافظوا عليها ....
ربي يصلح و يهدينا جيمعا
بارك الله فيك على طرح الموضوع

 

[sahiko hamza]

ربي يهدينا و نطهلاو في جيراننا
لانو الرسول صلى الله عليه و سلم وصى بسابع جار
و بقالو غير ما ورثش الجار برك
و كي نحكيو ع المشاكل تاع الجيران ذرك مع بعضاهم .. نسكتو خير
مالا ربي يجيب الخير ....
​

والله ماكان خير من الجار
لا مانسكتوش يا هدى
خاطر لا سكتنا ....... نقعدو ديما هك
على كلمة نسكتو خير اني راح نفجر قنبلة هنا فهاد القسم
الهدف منها نطلعو النيفوا ونقضو على ضاهرة النوم فهاد القسم :up:
​

السّلام عليكم ورحمة الله تعالى وبركاته
صلّوا على الحبيب محمد.
ياو واش راك تgول يا خويا حمزة.
الجار...ما كانش اليوم كلمة وسّمها الجار.
إذا غاب أوّل واحد يزورو هو جارو (يعني يسرقو).
وإذا مرض يزيد عليه بالبوست والعياط والغنا.
وهذي إذا جاع ما فهمتهاش (يعني يموت بالشرّ).
وهاذي العفسة نتاع الgطوطة راحت بكري، ضرك ولّاو يربيو الكلاب (حاشاكم)...
كيما يgولو عندنا "كلب يسوg في كلب والكلب حاشاه."
ويربّيو لكلاب باش يgريسيو بيهم (يسرقو بيهم).
وإلى عشّى عندو الجار بنية زوينة (مربيّة)...يخرجو عليها حكايات وحكايات.
ربّي نشاء الله يبقّي الستر.
جزاكم الله خيرا.
​

الدعاء يا صاحبي ماشي في رد في موضوع ...
الدعاء ياصاحبي يكون من القلب وينخدمو بيه
يعني كي تقلي هك تزيد توصي صحيبك وخوك الصغير وهكى حتان نفيدو كامل
علابالي مشي في نهار واحد مي نخدمو ونديرو لي علينا والباقي على ربي سبحانوا . :-h

صحيت خويا ربي يجازيك :up:
​

ان شاء الله تعم الفائدة في أرجاء ركن واش راك تهدر
بمواضيع قيمة كيما هاد الموضوع
ونفوتو مرحلة ديك المواضيع الشاحبة لي فيها غير ال (هههه)
تقبل مروري مرة أخرى في الموضوع
تحياتي

​

منورة ديما شوشو
وزكارة في عديانك تحية في هاد الموضوع لشوشو من لكبار
الله غالب ... معزتك غالية ونتمنالك كل خير :$
​

>>
عليه الصلآة والسلآم
وعليگم السلآم ورحمة الله وبرگآته
ايه يالجــآر وين عآدت دگ قيمة لجيرآن لبعضاهم!!
نهــآر گل مقآبلين غي التقرعيج والحسد وو يحسبو ألف حسآآب
بلآ الدبــآز على حاجات تافهــ’ـة..
مي تلقى وحديــن گي السمن والعسل
گيمآ حنا وجيرآننا اونفآص خخ ربي يدوم عليــنآ
مع أنو البعض دگ عآد يخآف مايخالطش
يغلق بآب بيتو وخلآص مايعرف شگون يسگن قدآآمو ..
ربي يهديــنآ
مرسي ع الموضوع
سلــآآ/مو
​

آمين جوجو ...
الهدف من كلامي هو التوعية
كان فهمتي انتي المقصود اكيد راح تخدمي بيه
وهنا بيت القصيد يعني هنا فايدتنا .. :d
​

وقتنا هذا واحد ما علابالو بجاروو و هذا يمنشر في خوه ربي يهديهم و يهدينا

بارك الله فيك على موضوع المهم

وفيك بارك الله .... :s
​

عليه الصلآة والسلام
يآآ خويا لعزيز وين راهم جيرآآآآن بكريـ واحد مآ ولا يسمع بخوه
نشكرك على الموضوع البآهي
​

قسمطينية مرحبا بيك
اواه ... بلادك نعرفها مليح يوقفو مع الجار كلا وين تسكني انتي بلاك ممكن ...
مارسي انتي على الطلة .. :up:
​

سلام موضوع مليح بارك الله فيك خويا

واش نقولك رانا في وقت يعني صح صح سماونا مسلمين هكاك

الرسول صلى الله عليه وسلم ركز بزااااااااااااف على الاخلاق لانها ديما كانت سبب في اسلام الكفار

وزاد ركز عليها من الحديث إن أقربكم مني مجلساً يوم القيامة أحسنكم أخلاقاً وكون مكانوش الاخلاق لازمين ماي ركز عليهم الرسول صلى الله عليه وسلم كيعاد يعكسو صورة المسلم الحقيقي

بصح في وقتنا حدث ولا حرج والمشكلة الكبيرة حنا اموان في بعضانا نعرفو العقلية يعجبك يروحو للخارج يفسدو صورة الاسلام حتى اللي رايح يدخل للاسلام يقولك بطلت

صاح شوهولنا صورتنا قودام الغاشي
والدليل ماشي غير فالجار برك
حتى في حاجات خلاف
من بينها اللبسة و و امور بديهية للأسف .:down:


شكرا على الاضافة ... :regards01:
​

 

[السوفي حمة]

للأسف خويا أحنا اليوم كركاس بلا موتور
الإسم مسلمين بينما في داخلنا منسعاوش ريحة الاسلام

​

 

[مفخرة الجزائر]

قال صلى الله عليه وسلم {مازال جبريل يوصيني بالجار حتى ظننت انه سيورثه } صدق رسول الله صلى الله عليه وسلم

معنى الحديث واضح
اي ان للجار حق على جاره
​

 

[sahiko hamza]

احنا جيرانا مرة تلقاهم ومرة لا ما تفهمهم خواتك و لا عديانك

هنا المشكل لي نحكي عليه .... :down:
​

 

[sahiko hamza]

يعطيك الصحة خيو حمزة و الله كفيت ووفيت
حنا الشهر لي فات قدامنا عرس و جنازة منهيه ماهيش بعيدة على العرس
مالغري جيران و يعرفوا بعضاهم مي علاش يديرو هكا معلاباليش !!!
ميضوع مليح تستاهل عليه تقييم شريكي ++
​

مازال ماكفيتش ...
مارسي على التقييم


:up:
​

 

[sahiko hamza]

صلى الله عليه وسلم
موضووع في القمة بارك الله فيك
راك تشوف وين وصلنا ... ولله ماتت القلوب تاع الصح
مالقيتش واش راح نهدر ...
على العموم ربي يهدينا و ربي يجيب لي فيه الخير ان شاء الله
شكرااااا على الموضوع الرااائع :regards01:
​

العفو ....
مي مالازمش نسكتو
لازم نحكو فهاد المشكل ...
​