ليـــتارت بكرام باتيسيار والفراولة بذوق وشكل رائع بالخطوات المصورة من مطبخي |جديد| <3

[MĺŹǾ žĕĥÔŖ]

السلام عليكم​

وش راكم لبنات​

ياخي çava ؟؟؟؟؟؟؟؟؟​

امممم ​

kima 3awadTkom dima b aTbak jdida ​

...ms nchallah ya3jabkom l7lo yal lyoma​

وصفة اليوم هايلة بزاااااااااااااااااااااااااااااف​

عبارة عن ليتارت صغار بلاكرام باتيسيار والفراولة بأشكال رائعة من مطبخي قصدي مطبخـــــــــــــنا​

أحــــــــــــــــم أحـــــــــــم​

​

العجينة بزاف ناس تتخوف منها وهي ساهلة بزاف لازملها طولت بال​

العجينة عبارة عن فرينة + زبدة التوريق تكون باردة مليح(ديال العجينة المورقة) + سكر قلاصي + شوية ملح + ماء بارد جدا​

وتتلم العجينة بدون دلك وتتك ترتاح شويا فالثلاجة حتى تبرد مليح مدة ساعتين كلما طولت مليح​

ممبعد نحلها مش رقيق بزاف ونحطها فليمول ديالك صغار ولا حبيتي يكون واحد كبير​

تقبيها وحطي فوقها ورق الزبدة ولا ليكيسات و حاجة تكون تقيلا (حمص مثلا ولا حجر السيراميك الخاص بهذا النوع من ليتارت)​

ودخليها حتى تحمار من الجوانب نحي هداك الثقل الي درتيه وخليها تكمل الطياب فالوسط ممبعد تخرج هاكدااا​

​

ممبعد خليها تبرد​

بعدما تبرد ادهنيها بشوكولا دايبة باش تكون هادي الطبقة الي ما تخليهاش تتشرب لكرام باتيسيار ​

هادي الطبقة مهمة بزاف رح تخليلك ليتارت ديالك يبقاو مقرمشين حتى بعد يوم​

هاكداااااااااااااااااا​

​

وخليها تبرد مليح​

​

​

​

في هادي الأثناء تكوني تحضري في لاكرام باتيسيار​

تتكون من​

حبة بيض + سكر + نشاء تخفق مليح ممبعد نسخن لحليب مش حتى يفيض نضيف نص الكمية على الخليط ديال البيض قد ما تتساوى الحرارة ونرجعو فوق النار كامل ونبقى نخلط فالفوي خلط خفيف حتى تتماسك لاكرام عندي نحطها في وعاء ونغطيها بغلاف بلاستيكي ولا ندهنها بزبدة ولا نرش سكر عليها وندخلها للثلاجة باش تبرد مليح​

بعد ما تبرد مليح نخرجها ونقطع شويا فراولة ونضيفها معاها (إختياري تقردي تخليها وحدها ولا تضيفي اي حاجا حابتها انتي)

​

نجيب ليتارت ديالي الي دهنتهم بالشوكولا​

وطبعا تكون الشكولا الي دهنتهم بيها بردت مليح ​

ونحط لاكرام باتيسيار بالفارولة في poche ونوزعها فوق ليتارت ما تكونش كمية كبيرة​

ممبعد نزينهم بقطع الفراولة من فوق كيما تحبي ​

وندهنهم بجيلاتين ولا اي مادة موالفة تستخدميها​

​

وهادي بعض الصور ليكم

​

​

​

امممممممممممممممممممممم​

وشنو عجبتكم؟؟​

إن شاء الله تجربوها ​

ZEHOR
zehor​

 

[{مُدَلَّلَتُهُ}]

اممم الله يبارك زهور راكي فحلة حنونة يعطيك الصحة

*- انا لولة الي رديت اعطيني حقي هههههههه -*

 

[MĺŹǾ žĕĥÔŖ]

اممم الله يبارك زهور راكي فحلة حنونة يعطيك الصحة

*- انا لولة الي رديت اعطيني حقي هههههههه -*

ششششششششششششكرا ليك حبيبتي نورتي موضوعي

ههههههههههههه نمدهملك كامل مش خسارة فيك
​

 

[sara76]

الله يعطيك الصحة

 

[SAMIRA25]

الله يبارك روعة بصح واين راحو المقادير؟؟؟؟؟؟؟؟؟؟؟

 

[oum BIBARS]

ممم الله يبارك
ya3etiiik al saha
​

 

[ṥǻЯẠ]

yùùùùmi....yùùùùMi


preTty

i <3 iT

y3tiiiK sààààààààààà7àà​

 

[روعة2005]

مممممممممممم شكلا وممممممممممم ذوقا اكيد جاوك هك:up::up::up::up::up:

 

[imen ahmad]

اممممممممممممممممم زهرو رررررررررروعة التارتولات

 

[imane27]

يعطيكم الصحة جاو هايلين بصح ياختى كميرا فرغتيها من تصاور

 

[MĺŹǾ žĕĥÔŖ]

يعطيكم الصحة جاو هايلين بصح ياختى كميرا فرغتيها من تصاور

بلا مزياا

ههههههههههههههه وي كي تكون حاجا شابة مش خسارة فيها التصاور ​

 

[MĺŹǾ žĕĥÔŖ]

الله يبارك روعة بصح واين راحو المقادير؟؟؟؟؟؟؟؟؟؟؟

يبارك فيك حنونة
بالنسبة للمقادير راهي مع الصور فالموضوع

نورتي حنونة:up:​

 

[عبق الورد]

يعطيك الصحة

 

[w@hiba2010]

الله ابيارك

تسلم ايادكي حبيبتي

 

[MĺŹǾ žĕĥÔŖ]

الله ابيارك

تسلم ايادكي حبيبتي

بلا مزيا عزيزتي نورتي الموضوع

ردك اسعدني
​

 

[Smile Queen]

الله يبارك يا ختي
راكي فحلة خمسة وخمووس
يعطيك الصحة
ان شا الله نجربها

 

[MĺŹǾ žĕĥÔŖ]

الله يبارك يا ختي
راكي فحلة خمسة وخمووس
يعطيك الصحة
ان شا الله نجربها

يبااااارك فيك حنونتي

شكرا ليك بل لكي ألف شكر ع الكلام الحلو

نورتي موضوعي

​

 

[serinee]

مممممممممممممممم
حنونة جاوك يهبلو
​

 

[hadda0425]

زهور تارتولات يهبلو بصحتكم

 

[naGam]

جاوك هايلين اختي
تسلم يديك