معجبهاش تشوكات

M

mauvais gosse

:: عضو مثابر ::
هذي بنت نعرفها مليح خطبها واحد وقرر يشوفها قبل ايا راح شافها وشرب قهوة بعدها بيومين قال راهي معجبتنيش المسكينة تشوكات وراحت فيها بحيث انو جا واحد بعدو خطبها قالت نتزوج ولو بشيخ من الزعاف لمزية باباها شوية عاقل هدى الوضع وراح زمان وراهي تزوجت وجابت زوج ذراري انا من رايي تكون طريقة خرى باش الواحد يشوف لبنت بلا ما يشوكيها سيرتو البنت حساسة بلبزاف
​
 
والله يااخي يحبس منها من دوك خير من يتزوجها ويطلقها
والطريقة ماهيش هكا نورمالمون في نفس النهار ماشي يفوت ايامات ومن بعد يقول ماعجبتنيش
والطريقة انتاع التبطال ماهيش ماعجبتنيش على الاقل
يقول ربي يجيبلك ماخير مني والمكتوب ماكتبش بيناتنا
كاين بزااااااااااااف طرق
​
 
اللّقاء الشّرعي بين الزوجين قبل الخطبة
اذا معجبوش بعضاهم هاذا من حقّ كلّ واحد فيهم
مي ماش يخلّي تطوال الحالة والطفلة تتعلّق بيه مباعد يجي يقولها بطلت باسكو معجبتينيش هنا راه يدمّرها
ماعجبتوش من اللول يهنّي روحو بالتي هي أحسن
صحيت
سلامي

​
 
توقيع السلطانة
ايه عندكم الحق لازم ميطولش في الرد كيما وحدة نعرفوها جا الشاب شفها وقعدو 3اشهر قالو رنا جايين نكملو لحد الان مزال مجاوش يتمسخرو ببنات الناس
 
سلام
هذا ليس بشر من المفروض يراعي شعور الاخرين على الاقل مايقولش معجبنيش مي ربي يجيبلك مكتوي اخر وهكذا بصح كاين ناس تعلم وانما تحب تحقر فقط
شكرا​
 
خيرو في غيرو بلآك ربي حبلها الخير ليها مدام واحد يتصرف بهاد الطريقة الحقيرة نتاع ماعجبتنيش مزاااالو صغير في عقلو
وناقص بزآآآآآآآآآآآفــ درافة ​
 
مرسي على الموضوع والله هذا عيب عليه نورمالمون يراعي شعور الطفلة ربي يهديه
 
ممكن عندو حق
​
 
توقيع عليلو 24
نورمال و من بعد الدنيا فنات عندو سيرتو في هاد الشي تبقى اراء هو ما عجباتوش بزاف اللي تعجبهم مام هو قادر ما يعجبش عادي جدا جدا
 
نورمالمون يتفاهمو من قبل ميش يلعب ببنات النناس

شكرااااا
​
 
مرسي على ردودكم صح فطوركم
 
ربي يحفظنا برك
و الله كاين ناس تقول معندهمش قلب
شكرا:-r ختي الموضوع حساااااس
 
حتى هي تعرف شكون دخل لدارهم
واش حاسب روحو البنات لعبة لوكان جا راجل يقولها قدام باباها وخاوتها
ربي يسترنا​
 
السلام عليكم
تبالي الحاة عادية من حقه ما تعجبوش لكن ماشي يطول في خطوبتهامن بعد يقول ما عجبتنيش
و شكرا​
 
نورمالمو تمتم يقولو ماعجبتناش ماشى حتى تدير البنت امال وسيرتو ادا عجبها

وش نقولو لازم الواحد يدى حدرو ويراعى شعور الاخرين

وكاين بزاف حكايات كيما هكا
يروحو يشوفو ومن بعد شهرر يقولك يخى معجبتناش

ربى يهديهم
 
تجي غير بالمواضيع نتاعك نتاع المشاكل :p
كي نشوفك نتفكر 4 سنين قبل كي كونا في اللمة جدد والله يمات صج :-h
فيماخص الموضوع اللعب بشي هادا مايكونش ماعجبتوش من لول يقول ​
 
هذه الحالات كاين بزاف منها وتصرا من الطرفين: يعني كيما كاين شباب مايعجبوهمش البنات، تلقى بنت يجي يخطبها واحد يعطولو موافقة مبدئية ويبداو في الإجراءات عادي أمبعد تقول بلي ما عجبهاش.

من رأيي من حق الخاطب والمخطوبة شرعا يشوفو بعضهم : وبما أنه كاين نظر فقد يكون إعجاب أو لايكون: يعني ما شي أي واحد يشوف وحدة لازم يقبل بيها ولا هي لازم تقبل بيه وإلا بلا ما يشوفو يروحو نيشان يعقدو وخلاص.

والمدة تختلف باختلاف الأشخاص: كاين واحد سريع في اتخاذ القرارات، آخر يلزملو شهر باش يحسب ويطلع ويهبط ويشاور
كل هذا عادي ولازم الطرفين يكونو متفهمين
وحتى واحد ما يضغط على الطرف الآخر

لكن الأمر لي لازم يراعيوه هو طريقة تقديم الجواب:

وهذه مسؤولية الخاطب أو المخطوبة وناقل الخبر سواء كان من العائلة أو المعارف أو الأصدقاء:

لازم كل واحد يدير في بالو بلي القبول أو الإعجاب أمور نسبية،
كاين صفات يكرهها البعض ، البعض الآخر يتمناها في شريك الحياة

هذا من جهة ومن جهة أنا ما نظنش بلي كاين خاطب يصحح وجهو ويعيط لأهل المخطوبة ويقولهم بنتكم ما عجبتنيش:
هذا ما يكون غير فاعل خير :p

والأحسن يكون الرد بطريقة لبقة ما تجرحش الشعور:
ماكانش مكتوب، ربي يجيب من جهة أخرى :$... بلا الدخول في التفاصيل

والأهم من كل ما سبق هو أنو الزواج بالمكتوب، وواحد ما يقدر يدي مكتوب آخر
والباقي كامل أسباب
مالا من الأحسن يكون الواحد وسيط خير

وربي يرزق ويفرح كل واحد

طولت عليك خويا
احترامي:regards01:​
 
صحآآ عيدكم كآآآمل خاوتي وخواتاتي
و
تعيدو بالصحة ولهنا
:p
 
نورمالمون هيا تدير حسابها 50 تعجبو 50 ماتعجبوش
ماللول ماتتعلقش بيه
وهاذاك حقو.​
 
من حقو يشوفها قبل الزواج كما من حقها يعني في الشرع مسموح ماشي بالطريقة هاذيك
كان يرد في يومها كما هي ايضا يجب ان ترد في نفس اليوم ان لم يعجبها
تفاديا للاحراج بينهما

كان هاذا رايي

سلامي
 
توقيع أم عبد الله
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom