الجزء الــــ18 من ماذا ستطبخين اليوم

[oumniati]

لبنات الله يبارك غبت عليكم لعشية هاذي لقيتكم زهيتو الحالة, ماشاء الله بصحتكم كلشي واش درتو راني نسيت:d

انا اليوم درت عدس وقرانطيطا وكسيرة ورحمة ربي, بصح ما صورتش مخلوفة ان شاء الله

 

[oumsif]

labed
الروز بالكوفات انتاعي ... تقلي لبصل ثوم ملح زيت الرند, خليهم يتقلوا مليح وزيد حط الطماطم رابي وطماطم مصبرة وزيد خليهم يتقلوا مليخ ومن جيهة حط الكرفات يغلي في الماء كي يهز الغلية احسب لو خمس دقائق وطفئ ومن بعد صفئ الماء انتاعو ما طيشوش امرق بيه لصوص وخليه يطيب حتي ينشف شوية وتغلي الروز كي العادة كي يطيب صفيه وخليه يقطر مليح ومن بعد دوب الزبدة فر مقلة وحط اعليه الروز يتشحر شوية ومن بعد فرغي في صحن وحط اعليه لصوص وقدموا

ملاحظة... كاين ليتجمر ما تنشفش المرقة بزاف تغلي الروز 4دقائق ومن بعد صفيه وشلو ورجعو في المرقة يتجمر علي نار هادئة كي طيب قدموا انشاء الله تكون فهمتيني​

 

[loula09]

سلام حبيباتي وشراكم لباس
انا عشاتي كانت لابيري بستاك و شويا مرقاز

[/url][/IMG]

 

[oumsif]

بصحتكم لبري اختي loula ​

 

[ايمان التلمسانية]

سلام حبيباتي وشراكم لباس
انا عشاتي كانت لابيري بستاك و شويا مرقاز

[/url][/img]

يعطيك الصحة لولا طابلة تشهي ​

 

[ibtesem]

السلام عليكم واش راكم بصحاكم واش تغديتو
لولو بصحتك لا بيري

 

[oumniati]

sbahkoum belkhir

kifeh sbahtou

ana dertelhoum kika ta3 micro onde yechourbou biha kahwa

laftour 3dess te3 el bareh, w la3cha mazel b3iiiiiiiiiiiiiiiiiiiiiiiiiid

 

[ندى الورود]

السلام عليكم
مساء الخير لكل رائدات مطبخنا اللماوي
هاذي اول مشاركة ليا معاكم ان شاء الله ما تكونش الاخيرة
ووباش ما نخرجش على الموضوع
غذانا كان روطي بطاطا مع فقوس وسلطة
بصحتكم واش طيبتوا

​

 

[عفاف الجزائرية]

صباح الخير عليكم
ونهاركم طيب
ان شالله تكونو بخير
روحت لمياء ليوم وخلاتلي الفيد كبيييييييييييير والله لدرك الدمعة على خدي
جيت ننسي في روحي شوي
جبت التصاور نتاع نهار عرضة اختي نهار الجمعة عرضتنا كامل
جبت اللي قدرت نصورهم
طاجين حلو

طاجين الزيتون

دولمة جلبانة

بوراك

بطاطا في الفور

ودجاج محمر

والديسار ليموناد بالانواع وفقوس دلاع عنب وخوخ وانجاص وتفاح هذا اللي قدرت نصور وما قدرتش نصور السهرة نتاع لاتاي والمقرقشات ومقروط مقلي

​

 

[ibtesem]

اهلا بيك ندى الورود معنا في المطبخ اللماوي
.............
فوفتي عرضة وعليها الكلام
عجبتني البطاطة مع التتبيلة الوصفة كفاش


: 20 (10 عضو و 10 ضيف) مرحبا بالمتواجدات معانا والعضويات جديدة ‏ibtesem, ‏أميرة الحكم, ‏Djazaire-El-Ghalia+, ‏imane27, ‏loula2, ‏mimi53, ‏SaRa QuEeN, ‏smiliani1, ‏wassila21, ‏فايزة1207

 

[ام منصف]

بصحتكم يا الحراير
كل شيء من يديكم اكيد حلو
الصور راهم في الصوارة والتفنيين حاكمني عييت ننزلهم
عندك لا تصرالهم كيما نتاع ام ايناس هههههههههه راني نضحك برك دليلة
--------
عفاف الجزائرية عندك الحق كي يروحوا الضياف تبقى الدار فارغة وين يا اختك ربي يوصلها على خير
وصور العرضة رائعة
رانا نستناو في صور حفلة السنة نتاع بشبش الزينونة
​

 

[أم دودو]

السلام عليكم
واش راكم كااااااااااااااااامل إن شاء الله تكونوا بخير
بصحتكم كامل أنا درت خبز الدار و لوبيا قرينيا و سلاطة
​

 

[ibtesem]

بصحتكم ام دودو لوبيا خاصة خبز الدار امممممممممممم

 

[نجمة ساطعة]

سلام كاشي ماكلة جعت توحشتكم

 

[بوح المشاعر]

السلام عليكم

امممم مشاء الله عليكم يالفحلات

وبصحتكم كامل وربي يدوم عليكم نعمه

اختي عفاف بصحتكم العرضة عرضة هايلة

هذا فطورنا

​

 

[عفاف الجزائرية]

السلام عليكم اختي انا منوافقكش الراي المنتدى ندار لهذا الشي و ما فيها والو كي سقسات حبت تتعلم وياك مقالتش روعة خفي طيحي بالوصفة انا كنت ندخل كزائرة برك و كي شفتك كتبتي هكذا على الطفلة غاضتني مقدرتش مندخلش و منكتبش.

اختي سارة حصل سوء فهم الاخت روعة حبت تقوللها كون لحتي علينا السلام وتفضلتي بطلبك فقط ماش قاصدة حتى شي تاني
وزيد هاذا المنتدى ماهو الا عالم يجمعنا بالخير وان شالله حتى ويفرقنا يفرقنا بالخير
وان شالله نشوفو مشاركاتك والاخت ردو عليها اكثر من اختين على طلبها
ربي يهنيكم كاملين

 

[عفاف الجزائرية]

اهلا بيك ندى الورود معنا في المطبخ اللماوي
.............
فوفتي عرضة وعليها الكلام
عجبتني البطاطة مع التتبيلة الوصفة كفاش


: 20 (10 عضو و 10 ضيف) مرحبا بالمتواجدات معانا والعضويات جديدة ‏ibtesem, ‏أميرة الحكم, ‏Djazaire-El-Ghalia+, ‏imane27, ‏loula2, ‏mimi53, ‏SaRa QuEeN, ‏smiliani1, ‏wassila21, ‏فايزة1207

بسوم هاهي طريقة البطاطا كنت حطيتها في موضوع
https://www.4algeria.com/forum/t/278291


--------
والله يا شريفة اختي غير الدار مضلمة اسكتي عنا برك ربي يوصلها على خير برك
وهيا حطيلنا التصاوير نمصمصو عينينيا برك

 

[oumsif]

عفاف عرضة وعليها لكلام يعطيها الصحة اختك
بوح المشاعر بصحتكم كلشي يشهي ​

 

[labed93]

اختي روعة شحال من خطرة نحط السلام واحد ما رد

 

[ibtesem]

بصحتكم بوح المشاعر

اليوم بيتزا انشاء الله
صح عشواتكم جميعا