أدخل عرض مغري جداااااااااا

[βïģ βôşş]

ياودي نتا قصة في قصة ههههههههههههههههههههههه
يا خير الدين هههههههههههههههههههههههههههههه
وتوقيعك مزال هو هو روعة ههههههههههههههه
​

واااااش نقلك

القادم راه م كبر درك تشوفو
اصبر برك هههههه

 

[الشلفي02]

خويا انت مزلت صغير؟؟ انا عمرياصغر وراني نفكر في الزواج ؟؟ هههههه
لا يغرك سني في البروفايل ههه والله راني نفكر في الزواج والله مالقيش اللي تونسني:p هههه صعيبت والله العثور على واحدة مني مامن حتي وحدا لازم تكون المرأة ـــــــــــ مستقيم
​

مليح حنوني راه حاب يزوج و الله غي نستعرف بيك راك كوراج بيناتنا " ماكاش لي قرة ماعادة هو ههههه " أنا تان حاب نزوج و مالقيتش لي تونسني
ربي يفرج علينة شريكي هههه

شكرا على مرورك :p هههه

 

[الشلفي02]

مالقيت علماه نجاوبك لافار لولة ولا تانية:-r
المهم لولة نقولك سلامت راسك برك اي صراتلي انا تانا
والتانية نقولك ربي يجيب الشفا لحبيبيك الدنيا فاضة وتفض وكيما يقولو باش تفرز بين المرا والكنة لازم بليس يدخل لجنة يعني موحال تفرز بيناتهم وتهلا في روحك وسلمنا على ناس aso :d​

صحيت دوكتور و سلامت راسك أنت تان
aso راهي مسلمة عليك أنت تان
سلامي

 

[الشلفي02]

السلاام عليكم
كنت نحوس على هاد الموضوع اني لقيتو


مالا خويا شرا موطو نينجا اكم تعرفوها شراها بعشر ملاين تقريب
ليامات اللولين يقولي لا ماتسوقهاش ومنا ومنا
ايا بالسيف لا قنعتو ومدهالي ندور بيها ثم قريب برك حداه وقالي امشي دوزيام تفوت ل 3eme لا فيتاس نحهالك
ايا شوي بشوي بديت نخرج عليها واحد الخطرة هو كان خدام ايا مدهالي خرجت بيها لواحد لبلاصة بعيدة وين نسكن بتقريب 20 كلم وياكم علابالكم النينجا راهي تمشي تقريب 160 كلمة فالساعة انا وصلتها تقريب ل 100كام في السعاعة ايا نمسي في 100 كان قدامي واحد الكاميو هاز الرمل ومادارش الباش تاعو وانا ماكنتش لابس لا كاسك لا نواظر لا والو تعفو غمصت عينيا وكان فيراج ودوبليت جابلي ربي مول الكاميو نقص شوي انا فقت لقيت روحي خارج من الطريق ولحجار واااااااااااااااااش نقلكم من الروعة زدت لافيتاس حتى وصلت ل 120 كلم بقا شوي نطيح واحد الطيحة واش نقلكم
ربي استرني والحمد لله

وراني راااجع مع الهم لكبير الي صابنب في فرد سماانة

و عليكم سلام
يا طفل وسعني أنا نموت على لي موتو ما تقولش هكاك
واش قلي ninja رخيصة من جيهتكم قاع هكا و شعال من سيلاندر " هذي رجعلي الخبر دبراسك " أيا و لابغات أنموت
دير فية بليزير
و همك الجاي علية ما تخممش

شكرا على المرور
سلامي

 

[الشلفي02]

يا ربي تشوف هم خوك تنسا همك


سلامت راسكم كامل

الله يسلمك
مي ختي التوقيع تاعك باين عندك دي بروبلام
أموة لكان كاش ما قلتيلنا كاش صدمة

معليش ربي يبعد عليك البلاء
سلامي

 

[الشلفي02]

سلامة راسك خويآآآآ

هموم وهموم علينا كامل مي وش تحب لواحد ديما يواجهم كلشي يفوت


​

الله يسلمك خوية
اموة لوكان حكيتلها واحد كاش ما تعاون بيه

شكرا على مرورك :regards01:

 

[الشلفي02]

اني رجعت مع هم جديد
واحد اليوم كنت في لا شومبر تاعي راقد مع الصباح جاتلي ماما لعزيزة وهي كانت مريضة كي دخلت عليا قاتلي نجيبلك تفطر ولا مزال قلتلها روحي رتقدي راكي مريضة شفتها حكمت في باب لا شومبر نضت نجري انا وصلت لعندها هي طاحت بين يديا تغاشات النفس راحلها تقلي غير عيط لخوك سمش الدين عندها غير انا وخويا الي كثر مني بعام المهم عيطلو حكمتنا من يدينا في زوج وعيات تهدر الحق قلنا ماتت وهي النفس يروحلها ويجيها ساعات يروح خلاص ويرجعلها
هزيناها للصبيطار جابت شحااااااااال من ساعة ثم ايا قدرت تهدر وقاتلي عيط لدار خوالك وناناك وقلهم يجيو نحتاج نشوفهم عيطلهم واحد لا قدر يجي المهم فاتت سلامات وروحت للدار وتحسنت شوي لكن واش من سلامات
عند غدوة باعد خويا هادا دار حادث مرور وعفسلو كاميو على رجلو وخفنا بزاف على ماما كاش مايصرالها كي تشوفو في هاديك الحالة روح للدار شافاتو زادت طاحت تغاشات بالسيف لا رتاحت
مباعد بعد تقريب سمانة صرالي حادث مرور انا خويا وولد عمي وعمي وولد خويا من بابا قريب نموتو طحنا في واحد الواحد التويوتا تاع خويا شراها جديدة من لاميزو بتقريب 250 مليون تفسدت وولد عمي تكسر من ذرعو وانا ديت ضربات ملاح هههه

الله يشافيلك و الوالدة و يشافيكم كامل
مي أنت معليش راك تبان طوايشي ههه " أني نزعق بعيد الشر عليكم كامل "

شكرا خير الدين

 

[الشلفي02]

انــــــــــــــــــا معنديش هم كبير
ولا حاجة مـــــــــــــزيرتنى
وكى تكون كاينه .هلابالى بلى ميش راح تقصرو معايا
علا هاديك نحبكم
وربي يكون معاكم قـــــــــــــــــــاع​

مرحبا بيك أختي في كل وقت

 

[الشلفي02]

للقصة الاولى سلامتك راسك وربي يفك ضيقة صاحبك يا رب

الثانية معلابليش النسا خذرات كي خمو مقابلين غير الغيرة برك وهذاك الراجل يموت مسكين ربي يشافيه ويعافيه يارب

والمؤمن اخي مصاب والدنيا دار ابتلاء المهم رضا الله كلشي يفوت ربي يسهلك اخي

شكرا على المرور أختي

 

[رهف1]

و الله معاكم نسيت الهموم نتاوعي و نتاع دارنا

 

[الشلفي02]

الله يستر
ربي يكون معاكم خاوتي
​

أمين

شكرا على المرور

 

[الشلفي02]

رجعت ليكم بهم جديد لكن هاد الهم يضحك بزاااف
ايا نبدا نحكي


العام الي فات ياك موبيليس نزلت واحد لا بيس 0660 كاين فيها زوج انواع تاع 150الف وتاع 300 الف المهم كي نزلتهم المرة اللولة نزلتهم غير في المدن لكبار كيما العاصمة ووهران عندي واحد يقربلي جابهالو خالو من ثم وهنا في خنشلة وكتااااااااااااه راح توصل المه كي جابها بدا يتقلش علينا شوفو لا بيس تاعي و 0660 وفيها 11 ساعة باطل كل يوم وناسلكش بزااف الفاتورة ايا طلعهالي كل وين نتلاقاه ويبدا يحكيلي عليها وفيها وفيها البارح كامل وانا نحكي مع هاديك ومع هادا
قلقني بزااف
قلت لاحرام غير نشريها مكرة فيه رحت لاجونس تاع خنشلة قالولي بعد شهرين باه نجيبوهم ايا رحت لام البواقي قالولك مكانش فت لباتنة قالك ماكانش عندي ولد عمي في حاسي مسعود قالي راهم كاينين رحت لخاسي مسعود بعيد علينا بتقريب 800 كلم تعبت ورحت لثم كي وصلت لقيتهم خلااصو ايا قلت نفوت على ورقلة ممكن نلقاهم مالقيتش فت تاني على تقرت ماكانش ايا قلت خلي ترا نفوت على وادي سوف اخيييييييييراااااااااااااا لقيتهم بالصح الريزو راحلهم انا وصلت لعندهم تقريب على 11.30 ناع النهار قالو الريزو درك يرجع وانا عندي البيس تاعي يديماري على 1.30 ايا ريحت نستنى ونستنى ونستنى حتى للوحدة لا خبر ايا هزيت طونوبيل وجيت مروح
وصلت برك عيط لخويا في ايليزي قلتلو لازم تشريهالي شرا زوح وحدة ليا ووحدة لخويا دارهم على اسمو كي بعثهم الي زعما بعثها ليا راحت فالطريق كيفاه مانعرف..؟ وتاع خويا وصلت هههههه
قلت لحراام حتى نشريها
ايا كل يوم نروح للجانوس موبيليس كل يوم
جبت شهر وانا طالع هابط عليهم
ايا قالو غدوة ظامن يكونو
انا نضت بكرت من الجامعة رحت بكري كي وصلت لقيت تقريب 96 واحد قدامي حتى هوما جاو يشريو 0660 هادي
ريحت ثم شريتها والحمد لله حتى انا درك عندي 0660

الحمد لله


هههههههههههههه

هههههههههههههه
لوكان وصيتني كنت نبعثلك وحدة و أنت صرالك كيمة إبن بطوطة درت الدزاير كومبلي
و الله غي راك كوراج ههه

الحمد لله على كل حال و بالباراكا عليك
سلامي

 

[الشلفي02]

راح نكيلكم هم خويا الي كثر مني بعام
خويا هادا واحد الطفل جا يهبل تاع الصح لكن يما قالتلي بلي انا خير منو
هادي شهادة اعتز بها ههههه
المهم خويا حب وحدة منلي كان عمرو 15 سنة وهي كانت كان عمرها الله اعلم 12 سنة راكم تعرفو المراهة ولا الطفولة
المهم
حتى هي بكري مسكينة تقولو نحبك وبقاو مع بعداهم
حتى الطفلة وصلت لتقريب 20 سنة
حياتو الي حاب نحكيها صرات العام الي فات برك
المهم خويا هادا يقرا حتى هو كيما الناس لكن هو فالصيف يكره يريح في خنشلة ايا عندي خويا في ايليزي خدام يلقالو خدمة في شركة من الشركات يفوت 3 شهر ثم وكان يجمل فالدراهم باه يخطب هاديك الطفلة
المهم هو كان خدام
وصلو تيليفون بلي الطفلة الي تحبها شافوها مع واحد اخر ...................

هكاك خلى خدمتو ورجع روح للدرا راح عندها ديراكت هي كانت جارتنا قالها صح الشي الي سمعتو وهو كان صعيب تاع الصح كلش كلش غير تخدعو قاتلو هي هيه صح وهادا الطفل الي كانت معاه كان ثم جارنا
صدقوني الو مرة نشوفو بكا يصرا واش يصرا مايبكيش
هكاك دار ماقالها والو
جا عندي وقالي شت يا نعيم خويا الزهر تاعي كي يتعوج
كان يلم فالدراهم منا ومنا
انا بابا راه مجاهد يسلك وعندي خاوتي من بابا خدامين كامل يسلكو عرااام يمدولو الدراهم مايحكمش ليهم يقلي انا داري نبنيها بذراعي
يبكي فرات جاب يامات وهو غير في بيتو
بالصح كي ناض ومسح دموعو نسا امر النسا كاااااااااااااااااامل
ولا مايقمش حتى وحدة
قصة حبو تقرييب راهي في 8 سنين
تجرح لدرجة واحد لا يقدر يتصورها
لدرك يتفكرها يريح ويقولي شت لوكان درك راني خاطبها
تشوفو شحال من مشكل درا على جالها
لدرجة انو راح لباباها وقالو بالاك ا عمي تمد بنتك لحد اني نبغيها ليا

هادا هم خويا الي لدرك راه يعاني
انا عييت نتحمل هك لاني عندي غير هو خويا الحقيقي من ماما وبابا


​

الله يحسن عونو خوك هذا أية و تصيب في الفايس بوك " قلب الرأة كالقارب اذا حمل أكثر من 1 يغرق أما الرجل قلبه ك الكار يرفد الواقف ههه " هذا برهان هههه
متزعفوش الخاوة راني نزعق

صحيت الدين

:up: :regards01:

 

[الشلفي02]

و الله معاكم نسيت الهموم نتاوعي و نتاع دارنا

الحمدد لله و أنا مقصودي تم
مي اموة لوكان كتبتي قصة " المشاركة "

شكرا على المرور

 

[الشلفي02]

واااااش نقلك

القادم راه م كبر درك تشوفو
اصبر برك هههههه

ههههههههههههه

أصبر تدي القصبر
ههههههه

 

[βïģ βôşş]

و عليكم سلام
يا طفل وسعني أنا نموت على لي موتو ما تقولش هكاك
واش قلي ninja رخيصة من جيهتكم قاع هكا و شعال من سيلاندر " هذي رجعلي الخبر دبراسك " أيا و لابغات أنموت
دير فية بليزير
و همك الجاي علية ما تخممش

شكرا على المرور
سلامي

اهلاا خويا صافا عليك

مشكووور على كل شيء
بارك الله فيك

النينجا هنا عندنا توصل حتى ل 11 مليون وكاين ب 10 زكاين الي ب9 ملاين وكاين خرين بون اوكازيو تلقاهم ب 5 ملاين ولا ب 4 حسب الشخص الي حاب يبيع

 

[βïģ βôşş]

السلااام عليكم
راني رجعت من جديد


عندي خالي هو الصغير في خوالي كااااااااااااامل زوجو غير هو مزااال لدرك
ايا عجباتو واحد الطفلة كي كان عمرو 22 سنة وهاديك الطفلة كانت 17 سنة مشا عندها اكم علابالكم في لحكاية
ايا بقا معاها 6 سنين مالا راح العام الي فات خطبها قبلولو
فرح هو والطفلة فرحت بزااااااااف لانها تموت عليه
وبدا يلم في الدراهم منا ومن الهيه اي خدمة يلقاها يخدمها هو ماعندوش
جدي مات كي كان هو عمرو تقريب عامين الله اعلم
ايا عندهم واحد الارض ثم كبيرة بزاااف بالوثائق تاعها بين دار جدي ربي يرحمو وخيانو
ايا راح عند عمامو قالهم انا لازم عليا نزوج ودار الطفلة مدولي شهر في يدي لازم نهزها نجيبها لداري
قالهم حاب نحي 200 متر نبيعهم نعاون بيهم روحي باه نزوج قبلولو باه يروح يدي من الارض هاديك ويبيع
وعمامو هادو الي جا يبني ويبيع ولادتهم باعو وبناو هو مسكين فرح ثم ثم عيط لخطيبتو قالها بربي راح تتعدل الحالة مسكينة فرحت بزااف
راح باه يعدل لرض هادي الي معول يبيعها هو ناضو كااااااااااااامل قالولو لازم نقسمو علابالكم تشوكا فيهم
كيفاه هوما بناو حتى كرهو وباعو وكي وصلت لعندو هو قالولو نقسمو
مسكين راه يخمم كيفاه الطفلة تاني راهي مريضة واش تقلكم الراجل قريب يبكي دم ماشي دموع عمامو وقفو ضدو حابين يديولو ارضو
كل يوم يخرجو قالب جديد هادا يورث هادا ما يورث
صدقوني عييت نكتب لاني تاثرت بحالو بزااف

​

 

[بنت الـ25]

مشكور الشلفي على الموضوع :up:
خويا نعيم (خير الدين) راك موسوعة الله يبارك وكل مرة عندك الجديد :d
يا سيدي ربي يعد عليك الهموم انت وكامل لا فامي تاعك وعلينا اجمعين
:-r
انا معنديش هم كبير وان شاء الله ميكونش :-h
ربي يفرح هموم المهمومين ويخفف كرب المكروبين ياااااارب

انا فالمتابعة
​

 

[βïģ βôşş]

ليوم جيناكم مع هم جديد

هادا خاص بالعائلة كااامل
ايا انا ملي كنت صغير وبابا وعمي مايتفاهموش خلاااص
عييت نفهم وعلاه حتى واحد الخطرة قلت لبابا ها بابا لعزيز وعلاه ماتتصالحش نت وعمي ياك راكم خاوة
قالي ادا كانو الاخوة كيفو ربي يقتلهم كامل
قلتلو وعلاه هاد العداء بيناتكم يا بابا
كان ماحبش يحكي مع اللول
حتى صريت عليه
وكي حكالي ياريت ماحكالي تشووووكيت تاع الصح
ايا بدا يحكي
قالي كي ماتت زوجتو اللولة ربي يرحمها ماتت تقريبا في 1988 باعد تزوج بماما انا
كي تزوج بيها تخيلو عمي واش دار؟
ماما كانت ديما مريضة الليل ماترقدوش خلااااص ديما تبكي تهب وحدها حتى بابا فاق بلي عمي يديرلها فالسحور يسحر فيها قريب لا ماتت وفوق هادا كااامل سخر لكبير من بابا بقالو شوي يموووت
يا جماعة درك هادي اخوة هادي
ولدرك ماما كي تتفكر واش تعاني مرات خرين تتغاشى من الخلعة مازالت فيها
وعمي هادا راه بلاه ربي تاع الصح
الجامع ممنوع عليه يدخلو لوكان يدخلو يموت وين يجي يروحلو يتخنق ثم في فم الباب
وجابلي ربي عنيه كل وحدة من لون وحدة زرقة ووحدة خضرة
والليل مايقدر يرقدو
ربي راه يعاقب فيه يا من درك
في جرتو قريب لا فقدت ماما وانا عمري تقريب عام ولا قل

على الرغم من هاد الشيء كااامل بابا مستعد يتصالح معاه لانو خوه من باباه وماماه
لكن هو يخشن في راسو ويتكبر
واش راح نقلكم ربي يهدي ما خلق
​

 

[βïģ βôşş]

ايه خلي نزيد نكمل فرد خطرة خير ههههه
خلي نحكيلم عليا انا
ملي كنت صغير وانا الزهر معايا زييييييييييييييييييييييرو ياعني 0 صفر ههههه
انا الي نعرفو كامل ونحبو يروح عليا الا من رحم ربي كيما يقولو
كان عندي صحابي كي كنت صغير تعرفو متعلق بيهم لكن جا وقت وتفارقنا كل واحد راح في طريق واحد دارهم رحلو واحد خرج من لقرايا وهو صغير وجهوه هكاك يخم كاش خدمة
ايا طلعنا للمتوسطة العبد شاف عاالم جديد لعباد بالعرمة كيما يقولو
الي يفوقت عليك واش راك ...يسقسي عليك ولو مايعرفكش فرحت قلت هادا وين نلقى صحاب
ايا بديت نكون في علاقات صداقة
انا هاداك الوقت كان بابا دارلي شهرية خاصة بيا
المصروف مايخلاصش من جيبي
في فرد سمانة تلمو عليا لصحاب بزااف
المهم
فرحت تاع الصح
وليت انا الي نعيش فيهم خير من باباهم
اي حاجة خصتلهم نشريها مهما كان ثمنها
ومع اللخر قالو راه يسرق لباباه
تعرفو تبلوكيت وتشوكيت تاع الصح
وليت نريح وحدي ديما
حتى من الطفلة الي نحبها حسدوني فيها ونوضو مشاكل بيناتنا هادا هم وحدو درك نحكيه مرة خرى

ايا طلعنا لليسي
عالم اوسع من المتوسطة
ايا العبد قال هنا نبدا من جديد
غير الي تصادقو
يقلك شحال عندك فالجيب
هههههههههه
يلقى عندك مصرفو يلم عليك مايلقاش يفوت يخليك
ولا يصاحبو على جال التشغيل ادا تعرفوه هاداك الي ياكلو همتاارو هههههه
يشوف عندك هاديك الزريعة يجيو يجري اهلا صاحبي هات ترا شوي
يبدا يقشر وياكل كي يخلاااص يقلك ايه تفكرت عندي طريق هههه
تعاونهم تسحر هلى جالهم دير المستحيل باه تفحهم ومع اللخر يحطو اسمك ي قائمة الاغبياء بلا حدود
ايا رحنا للجماعة قلنا هنا صايي تفرا لهنا
ايه واش نحكي غير المصلحة وفقط
غير التنشاع غير الغيرة
ايه واش نقلكم
ربي يقدر الخير
وصدقوني اكثر من مليون مرة تمنيت فيها الموت
الناس تفيق مع الصباح تقول ياربي افتح عليا انا نقول راربي كي نخرج ماترنيش
والحمد لله
درك كاين صح ناس خرجوني من الهم الي راني فيه
وراهم مشكوورين على هاد الشيء ومستعد نفديهم بحياتي
ومن بينهم نتم يا اهل اللمة
فشكرا لكم
​