علاش بعض الوالدين يهملو بنتهم بعد الزواج؟؟

[بنت الـ25]

السلام عليكم ورحمه الله وبركاته

تحية للأعضاء الكرام
:regards01:

في مجتمعنا نلاحظو اهمال بعض الآباء والأمهات لولادهم وبناتهم
وطبعا هاد الشي يأثر على نفسية الابناء خاصه لما يشوفو أمهات وآباء اصدقائهم يهتمو بيهم من كل النواحي

بصح انا لاحظت بلي بعض الوالدين يهملو بنتهم بعد الزواج!!!!
مع ان الفتاة بعد الزواج تكون في حاجه لسؤال والديها عليها وعلى ولادها وزوجها :-r
وخاصه قدام زوجها تحب تبين بلي والديها مزال مهتمين بيها ويسقسيو عليها

علاش يهملوها ؟ يعني ادا تزوجت بطلو مبقاوش مسؤليين عنها!:s

إضافة إلى هدا
ساعات هاد الأمر يدفعها للكدب قدام راجلها! مثلا تقلو بابا حكا معايا اليوم ويسلم عليك بزاف :$ مع ان باباها عندو شهور محكاش معاها :s

في رايكم وعلاش بعض الوالدين يهملو بنتهم بعد الزواج وميسقسيوش على احوالها؟؟؟
ولا كان سقساو تصرا مرة فالفال ولا المناسبات برك؟؟
​

 

[حفيد هواري بومدين]

والله كون جيت طفلة نجاوبك ههههه
برسكو احنا دراري مايحوسوش علينا وليتي راجل سايي كي يشوفك كي مايشوفكش كبر ولدي ولا راجل :d

 

[بنت الـ25]

والله كون جيت طفلة نجاوبك ههههه
برسكو احنا دراري مايحوسوش علينا وليتي راجل سايي كي يشوفك كي مايشوفكش كبر ولدي ولا راجل :d

شكرا لاعتماد الموضوع عبدو
ههههههه عجبتني كون جيت طفلة نجاوبك :p
معليش بصح السؤال عام يعني انت ما عداتش عليك حكاية كيما هادو
من جيرانك أقاربك ...الخ

​

 

[BORHANE9]

و الله لا اعلم يمكن البنت كي تزوج ولاة عندها عائلة اخرى تتهتم بها

 

[الحق سلاحي]

في رايكم وعلاش بعض الوالدين يهملو بنتهم بعد الزواج وميسقسيوش على احوالها؟؟؟
ولا كان سقساو تصرا مرة فالفال ولا المناسبات برك؟؟
انضن يفكروا هاك ...
بنتهم كبرت ونورمالمون هي تسقسي عليهم
​

 

[mimi-ba]

سلام
والله يا ختي انا نشوف بلي ممكن تكون التقاليد هي لي تتحكم في هاد الشي
كيما أنا عندي جدي عندو 6 بنات يعني عندي 6 عماتي جامي سقسى على وحدة وااالووو
ومام كي يروحو عندو في الأعياد تلقايه غير يقوللهم أففف وكتاه مروحين
ممكن يكونو الوالدين كبرو وكرهو من حس الدراري ويخافو بنتهم لوكان يحلولها العين كل يوم تولي هازة حوايجها وجاية عندهم
والا لانهم يقولو بلي خلاصت مسؤوليتهم دركا وماعندهم علاه يسقسيو عليها ؟؟
أنا هذا رايي ختيتو سامحيني طولت عليك
ميرسي عالموضوع الباهي
سلام
​

 

[حنان18]

ايه كاين ألي يهملوهوم و كاين ألي يزيدوا يقلشوهوم كيما أنا يما ختي مزوجة غير قدامنا يما كل حاجة ليها رجلها يكون يفرح يقول زين منحولهاش مكانتها من العائلة.

 

[ماكانش]

أهلا مينات
يعطيك الصحة على موضوعك الباهي
الوالدين يلومو بنتهم يقلك ماتسقسيش علينا
والطفلة تلوم تقلك والديا مايسقسيوش عليا ههههههههههههههه
مليحة منا ومنا
والطفلة كيما قلتي تنظر قدام راجلها وبلاك الراجل الخبيث يحقرها
والعكس تتعزز بزاف كي يكونو والديها قراب ليها ومام راجلها يفهم أمور بزاف
مي شوي شوي مانيش قادر كل يومين يجيني نسيبي ، مانقدرش حتى نحقرها هههههههههههههه
​

 

[بنت الـ25]

و الله لا اعلم يمكن البنت كي تزوج ولاة عندها عائلة اخرى تتهتم بها

بصح هادي بنتهم فالأول والأخير ملازمش يطيشوها حتى لو صار عندها عايلة
اخرى تهتم بيها حتى متحسش روحها مقطوعة من شجرة
​

 

[بنت الـ25]

في رايكم وعلاش بعض الوالدين يهملو بنتهم بعد الزواج وميسقسيوش على احوالها؟؟؟
ولا كان سقساو تصرا مرة فالفال ولا المناسبات برك؟؟
انضن يفكروا هاك ...
بنتهم كبرت ونورمالمون هي تسقسي عليهم
​

ممكن ايه .. قوليلي اختي لوكان انتي تصرالك مستقبلا كيفاش يكون احساسك؟
​

 

[بنت الـ25]

سلام
والله يا ختي انا نشوف بلي ممكن تكون التقاليد هي لي تتحكم في هاد الشي
كيما أنا عندي جدي عندو 6 بنات يعني عندي 6 عماتي جامي سقسى على وحدة وااالووو
ومام كي يروحو عندو في الأعياد تلقايه غير يقوللهم أففف وكتاه مروحين
ممكن يكونو الوالدين كبرو وكرهو من حس الدراري ويخافو بنتهم لوكان يحلولها العين كل يوم تولي هازة حوايجها وجاية عندهم
والا لانهم يقولو بلي خلاصت مسؤوليتهم دركا وماعندهم علاه يسقسيو عليها ؟؟
أنا هذا رايي ختيتو سامحيني طولت عليك
ميرسي عالموضوع الباهي
سلام
​

مرحبا ميمي منورة الموضوع
كون نرجعو لجذور هاد العاد نلقاوها من جدود جدودنا
بصح ديننا ميقولش هكدا
اقراي على علاقة الرسول عليه الصلاة والسلام ببناته بعد زواجهن
كان النبي –صلى الله عليه وسلم- يزور بناته بعد الزواج ويدخل عليهن الفرح والسرور، فقد زار النبي –صلى الله عليه وسلم- فاطمة –رضي الله عنها– بعد زواجها ودعا لها ولزوجها بأن يعيذهما الله وذريتهما من الشيطان الرجيم .
ولم يكن يشغله –صلى الله عليه وسلم- عن بناته –رضي الله عنهن– شاغل بل كان يفكر فيهن وهو في أصعب الظروف وأحلكها فعندما أراد النبي –صلى الله عليه وسلم- الخروج لبدر لملاقاة قريش وصناديدها كانت رقية –رضي الله عنها– مريضة فأمر النبي –صلى الله عليه وسلم- زوجها عثمان بن عفان -رضي الله عنه- أن يبقى في المدينة؛ ليمرضها وضرب له بسهمه في مغانم بدر وأجره عند الله يوم القيامة

وأخيرا مشكورة على رأيك ميمي
تحياتي ليك
​

 

[بنت الـ25]

ايه كاين ألي يهملوهوم و كاين ألي يزيدوا يقلشوهوم كيما أنا يما ختي مزوجة غير قدامنا يما كل حاجة ليها رجلها يكون يفرح يقول زين منحولهاش مكانتها من العائلة.

منورة حنان
وش نقلك يا ختي كل واحد وعقليتو
صدق اللي قال " هم البنات للممات"
تحياتي ليك
​

 

[بنت الـ25]

أهلا مينات
يعطيك الصحة على موضوعك الباهي
الوالدين يلومو بنتهم يقلك ماتسقسيش علينا
والطفلة تلوم تقلك والديا مايسقسيوش عليا ههههههههههههههه
مليحة منا ومنا
والطفلة كيما قلتي تنظر قدام راجلها وبلاك الراجل الخبيث يحقرها
والعكس تتعزز بزاف كي يكونو والديها قراب ليها ومام راجلها يفهم أمور بزاف
مي شوي شوي مانيش قادر كل يومين يجيني نسيبي ، مانقدرش حتى نحقرها هههههههههههههه
​

ايه يا سيدي ربي يكثر من امثالك سفيان
:up::up::up::up:
بصح المثل يقول لا إفراط ولا تفريط
مقلناش الاب لازم يتدخل في حياة بنتو لدرجة يلغي راجلها خلاص
وتاني مقلناش يطيش الداعي بالمدعي ومبقاش يسقسي عليها
هادي فاللول واللخر لحمتو
علاقة الأب ببنتو بعد الزواج نورمالمو متتعداش الزيارة فالمناسبات كالعيد وبعض
المناسبات الخاصة وهذا ما يمنعش يسقسي عليها فالتلفون بين الفينة والأخرى
مش كل يوم طي عليك هادي تولي سماطة
منور مواضيعي كالعادة سفيان :regards01:
سلامي
​

 

[sahiko hamza]

واش جابك اهنا ؟؟
آيا سيقي جيهتك جاية تطورسي هنا ؟؟ يخي حالة .....

ندخل فالموضوع
بسم الله :

الحق عدنــا مكانش هاد الشي
كيما احنا عدنا طفلى وحدة وهي لكبيرة فالدار
ملي تزوجت حتان لذرك قولي عندها 12 سنة وهي متزوجة
كل يوم تقريبا نشوفوها وكل يوم يسقسو عليها والديا
وماناش محبسين

وكاين عايلات العكس والله اعلم علاش يديرو هك ؟؟؟
​

 

[mimi-ba]

مرحبا ميمي منورة الموضوع
كون نرجعو لجذور هاد العاد نلقاوها من جدود جدودنا
بصح ديننا ميقولش هكدا
اقراي على علاقة الرسول عليه الصلاة والسلام ببناته بعد زواجهن
كان النبي –صلى الله عليه وسلم- يزور بناته بعد الزواج ويدخل عليهن الفرح والسرور، فقد زار النبي –صلى الله عليه وسلم- فاطمة –رضي الله عنها– بعد زواجها ودعا لها ولزوجها بأن يعيذهما الله وذريتهما من الشيطان الرجيم .
ولم يكن يشغله –صلى الله عليه وسلم- عن بناته –رضي الله عنهن– شاغل بل كان يفكر فيهن وهو في أصعب الظروف وأحلكها فعندما أراد النبي –صلى الله عليه وسلم- الخروج لبدر لملاقاة قريش وصناديدها كانت رقية –رضي الله عنها– مريضة فأمر النبي –صلى الله عليه وسلم- زوجها عثمان بن عفان -رضي الله عنه- أن يبقى في المدينة؛ ليمرضها وضرب له بسهمه في مغانم بدر وأجره عند الله يوم القيامة

وأخيرا مشكورة على رأيك ميمي
تحياتي ليك
​

ختي بلاك مافهمتينيش
أنا ضد هذي الفكرة تماما مي حكيتلك على جدي ومعاملتو مع بناتو
اما بالنسبة لخوالي كل يوم يعيطو لمام حتى بعد وفاة جدي ربييرحمو خوالي وخالاتي كل يوم ماما بالتيليفون تحكي
انا ضد فكرة أنو الوالدين يطيشو بناتهم بعد الزواج ونقلق كي نشوف عبد يدير هكا
سلامي ختيتو
​

 

[بنت الـ25]

واش جابك اهنا ؟؟
آيا سيقي جيهتك جاية تطورسي هنا ؟؟ يخي حالة .....

ندخل فالموضوع
بسم الله :

الحق عدنــا مكانش هاد الشي
كيما احنا عدنا طفلى وحدة وهي لكبيرة فالدار
ملي تزوجت حتان لذرك قولي عندها 12 سنة وهي متزوجة
كل يوم تقريبا نشوفوها وكل يوم يسقسو عليها والديا
وماناش محبسين

وكاين عايلات العكس والله اعلم علاش يديرو هك ؟؟؟
​

خليني نطورس كيما نحب ههههههه ماـgري معلاباليش وش معنتها طورسي هههههه
:d
ايه حمزة راني معممتش الظاهرة كاين والدين ما شاء الله قايمين بناتهم كي شغل مزالت في دار باباها :up:
بصح كاين لي ميندبش عليها تقول ما صدق تهنى منها:down:
انا قصدت بموضوعي حل وسط
يعني مقلناش تزورها كل يوم:-r ومقلناش تاني ترميها خلاص:down:
حتى هي تغيضها روحها ..
وديفوا الراجل كي يشوف مالين مرتو ميسقسيوش عليها يحقرها وممكن يعايرها:down:
:-o:-o
منور الموضوع حمزة احترم رأيك :regards01:
​

 

[بنت الـ25]

ختي بلاك مافهمتينيش
أنا ضد هذي الفكرة تماما مي حكيتلك على جدي ومعاملتو مع بناتو
اما بالنسبة لخوالي كل يوم يعيطو لمام حتى بعد وفاة جدي ربييرحمو خوالي وخالاتي كل يوم ماما بالتيليفون تحكي
انا ضد فكرة أنو الوالدين يطيشو بناتهم بعد الزواج ونقلق كي نشوف عبد يدير هكا
سلامي ختيتو
​

لا ميمي فهمتك بصح حبيت نعقب برك على جذور هاد العادة
جدودنا لي خلاو ليطراس تعها في جيلنا هدا :-o

الله يرحم جدك ويسكنو الجنة ويخلي لماماك خوتها ويبقاو هكدا ديما
يحبحبو عليها :up:
الحنانة والله غير مليحة

مشكورة عالمتابعة ميمي

:regards01:
​

 

[sarah.staifia]

عليهاااا اختي لي رايح تزوج ضال توصي و هي راهي وثرينتك قرات الموضوع تاعك هههههههههههههههههه و الله غير صح ماشي كي يزوجو معناها معادش يسألو عليهم و الله صح نورمالمون خطرة على خطرة يتفكروهم هكذا على الأقل يهزو بريسانهم قدام نسابهم يعطيك الصحة على الموضوع الباهي

 

[بنت الـ25]

عليهاااا اختي لي رايح تزوج ضال توصي و هي راهي وثرينتك قرات الموضوع تاعك هههههههههههههههههه و الله غير صح ماشي كي يزوجو معناها معادش يسألو عليهم و الله صح نورمالمون خطرة على خطرة يتفكروهم هكذا على الأقل يهزو بريسانهم قدام نسابهم يعطيك الصحة على الموضوع الباهي

متدريش كل شي ممكن هههههههههه :p
مرسي انتي على الرد الباهي سارة :up:
​

 

[الحق سلاحي]

ممكن ايه .. قوليلي اختي لوكان انتي تصرالك مستقبلا كيفاش يكون احساسك؟
​

صح يضيق قلبي شوي
مي انا نسقسي عليهم ....
​