كونك دئب والا اكلتك الذئاب

[الورد الأحمر]

اهلا بـلال مساء الخــير معرف تقبلني في موضوعك ولا تجيبني برا وااع
...
ايه صح كاينة الظاهرة هذي او حتى كي نقولو على واحد نية نقولو نية
مسكين معرف علاش نمسكنوه وكأنو لي نية حاجة مش مليحـة ...
مي كاينة منها بلي الدنيا تعلمك ترجع ذيب مع لي ذيب مي نية مع لي نية
ويبقى ديما مولا النية بـgـرادو على خاطر ربي ما يضيعوش مهما تكلح
وهو لي يخرج ديما بأقل الأضرار والذيب تخـلى عليــه ...
مغسي عالموضوع الباهي مالا أحكم الذيابا وابدا انصح فيهم يا ربي ما تفض
راهم بزاف في الزمان هذا ... اتهلا ... ســـلآمي
​

 

[الزنبقة السوداء]

منعرف كيفاش نقلك بصح انا عندي النية افضل من الذيب

 

[iméne09]

مع دخلة نلقى خونا بلال مشبح اللمة الله الله بموضوع يستاهل بون مدام وقتنا تبدل مانكدبوش ونبينو رواحنا ملايكة صح نمشو بنيتنا مي ماشي توجور نعرفو وقتاه نكونو نية وقاه نقفازو بارسكو مدام كترو ديابة ماتقدرش صح تعيش معاهم وتصفي نيتك
مالـgـري مول نية يربح مي لمسكين تتحشالو بزاف ماشي نولو نية حتى لجياحة لي ترجعك يعفسو فوقك يولي بهلول خير منك اوبليجي علينا نمشو بنيتنا مع ناس لي تستاهل وقلوبها صافية ومافيهاش لخديغة اما ديب مايليقلو غير ديب وحدوخر يوقفو عند حدو
يطيك الصحة خويا سـuـجي وعليه وعليه لكلام ​

 

[عليلو 24]

عجبني العنوان
الموضوع ماقريتوش

 

[اردن حب جزائر]

بهذا الزمن فعلا اذا لم تكن ذئبا اكلتك و نهشتك الذئاب ​

 

[bilal22]

أهلا بيك بلال
يعطيك الصحة على موضوعك الباهي
الطيبة مليحة والنية مليحة ولكن مع ألي يستاههلها
وأغلب الناس في الوقت هذا خباثة مالازمش الواحد يطلق وذنيه معاهم

يعطيك الصحة
​

اهلا يا زين في خاوتو ههه
صح مع لي يستاهلها مي مع الاخر يكون لواحد حذر برك مش يتصعلك معاهم حتي يعدوه ههه
شكرا لك خويا

 

[bilal22]

وفي الاخير دائما
مول النية يغلب مهما كثرو الديوبة و مهما تماداو في حيلتهم و مكرهم
و ينتصر الحق والخير
خلي الديب وحدو يلقى روحو غالط وبالهدرة هاديك راهو يعترف بغلطو ويحب الناس يكونو كيما هو باش يولي يقول راهم كاااااامل هكدا رانا كاااامل كيف كيف
صحييت
والسلام وعليكم

صح مول النيه يوصلو ربي لطريق امن مهما كان
هههههه حبيتي تقولي هو يحب يغلط روحو ويقول بلي الدنيا كامل تمشي هكا يعني راني انا نورمال هههه
صح كاينه سوسو عندك الحق فيها
شكرا لك نورتي
وعليكم السلام

 

[bilal22]

اهلا خيو بلال,,,موضوعك مليح,,,
لانو يحكي على ظاهرة اجتماعية,,يا لطيف,,,الملطف
والله احنا الشعب الجزائري فينا غير السلبيات ,,
لا نؤمن ابدآآ بالحاجة المليحة,,للاسف هذا بسبة البعد عن الدين,,
للاسف عاد اللي يسب الناس ويكون قوي عليهم يحسوه فحل وقافز
اما هذاك اللي يصبر على الواحد كي يسبو ولا يضرو نحسبوه نية:down:
ونحرضوه على انو يكون قاسي,الله الهادي ,,,
ان شاء الله ربي يصلحنا

موضوع يستاهل التقييم
سلامي
:regards01:
​

اهلا قمه ولا لهمة معرفت وش نسميك هههه
صح درك رانا في وقت لي قبيح وجهو صحيح هو القافز وشاطر ولي عاقل ويدير لخير ويسمح هو الجايح
وهادا كامل تيجة الابتعاد عن الدين ربي يهدينا برك
شكرا لك خيتو ومرسي مردود التقييم في عرسك هه
سلامو

 

[bilal22]

مشكور عل طرح الموضوع
و الانسان مليح يمشي بقاعدة ما تامن ما تخدع

صح لواحد ما يدير لمان حتي يتخدع وما يكون كيفهم حتي يرجع ناس مش ملاح
شكرا لك

 

[bilal22]

محجوووووووووز

لي عودة للرد

ها راني نستنا يا نينا
راني حكمتلك بلاصه متخميش ههه
براحتك خيتو

 

[bilal22]

مالا امشي بالمثل القائل : دير روحك مهبول تشبع كسور
:p

موضوع رائع وعجبني بزاف
يعطيك الصحة ابلال
تقبل مروري السريع

​

مش مهبول راكي عارفه واش ههههههههه
شكرا لك شوشو مرورك علا العين والباجه ههه قصدي الراس ههه
نورتي

 

[bilal22]

سلام
انا نفضل يقولولي نية ومايقولوش عليا خبيثة
والطيبة مش ضعف فالشخصية
العكس الشخص الطيب اخلاقو وتربيتو ماتسمحلوش انو ينشع واحد ولا يزعفو
تلقاه يحب الناس وديما بشوش ويبادر بطلب السماح ويهتم لامور الناس حتى اكتر من اهتمامو لنفسو
على عكس الخبيث لي يسموه في بلادنا القافز تلقاه انسان مستهزء ومايقدرش مشاعر حتى اقرب الناس ليه
مشكور على الموضوع هدا
حبيت نكتبلك جرنال ههه ونعبر اكتر من هكا على خاطر الموضوع هدا صرالي مرة وحسيت روحي نوعا ما ساذجة في اعين ناس بصح منبعد اكتشفت انهم مايستاهلوش انهم يكونو في حياتي والخبث مش من طبعي
سلامو
​

راني فهمتك يا لحاجه غير متعبيش روحك وعلابالي بكلش ههههه
صح لواحد يكون طيب ويسامح ويعاون ويهتم وخلي يقولو وش يحبو علا خاطر ربي هو لي يجازي مش لعبد
شكرا لك يا محبة الكالم هههه نورتي

 

[bilal22]

إن لم تكن ذئبا أكلتك الذئاب
.....
​

النقاط هادوك هوما لي دوخوني يا شاويه هههه

 

[bilal22]

,ومولا النية ديما يربح اااخي بلال لفرطاس ااــأأ نتا خاطي فرطاس هههههههههه
ايا تربح​

اواه مزلت بشعري هههه
صح ديما يربح ويسلك علا خير مالا ريح نيه ومتحرقش الباطيمه رانا قريب نزوجوك

 

[السلطانة]

مش مهبول راكي عارفه واش ههههههههه
شكرا لك شوشو مرورك علا العين والباجه ههه قصدي الراس ههه
نورتي

ماش مهبول مالا منغول ههههه
:yahoo01::yahoo01:

 

[حياة اللمة]

كن طيب مع الناس الطيبة وذئب مع الناس المكارة

 

[bilal22]

السلام عليكم
بصح بن عمي ​

كل يوم موضوع ياو خلي الدالة لخرين ههههههههههههه :p
شوف كاينة حاجا :-r
مانبقاش نشكر فالموضوع ثان ترد روحك حوحو وجماعتو
المهم الافة لي تحكي عليها الله يهديها واحسن شي ان نعمل بمقولة :
اذا احسنت لي ساحسن لك واذا اسات لي ساحسن لك
انت تمثل نفسك وانا امثل نفسي
كل واحد مسؤول على روحو
وزيد كامل راهم يتمشاو بالتنوفيق عفانا الله واياكم منه
احسن شي اننا نصلح حالنا وهاك نخليو لي قدام يتشهاو فينا باش يعاندو
ولا عفسو عليك (غاشي ماترحمش)
كاين ربي لي نتكلو علي
ولي العودة باش ناقش ​

ها ملي عيطتي راحت لكونكسيو مالا كون كملتي هدرتك وراسك ما ترجع ههههه
صح انا تهمني نفسي نعاونك ونسمحلك ونفوتلك وحتي ونشوفك هكا ولا هكا ننصحك ونحكي معاك بنيه وخلي نتا تقول هادا بهلول ولا مزال روطار
مي هكا ومنعرف شعبنا واعر ومش ساهل ههههههه
شكرا لك وكون ترجعي تروح الكونكسيو كيما حبست الساعه
اهلا بيك خيتو

 

[bilal22]

السلام عليكم
شوف ما نكدبوش قاع رانا دخلنا الحيلة بيناتنا و يا لوكان غي شوي حدر و في حيا تو مول النية ما هو جايح مي النية فوق الحد تولي تبهليل يا سيدي كاين وحد القش قسما بالله غي قلبك يضرك منو ياو حاجة الصح ماهي ديب و التبهليل ماشي نية
بياتنا نعرف هاد الشي مي و الله غي بهلولة

هههههههههههه
حاجيتي وفسرتي خيتو هيبه
بصح نوضحلك امر برك متخلطيش بين النيه والحذر
شوفي كاين وين تتحطي في موقف علابالك بلي الشخص هادا حاب يخدعك او تخوفتي منو هنا نورمال
يكون لواحد حذر والحذر مش انك تكون خبيث او ذيب وتتعامل معاه بخبث كيما هو يعني تحذر ومتخليلوش المجال ينفذ وش يحب لمهم تبعد عليه حتي متصلحلوش
اواه نتي تعرفي الشي هادا وكتر وحذره بزاف يا هيبه حاورت قبل وهزيت شوي من شخصيتك
شكرا لك خيتو

 

[bilal22]

يعطيك الصحة

يسلمك ختي شكرا لك

 

[bilal22]

ننصحو العاقل باه يولي قبيح ووما ننصحوش القباح باه يعقالو كان هكا سؤالك ياك؟
على خاطر ولاو الدياب بزاااااااااااف وطغاو على المجتمع الور لازم العاقل ما نقولوش يولي ديب مي نقولو يتاقلم مع الدياب ولكل مقام مقال

صح يتاقلم بحذر مش يكون كيفهم في لمعامله نحاورك ونعاملك ونحكي معاك مي كي نحس بلي حاب تلعب عليا هكا ولا هكا هنا نجبد او نحاول منخليك تدي وش تحب بلا ما نكون كيفك في المعامله
شكرا لك