السلام عليكم
لقول القصيدة
يالالة ياتركية وأنا سمعت البندير
لاصحة لاذرية وتعاونيني بالخير
ياربي يجيب القهوة ويجيب معها رشراش
نشرب فنجان معطر يقلعلي وجع الراس
يا علل من يرافقني نشرق أنا وياه
والحال راه منويني والنو والريح معاه
يا ما عشات العشوة وحنا لي مازرناش
مكتوب ربي ثقلنا والشيخ مسرحناش
حميدا قاعد على الكرسي ومرابطة دور عليه
خيرة تسربي في القهوة وتقول معروف عليه
:p:p:p:p(مقطع موسيقي)
........................الخ
الحصة
المهم السوجي خاطي هدي الخاطرة
مجرد فاصل
حبيت نحكي على المهر أو الصداق أو الدفوع
بعد ماشفت ظواهر خطيرة دور في وقتنا هذا
تلقى السيد نوى يخطب راه غير نوى يطلعوا ليبري
لوكان يهدر الوخذة واش يصرا
والله أنا نعتبر هذا الشي عيب
المهر تاع الطفلة 20 الى 30 مليون كحد أدنى
تقول لبابات الطفلة ماعنديش عاوني شغل راك تقاشح فيه
ينقصلك يقلك والله ماتنقص دوروا
راه خاسر عليها مها وبنت مها التربية :up:الماكلة :up::up:القراية:up::up::up: اللبسة:up::up::up::up: الدوا:up::up::up::up::up:
متطلباتها اليومية حسبها ولقى روحوا خاسر في لافار
يقول لطفل والله لحسبتهالك بون بري تحسبها نعجة أواه بقرة ولا قش راه يبيع فيه
عيب عيب عيب
علاه هدا شي
الأئمة تافقوا في وحد القرية بولاية معروفة أستغني عن ذكر الاسم
باه ماتقولوا ماليها شينين:-o
قالك المهر 10ملاين وسنسلة وفاليزة
لكن ولا واحد وافق قالك بنتي مدلها بعشرة علاه راهي فيراي
لا الحمد الله
أنا في رايي قضية الصداق لي في تزايييييد ماتعجبنيش خلاص
باسكو لبنات بشر مش سلعة في ميزان الصوG بالعامية
واش رايكم ياليجان واذا خطبت شحال طلب؟
واذا تخطبتي ياطفلة شحال دفعوا فيك؟
مبروك على لي لبسوا الخواتم وعقوبة لخوتكم وخياتكم
ان شاء الله
سلاااااااااااااام
حتى الواحد يعرف وين يحط رجله 
