الهجرة والغربة

[yasser-tlm]

ا

لسلام عليكم :regards01:
اولا نعرف بروحي انا اسمي ياسر مغترب جديد بديتها دراسة :down:ولا كتب ربي نكملها خدمة:d
المهم مانطولش عليكم حاب نعرف رايكم فالغربة والمغتربين وطريقة معيشتهم
هنا لقيت الحرية صح ولكن هل الحرية تعطيني الحق ندير واش نحب ؟؟؟
وهل بما انني عايش في بلادهم لازم ندير كيفهم ؟؟؟؟
كاين ناس يستناو وينتا يخرجو واللي هنا يستناو وقتاش يرجعو؟؟؟
بكل روح جزائرية رايكم فالموضوع
شكرا​

 

[ماكانش]

أهلا بيك خويا
انا نقلك بكل روح مصداقية ألي يقلك حاب نرجع من الغربة للجزاير كذاب منافق ...
قلو طولت ياخويا مارجعتش
والجزائري ألي يقلك مانيش حاب نروح كذاب ، إلا اذا كان ولد والي ولا وزير ولا مسؤول سراق ...
​

 

[yasser-tlm]

أهلا بيك خويا
انا نقلك بكل روح مصداقية ألي يقلك حاب نرجع من الغربة للجزاير كذاب منافق ...
قلو طولت ياخويا مارجعتش
والجزائري ألي يقلك مانيش حاب نروح كذاب ، إلا اذا كان ولد والي ولا وزير ولا مسؤول سراق ...
​

شكرا على الصراحة ولكن ماشي قاع كيف كيف اللي طول ومادارش حتا حاجة مايوليش واللي عطاه ربي وسترو وعلاش يبقى ومن جهة ولاد لبلاد ربي يصبركم

 

[ĂÝǾΰb]

أهلا بيك خويا
انا نقلك بكل روح مصداقية ألي يقلك حاب نرجع من الغربة للجزاير كذاب منافق ...
قلو طولت ياخويا مارجعتش
والجزائري ألي يقلك مانيش حاب نروح كذاب ، إلا اذا كان ولد والي ولا وزير ولا مسؤول سراق ...
​

السلام عليكم
يا خويا ماني ولد والي ولا وزير ولا مسؤول سراق
بصح عمري حطيت في بالي الغربة منيش حاب نروح ومنيش كذاب كيما راك تقول
وكاين جارنا ميقري عندو دوبل ناسيونالتي راهو عايش ومش رح يرجع لهنا مالا هدرتك ما تعممهاش على كامل الناس تقبل مداخلتي :regards01:

و الأخ صاحب الموضوع عيش و اتقلش
ومارس كامل حرياتك فلغربة لكن في حدود الله
ما ترتكب الحرام يا خويا الله يوفقك :up:
​

 

[ماكانش]

السلام عليكم
يا خويا ماني ولد والي ولا وزير ولا مسؤول سراق
بصح عمري حطيت في بالي الغربة منيش حاب نروح ومنيش كذاب كيما راك تقول
.
.
.
.
.

​

ياي مالقيتهاش برك يا خالي
كي تلقاها ويقولولك تروح ونشوفوك تراه تبغي تروح و لالا ...
مانيش نهدر على ألي مالقاوهاش ويقلك ماعندي ماندير بيها ...
ودائما المثل يقول القط كي تكون بعيدة عليه الشحمة يقول اخ

تقبل جوابي

 

[ĂÝǾΰb]

ياي مالقيتهاش برك يا خالي
كي تلقاها ويقولولك تروح ونشوفوك تراه تبغي تروح و لالا ...
مانيش نهدر على ألي مالقاوهاش ويقلك ماعندي ماندير بيها ...
ودائما المثل يقول القط كي تكون بعيدة عليه الشحمة يقول اخ

تقبل جوابي

ميش محتم عليك تصدقني بصح ميحقش عليك تكذبني هذا رايي
أنا عندي هنا ناس نحبهم نعيش معاهم كي ميكونش ناكل الخبز والماء
ونحمد ربي المهم راحة البال وزيد ما نقدرش نسمح في والديا عجال وسخ الدنيا
أنت تقدر تخلي والديك وحدهم وتروح و راك تقول ما نرجعش هكذا يسما راح تعبهم خسارة
هذا المثل مينطبقش عليا يا خو أنا حاجة ماهي بعيدة عليا و الحمد لله :regards01:
​

 

[lamis42]

هل الحرية تعطيني الحق ندير واش نحب ؟؟؟ ياخو لحرية متعطيكش الحق دير كلش وتمتع بكلش كما تتمتع في بلادك بسكو كلش يختلف وكاين حاجات عندهم احنا معندناش والعكس صحيح .
هل بما انني عايش في بلادهم لازم ندير كيفهم ؟؟؟؟ مشي ابليجي عليك دير كيفهم الواحد يتمسك بدينو ومبدأ انتعو ويبقى على عاداتو وتقاليدو ومينساش انو مغترب
كاين ناس يستناو وينتا يخرجو واللي هنا يستناو وقتاش يرجعو؟؟؟ كاين وكاين ..... كاين لي ميصبرش على البلاد والاهل وكاين لي نرمال

 

[عفيفة الحبوبة]

السلام عليكم
اولا ربي يوفقك اخي في دراستك و ينجحك راك تما عيش مليح و ديما شد في ربي و في دينك و ما تنساش بلادك و اهلك و ناسك
انا رأي الغربة ماهيش مليحة اللي يروح تماك و ما عندو لا قراية لا خدمة لا زدمة يدخلها غير تامارا و ميزيريا اما اللي كيفك رايح يقرا و ضامن المستقبل علاش لا لا
و الله اعلم
تقبل مروري
شكرااا​

 

[yasser-tlm]

السلام عليكم
يا خويا ماني ولد والي ولا وزير ولا مسؤول سراق
بصح عمري حطيت في بالي الغربة منيش حاب نروح ومنيش كذاب كيما راك تقول
وكاين جارنا ميقري عندو دوبل ناسيونالتي راهو عايش ومش رح يرجع لهنا مالا هدرتك ما تعممهاش على كامل الناس تقبل مداخلتي :regards01:

و الأخ صاحب الموضوع عيش و اتقلش
ومارس كامل حرياتك فلغربة لكن في حدود الله
ما ترتكب الحرام يا خويا الله يوفقك :up:
​

مشكور على المرور خويا وربي يبعدنا حنا وياك على الحرام

 

[yasser-tlm]

السلام عليكم
اولا ربي يوفقك اخي في دراستك و ينجحك راك تما عيش مليح و ديما شد في ربي و في دينك و ما تنساش بلادك و اهلك و ناسك
انا رأي الغربة ماهيش مليحة اللي يروح تماك و ما عندو لا قراية لا خدمة لا زدمة يدخلها غير تامارا و ميزيريا اما اللي كيفك رايح يقرا و ضامن المستقبل علاش لا لا
و الله اعلم
تقبل مروري
شكرااا​

يعطيك الصحة على المرور والدعوة الحلوة وصراحة كون ماشي شاد في انه عندي فرصة قالغربة وكان راني رجعت مشكورة على المرور

 

[yasser-tlm]

هل الحرية تعطيني الحق ندير واش نحب ؟؟؟ ياخو لحرية متعطيكش الحق دير كلش وتمتع بكلش كما تتمتع في بلادك بسكو كلش يختلف وكاين حاجات عندهم احنا معندناش والعكس صحيح .
هل بما انني عايش في بلادهم لازم ندير كيفهم ؟؟؟؟ مشي ابليجي عليك دير كيفهم الواحد يتمسك بدينو ومبدأ انتعو ويبقى على عاداتو وتقاليدو ومينساش انو مغترب
كاين ناس يستناو وينتا يخرجو واللي هنا يستناو وقتاش يرجعو؟؟؟ كاين وكاين ..... كاين لي ميصبرش على البلاد والاهل وكاين لي نرمال

شكرا على المرور كلامك هو اللي كنت نستنا فيه والحمد لله مزال كاين ناس تخمم بالعقل ماشي بالواقع

 

[yasser-tlm]

الحمد لله الموضوع وصل وين حبيته ومجمل الاراء اللي لقيتها هنا ولا فالبلاد حطيتوها في كذا رد شكرا على مروركم

 

[الورد الأحمر]

الحق بلادنا فيها وفيها وفيها وفيها بزاف مشاكل
مي ,
الحمد لله قانعة ونبقى فيها وعادي ولي ماتو قبلنا أكيد
ما قتلتهمش لبلاد قتلهم عمرهم لي فض يعني لي يبقى
في لبلاد ما رايحش يموت .
أما عن المغتربين أنا نعافهم هذوك لي ينساو عاداتهم
وتقاليدهم ويرجعو بعادات الكفار عري وفسق و و
خاصة في الصيف مع موسم البحر حدث ولا حرج ,
لي يعاشر ناس مش بالضرورة يكون كيفهم ,
يكفي أنو يدي الإيجابي منهم ويطيش السلبي ,
وخاصة يحافظ على عادات جدادو ...
ربي يوفقك أخي في الدراسة
وربي يثبتك خاصة
وســلآمي
​

 

[yasser-tlm]

أما عن المغتربين هذوك لي ينساو عاداتهم
وتقاليدهم ويرجعو بعادات الكفار عري وفسق و و
​

هادي راني نتمنى نسلك منها

لي يعاشر ناس مش بالضرورة يكون كيفهم ,
يكفي أنو يدي الإيجابي منهم ويطيش السلبي ,
​

مشي ساهلة
ربي يثبتنا هنا ويقويكم الهيه شكرا على المرور

 

[بنت الـ25]

السلام عليكم ورحمة الله وبركاته
قضية الغربة أنا شخصيا تحيرني
ساعات تلقى لي راح يقلك منرجعش غير لزيارة الأهل ولا يجي يفوت ليفاكونص في كاش بلاج فقط
وكاين لي يعيط لماليه يبكي الغربة صعيبة وحاب نرجع
انا ياخويا كون لقيتها والله منقول لالا وضيعت قداش من فرصة وندمت عليها
ولكن قدر الله وما شاء فعل
*******
بالنسبة ليك نقلك حط راسك فس قرايتك وان شاء الله يرزقك ربي تما بخدمة مليحة
تضمنلك مستقبلك
مبعد لا خممت ترجع الأمر يعود ليك
بصح ننصحك بحاجة وحدة متبعدش على ربي وخليك متمسك بمبادئك وأخلاقك لي رباوك عليها والديك لاخاطر لمعيشة في مجتمع مش مسلم تشكل خطر على الدين

وهل بما انني عايش في بلادهم لازم ندير كيفهم ؟؟؟؟

دير كيفهم فالأمور لمليحة أما الأمور الأخرى كيما (الشراب و...اك علابالك بلا منقلك)
غير بعد عليها سينو تخسر دنيتك وآخرتك
قصتك فكرتني في حلقة من حلقات جاك المرسول
راجل بسكري حياتو كامل 56 سنة وهو عايش في فرنسا
عرضتو بنتو للحصة باش تقنعو يخليها ترجع لراجلها لي طلقها
تخيل وش قالها
قال للطيب :
" احنا عايلة جزايرية هيا قولي وش يقولو الناس فالطفلة لي تهز الطيارة
من فرنسا وتجي لتونس حتى لو كانت عارضتني في هاد الحصة"
56 سنة فالغربة ومزال متمسك بمبادئو ... هدا انا نتيريلو الشابو :regards01:
وفالأخير
ربي يوفقك في حياتك وان شاء الله تبقى على اتصال مع احبابك
​

 

[yasser-tlm]

ربي يوفقك في حياتك وان شاء الله تبقى على اتصال مع احبابك
​

امين يا ربي مشكورة على المرور

 

[°/°مبدعة اللمة°/°]

خوية انا عندي اختي من 2000 وهي فالغربة قرت ونجحتوراهي بشانها ضرك
نقلك الصح كون بقت هنا رح تقرة مي رح تقعد بين الحيوط
هذي من جيهة التحصيل العلمي+تقاليدهم في انجلترا مبدلوهاش بالعكس زادوها قوة وايمان
اما من جيهة الفراق فأنها كل ماتجي هنا تحن لينا مي متقدرش تكمل اسبوع الا وتولي على اعصابها
بين قوسين الغربة مرة

 

[yasser-tlm]

خوية انا عندي اختي من 2000 وهي فالغربة قرت ونجحتوراهي بشانها ضرك
نقلك الصح كون بقت هنا رح تقرة مي رح تقعد بين الحيوط
هذي من جيهة التحصيل العلمي+تقاليدهم في انجلترا مبدلوهاش بالعكس زادوها قوة وايمان
اما من جيهة الفراق فأنها كل ماتجي هنا تحن لينا مي متقدرش تكمل اسبوع الا وتولي على اعصابها
بين قوسين الغربة مرة

شكرا على المرور ماكانش رد تقدر نرد عليك بيه ببساطة اللي في قلبي قلتيه

ياو راني فالسويد امجلترا بالنسبة لهنا والو لي حكمتله بالزبيب واللي طاحت عليه ماينوضش

 

[°/°مبدعة اللمة°/°]

شكرا على المرور ماكانش رد تقدر نرد عليك بيه ببساطة اللي في قلبي قلتيه

ياو راني فالسويد امجلترا بالنسبة لهنا والو لي حكمتله بالزبيب واللي طاحت عليه ماينوضش

موضوعك عطى فرصة ممكن بش نبينو حقائق يواجهها المغترب
بالاخص اذااغترب الى بلدان معارضة للاسلام او ان كانت امرأة انسة فانهاة رح تواجه من المشاكل وش تواجه خصوصا الحقرة والايام المريرة والمعاناة والتوفيق بين الدراسة والعمل
يعني و ش نقدر نقول ربي يكون في عونكم :s

 

[yasser-tlm]

انا ماعنديش بزاف هنا ولكن قاع اللي جاو قبلي قالولي جنة مي نهار كنت وحدي وطاحت بيا هادوك اللي قالو جنة عاودو قالو هادي هيا الغربة
الغربة صعيبة واللي ما يروحش واجد ما يسلكش