المرة الجزائرية تاع بكري ما تذكرش اسم راجلها!!!

N

NADA ELWARD

:: عضو مُشارك ::
السلاااااااااااام عليكم
هذا الموضوع من بين المواضيع ليحيرتني في المرة الجزائرية تاع بكري كيما العجايز و النسا لكبار أنهم ميذكروش اسم راجلهم تقولك (راهو جاي ليا) تسقسيها (شكون؟) تقولك(هو) (شكون؟؟؟)
تزيد تقولك (هو!!!) وكتعاود تسقسيها تقولك(راجلي) و ماتحبش تهدر اسمو وكيكبرو تولي تقولو (الشيخ)
ما فهمتش علاه
سوا من باب الخجل:$ ولا من باب الاحترام:smile02:
و انتوما واش رايكم ؟؟؟
 
الحرمة الراجل كانت قيمتو راجل صح دوركا كي تسمعي النسا وا يحكيو على رجالتهم قداك بعضاهم تحيري ... واحد تعيطيلو لعتر يعني قصير القامة ولوخرا تعيطلو منعرف واش . .. ​
 
من وجهة نظري ادا هو الصح كل وحدة تخلي راجلها ليها و محافظة على خصوصياتو
علاه عاجبينك نسا درك توري راجلها لصحباتها و تحكي على خصوصياتو قدامهم و كي يديو هولها و يطير ما بين يديها تقول يا ليت بففففففف يعيو
 
قال docteur abdou 24:
الحرمة الراجل كانت قيمتو راجل صح دوركا كي تسمعي النسا وا يحكيو على رجالتهم قداك بعضاهم تحيري ... واحد تعيطيلو لعتر يعني قصير القامة ولوخرا تعيطلو منعرف واش . .. ​
إضغط للتوسيع...

السلام عليكم،،والله راني معاك خويا عبدو في كل كلمة قلتها،،بصح واش نقولوا ماكاش خير من ربي يهدينا ويثبتنا...
تحياتي ليك الاخ عبدو،ونشكر صاحبة الموضوع...
 
أكيد من باب الاحترآمــ , علآه الخجل رجال بكري كي السبوعة ماشاء الله
دوكا كاين اللي دلع راجلها و كاين تلدع راجلها باسماء فاقدة

سلام اختي
رعاكِ الله
 
ايييييييييه على ناس بكري الله الله
الزمن الأصيل تع الصح
هادا اسمو الخوف والاحترام والحشمة خلطيها تصفى
انا جداتي ربي يطول في عمرها لدرك كي نسقسيها على جدي الله يرحمو تقولي

ايه الشايب تاعي مكانش درك كيفو
بووووووووووووووووووه
:$:$
يما ساعات وين تذكر اسم بابا... تقولي او جى باباك او راح باباك
وهو لحد الآن يسميها كوكا ولا مدام


ايييييييه يا حصراااااااا​
 
النسا تاع بكري كي كانو يحكو على ازواجهم مايدكروهمش بالاسم .. المراة كانت تقول "مولا بيتي" :$
بصح تاع درك .. حدث و لا حرج تفضح في راجلها عيني عينك .. حتى هو مايقصرش فيها مع صحابو في القهاوي :down:
​
 
صح و الله عندك الحــــــــــــــــــــــق.
 
صح كاين منها
من باب الاحترام
ماشي كيما ضركا الله يبارك على النسا تاع هذا الوقت تقولو مومو عيعو ميزو ههه
شكرا على االموضوع الرائع
 
صح واش راكي تقولي
انا لدوكا ماني تقول علا جدي الله يرحموا مولا البيت متنطقش كامل اسموااا
ايه هاديك من الحشمة والاحترام بعني هو ماكاشوا مي كي تنطق اسموا تحشم:$ و تخااااااف ماشي كيما دوكا هو يخافهااا :@:@​
 
سلآم

يعطيك الصحة على الموضوع

إييه هاديك بكري كانو يحشمو ينطقة اسمو + من باب الإحترام قليييل وين تغلط المرا و تعيط لراجلها باسمو
ضوك تسمعي غي نونو و فوفو ما تفهميش لا هادا اسم بنادم و لا حيوان mais puisque الناس ولات تمشي بالمقلوب كل شي راه نورمال


​
 
توقيع {مُدَلَّلَتُهُ}
وعليكم السلام ورحمة الله وبركاته
اختي هذي من الحشمة والاحترام الحرمة تاع ناس بكري
ماشي نقصد بلي تعيط لراجلها باسمو راهي ماشي محترمة لالا بصح بكري اصل كاين الحرمة
ضرك ديفوا تسمعي وحدة تحكي على خطيبها تخلعك
يعطيك الصحة على الموضوع
 
موضوع شباب بالبزاف
 
توقيع أمّ عبد الله
الرجل بكري كانت عندو هيبة
عل هذيك المراة ما تذكرش اسمو
​
 
نقصان تقافة وحضارة
متعرف تقول ابو فلان ؟ ؟ ؟ ؟ ؟ ؟
احنا ديما هكدا
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom