مآذآ ستطبــخين سيدتــي/آنستــي ,,, { الجزء 17 }

[imane27]

ميميى اطباق رائعة بصحتكم
امممممممممم ندى على كروفات داير حالة بصحتكم
خيرة واش هاد وين كونتى مخبية والله يعطيك الصحة راكى 5 نجوم

 

[mimi53]

الله يسلمك اختي ندى واختي ايمان 27 ربي يخليكم
شوفتو امنياتي خرجتنا خرجا من الكبار انا مقديتش الله يبارك عليها فن يسلم هادوك اليدين

 

[oumniati]

ههههه اي لازم ندوش حتى نقضي حاجتي خخخخخ
ربي يعيشكم لبنات والله نتشجع كي نقرى ردودكم, راني نتعلم, وين كنت وين وليت ههههه خلي الطابق مستور

تسنيم حنونة, طريقة الروز

تحضري صوص حمراء, انا نقلي الثوم في زيت الزيتون ونزيد طماطم لباطة وطماطم حب, وريقة رند وعريف زعيترة, ملح وفلفل اكحل وكسبر مرحي وعكري, بالحار تجي احلى بصح انا علاجال لولاد ما نديرش
تمرقي بالقدر الكافي من الماء, لما تغلي اضيفي طرشي اخضر مقطع مربعات, ممكن راس او 2 حسب عائلتك وتخليه يطيب

في نفس الوقت تقطعي الباذنجان تاعك مكعبات وتقليه, وتخليه يقطر من الزيت, لما تشوفي الطرشي طاب اضيفي الباذنجان في لاصوص وخليها تتجمر, ما تخليهاش تنشف كلية خلي فيها لاصوص باه تصقي الروز

من جهة اخرى غلي الروز بطريقتك,بالنسبة ليا استعملت بسمتي دونك خليتو في الماء حوالي نصف ساعة من قبل ومبعد صفيتو وغليتو , وصفيه وخليه ينشف مليح ثم ذوبي شوية زبدة في مقلة وحطي الروز فيها حتى يشربها

وقدميه مع لاصوص تاعك وبالصحة والراحة

 

[روعة2005]

تبارك الله لبنات عليكم
ام ندى مممممممممممم اللي ميحبش الكروفات معاك يولي يموت عليها والله يشهو الطبقين احلى من بعض بصحتكم
خيرة الله الله واشي هذا وهذا واشي هههههههههههههيعطيك الصحة من اول صورة لاخرها والتعليق تاعك زاد فيهم النص بصحتكم
ميمي ممممممم بريوش يشهي والتحلية تاع الفراز يمي يمي
انا طبقت اصابع تونة تاع اسومة ممم هايلين ومعاهم حميس وسلطة ومطلوع

 

[روعة2005]

الف شكر تسنيمو الغالية جاتك تهبل والله بقيت نتفرج نحب البسبوسة ممممم

 

[nada242008]

اممممممممممم يا فوفة كلش هايل واصابع التونة محمرين يهبلو والمطلوع يبان خفيف بصحتكم بصح وينهي السباقيتي ؟ ههههه
كيكة الايسكريم كي قطعتيها جاتك هايلة :up::up:... خبيتيها في المجمد ولا في الفريجيدار نورمال ؟
عولت نديرها مالقيتش الوقت برك

 

[oumniati]

ربي يخليك لويزة, كنت غايبة بصح كنا ناكلو ههههه ما حبسناش

ميمي وشهرزاد ربي يخليكم حبيباتي

روعة الزينة هذا من ذوقك يا بكاكشي الخير ههههه ما لقيتش مقطع نجاوبك بيه ذهبلي لغنا هههههه
طابلة مغرية روعتنا, وين لقيتيها لاروسات تاع الاصابع, واشمن تشخنة راهي حاشرتهم اسومة ههههه

والله يا هذاك الخوخ, والله نتفرج ونعاودو شابع الماء ومبطبط وهذاك الزغب تاعو باين, راني نتخيل كي نعضو يسيحلي الما من ومن على فمي ههههههه, يا ابتسام عبري عن شعورك خخخخخخخخ

 

[oumniati]

شهرزاد هاكي طاجين الزيتون تاع عفاف كيما كتبتو هي

تجيبي صدر الدجاج وطبعا بدون عظمتقطعيه مكعبات كبار ومن بعد تلوحيه في الميكسور ترحيه مليح ومن بعد تضيفيلو نصف حبةبصل مسكرفجة وملح وفلفل اكحل وشوية كسبر يابس ومعدنوس و بيضة وشوية شابلير تشكليهصبيعات وترمديه في الشابلير وتخليه نصف ساعة في الفريجيدار باش يحكم روحو ومن بعدتقليه وتحطيه بجهة




تكوني نصبتي مرقة بيضا بنصف حبة بصل مفرومة وشوية زيت ولا زبدة وملح وفلفل اكحل اذا عندك الدجاج ديري فيها واذا ماكانش ديري هذاك العظم اللي بقا من صدر الدجاج امرقي غير شوي ومن بعدخليها تغلي وطفي عليها
الزيتون غليه مرتين ولا 3 مع نصف حبة قارص ومن بعدصفيه
اجمعي المكونات حطي صبيعات الدجاج في المرقة مع الزيتون وخليها تغلي شوي ومن بعد طفي عليها واعصري عليها قارص ورشة معدنوس




راهي تجي بنيييينة بزاف يعطيها الصحة ام ندوش وانا زدت عليها شومبينيون, لاني موالفة ندير الشومبينيون مع الزيتون نقليه شوية في الزبدة ونضيفو في الاخير

ان شاء الله كي نلقى الوقت نحط طريقة الجلبانة بالقرنون والبسباس لانها بنينة وتليق للعرضات

 

[mimi53]

ام الله يبارك اختي روعة يسلم هادوك اليدين الاصابع هادوك يشهو ولا كيكة تهبل يعتيك الصحة

 

[shahrazad]

شهرزاد هاكي طاجين الزيتون تاع عفاف كيما كتبتو هي

تجيبي صدر الدجاج وطبعا بدون عظمتقطعيه مكعبات كبار ومن بعد تلوحيه في الميكسور ترحيه مليح ومن بعد تضيفيلو نصف حبةبصل مسكرفجة وملح وفلفل اكحل وشوية كسبر يابس ومعدنوس و بيضة وشوية شابلير تشكليهصبيعات وترمديه في الشابلير وتخليه نصف ساعة في الفريجيدار باش يحكم روحو ومن بعدتقليه وتحطيه بجهة




تكوني نصبتي مرقة بيضا بنصف حبة بصل مفرومة وشوية زيت ولا زبدة وملح وفلفل اكحل اذا عندك الدجاج ديري فيها واذا ماكانش ديري هذاك العظم اللي بقا من صدر الدجاج امرقي غير شوي ومن بعدخليها تغلي وطفي عليها
الزيتون غليه مرتين ولا 3 مع نصف حبة قارص ومن بعدصفيه
اجمعي المكونات حطي صبيعات الدجاج في المرقة مع الزيتون وخليها تغلي شوي ومن بعد طفي عليها واعصري عليها قارص ورشة معدنوس




راهي تجي بنيييينة بزاف يعطيها الصحة ام ندوش وانا زدت عليها شومبينيون, لاني موالفة ندير الشومبينيون مع الزيتون نقليه شوية في الزبدة ونضيفو في الاخير

ان شاء الله كي نلقى الوقت نحط طريقة الجلبانة بالقرنون والبسباس لانها بنينة وتليق للعرضات

يعطيك الصحة ختي لعزيزة
ان شاء الله نجربها :regards01:

///
اممممممممم ختي روعة بصحتكم كلشي هايل
​

 

[mimi53]

لبنات ابقاو على خير راني رايحة ندير لمحاجب سخوني وحارين امممممم

مع سخانة هادي ربي يكون معايا كي يوجدو نعيطلكم تاكلو اوكي ايا سلام

 

[tasnim55]

فوووووفتي بلا مزية كون جيتي قريبة نبعثهالك سنية بصح على بالك الطريقة هذي تجي روووووعة والمائدة لمرتبة تشهيييييي كي عوايد اممممممممم تخلي الشبعان ياكل بسيف يعطيك الصحة وبصحتك يالحبوبة
امنياتي الف شكر حبيبت قلبي على الوصفة
ميمي يعطيك الصحة باينة سخفتي اعليهم تاع الصح حبيبتي ربي يعينك وبصحتك

 

[ايمان التلمسانية]

امممممممم ام ندوش روز يشهييييييييي وعليه لكلام ولفريت كذالك اممممم بصحتكم لحبوبة
شكرا حبيبتي شهرزاد
ايمان التلمسانية هذي الوصفة تاع المحجوبة حطوها لبنات ربي يحفضهم عزيزتي اي استفار راني هنا

https://www.4algeria.com/forum/t/278076


https://www.4algeria.com/forum/t/274818
​

شكراااااااااااااااااا اختي بارك الله فيك
​

 

[hadda0425]

من يوم انولو انسموك حدة العراسة هههههه و لا واش قالو حدة ما سعدك لوكان غير جيت جارتك كل يوم لاصقة فيك حتى الناس يقولولك واش شكون هادي هههه:p

ارواحي يا ايمانو
نقولهم هادي الشطاحة تاعي هههههههههههههه:p:p:p
​

 

[hadda0425]

روعة غدا يشهي يسلمو يديك حبيبتي
ام منصف تعيشي حنونتي بصح قتلتنا السخانة
ميمي بريوش وتحلية روعة
طيحي بالوصفة تاع التحلية:p
ام ندى مايدة تشهي يعطيك الصحة قوليلي الروز فورتيه ولا غلتيه في الما
خيرة راك تمدي في النصايح هاتي شوية هههههههههه علميني كيفاه نسبل العينين:$:$
واطباقك يمممممممممممممممممممم ولا اروع بصحتك
​

 

[hadda0425]

انا جبتلكم رفيس الكوشة
باذن الله نحطو في موضوع كي نقعد

​

 

[shahrazad]

مساء النور
اني جبتلكم تبردو قلبكم دوك درت لي تارت او سيترو

​

 

[hadda0425]

مساء النور
اني جبتلكم تبردو قلبكم دوك درت لي تارت او سيترو

​

بصحتك شهرزاد وهاداك الكاس يبرد القلب ابعتيه لهون:p
​

 

[imane27]

فوفة طابلة مقيومة بصحتكم
شهرزاد بصحتكم لتارت هايلين ولا داك سيطرو منعش

 

[shahrazad]

بصحتك شهرزاد وهاداك الكاس يبرد القلب ابعتيه لهون:p
​

الله يسلمك
ههههههههه راكي روطار ختي حدة لوكان جيتيني شوية على بكري راهم قامو بيه:p
///
الله يعيشك ختي ايمان
​