معجـــــــون الطمـــاطم من مطبخي اممم ذوق ولا أرووع...

[shahrazad]

سلام عليكم لبنات

هاد المعجون تربينا عليه خصوصا في الصيف وعندو ذوق وحدو :up: بنيييين
لكن عرفت انو كاين ناس جامي سمعت بيه وماذاقوهش مالا نقولكم لازم تذوقوه
اسمحولي ما صورتش المراحل

الطريقة
كيلو طماطم حمرة وتكون ملحمة تغسليها وتقشريها ممبعد تنحيلها كامل الزريعة تاعها وتقطعيها قطع صغار وديريها في كسكاس وخليها تقطر نص نهار او ليلة كاملة
ممبعد ديري في كوكوطة 3 كيسان ماء و كيلو الا ربع سكر وانتي وذوق تاعك
كي يغلي الماء ممبعد تضيفي الطماطم
فالأول ديري نار قاوية ممبعد نقصيلو وخليه يطيب عينك ميزانك ومرة على مرة نحي الرغوة راكي تعرفي
حتى يثقال وكي تطفي تحتو ضيفي شوية فاني

​

 

[mimi53]

يعتيك الصحة ربي يخليك الشكل يهبل والدوق سور منحكيش تسلم هادوك اليدين

 

[sisi 26]

رووووووووووووووعة سهلة شكرا لك حنونة

 

[imen ahmad]

شكرااااا حبيبتي اول مرة نعرف انو الطماطم يجيروها معجون

 

[naGam]

باين عليه هايل
ان شاء الله نجربوه
شكرا لكي اختي
​

 

[ibtesem]

مشاء الله عليك شهرزاد
سلمتي وسلمت يمناك حبيبتي

 

[السلطانة]

يعطيك الصحة أختي
أنا جامي لاسمعت بيه
ميرسي بزاف

​

 

[narjes81]

نوعدك نجربو عجبني بزاف

 

[shahrazad]

يعتيك الصحة ربي يخليك الشكل يهبل والدوق سور منحكيش تسلم هادوك اليدين

الله يخليك يالحبيبة ميمي
نورتي
​

 

[shahrazad]

اسمحولي بزاف يالبنات راني غلطت في مقدار السكر
كاس الا ربع ماشي كيلو
هدا وين انتبهت واش كتبت ههههه
معذرة
​

 

[aidouch]

امممممممممممم يعطيك الصحة اختي شهرزاد
تعرفني نتشهى الحاجة بلخف
علاه راكي ديري في المنكر
هههههههه
مشكورة ان شاء الله نجربوه ​

 

[Nada Asma]

بارك الله فيك اختي.
فعلا لم اسمع بهذا المعجون قط .

 

[imane27]

يعطيك الصحة

 

[TeNtOuNa]

اهلا اختي مرسي على الوصفة
قوليلنا على الذوق تاعو يجي عادي حلو
ولا عندو ذوق مميز
​

 

[*Nouha*]

jamais sema3t bih bn idee

 

[SAMIRA25]

اول مرة نسمع بيه يعطيك الصحة على الوصفة و جزاك الله خيرا

 

[shahrazad]

اهلا اختي مرسي على الوصفة
قوليلنا على الذوق تاعو يجي عادي حلو
ولا عندو ذوق مميز
​

اهلا بيك ختي
حلو مميز ماتحسبيش قاع بلي راكي تاكلي فالطماطم :up:

​

 

[Esprit f]

رد: معجـــــــون الطمـــاطم من مطبخي اممم ذوق ولا أرووع...

يعطيك الصحة ختي
السمانة اللي فاتت قاتلي صحبتي على معجون الطماطم استغربت :s
ميرسي حبيبتي

 

[ام خديجة1]

رد: معجـــــــون الطمـــاطم من مطبخي اممم ذوق ولا أرووع...

بارك الله فيك اختي شهرة ويبان يحي يشهي مازال ما جربتو ما كليتو ان شاء الله كاش نهار نجربو