مهزلة الأنترنت في الجزائر

[مابقاش بزاف.Dz]

و يبقى الشعار الي يستاهل نرفعوه
انفصالات الجزائر و الكل يتالم

 

[ĂÝǾΰb]

وعليكم السلآم

ههههه كيما قالو اتصالات الجزائر والكل يتالم
مانا لا من تطور في الزراعة ولا في الصناعة ولا في الانترنت ولا في التكنولوجيا ولا حتى في اللبسة يآو الماكلة وراهي جينا من الخآرج ؟؟؟؟؟
ربي يعطينا جلية للخليج العيشة في دبي والامارات ولا قيس
القلاليل تاوعهم حوالهم من حوالنا تبااااا

مرسي خويا على الموضوع سلآم
​

اهلا بنت باباها نورتي
ههههههههههههه احنا التطور في دعاوين الشر والسرقة
أحدث التقنيات شوفيلي معاك بلاصة هههههههههه
دوريا و عليكم السلام نورتي :regards01:
​

 

[ĂÝǾΰb]

السلام عليكم ...
و الله عجبني الموضوع parce que هاذوا ليامات سوفرينا صح معاها تيجي زعما تضرب طلة يسمطوهالك

و عليكم السلام اهلا بيك نورتي
لازم نديرو ثورة الشعب يريد تغيير الانترنت
اصبري برك يا الأخت اتهلاي في روحك بزاف سلامووو
​

 

[ĂÝǾΰb]

السّلام عليكم ورحمة الله تعالى وبركاته
صلّوا على الحبيب محمد.
مع تحطيم الجزائر للأرقام القياسية تباعا، من حيث تكريس الرّداء واستفحال الفساد،
يبدو الأمر بدءا متوقّع.
ملاحظة: الجامعة الجزائرية تأتي بعد الجامعة الصّومالية في الترتيب حيث احتلت
جامعات سعد دحلب وبسكرة ووهران وعنابة، مؤخرة ترتيب الدول الإفريقية من حيث الأداء
الأكاديمي والعلمي.وشمل التصنيف الذي قامت به إحدى المنظمات الدولية المختصة أكثـر
من 150 بلد، تصنيف2011.
نزيد نقول لخويا حوايج خرين:
1-الجزائر تتحصّل على الأنترنات مجّانا، وما عليها إلاّ ربط الكوابل، ليست
أنترنات تدفّق بواسطة الأقمار.
2-ثمن الأنرنات أغلى حتّى من فرنسا. فبمقابل 19 يورو تحصل على تدفّق
تحميل يصل إلى 5 ميgا، وبثّ تلفزيوني tnt، أي ما يعادل سعة إشتراك
شهري 20ميgا. وهذا إشتراك المنزل، وليس الإحترافي ولا التّجاري.
3- الرّبط الجهوي للإشتراك، يعني كيما حنا يطيح الدّيبي في قسنطينة
يكوبيو على سطيف، وسطيف يكوبيو علينا.
4- الانقطاعات ليس تعويضية، الحملة الإنتخابية نتاع "بن حمّادي"
وزير الأنترنات دارها بــلابونمو نتاع المشتركين -كوباو علينا- وكي
تروح تشكي يgولك من الفوg.
5-بعد الإنتخابات عادت ولاية البرج إلى استعمال الحمام الزّاجل لأنّو
لازم يكوبيو حق ما كوباو في الحملة، يعني سلّكنا حق الكوباج
(تعويض نفقات الحملة).
وخلّي وخلّي.
جزاك الله خيرا.
​

و عليكم السلام والرحمة والبركه
اهلا بخويا العزيـــــــــــــــــز
اللهم صلي وسلم على سيدنا محمد

لا حول ولا قوة الا بالله والله العظيم مصيبة يا خويا وش راح نديرو ؟؟
الناس تخم بــ 20 ميغا واحنا :d نحشم باش نسميها هههههههه :$
لميـــــــــن رح تشكي شكون يسمعك ؟
لي تهدر معاه يقولك أنا خدام ما علبالي بوالو تزيد شوي قادر ينوض يضربك
رانا صابرين وخلاص
مرسي على المرور الكريم نورت يا خويا ربي يحفظك
​

 

[ĂÝǾΰb]

ممممممم صحيت خـويا ايـوب هدا الموضـوع الرائــــــــع

اي صح رانــــا في مزريــــة واش نقـلك تحب طلع فيديــــــو والله مايطلع حتى لغدوة وفي شك ادا طلعـلك

تحــب طــــلع قـوقـــــل وانت تستنــــــــــــــــــــــــــــى بعد عنـــــــــاء طويـل وادا طـلعت قوقل
احنـا رانا متخلفيـــــــــن في كل شـي فلسطيـــــــــن والعراق راهم خير منــــــــــــــــــــــــــــــا..

الله غـالب هدي هــــــــــــــــــــــــــــــــــــي لحياة في بـــــــــلادنـا لازم نصبرو

بـاركـ الله فيك خـــــــــــــــــــــــــــــــوياا

اهلا بالأخـــــــــت الكريـــــــمة
نورتي أســــــــــــولة
الله يسلمك اختي العزيزة
ها طلعي فيديو مرة وحدة ؟ كرشك كبيرة هههههههههه
غير يخلونا ندخلو لغوغـــــــل و شوي منتديات نديفوليو بزاف
كي تشوفي ليهود لي عندنا الرحمة فليهود لي في فلسطين
رانا صابرين والصابر ينال راني صابر صبر أيـــــــوب ههههههه
اتهلاي في روحك بزااااااااااف خدووووج نورتي :regards01:
​

 

[ĂÝǾΰb]

ههههههههههههههه {واش من 1 ميغا تحب تدخل لغوغل حتى يشيب راسك مرات ما تقدرش دير تعليق فللمة خلي انقطاع الانترنت}

يا اخي ماتنساش انو احنا دايمن نقعدو متخلفين بسبب سنوات العشرة الدموية الي مرت بيها الجزااااائر لانو الناس كانت تطور و احنا كنا نحارب من اجل البقاء

اهلا بأختي ايــــــــمان نورتي
هذا رايك نحتارمو :regards01:
مي اختي راني أشرت فلموضوع بلي رانا في ذيل الترتيب العالمي وقل من فلسطيــــن و العراق
دول مستعمرة واحنا 50 سنة استقلال يا سيدي نحي 10 تبقى 40 سنة استقلال
الناس تطلع فيها القمر قولي يا اختي كاين السرارقا بزاف اللصوص المحترفيـــــن
تهلاي في روح ايــــــــمان .
​

 

[ĂÝǾΰb]

السلام عليكم
يعطيك الصحة خيو على الموضوع
الانترنت عندنا و كان قطعوها و وقفوها مرة وحده خير معاناة و كارتة كبيرة كي يجي واحد يكونيكتي يكره حياتو
ربي يجيب الخير

و عليكم السلام اهلا بالأخت الغالية
الله يسلمك :regards01:
ربي يهديك وش من يقطعوها وكيفاش رح يسرقو ههههههههه
آمــــيــــــــــن يا ربي
​

 

[أم عبد الله]

كل شيء عادي في بلادي اخي

يعني عليك وعلى التاقلم مع الوضع هههههههههههههههه


سلامي

 

[mahwossat crochet]

السلام عليك ورحمة الله تعالى وبركاته وبعد
الارترنات بمجرد انطفاء الضوء فجاة او الرياح او لا تتوقع متى تذهب وتبقى تنتظر طويلا احيانا تاتي متاخرة في الليل
لكن لما يحين موعد الدفع المبلغ ههههههههه
هذي فاش شاطرين باه يبلعوها ونمشوا نخلصوا باه ترجع تفتح الارترنات
حقرة نسميها
بالرغم من تاخرنا عن باقي الدول مازلنا صابرين وهكذا
تقبل مروري واحترامي اخي الفاضل

 

[la_safa]

السلآم عليكم ..

بون الموضوع هذآ هآيل يستحق الوآحد يهدر فيه ..
يآ خويآ شوف لوكآن تنقطع الانترنت ولآ يروح التريسيتي
دقيقة وحدة في دولة من دول اوربا يخسرو لملآير .. !!!!
دولة قآيمة أصلآ على التكنولوجيآ مآعندهآش التمسخير
و حنآ هنآ بلآشآن بآه نحكمو الكونيكسون .. و قيس هذ المثآل على بلآدنآ
دركـ تشوفهآ وش تسوى ... !!!

انا في رأيي لوكآن يرجعونآ نخدمو بالتلفون هآذآك لي ندوروه بيدينآ
و نجيو مآشيين .. حآجة مش تآعنآ مآ نستآهلوهآش ..
و يقلكـ بلآد الغآز و البترول وين رآنآ نشوفو فيهم .. رآكم عآرفين .. !!!

مرسي ليكـ خيو .. ~​

 

[ĂÝǾΰb]

و يبقى الشعار الي يستاهل نرفعوه
انفصالات الجزائر و الكل يتالم

ههههههههههه :up:
شعار باهي مرسي اختي على المرور
​

 

[ĂÝǾΰb]

كل شيء عادي في بلادي اخي

يعني عليك وعلى التاقلم مع الوضع هههههههههههههههه


سلامي

اهلا بيك
اي كلشي لهنا نورمال
ههههههههههههه
و عليكم السلام مرسي على المرور :regards01:
​

 

[السوفي حمة]

يا ولدي أنا كانت عندي النت 512 رحت وطلعتها 1 ميغا
لكن لقيت الحالة بقات كيف كيف إذا مكانتش أسوأ
ساعات العشية اللمة منقدرش ندخللها من الثقل نتاع النت
المرتبة السابعة بلاك كأسوأ دولة فيها النت
​

 

[ĂÝǾΰb]

السلام عليك ورحمة الله تعالى وبركاته وبعد
الارترنات بمجرد انطفاء الضوء فجاة او الرياح او لا تتوقع متى تذهب وتبقى تنتظر طويلا احيانا تاتي متاخرة في الليل
لكن لما يحين موعد الدفع المبلغ ههههههههه
هذي فاش شاطرين باه يبلعوها ونمشوا نخلصوا باه ترجع تفتح الارترنات
حقرة نسميها
بالرغم من تاخرنا عن باقي الدول مازلنا صابرين وهكذا
تقبل مروري واحترامي اخي الفاضل

و عليكم السلام ورحمة الله
ههههههههه اي بارتو هكذاك
ها لازم وش بيك السونتيمات ههههه
الصابر ينال شكرا لك على المرور
نورتي الصفحة
​

 

[سجل أنا جزائري]

المشكل مش في السرعة برك

انا عندي 6 أشهر و انا نجري باش يدخلولوي خط هاتفي في الدار باش ندير انترنات مزال حتى ذرك ما عطوليش

قالك ماكش اللي نيمرو راهم كمبلي !!! اروح نت فهمني كيفاش تخدم هذي سوسيتي

 

[اسيل17]

يعطيك الصحة اخويا على الموضوع تستاهل الشكر..​

 

[ميسومة الدلوعة]

صح عندك الحق حابين جودة للانترنات كيما الشعوب الاخرى
شكرا خويا على الموضوع

 

[ريم الشرق]

عندك الحق خويا ولازم واش راهوا لازم بصح نحييو شويا الانانية وعلها نيجيريا وفلسيطين واثيوبيا والخ واش ناقصهم عندك الحق كي تقول حنا رانا في المرتبة كذا بصح باه تقول راي الدولة كذا وكذا اعلى منا هذا راو كانه حقرة​

 

[The DoN]

السلام عليكم

على اي اساس تستند هذه الاحصائيات ؟

شخصيا تكلمت مع اشخاص حتى من كندا والولايات المتحدة، من فنزويلا، من مصر، تونس، المغرب، من بعض دول شرق اسيا : الهند، اندونيسيا وباكستان و....

والانترنت تاعهم ماهي خير من تاعنا ماهي والو

طبعـا نتكلـم على سرعـة الانتــرنت



​

 

[ĂÝǾΰb]

يا ولدي أنا كانت عندي النت 512 رحت وطلعتها 1 ميغا
لكن لقيت الحالة بقات كيف كيف إذا مكانتش أسوأ
ساعات العشية اللمة منقدرش ندخللها من الثقل نتاع النت
المرتبة السابعة بلاك كأسوأ دولة فيها النت
​

اهلا بيك أخي الكريــــــــم
لالا ميش كيف كيف الفرق 1 ميغا تزيدلهم الدراهم برك
نفس الشيء والله . اي في ذيل الترتيب العالمي مع الأسف
شكرا على المرور أخي نورت :regards01:
​