قوليلي و نقولك واش درتي في جهازك ...

[طيور الجنة21]

مي اللي ما يحبهاش مش بالسيف ، انا نكرهههههههههههههههها

يا أختي واش جاب السيف هنا
كل شيئ على الكيف وبالأخص كيفك انت يا العروسة تاعنا
تدللي وزيدي علينا

و خلينا في الحرقوس يا اختي ما تضربيناش برك:p

 

[طيور الجنة21]

وااااااااااااااااااااااااااااااااااو يهبلو ،،،، حتى الكوتون تيج مزينينو ،،،

روعة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!



عجبوني تاع الصح ماشاء الله ،، ربي يبارك



بالصحة ععليك حنونتي ، واسمحيلي تعبتك معاياا


ونوعدكم بلي في اقرب وقت نهبط حتى انا جهازي ، استناو الكوسميتيك برك نكملو ونحط كلشي

أولا ماكاين حتى تعب المهم راحتك انت يا الغالية
وزيد يا الفحلة راهو ما بقى والوا تديه البوبال حاشاكم كل شيئ يتحفوه

الله يسلمك اختي و انت ثاني

 

[طيور الجنة21]

دروك لمخاد لوسايد صغار

ومش عارفة وين مدايرة لباقي مين نلقاهم راني نصورهم ان شاء الله ​

يهبلوا الله يبارك و راكي مخبية وتقولي انا مسكينة ما عندي والوا...ههههههههههه
الله يبارك وماشاء الله تتهناي بيهم...ونزغرتو عليك قريبا

 

[sara arab]

يهبلوا الله يبارك و راكي مخبية وتقولي انا مسكينة ما عندي والوا...ههههههههههه
الله يبارك وماشاء الله تتهناي بيهم...ونزغرتو عليك قريبا

هههه :$ نقولو ماكاش باش نزيدو ههه امين ياربي ونزغرتو عليك انتي تاني مي برك عرضينا ههه​

 

[طيور الجنة21]

السلام عليكم لبنات موضوعكم شيق بزاف وجذاب، راه جذب حتى عجوزة، ردو بالكم يجذب كاش شيخ هههههههه

بالبراكة عليكم وربي يهنيكم ويزين سعدكم يا المخطوبات ولعقوبة للي مزالو

اذا سمحتولي عندي تدخل بسيط

بخصوص الفاليزة تاع ليلة الدخلة كيما قلتو ديري فيها لحوايج اللي تحتاجي في هذيك الليلة ولغدوة الصباح ديزابيي مع بليغتها، ساك دوتوالات، سربيتة، ماكياج،لي سارفيات للاحتياط، ملابس داخلية،،،، مانيش عارفة كل وحدة وظروفها وعوايدها..اذا رحتي تجوزي الليلة كاش بلاصة تدي لبسة وسباط وصاك باه تولي الصباح مش معقولة تعاودي تجي بلاغوب بلونش ههههههه

اذا كنتو ديرو البغرير الصباح ، خلي طابلية تاع الشغل وفولارة باه تغطي شعرك، ماتظليش تحوسي عليهم وسط الفاليزات

وفي كل الحالات اذا عندك اسدال الصلاة ديريه في لفاليزة واذا ماعندكش ديري حاجة مستورة قندورة مثلا وخمار للصلاة، عن تجربة واحد ماقالي عليهم، حتى لليلة الدخلة قالي نصليو ركعتين سنة، ماعرفتش وين نلقى لحوايج اضطريت نصلي بالبرنوس هههههههههه

ومن الافضل تتفاهمي مع خطيبك بللي تصليو باه واحد ماتجيه مفاجأة

نزيدكم حاجة ماتكثروش لي نويزات ممكن الوحدة تحمل بالخف وتسمان، رايحة تبقى تشوف فيهم غير بالعين،
ماتنساوش حوايج لخريف والشتا، واللي عندها طراف قماش ماتخيطهمش كامل، كل مرة يخرج مودال<

اخيرا ماكانش منها كلمة لاااااااااااازم، امكانياتك وظروفك واحتياجاتك هي اللي تحكم

ان شاء الله ربي يكملكم بخير وبزيان السعد ان شاء الله

الحمد لله يا ربي لقينا حل
اشكرك اختي جزيل الشكر نورت الموضوع و ربي يهنيك ويكملك انت ثاني-يا مادام راكي جيتي وكيما يقولوا
قطعت جهيزة قول كل خطيب

و عجبتني منك بزاف كلمة ماكانش اللازم
طبعا المقدور هو اللازم

 

[طيور الجنة21]

هههه :$ نقولو ماكاش باش نزيدو ههه امين ياربي ونزغرتو عليك انتي تاني مي برك عرضينا ههه​

أممممممممممم تبعدي في العين عندك حق

ياك الرسول عليه الصلاة والسلام يقول " ألي ما يمنش بالعين ما كان علاه يؤمن بالدين"
العين حق

بالبراكة عليك ربي ينورهالك

 

[طيور الجنة21]

الله يبارك عليكم موضوع هااايل راني من الصباح معاه نقرا فيه :d

حوايجكم يهبلو ربي يكمللكم بالخير و يرزقكم بالزوج الصالح
​

•

السلام عليكم
تسلمين على هاذ الطلة

الحلوة
جهاز عروسه شامل وكامل
شكراا لكي
واصلي معنا أكثر و اكثر

موفقه ان شاء الله
مع ودي
•

 

[طيور الجنة21]

العفصة تلقيها عند تع الأعشاب واقيلا هكدا اسمها بالعامية ونسيت لازم يكون فيها السواك ثاني والقرنفل
البخور يتكون من أكثر نوع من انواع البخور يتخلطو مع بعضهم لكل انا نعرف فيه السرغين
هادا أحسن انواع البخور واغلاهم يتباع شغل عود صغير تقدري تشعليه وتشميه
وفيه تاني الورد و الزبد المهم فيه بزاف منعرفهمش كامل تلقيهم عند العطار
هادو كامل يتهرسو ويدار منو شوي في البخارة الكهرابئية ولا العادية تع الطين يكون فيها شوية ورق باش يشعل ريحتو هااااايلة تبقا ريحتو في الملابس والدار نهار كامل انشاء الله نكون وفيت بالشرح
ااه نسيت أنا نسكن في الوادي سونتر حنونه

تعيشي الغالية شرحت وفيت وكفيت
اعطيك الصحة
ان شاء الله راني نروح للعشاب
ونخير واش يعجبني
اعطيك الصحة

متشرفة ببنت القباب بنت الجود والكرم والتربية راني سقسيت لأنو عندي صحاباتي من قمار وجامعة وكوينين

 

[طيور الجنة21]

أهدي هذه الصورة لكل المتزوجات في الموضوع و انتوما المخطوبات أصبرو شوية ونقول للعازبات أدعي لكم الله من أعماق القلب بالزوج الصالح

​

 

[اليمـــآمــه]

السلام عليكن
والله اعجبت كثيرا بالموضوع ورغبت ان تكون مشاركتي الاولى في المنتدى من خلاله
على كل ألف مبروك لكل مقبلة على الزواج والله يكون في عونها لاني مجربة هاد الشي وماشي ساهلة خلاص
جهاز لعروسة
وربي يرزق كل عويتقة مازلت في انتظار فارس الاحلام
طالعت الموضوع من صفحته الاولى لغاية كتابة اسطري هاته حبيت نهني كل واحدة بمشترياتها كل شي بالطبع ربي يكمللكم على خير
والله استفدت الكثير الكثير وعندي آلاف الاستفسارات خاصة لي متعلقة باختلاف المناطق تاعنا وكل منطقة عندها عادات وتقاليد
لاني انا من منطقة و عايشة في منطقة اخرى و وزوجي واهلو من منطقة اخرى
والله تخليطة كبيرة وما لقيتش واشمن سيرة نتبعها
قولولي يا بنات لازم نمشي على سيرة اهل زوجي يعني نتبع طريقهم في العادات والتقاليد
ولا كيفاش
افيدوني بالله عليكن​

 

[طيور الجنة21]

السلام عليكم
احم احم راني هبطت فاليزة ههه من بعد نهبط لباقي ان شاء الله نبداو باسم الله

نبداو بسرابيت تاع الدوش ول كاين تاني صغار​

مرحبا بالعروسة -ربي يهنيك يا الفحلة سامحينا برك في تعبك
راكي عندك واحد الذوق الله يبارك ربي يتملك بيه
​

آه يا هاذي ...... تهبل ظريفة وصغيرة وتحفة

تقدري تطبقيهم هكا امبعد في الشورة

 

[طيور الجنة21]

و سيرتو في قضية التطباق تاع المناشف كون تشوفي طرق تطبيقهم رايعين
ان شاء الله نحطهم قريبا
​

 

[طيور الجنة21]

و قبل ذلك راح نحطلكم مجموعة من الأشياء التي تؤخذ في الجهاز وذلك لتذكير العرايس كشما نساو وزيد لأخذ فكرة........هاكم ليكم السورتي دو بان
​

 

[طيور الجنة21]

ايه سارة شوفي هاذو راهم ليك.... راهم مناشف :p ماشي قاطو شوفي مليح:up:

​

 

[طيور الجنة21]

وشوفوا الحركات هذي ..مناشف على شكل طارطات ..

 

[طيور الجنة21]

 

[طيور الجنة21]

ما تنساوش هذا
سبراي معطر للفم تلاقينه من عده ماركات بالسوبر ماركت

 

[طيور الجنة21]

المضمضة بغسول للفم بنكهة النعناع إذا أمكن بعد غسل الأسنان (يوجد بالصيدليات والسوبر ماركت و توجد عدة ماركات)

 

[طيور الجنة21]

coton tige حكينا عليهم من قبل

 

[@احساس طفلة@]

تقدري تطبقيهم هكا امبعد في الشورة

أحسن طريقة لتطبيق المناشف تاخذي علبة تع صباط جديدة تغلفيها بورق أحمر أو أي لون ولا ادا حبيتي ورق الي يتغلف بيه الكادو وتضيفيلها كاش ازيكسسوار ادا عنك وتحطيه فيها واش تحبي و أولهم المناشف يطبقو كيما في الصورة أعلاه هكدا ميهزوش مساحة كبيرة وفي نفس الوقت يتخملو بطريقة عصرية أنا مخبيا اكثر من علبة الي يشري صباط جديد في الدار ندي العلبة تاعو

​