اليوووم قررت نشاوركم

[siimo]

sbah l khiir 3likkom w sahha 3idkoum yan3ad 3likom b sahha wel hana..bon ana lyouum bghit nchawarkoom f sujet hadii siif kamel w ana nkhammam fiih w malkitlouch hall..ana khsartt l baac lii kount danna nadiih psqq kanat 3andi la capacitéé w la volentéé w gaa3 nass kanou dayrinni naddih bla chaak..maiiis...maktabbch..wel hamdoullah 3la kouli hall...kadara llahou wmachaea fa3all..bassah ana maniich baghya n3awadlou pq marahiich 3andii l irada khlass chaal kriit l3aamm hadaa w les révision w les nuit blanchee. .... matla3lii walou w zid maniich baghya n3awadlou bach nadiih b 10 wella 11 w nrooh ndiir les langue w ana kriit science ?? ..wallah ma3labalii kifach ndiirr..33awnouuuuniiiii svpp​

 

[sahiko hamza]

صح عيدك اختي
كل عام وانتي بخير

حاجة قراية نعطيك رأي من خاوتي لي راح يعاونوك

انتي قريتي وأستعديتي و و و
فالتالي مانجحتيش ... يعني كتبلك ربي هك
اتفكري بلي ربي قال وعسى ان تكرهو شيأ وهو خير لكم .....
فالاعادة إفادة وكبري بالك وعولي على ربي سبحانوااا ...

الله مستعان .
​

 

[Ayoub Napoli]

أولا راك غالطة كي ماراكيش حابة تعاودي الباك...باسكو ماديريش على الوقت اللي راك تفوتي به غير من بعد واللع العظيم تندمي حيث لا ينفع الندم......أنا نصيحتي ليك تعاودي الباك تاعك ومادام عندك لاكاباسيتي بربي إن شاء الله مايخص والو....ووعلى حساب ماراني نشوف في العمر مازالك صغيرة يعني الدنيا راهي جاياتك...


تقبلي مروري..........نصيحة لله

​

 

[la_safa]

السلآم عليكم ,, و صحآ عيدكـ خيتو ,,
انا نقلكـ بلي كلشي بالمكتوب مآ كتبتلكش تديه ,
+ أكبر غلطة تديريهآ كون مآ تعآوديش والله نصيحة من عندي
أكبر غلطة تديرهآ الطفلة كي تفرط في قرآيتهآ ,,
اقرآي و عآودي و الا مش حآبة تقرآي سجلي حرة و عآوديه
و ديجآ عآم وآحد نعرف قدآه من وحدة عآودت قدآه من مرة
و نجحو و الحمد لله ~
أمآ بآه تحبسي لقرآيآ رآكي تندمي و تندمي كيمآ ندمو لي دآروهآ
و ربي يوفقكـ ~
​

 

[ملكة جمال اللمة]

و الله راني حاسة بيك انا الحمد لله ربحت وكانو بزاف بنات معايا يقراو ربي مكتبلهمش مربحوش نصيحتي عاوديلو و الله انا كنت دايرا ادا ربي مكتبليش الباك نعاودلو مي الحمد لله صعيبة فالاول مي قوي امانك بالله و عاودي وتنجحي انشاء الله عندي جارتنا 7 مرات عاد ربحت الباك و قرات وكملت قرايتها و رها متزوجا و الله ربي ينجحك لا تياسي و متخميش فهدرة الناس
​

 

[غادة اليم]

ختيتي راني حاسة بيك والله جزت على الموقف تاع تعبتي وقريتي وجبدتي من قلبك اومبعدالنتيجة الله غالب مجاتش كيما سنيتي اومبعد هاذ الشعور تاع تكرهي وتفشلي وتولي تحاولي تهربي كامل من مواجهة هاذالامر مرة تانية مي علبالك الارادة والقوة تاع الصح ماتبانش في الضربة اللولة كامل الخطرة اللوة تجينا ساهلة نجبدو على خاطر ماسيناش احباط ولا فشل مي العباد اللي صح قويين وعندهم ارادة وهمة الجبال هوما اللي ينوضو من الطيحات اللي بعد الاحباط التم وخيبة الامل يدير كوراج اوينوض ويكمل الطريق ولا يالوكان يعاودو من دارة وجديد ويقول q voila malgré tt je vais me pousser faire vraimmt de mn mieux et aller jusq'au BOUT او يا أنا ياهي ديري كوراج وتشجعي شوية اوخوضي هاد التحدي اتحداي اي حاجة تقولك لالا مانقدرش عييت وراح تغلبيها ان شاء الله ديري جهدك تاع راح نبدل جهد كثر اونصمد مهما راح تكون النيجة وثقي هنا ربي مايخليكش سبحانو او مام النتيجة ماراحش تكون بزااف كيما تستناي مثلا مي تكون رغم ذلك كسبتي قوة او ثقة وحاجة ماراح تزيد تهدك تاني كيما يقولو الضربة اللي ماتقتتلكش تقويك تعرفي كانة جملة عاوتنتي بزااف اودرتها شعاري لول هي تاع " موت واقف ياعلي " ديما كي نحس روحي خلا راح نستسلم كرهت تتهرد نقولها تاع مام عييت ماراحش نحبس ندير كامل اللي عليا مام ماراحش نحيا مي نموت واقفة هذا بحد ذاتو انتصار
كتبت مقالة سمحيلي p: بقى نقولك ربي يوفقك وبزااف صراتلهم كيما نتي اومبعد ربي عوضهم بلاضعاف سبحانو حطي في بالك مليح تنو جهدك في اي حاجة جامي راح يروح هباءا اذا مابانش فيها اعرفي بلي ربي راح يحطهولك في غير مكان اذا مكانش كامل راه لآخرتك دونك ماتقلقيش كوني مطمئنة فأمر المؤمن كله خير :*
​

 

[الشلفي02]

سلام عليكم
صح عيدك
أنا نقولك بلي انت راكي خايفة ما تجيبيهش
أختي هذا و الله ماهو تخمام
نحكيلك على ولد عمي .. كان يجيب 18 المعدل في الليسي و الباك تاعو جابو ب 10
غريبة شوي و دار بيولوجي و عاود الباك .. البيولوجي يخدمو ب سيستام أميريكا يسمة تغلط -1 و صح +1 مرنك شوي
و جاب 20 في لي موديل مي الباك تاعو 2 ما جابوش كره هذوك ليام مي نورمال
و كامل كنا سيونس
انا عندي 2 باك و كي صبت خدمة بطلت الجامعة عامي 2
واش حبيت نقلك أختي الحاجة لي تأمني بيها لازملك تلحقيها و كيمة يقولو الحياة ماعندهاش قيمة بلا عقبات
عاودي الباك و يالوكان تديه ب 10
الباك ماهوش هو لي يدخلك للجنة و لي كاتبها ربي تلحق
سلامي

 

[جزائرية حتى الموت]

السلام عليكم ورحمة الله تعالى وبركاته

عيد فطر مبارك

siimo

جددي ثقتك بنفسك

واعلمي " قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ"

توكلي عليه فهو حسبك

ومهما كانت النتيجة

فلا اعتراض لقضاء الخالق سبحانه

وكوني على علم أن هناك في الدنيا هموم أكبر من مجرد بكالوريا

دعواتي لك أن ييسر الله أمرك ويفرج كربك

ويجعلك من المتفوقات الأوائل

بالتوفيق لك يا رب
​

​

 

[siimo]

merciiiii likoummm gaaa333...wachh nkolkoom ta33 ssah farrahtounii ki stajabtouu lyaa w nsahtounii rabi yahfadkoom w ykhallikoomm..sahhiitouu bzzf w ghadii ndiir b raykoom w natwakkal 3la rabbi.w kima kal khouya chalfi02 ranii khayfaa n3awadlouu w manaddihch pr la 2eme foiss..maiis ghadii nakhod b nasihtkoom lyaa w managta3ch lyaas...w ghadi n3awadd chouukrannn liikouumm...​

 

[•мϊѕŝ Šрέсǐάł•]

عيدك مباارك حبيبتي
اسمحيلي نتدخل في موضوعك
لكن ,, نصيحتي ,, انك تعاودي
احسن ,, من ما يفوت عليك الحاال وتندمي عليه
مي اذا هابطلك الموورال ,, والله كرهتي من لي نوي بلونش كيما قلتي
ديري روبو عام ,, طلعي فيه المورال لروحك ,, وجدي روحك نفسيا
مادام ماكيش حابة تجييبيه 10 ولا 11 مرة على مرة طلي على المنهج الدراسي
بصح ماتتخلياش على قرايتك
هي الوحييدة لي تدوم عليك وتفيدك في محنتك
تقبلي مرووري البسييط على مشكلتك =)
​

 

[siimo]

عيدك مباارك حبيبتي

اسمحيلي نتدخل في موضوعك
لكن ,, نصيحتي ,, انك تعاودي
احسن ,, من ما يفوت عليك الحاال وتندمي عليه
مي اذا هابطلك الموورال ,, والله كرهتي من لي نوي بلونش كيما قلتي
ديري روبو عام ,, طلعي فيه المورال لروحك ,, وجدي روحك نفسيا
مادام ماكيش حابة تجييبيه 10 ولا 11 مرة على مرة طلي على المنهج الدراسي
بصح ماتتخلياش على قرايتك
هي الوحييدة لي تدوم عليك وتفيدك في محنتك
تقبلي مرووري البسييط على مشكلتك =)​

choukraaaan liik habibtii w 3idak mabrouuk koul 3am wentii bkhiirr...w ana rah na3mal bnasihatkouuuumm w marahch nasmahh fkraytiii.........:up:​

 

[حكيك]

وهو كدلك هدا هو القرار الصحيح عودي الباك وان شاء الله تديه وتفرحينا العام القادم لي هو الحي والايام راهي تتكركب
ولدي عودوا مرتيين والثالة باش داه والعام الاخر زاد فوتوا زكارة في الاعوام لي فاتو واليوم راه يعمل بيهم زوج العام القادم يكمل ماستار جيني سيفييل والباك التاني ليسونس الانجليزية
مرة عليك ان شاء الله ميتكون عندك الارادة متخافيشش موفقة ان شاء الله

مرة قادمة اكتبي بالعربيية يفهموها للجميع

 

[زهور الشوق]

saha 3idek okhti kol 3am w anti bkhir
okhti nasi7ti t3awdih maraki khasra walo0o0o
bil 3aks ki ma t3awdihich li tkhsri w tnadmi
w diri fi balek mlih bli kol chi fi yad rabi w ida 7abiti tnaj7i twakli 3lih w ma anti 3lik gir tkoni sabab
mala dok n7kilek haja sratli
ana ki kont fi sana 3 motawasit elfasl el awal mardet omi bzeeef w ana kano 3di drof s3ab bzeeef t3abt nafsian mattsawrich khasatan marad omi el mofaji2..........w ellah jazo 3lia chohor k7ola rabi li 3alem ou jabet el mo3adel 15...
kmel inharet tamaman liano dayman mo3adali 16/17 min ba3d kolt balak hada ibtila2 w rabi ma ya3ti gir el khir w fi el fasl el tani d3iiiiiiiiiiiit rabi w min a3mak albi an ahsol 3ala17
w ellah ma kan 3liya gir ani krit w rakazt w hmd li ellah jabet17.53
el asatida tkhal3o kaloli kifach tkhatiti el dorof w tla3ti b a 2 point
w hada kamel bifadl rabi
w el 7amdo li ellah dok fi el lycée w mazalni bien
twalt 3lik isam7ili*mais rodi balek 3awdilou khir
salami​

 

[siimo]

وهو كدلك هدا هو القرار الصحيح عودي الباك وان شاء الله تديه وتفرحينا العام القادم لي هو الحي والايام راهي تتكركب
ولدي عودوا مرتيين والثالة باش داه والعام الاخر زاد فوتوا زكارة في الاعوام لي فاتو واليوم راه يعمل بيهم زوج العام القادم يكمل ماستار جيني سيفييل والباك التاني ليسونس الانجليزية
مرة عليك ان شاء الله ميتكون عندك الارادة متخافيشش موفقة ان شاء الله

مرة قادمة اكتبي بالعربيية يفهموها للجميع

شكرا لييييك اختيي ...ربي يخلييك وصح ولدك مثال لي..و ماشاء الله علييه و ربي يوفقو​

 

[siimo]

saha 3idek okhti kol 3am w anti bkhir

okhti nasi7ti t3awdih maraki khasra walo0o0o
bil 3aks ki ma t3awdihich li tkhsri w tnadmi
w diri fi balek mlih bli kol chi fi yad rabi w ida 7abiti tnaj7i twakli 3lih w ma anti 3lik gir tkoni sabab
mala dok n7kilek haja sratli
ana ki kont fi sana 3 motawasit elfasl el awal mardet omi bzeeef w ana kano 3di drof s3ab bzeeef t3abt nafsian mattsawrich khasatan marad omi el mofaji2..........w ellah jazo 3lia chohor k7ola rabi li 3alem ou jabet el mo3adel 15...
kmel inharet tamaman liano dayman mo3adali 16/17 min ba3d kolt balak hada ibtila2 w rabi ma ya3ti gir el khir w fi el fasl el tani d3iiiiiiiiiiiit rabi w min a3mak albi an ahsol 3ala17
w ellah ma kan 3liya gir ani krit w rakazt w hmd li ellah jabet17.53
el asatida tkhal3o kaloli kifach tkhatiti el dorof w tla3ti b a 2 point
w hada kamel bifadl rabi
w el 7amdo li ellah dok fi el lycée w mazalni bien
twalt 3lik isam7ili*mais rodi balek 3awdilou khir

salami​

merciiii habiibtii rabbi yahafdaak w ykhallikk..w rah ndiir bnasihatkom lyaa..nawwartii​

 

[خالدي]

صح عيدك اختي
كل عام وانتي بخير
اسمحيلي بهذه النصيحة
خليك من الباك
اتزوجي ديري اسرة خير

 

[nassim007]

سلآلآلآم

الله يسلمك ختي

غالطة في تخمامك بزاااف
ميش خلات دنيا كي ماديتيش مزالك صغيرة عاودي وتدييه ان شاء الله
وتاني لايشتا قريتي سيونس جامي تحقري حاجة اللغات والله هايلين
ربي ينجحك ان شاء الله جامي تفشلي ياو هاذي هيا دنيا كامل علينا ساعة هاك ساعة هاك
​

 

[siimo]

سلآلآلآم ​

الله يسلمك ختي​

غالطة في تخمامك بزاااف
ميش خلات دنيا كي ماديتيش مزالك صغيرة عاودي وتدييه ان شاء الله
وتاني لايشتا قريتي سيونس جامي تحقري حاجة اللغات والله هايلين
ربي ينجحك ان شاء الله جامي تفشلي ياو هاذي هيا دنيا كامل علينا ساعة هاك ساعة هاك
​

sahh 3andak lhaak..rabbi yahafdakk khouyaa choukrann 3ala l mourour l kariimm...salaaaaam​

 

[Mr-ip]

سلآلآلآم

الله يسلمك ختي

غالطة في تخمامك بزاااف
ميش خلات دنيا كي ماديتيش مزالك صغيرة عاودي وتدييه ان شاء الله
وتاني لايشتا قريتي سيونس جامي تحقري حاجة اللغات والله هايلين
ربي ينجحك ان شاء الله جامي تفشلي ياو هاذي هيا دنيا كامل علينا ساعة هاك ساعة هاك
​

نظن راني موافقك لكن والله لم افهم الموضوع لا افهم الفرنسية تاع العربية :$
غريب هذا الامر يجي واحد عربي يقول هذا منتدي جزائري بعقول فرنسية( صدقت فرنسا نحن لم نخرج الجزائر بعد نحن موجودون في عقولهم) سبحان الله لهذا السبب الاحتكار المنتديات الجزائرية عند العرب ومن حقهم وهم على صواب اللغات نيفو يا خويا انا داير لغات راني في نعمة وعشب الحمد الله في جعبتي الانجليزية والروسية وقليلا اليابانية وراني نفكر في العبرية ونتمنا ربي يوفقني في هذا الامر ...زيد فيها خدمات ياسر ياسر والحمد الله الواحد ما يسقطش من التحت والناس تحترمو ياسر انا على سبيل المثال احيانا نتجادل مع اصدقاء مثل هاذي المواضيع يحترومني خاصة الروسية البعض يرها حلم واليابانية منام مرا في العمر ..والحمد لربنا المنان
ودي وحبي لصاحبة الموضوع انا اسف والله لم افهم موضوع:$:$ جذبني رد الاخ الفاضل بس
​

 

[بنت الـ25]

السلام عليكم ورحمة الله وتعالى وبركاته
​

choukraaaan liik habibtii w 3idak mabrouuk koul 3am wentii bkhiirr...w ana rah na3mal bnasihatkouuuumm w marahch nasmahh fkraytiii.........:up:​

وهذا هو الرأي الصواب سيمو
متفرطيش في قرايتك الباك مديتيهش هاد العام تجيبيه العام لجاي ان شاء الله
وبمعدل مليح ماشي 10 وديري اللغات هههههه

فالمستقبل القريب ان شاء الله متفرطيش في صحتك وتديري nuit blanche راهي تهلك
ابداي العام لجاي من اللول
ديري بوقرام مليح ومنتظم وميغلبش
وان شاء الله تفرحي وتفرحينا معاك

تحياتي ليك
​