البنات والسوق والتخفيضات

[virus2015]

السلام عليكم ورحمة الله وبركاته
كيف أحوالكم؟؟ عساكم بخير

هذا أول موضوع لي بعد هذه العودة لمنتدى اللمة


اليوم حبيت نتكلم على واحد الظاهرة لاحظتها في الأسواق والمحلات
وبالاك نتو تاني لاحظتوها

هاذ الميضوع على البنات كي يروحو يتسوقو ولا يقضيو ولا يشرو من المحلات أو الأسواق

إلى حد الآن الأمر عادي

لكن المسلسل يبدا
.
.
.
كي تعجبها السلعة، وتبدا تتفاوض على السعر

تبدا تحلل فيه وتضحكلو وتكثر في الهدرة وتحكيلو حياتها
باش في الأخير تغيضو مسكين ويتكرم عليها وينقصلها زوج دورو
وهي تروح فرحانة وحاسبة روحها شاطرة
وتحكي لصحاباتها على مغامراتها وكيفاش قدرت تبلعط البائع ودارت أفار شابة
وتقولهم ولا حبيتو تشرو قولولي نجي معاكم باش تربحو دراهم....

السؤال لي راني حاب نطرحو:

كيف تنظر أو تنظرين إلى البنت لي تقوم بهذه التصرفات ؟؟؟ وهل هي فعلا ربحت؟؟؟
وهل الربح يتلخص في بضعة نقود ؟؟؟
وحتى وإن ربحت البنت الملايين هل هذا يعادل ضياع حشمتها وعفتها؟؟؟

إليكم الخط وبانتظار تعليقاتكم وردودكم النيرة​

 

[عفيفة الحبوبة]

السلام عليكم
شكرا على الموضوع المفيد
علابالك نتأسف من هذه الظواهر
بنت تبيع حشمتها و عفتها و حياءها على جال 2 دورو
الله يهديهم
و تزيد تفتخر بنفسها ,,,,باه راهي تفتخر ؟؟؟ بطرقها الشنيعة في كسب المال
المفروض البنت كي تروح تشري و جاها السعر غالي و مرات فعلا يكونوا مغليين تسألوا عادي تنقصلي الا هو عن طيب خاطر نقصلها بها و نعمة و الا لا تقولو الله يسهل عليك و تشوف كيفاش هو بداته راح يقولها ولي و خودي
الله المستعان
اقبل مروري

 

[أم راضية ~_]

سلام عليكم
هادي جياحة والله ساعات يخسرو الي يبيع والله
تحط خوها ولا باباها في بلاصتو تحب الي يجي يشري عليه بنص سومة ؟؟
وزيد راهي بعدت بزااااف على القدر ماكان ما نقولو عليهم!!!

 

[amel amoula]

شكرا اخى على الموضوع

و الله عندك الحق
انا وحدة مانعرف انحلل مانعرف نتفاوض فى الشراء
نقولو وشحال يقول ومن بعد وشحال تحسبهالى ادا نقصلى اللهم بارك منقصش المهم عجبتنى نشريها كيما هي

مى تصيب بزاف الى يكترو الهدرة ومع الاخير على جال كيما قلت 2 دورو
والله غير عيب
وزيد البائع تحلالو وبالاك مع الاخير يزيد معاها نميرو تاع تيليفون

تقبلو مرورى

 

[هانا1994]

سلآآآم
أنا وحدة من الناس نحشم نقول لمول المحل بوشحال تخليهالي و جامي قلتها لواحد و حتى تكون مرا الي تبيع
مي كاين بنات الله غالب عليهم يظلو يصححوا في وجوهم مع مالين الحوانت
و كاينين حتى الي يمدولهم النوامر تاع التيليفونات تضربلو الضحكة الصفرا و تقولو عيطلي فالليل باه تدير لافار مليح تولي تدي من عندو باطل
المهم ربي يهدي ماخلق هذا واش نقدرو نقولو
و ميرسي على الميضوع الباهي
سلآآآم ​

 

[virus2015]

السلام عليكم
شكرا على الموضوع المفيد العفو أختي
علابالك نتأسف من هذه الظواهر
بنت تبيع حشمتها و عفتها و حياءها على جال 2 دورو
الله يهديهم
و تزيد تفتخر بنفسها ,,,,باه راهي تفتخر ؟؟؟ بطرقها الشنيعة في كسب المال
المفروض البنت كي تروح تشري و جاها السعر غالي و مرات فعلا يكونوا مغليين تسألوا عادي تنقصلي الا هو عن طيب خاطر نقصلها بها و نعمة و الا لا تقولو الله يسهل عليك و تشوف كيفاش هو بداته راح يقولها ولي و خودي
الله المستعان
اقبل مروري

أوافقك تماما أختي
فحتى وإن أرادت التفاوض في السعر لازم يكون في حدود
وبالتراضي باش حتى واحد ما ياخذ حق الطرف الثاني
لكن واش تقولي أختي: صدق من قال القناعة كنز لا يفنى
تشرفت بمشاركتك القيمة
احترامي​

 

[عروبي]

الله يستر على الجميع انا سمعت مرة من عالمة دين [تقول الي تخرج وهي تعتقد انها انثي فهي فيها شيء
يعني خليكي خشنة وصوتك ضخم حتى لايطمع الي في قلبه مرض

 

[virus2015]

سلام عليكم
هادي جياحة والله ساعات يخسرو الي يبيع والله
تحط خوها ولا باباها في بلاصتو تحب الي يجي يشري عليه بنص سومة ؟؟
وزيد راهي بعدت بزااااف على القدر ماكان ما نقولو عليهم!!!

عندك الحق أختي
صح كاين بائعين يبيعو غالي كثر من اللازم
لكن في بعض الحالات يكون يبيع أشياء بسيطة وبالاك الربح لي يديه في القطعة ما يفوتش 10 ولا 20 دج
وتلقى البنت ولا المرأة تكسرلو في راسو باش يهبطلها السومة
وتزيد تحلل فيه وتقولو باش نركب الطرونسبور

ولا خطرة وحدة سمعتها تقول للبائع:
وعلاش علاش نقصهوملي باش نشري بيهم لا كريم :d
بالاك هو مسكين راهو مشتهي لا كريم وماشراهش
المهم ربي يهدينا ويهديهم
وشكرا لمشاركتك القيمة
احترامي أختي
​

 

[lamilam88]

البيع بالتراضي
و طفلة كيما هاذي ربي يهديها لازم تعرف قيمتها وما تطيحش بروحها
على جال 20 ميل.​

 

[عفيفة الحبوبة]

أوافقك تماما أختي

فحتى وإن أرادت التفاوض في السعر لازم يكون في حدود
وبالتراضي باش حتى واحد ما ياخذ حق الطرف الثاني
لكن واش تقولي أختي: صدق من قال القناعة كنز لا يفنى
تشرفت بمشاركتك القيمة

احترامي​

لي الشرف اخي شكرا بارك الله فيك

 

[virus2015]

لي الشرف اخي شكرا بارك الله فيك

وفيك بارك الله :regards01:
​

 

[virus2015]

شكرا اخى على الموضوع

و الله عندك الحق
انا وحدة مانعرف انحلل مانعرف نتفاوض فى الشراء
نقولو وشحال يقول ومن بعد وشحال تحسبهالى ادا نقصلى اللهم بارك منقصش المهم عجبتنى نشريها كيما هي

مى تصيب بزاف الى يكترو الهدرة ومع الاخير على جال كيما قلت 2 دورو
والله غير عيب
وزيد البائع تحلالو وبالاك مع الاخير يزيد معاها نميرو تاع تيليفون

تقبلو مرورى

بارك الله فيك أختي على تعاملك الراقي
وكيما قلت الحكاية تبدا بتنقاص الدراهم وتخلاص بالتيليفونات وتنقاص القدر
والدراهم لي تديهم بهذه الطريقة ما راهيش رايحة تربح بيهم
يجي كاش واحد بلعاط كثر منها وينحيلها كثر من واش ربحت
وتولي لا حشمة لا دراهم:-o

شكرا لمرورك بموضوعي أختي
احترامي:​

regards01:

 

[أم عبد الله]

السلام عليكم ورحمة الله وبركاته
وعليك السلام ورحمة الله تعالى وبركاته
السؤال لي راني حاب نطرحو:

كيف تنظر أو تنظرين إلى البنت لي تقوم بهذه التصرفات ؟؟؟ وهل هي فعلا ربحت؟؟؟
في الحقيقة خسرت اكثر مما تتصور وكسبت لعنة الله عليها ولعنة اللا عنين
ربي يهدي برك
وهل الربح يتلخص في بضعة نقود ؟؟؟
لا بل الربح ليس هناك لو ان الاب او الاخ هو من تناقش ع السعر تكون عادي والا فلا
وهاذا السبب لي جعل كل النساء الان تخرج للتسوق مخلفتا زوجها او ابنها اخيها او ابيها لتشتري هي بنصف السعر
غريب امر البشر
وحتى وإن ربحت البنت الملايين هل هذا يعادل ضياع حشمتها وعفتها؟؟؟
لايعادل شيء
لو فقط تعلم لما فعلت ذالك
والسؤال المطروح اين الاهل ؟
إليكم الخط وبانتظار تعليقاتكم وردودكم النيرة​

شكرا اخي ع الموضوع
سلامي واحترامي

 

[virus2015]

سلآآآم
أنا وحدة من الناس نحشم نقول لمول المحل بوشحال تخليهالي و جامي قلتها لواحد و حتى تكون مرا الي تبيع
مي كاين بنات الله غالب عليهم يظلو يصححوا في وجوهم مع مالين الحوانت
و كاينين حتى الي يمدولهم النوامر تاع التيليفونات تضربلو الضحكة الصفرا و تقولو عيطلي فالليل باه تدير لافار مليح تولي تدي من عندو باطل
المهم ربي يهدي ماخلق هذا واش نقدرو نقولو
و ميرسي على الميضوع الباهي
سلآآآم ​

ربي يبارك فيك أختي ويحفظلك كرامتك وحياءك
وهذوك البنات ربي يهديهم الدراهم لي يربحوهم في الشوالق
يروحولهم في التيليفونات
شكرا لمرورك أختي
احترامي

​

 

[virus2015]

الله يستر على الجميع انا سمعت مرة من عالمة دين [تقول الي تخرج وهي تعتقد انها انثي فهي فيها شيء
يعني خليكي خشنة وصوتك ضخم حتى لايطمع الي في قلبه مرض

صحيت على الرد المفحم خويا عروبي
لكن تخاف البنات يفهمو هاد القول خطأ، لي يغلط فيهم يعطوه بضربة يجيبوه مكسل هههه راني نقصر برك

المقصود طبعا هو عدم تليين الكلام وترقيقه عند مخاطبة الرجال الأجانب
كما قال تعالى: {ولا يَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ}
سلامي
​

 

[virus2015]

البيع بالتراضي
و طفلة كيما هاذي ربي يهديها لازم تعرف قيمتها وما تطيحش بروحها
على جال 20 ميل.​

بارك الله فيك أختي
فعلا لازم البنت تعرف أنها جوهرة ثمينة وقيمتها أغلى من مال الأرض
شكرا للمرور
احترامي
​

 

[أسماء الغالية]

شكراً على الموضوع اخـي ... هدا الشي صرا بزااف في الاسواق للاسـف اصبحـت الحشمـة والحياء تخلــفـ....وبالطبع هده البنت النـاس يقولو عليها ميش متربيـة ...و ميش رح تربح واالو بهده التصرفاات ..ماعندي مانقول غير ربي يهدي ماخلــق
~~سلاآمـ~~​

 

[virus2015]

شكرا اخي ع الموضوع
سلامي واحترامي

العفو أختي
تشرفت بمرورك
احترامي
​

 

[virus2015]

شكراً على الموضوع اخـي ... هدا الشي صرا بزااف في الاسواق للاسـف اصبحـت الحشمـة والحياء تخلــفـ....وبالطبع هده البنت النـاس يقولو عليها ميش متربيـة ...و ميش رح تربح واالو بهده التصرفاات ..ماعندي مانقول غير ربي يهدي ماخلــق
~~سلاآمـ~~​

العفو أختي
مع الأسف صح كاين هاذ الأمور في الأسواق
لكن تبقى الحشمة والحياء تاج على رأس البنت المتربية
وحتى الشباب لي يحبو يبانو cool وتلقايهم يقصرو ويضحكو
راهم يحترمو البنت المتخلقة
شكرا على مشاركتك المميز ة أختي
احترامي​

 

[rebecca]

موضوع من صميم المجتمع
بارك الله فيك
ونسأل الله أن يصلح بناتنا ​