دروس دورة اللمة الجزائرية لتعليم فنون الطبخ 1

[فايزة1207]

ملاحظةالدروس الاواى الثلاث كتبتهم في الوردوعندي غير الصور النهائية ومعرفتش كيفاه نحملهم

الدرس1
**شـــــخـــــشــــــــــوخة بسكرية
قطع لحم او دجاج
حبة كبيرة بصل
2 حبات طماطم
2 م ك زيت
ملح + فلفل اكحل + فلفل احمر حار + راس الحانوت
2 الى 3 م ك طماطم مصبرة
حمص منقوع
فلفل اخضر حار

في طنجرة الضغط نحط شوية زيت ونقطع البصل جوانح مع اللحم ونقليهم على نار هادئة

ومن بعد نضيف الملح والتوابل ونقليهم شوية

ومن بعد الحمص المنقوع وحبيتين طماطم مقطعة جوانح ونخليها تتقلى لمدة 5 الى 10 دقائق

في الاخيرنمرق بماء دافي ونغلق الطنجرة

في منتصف الطهو نصفي المرق في كسكاس

ونعاود نرجعو للطنجرة ونضيفلو الطماطم المصبرة ونغلقها ونخليها على النار حتان ينقص حجمها وتخثار
ومن بعد نضيفلها فلفل اخضر حار ونخليها على نار خفيفة لمدة 5 دقائق ونطفي عليها

نغلي حبات بطاطا في ماء و ملح ومن بعد نحمرها في الزيت او في الفرن
ونغلي حبات بيض للتزيين ايضا

ونقدمها مع الفطير او الرقاق

الشخشوخة البسكرية تختلف باختلاف المناسبات
يعني التي تطبخ بدون مناسبة تكون فيها البطاطا + القرعة ( الجريوات)
وكاينة شخشوخة بالكابوية ( اليقطين )
اما شخشوخة الاعياد والافراح بمثل هذه الطريقة

les cornets salés**
​

عجينة ال 10 دقائق

‏هذه العجينة معروفة بعجينة ال 10 دقائق وبامكاننا استعمالها في جميع المعجنات كالبتزا ولي شوصون وغيرها

المكونات
كاس فرينة
كاس ماء فاتر
ملعقة كبيرة خميرة خبز
2 ملعقة كبيرة سكر
3 ملعقة كبيرة زيت
رشة ملح
وفرينة نلمو بيها العجينة

الطريقة
نخلط كاس الفرينة والخميرة والسكر ثم الماء الفاتر
نخلط جيدا ثم نضيف الزيت
ونخلط جيدا وفي الاخير نضيف الفرينة ورشة الملح ونواصل الخلط حتى نحصل على عجينة طرية لا تلتصق
نغطيها ونخليها تختمر حتى يتضاعف حجمها
ونستعملها مباشرة في تحضير المعجنات بانواعها

فرماج
لحم مفروم
ملح وفلفل اكحل
زيتون اخضر مقطع
نحضر العجينة ونتركها تختمر ثم نفردها على سطح مرشوش بشوية فرينة نقطعها بالجرارة بالطول ونلفها على الاسطوانة
ونتركها تختمر لمرة ثانية

ندخلها الى فرن مسخن مسبقا
وبمجرد ما تتماسك وتتاخذ اللون الاشقر الفاتح نخرجها من الفرن

في هاته الاثناء نحضر الحشو
لحم مرحي ونقليه مع شوية زيت + ملح وفلفل اكحل
ومن بعد نمزج اللحم مع الفرماج والزيتون المقطع

ونحشي بيه اللفائف ندهنها بصفار البيض

ونعاود نرجعلها للفرن ونشعل عليه من فوق
عندما تاخذ اللون الدهبي نخرجها
وتقدم ساخنة

وبنفس الطريقة مع تغيير الحشو فقط
استعملت مرقاز وطيبتو عادي ون بعد حشيت بيه الكورني مع شوية فرماج مبشور حتى يتماسكومن بعد دهنتو بصفار بيضة

وعاودت دخلتو للفرن حتر يتحمر ( شعلت الفرن من فوق فقط)

tarte d'anniversaire a base de genoise

طريقة تحضير الجينواز ( la genoise ) بالشرح المفصل
اولا الجينواز تعتبر من الكعكات الاساسية لتحضير معظم الطورطات وهي خفيفة لعدم احتوائها على دهون ( لا زبدة ولا زيت )
اولا قبل البدء بتحضيرها يستلزم اخراج البيض من الثلاجة ساعة قبل التحضير
يستحسن فصل الصفار عن البياض وهي باردة حتى تسهل عملية الفصل
في الاصل الجينواز تخبز بدون خميرة كيميائية لكني اضيفها للاحتياط
نقوم بنخل الفرينة + رشة الملح + خميرة الحلوى مرتين
عدد ملاعق الماء = نصف كمية البيض
خفق الصفار اولا مع نصف كمية السكر ثم خفق البياض مع كمية السكر الباقية بعدها لاننا لو قمنا بخفق البياض في البداية ينكمش مع الوقت ودرجة الحرارة المرتفعة في المطبخ
ايضا اضيف كيس فانيلا للصفار وكيس اخر للبياض للقضاء على رائحة البيض المزعجة
بعد الانتهاء من خفق الصفار نغسل مضربي الخفاق الكهربائي جيدا ونمسحهما قبل خفق البياض
يسخن الفرن على 180 درجة مئوية قبل البدء بخفق البيض
ندهن البلاتو بالزبدة ونرشه بالفرينة مع نزع الفرينة الزائدة

6 بيضات
180 غ سكر عادي (cristalisé)
180 غ فرينة
رشة ملح
3 م ك ماء ساخن
2 فانيلا
1 خميرة حلوى
نفصل الصفار عن البياض نضيف للصفار كيس فانيلا

ونبدأ بالخفق تديجيا بسرعة متوسطة ثم نضيف السكر ملعقة بملعقة و 3 م ك ماء ساخن مع مواصلة الخفق وزيادة السرعة

نكمل كمية السكر ونواصل الخفق الى ان نتحصل على كريمة ثقيلة فاتحة اللون

نخفق بياض البيض + كيس الفانيلا جيدا ثم نواصل الخفق باضافة كمية السكر تدريجيا حتى نتحصل على مورانق

نضيف الفرينة + رشة الملح + الخميرة المنخولة مرتين ملعقة بملعقة الى مخفوق الصفار

ونخلط بملعقة خشبية او spatule باتجاه واحد للمحافظة على كمية الهواءالى ان نكمل الكمية .

لنتحصل على خليط متجانس فيه اكبر قدر ممكن من الهواء

نضع المزيج في المول

وندخله الى الفرن ندخل طرف السكين للتأكد من نضج الكيكة فور خروجها من الفرن ننزع الاطراف بسكين حادة من جوانب المول

ثم نقلبها على منخل او مشبك حتى لا تؤثر عليها الرطوبة
وهذي هي النتيجة النهائية


طريقة تزيين الجنواز
كيكتين جينواز
3 علب شيكولا نوار
300 ملل كريمة طازجة
سيرو لسقي الجينواز
100غ كرام شانتيي
كاس حليب بارد
حلوى للتزيين


اولا نقسم كل كيكة الى اثنين يعني نتحصل على اربع طبقات

تحضير الكرام شانتيي
نذوب 100 غ شيكولة في حمام مائي ثم نخلطها مع كوب حليب بارد + 100غ كرام شانتيي نخفقها جيدا بالخفاق الكهربائي الى ان نتحصل على كريمة

نضع اول طبقة ونسقيها بالسيرو ونغطيها بطبقة من الكرام شانتيي

ثم الطبقة الثانية ونسقيها ونغطيها ايضا بالكرام شانتيي والطبقة الثالثة كذلكثم نضع اخر طبقة

تحضير الغناش (le ganache)
نفرغ الكريمة الطازجة في كسرونة ونضعها على النار الى ان تصل الى درجة الغليان

ومن بعد نزيدلها 100غ شيكولة مقطعة

ونحرك الى ان تتجانس

نصبها على الكيكة ونسطحها على الكيكة وعلى الجوانب

كاينة اضافة من عندي
حبيت لون الكيكة يكون بني غامق
عاودت ذوبت 50 غ شيكولة وطبيتها من فوق حتى اتحصل على اللون الداكن

 

[فايزة1207]

الدرس2

العصبانة

كرشة + مصرانة
كبدة وقلب مقطعين مكعبات
ملح وفلفل اكحل
كمون + فلفل حار احمر
حبتين بصل
فصينثوم
حبتينطماطم
م ك طماطممصبرة
2 م ك زيت
اولا ننظف الكرشة جيدا والمصرانة كذلك ونقطعهمقطع صغيرة
نغليهم في طنجرة فيالماء + 2 م ك خل
نتركها تغليلمدة ربع ساعة ومن بعد نصفيها ونتركها تقطر جيدا
نضيفلها كمية من الكبد والقلب مقطع قطع صغيرة
ونحضر كذلك كرشة اللي رايحين نحشيوها وتكون علىشكل جيب حتى نتجنب خياطة كل الاطراف
نقطع حبة بصل الى مكعبات ونضيفلها 2 م ك زيت + حبة طماطم مقطعةمكعبات مع التوابل ( ملح وفلفل اكحل وفلفل احمر حار و شوية كمون ) + م ك طماطممصبرة
ثم نضيفهم الى خليط الحشو
ونخلط مليح ومن بعد نحشيهم في الكرشة
نخيطها مليحوباتقان باه ما تتحلش في أثناء الطهو
في طنجرة الضغط نحط شوية زيت + حبة بصل مقطعةمكعبات + فصين ثوم مقطعين وشوية ملح نذبلهم ومن بعد نضيف فلفل اكحل + فلفل حار احمر + حبة طماطم مرحية + م ك طماطم مصبرة
نقليهم مليح
ومن بعد نضيف العصبانة ونمرق ونغلقالطنجرة
بعدما تطيب وتخثار نطفيعليها ونقدمها مع رشة معدنوس او دبشة

شرائح الباذنجان المحشية بالجبن
باذنجان
جبن
ملح وفلفلاكحل
بيضة
شويةفرينة
شابلير اي خبز يابسمطحون
زيت للقلي
اولا نقطع الباذنجان الى شرائح متوسطة
نغليها في ماء وملح لمدة 5 دقائق ومن بعد نقطرهامليح ونحطها على اوراق المطبخ لتمتص الماء الزايد
نخفق البيضة بالشوكة ونضيفلها ملح وفلفلاكحل
وايضا نضيف للفرينة ملحوفلفل اكحل

نضع بين كلقطعتين باذنجان جبنومن بعد نبللها جيدا في البيضة ونمررها فيالفرينة ثم في البيض مرة اخرى والشابلير تقلى في الزيت الى انتتحمر
وتقدم ساخنة

دزيريات بعجينة الفيلو

دزيريات بعجينة الفيلو



3 كيلات فرينة
كيلة مايزينة
1/2 كيلة سمن
2 مغارف ماء الزهر
مغرفة كبيرة لحظة




ونعجنوها بالماء بحيث تكون شويا يابسة نخلوها ترتاح
انا عملتلها الملون الاخضر
للحشو:
نحتاجو
3 كيلات لوز
كيلة سكر سمسم
قرصة فاني
نرحيوهم كامل مع بعضهم رقيق

بعد ذلك نعجنوهم حوالي ب 5 بيضات
لكن نستعملو بيضة كاملة
بعدها صفار بيضة
بعدها بيضة
بعدها صفار حتى تتحكم الحشو وتكون ماهيش ناشفة بزاف
بعد ذلك
نحلو العجينة بالحلال وثم في الماشينة
نحلوها في رقم 1
بعد ذلك نطبقوها ونعيدو نحلوها في رقم 1
(للعم رقم 1 هو التدريج الخشن)
بعد ذلك نحلوها في رقم 5
ونعملو نفس الشي نطبقوها ونفتحوها في رقم5
نعاودو الكرة ثلاث مرات
وفي الاخير نحلوها في رقم 7 مرتين
وتكون العجينة واجدة للاستعمال
نديروها في لي مول مربعين
نديرو القليل من الحشو فقط لان فيها البيض ورح تنتفخ

بعد ذلك نشكلو وردات من العجين
نرشقوهم بجنب الحشو
والجنب الاخر نرشقوه بالبيسطاش
وندخلوها يطيب

بعد ما تطيب نعسلوها ونرشو عليها البريون
ونقدموها


​

 

[فايزة1207]

الدرس3فـــــــــــيلي اللحم***
قطع لحم رقيقة مغلفة بطبقة دهن رقيقة وهذا هو شكلها

قطع لحم علبة فطر معلب حبتين بصل ملح وفلفل اكحل 3 فصوص ثوم حبة قارص شوية زيت
نحضر قطعة متوسطة من اللحم وننزع منها الشحم نقطعها مكعبات

التحضير :
في مقلاة نحط حبة بصل مقطعة مكعبات + قطع اللحم + ملح وفلفل اكحل

ونخليهم على نار هادئة ونغطي عليهم حتى تطيب مليح وتنشف من الماء
ومن بعد ننزع اللحم من المقلاة

في نفس المقلاة نصفي كمية الزيت الفائضة ونقلي الفطر مع الثوم المفروم مع عصير نصف حبة قارص

ومن بعد نضيفو الى كمية اللحم السابقة ونخلطهم مليح وبهذا نكونو حضرنا الحشو

نفرد قطعة اللحم ونغطيها بغلاف بلاستيكي وندقها بمقلاة حتى تسهل عملية طبخها
ومن بعد نحط فوقها الحشووكذلك قطع اخرى من اللحم باه نغطيو كمية الحشو
ونربطها جيدا بالخيط

في طنجرة ضغط نقطع حبة بصل صغيرة الى جوانح مع م ك زيت + رشة ملح ونحط الفيلي اللي حضرناه في طنجرة ضغط نقطع حبة بصل صغيرة الى جوانح مع م ك زيت + رشة ملح ونحط الفيلي اللي حضرناه

نقليه شوية ومن بعد نمرق ونغلق الطنجرة
وهذا شكلو بعد ما يطيب

ننزع الخيط ونقدمه مع كمية من الصلصة اللي طاب فيها بغد مانقطعوه
وانا قدمتو مع البطاطا المقلية

قوارب الجريوات ( القرعة

​

نحضرو حبات جريوات ننظفوهم ونقسموهم بالطول على اثنين ونحفروهم شكل قارب
بعد ما نحفروهم نقليوهم نص قليان برك باه ما يبقاوش خضر
وهذاك اللي اللي حفرناه نرحيوه مع فلفل احمر وشويا ثوم وملح وفلفل اسود وبعد ما يطيب نديرولهم شوي نعناع يابس بعد ما نكونو قلينا الجريوات وحمصنا اللب نتاعها نحضرو صلصة بيشاميل بالاعشاب بالنعناع والزعيترة والفرماج
طبعا الطريقة واضحة في تحضير صلصة البيشاميل
نعمرو انصاص الجريوات باللب نتاعها

بعذ دلك اللحم المفروم ندوزنوه بشويا ملح وثوم وفلفل اسود وكسبر مقطع رقيق وبيضة وشابلير(خبز يابس مطحون او نديرو بيسكوت مرحي) ونشكلوه شكل مرقاز ونقلوه
بعد ما نكونو عمرنا انصاص الجريوات نديرو شويا غرويار ونديرو فوها اللحم اللي كنا قليناه(نحطو الغرويار باه كي يدوب يلصق اللحم فوق الجريوات)
بعد ذلك نجيبو صينية صغيرة نحطو على الجوانب الجيروات اللي حضرناها وفي وسطها شويا صلصة طماطم ونحطو في الوسط كريات اللحم ونكبو عليها شويا بيشاميل
بعد ما يطيب نزينوها حسب الرغبة
انا عملت انصاص الجريوات لعى الجوانب وفي الوسط حطيت صلصة الطماطم وعلى جوانبها البيشاميل بالاعشاب تجي بنينة
وهذا شكلها النهائي



***تــــــــــــــارت بالبسكوي***


اولا السيرو:
2 كيسان سكر سمسم
4 كيسان ماء
نحطوهم في اناء ونحطوهم على النار ونخلوه يغلي حتان ينقص ويتكاثف ويصبح سيرو خاثر
مدة تقريبا ساعة
كريمة الزبدة:
2 بيضات
2 صفار بيض
250غ مرغرين صول
4 مغارف كاكاو
الطريقة
بعدما يتكاثف السيرو اللي كنا حضرناء
نحطو في وعاء 2 بيضات و 2 صفار بيض
نضربوهم بالباتور مليح حتان يتكاثف البيض ويصبح شبه كريمة
نضيفو السيرو بالتديرج مع مواصلة الخلط بالباتور(ما نحبسوش نبقاو نضربو ونفس الوقت نضيفو في السيرو)
بعد ما نكملو اضافة السيرو
تكون المرغرين نتاعنا على حرارة الغرفة
نبقاو نضيفو في المرغرين تديرجيا مع مواصلة الخلط بالضراب الكهربائي حتان نشوفو انها اصبحت عندنا كريمة
(الكاكاو نضيفوه بخصوص الديكور) يعني اذا حبينا نعملو ديكور بلونين نقسمو الكريمة على نصفين نصف نضيفولو الكاكاووالنصف التاني نخلوه ابيض
شاربات البسكوي:
كاس حليب
نيسكافي
مغرفة سكر
طريقة التحضير:
نجيبو صحن يكون مربع ومسطح ونكونو رح نحطو فيه التورتة نتاعنا
نسدفو حبات البسكوي قدام بعضهم

نسقيوهم بالحليب وغير بالمغرف الصغيرة وبالشويا
بعد ذلك نحطو كريمة الزبدة اللي حضرناها ونزيدو نحطو حبات البسكوي لكن نعكسو الاتجاه(اذا في الاول حطينا الحبة بالطول في الثاني نحطوها بالعرض)
ونزيدو نسقيو بالحليب ونزيدو نحطو من فوقو الكريمة وبعدها البسكوي
حتان نوصلو لخمس طبقات
وفي كل مرة نعكسو الاتجاه نتاع الحبات
بعد ذلك نحطو طبقة اخيرة نتاع كريمة ونزينوها من فوق بباقي الكريمة وكيس التزيين طبعا باللونين نتاع الكريمة بيضاء والاخرى بالكاكاو
وهذا شكلها النهائي

​

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 648×486.

​

نحطوها في الثلاجة لمدة 3 ساعات
ونقدموها
شهية طيبة​

 

[فايزة1207]

الدرس4
على بركة الله الدرس الرابع

غراتان الباذنجان بالدجاج والفرماج


كيلو باذنجان
صدر دجاج او افخاذ
حبتين طماطم للصلصة
فرماج مبشور
شابلير
صلصة بيشاميل

نحضرو الباذنجان نقطعوه ونديروه في الماء باه ما يشربش الزيت بزاف كي نقليوه

نديرو اطراف الدجاج في طنجرة نطيبوهم نصف طياب نديرولهم شويا ثوم وملح وفلفل اكحل وزيت وكسبر مطحون

بعد ما يطيب نص طياب نفتتوه

بعذ دلك نزيدو نغطيوه بالباذنجان ونسكب فوقها شويا بيشاميل

بعذ ذلك نغطيوها بالشابلير(خبز يابس مرحي) وندخلوها للفرن اللي نكونو سخناه من قبل
-

-بعد ما يطيب نخرجوها ونحطو عليها الفرماج مرة تانية

-كي يدوب الفرماج نقطعوها ونقدموها

كبد الدجاج مع الفطر

حبة بصل
3 فصوص ثوم
2 حبات فلفل اخضر حلو
2 حباتطماطم
معدنوسمقطعة
فطر
250 غ كبددجاج
ملح -فلفل اكحل - كمون - فلفل احمر حار
شويةزيت
حبة بيضللتزيين

-في مقلاة على النار نضع شوي زيت + البصل المقطعالى مكعبات + فلفل حلو مقطع + م ص ملح

الى ان تذبل
-http://upload.4algeria.com/do.php?img=2502
ثم نضيف الثوم + باقي التوابل +الفطر المعلب+ المعدنوس والكبد
ونغطيها ونتركها على نار هادئة

بعدما تطلق ماها وتنشف نضيفلها حبتين طماطم مقطعةقطع صغيرة

وفي الاخير نطفي عليها
الخطوة الاخيرة للتزيين

في كسرونةعلى النار نحط فيها الماء الى ان يغلي ونضيفلو رشة ملح + م ص خلونكسر حبة البيض
ونتركها تطبخنصف استواء ومن بعد نصفيها من الماء
ونزين بيها الطبق
وهذا شكلها النهائي

تارت بكريمة الباتسييروالاناناس

عجينة البريوش
250 غ فرينة
60 غ زبدة ذايبة
4 م ك لحظةغبرة
م ك خميرة خبز
40 غ سكر cristalisé
ماء دافي للعجن
كريمة الباتيسيير
250 ملل حليبفاتر
2 صفار بيض
50 غسكر
2 م ك نشاء
zeste d'1 citron
عصير حبة ليمون

nappage
100 ملل عصير اناناس ( السائلالمرافق لشرائح الاناناس)
م ص او نصف ورقةجيلاتين
م ص نشاء

نمزج باطراف الاصابع الزبدة الذايبة مع الفرينة ورشة الملح والسكر والخميرةومن بعد نعجنها بالماء الدافي تديرجيا حتى نتحصل على عجينة طرية ومدلوكة مليح .
نغطيها ونخليها تختمر جيدا حتى يتضاعفحجمها
بعد ذلك نفردها ونحطها في مول ونثقبها بشوكة

نتركها ترتاح لمدة ربع ساعة

وندخلها الى فرنمسخن مسبقا ونطيبها نص طياب
​

نحضر كريمةالباتيسيير
نسخن الحليب في كسرونة ونطفي عليه قبل مايغلي

نخفق صفار البيضتين مع السكر وقشور وعصير الليمون وفي الاخير نضيفالنشا ونخلط جيدا

نضيف كمية من الحيب الفاتر الى خليط البيض. ثم نفرغ كل الخليط فيالكسرونة ونرجعها الى النار مع مواصلة الخلط حتى يتكاثف
بعدما تجهز كريمة الباتيسيير وهي ساخنة نضيف لها م ص زبدة ونتركها تدوب علىسطحها لانها تمنع تشكل قشرة على سطح الكريمة

نخرج التارت من الفرن ونصب عليها الكريمة
ونزينها بشرائح الاناناس

والكرز المصبر

نعيد ادخالها الى الفرن الى ان تستوي كليا
اخر خطوة هي تحضير الناباج

نصب نصف كمية عصير الاناناس في كسرونة ونضيفلها الجيلاتين ونخليها علىالنار الى ان يذوب الجيلاتين
بعد ذلك نضيفلها باقي كميةالعصير والنشا ونخلط على النار الى ان يتكاثف المزيج
فورخروج التارت من الفرن ندهنه بالناباج

نتركها تبرد قليلا ثم تقدم

ملاحظةبامكاننا استعمال اي عجينة كعجينة البريوش او الbrisé اوالمورقة​

 

[ندى الورود]

اختي فائزة فيما يخص ملفات الورد
يمكنكي ضغط الملف ب winrar ثم ارفعيه على شكل مرفقات
أو اذا اردتي فقط الصور
بعد فتح لملف word اضغطي على الصورة بيمين الفارة واضغطي على copier
ثم افتحي برنامج الرسام ( paint) ثم اعملي coller
ثم احفظي الصورة في ملف عادي للصور وعاودي ارفعيها على موقع اللمة
انا شرحتلك في الموضوع الاخر على هذا الرابط
https://www.4algeria.com/forum/t/341728&page=3
طريقة رفع الصور على مركز تحميل الملفات للمة

​

 

[سلسبيل34]

ميرسي على الموضوع المميز سلمت انامل ايديكم

 

[فايزة1207]

الدرس الخامس

على بركة الله الدرس الخامس

شطيطحة بوزلوف

رأس خروف مشوط ومنقي ومغسول
حبةبصل
3 فصوص ثوم
2 حبات طماطم
3 اوراق رند
ملح + فلفل اكحل+ شويةكمون+ فلفل حار احمر + راس الحانوت
طماطم مصبرة
فلفلة خضرا حارة
-

في طنجرة الضغط نقطعحبة بصل الى جوانح + جميع التوابل
-

-
ونضيفلها راس الخروف ونمرق
نغلق الطنجرة ونخايه يطيب مليحيعني حتان ينفصل الجلد عن العظم
من بعد نصفيه من المرق

ننزع اللحم من العظم ونقطعو قطع صغيرة

في مقلاة نفرم فصوص الثوم مع ملعقة زيت ورشةملح

ثم نضيف الطماطم المرحية وفلفلة خضرا حارة نقليهاشوية

ومن بعد نضيفلها قطع لحم الراس

نغطيها ونتركها على نار هادئة حتان تتجمر
في الاخير نقدمها مع رشةدبشة او معدنوس

-

همبرغر​

العجينة
500 غ فرينة
1/2 كاس زيت
كيس خميرة حلوى
م ك خميرة خبز
م ك سكر
حوالي 400 ملل حليب فاتر ( اكثر واقل )
ملح

في جفنة نغربل الفرينة ونضيفلها المواد الجافةملح وخميرة الحلوى + خميرة الخبز + السكر ونبسسها مع الزيت جيدا ومن بعد نضيف الحيبالفاتر تديرجيا نواصل الدلك حتى نتحصل على عجينة طرية

نتركها تختمر في مكان دافىء نغطيها بغلافبلاستيكي وبمنشفة مطبخ
بعد ماتخمر نشعل الفرن اولا ثم نشكل كويرات متوسطة الحجم ونتركها تختمر مرةثانية
ندهنها بصفار البيض مخفف بشوية حليب ونزينها بالجلجلانية

وندخلها الى الفرنالمسخن
هذا شكلها بعد ماتطيب

نتركها تبرد جيدا ثم نقسمها الىاثنين

ونحشيها على حسب الموجود

BISCUIT E EN FORME DE PASTEQUE

150 غ زبدة طرية او مارغارين
150غسكر
بيضة
فانيلا
1/2 كيس خميرة حلوى
رشةملح
فرينة حوالي 400غ
ملون غذائي احمر
ملون غذائي اخضر
كمية من السكر
بياض بيضة
2 م ك ماءالزهر
50غ شكولا نوارللتزيين او حبيبات الشوكولاطة (les pepites de chocolat)

في جفنة نحط الزبدة والسكر

ونخلط جيدا حتى نتحصل علىكريمة
ثم نضيف حبة البيض + الفانيلا + شوية ملون احمر

نخلط مليح ثم نضيف الفرينة + خميرة الحلوى + رشة الملح المغربلين

نواصل اضافة الفرينة الى ان نتحصل على عجينةطرية
نغطيها بغلاف بلاستيكي ونخليها في الثلاجة لمدة نصف ساعة
من بعد نفرد العجينة على سطح مرشوش بالفرينة ونحلها على سمك 8ملم
ونشكل دوائر بواسطةقطاعة قطرها 5سم

كل دائرة نقسمها الى 2

نحط انصاف الدوائر في بلاتو

وندخلها الى فرن مسخن مسبقا 160 درجة لمدة 10دقائق
يعني قبل ما يتغيرلونها نخرجها
نخليها تبردومن بعد نضيف الى كمية من السكر ملون غذائي اخضر ونخلطو مليح الى ان يتداخل فيه اللون الاخضر

ونخلط ايضا بياض بيضة + 2 م ك ماءالزهر
نبلل الجزء الدائري ببياض البيض مع ماء الزهر ثم نغلفو بالسكر الملون بالاخضر

نتركها تنشف
نذوب الشوكولا + م ص زبدةعلى حمام مائي
نعمر la seringue بالشوكولاالذائبة ونشكل قطرات على حبات البسكوي
وتقدم

ملاحظة
بامكانكم استبدال السكر الملون بالاخضر بالنوا دو كوكو

وشهية طيبة
نتمنى انها راقتلكم الاطباق
ننتظر تطبيقاتكم

​

 

[فايزة1207]

الدرس السادس

مصــــــــــــران محـــــــشي

مصران خشين
لحم مفروم
بصل
ثوم
ملح وفلفلاكحل
كسبر مطحون + فلفل احمر حار
شوية زيت
حبة بيض
معدنوس

نقطع اللحم الى قطع صغيرة ومن بعدنرحيه
نفرم حبة بصل + 3 فصوص ثوم . نحطهم يتقلاو مع شويةزيت وملح ومن بعد نضيف اللحم المرحي + باقي التوابل والمعدنوس
نطيبهم 80 بالمئة من الاستواء ( يعني ما نخليهش حتان ينشف
-

بعدما نطفي عليه النار ويبرد نضيفلو حبة بيض ونخلطمليح
نوجد المصران ونقلبو ونغسلو مليح وهذا شكلو
-

نحشيه مليح باللحم ونعقدو
-

نعمل ثقوب بالسكين​

في طنجرة ضغط نقطع حبة بصل جوانح مع شوية زيتوملح وفلفل اكحل​

-

نحط المصران المحشي ونقليه شوية

-
ومن بعد نضيف حوالي كاس ماء فاتر
نغلق الطنجرةونخليه على نار هادئة حتى ينشف
نعاود نرجعو في مقلة معالصلصة اللي طاب فيها ونحمرو من باقي الجوانب
-

نقطعوا
-

قدمتو مع الارز

-
غرتــــــان السلق والفطر

نحضرو السلق ننضفوه ونقطعوهونحطوه في طنجرة مع شويا ثوم واوراق رند ونخفظو عليه النار ونخلوه يذبل
بعد مايذبل يكون طلق الماء نتاعو نصفيوه من الماء
ونجيبو الفطر نحمصوه في شويا زبدة معملح وفلفل اكحل​

-

ونقطعو شويا فلفل اخضر حار نحمصوه تاني مع شويا ثوم وملح

-

بعد ذلك نحضرو البلاطو ندهنوه بالزبدة
نحطو طبقة سلق

وطبقة من فوق فطر
-

وفوقو الفلفل الاخضر اللي حمصناه
-

ونحطو من فوق الفرماج
-

ونزيدو الطبقة الاخيرة سلق
-

بعد ذلك نحضرو شويا صوص بيشاميل نكسرو فيها زوج بيضات ونخلطو بالخف باه ما يطيبلناش البيض في الصلصة وهي سخونة
بعد ما نكونو شعلنا الفور
نسقيو السلق بالصلصة نتاع البيشاميل
-

وندخلوها للفرن

تقريبا نص ساعة يتجمر ونخرجوها
نحكو فوقها فرماج غرويار
-

ونقطعوها
ونحبو نقدموها مع فرماج بالاعشاب
-

-

او صلصة طماطم
او حسب الاختيار

بريوش بالنوتـــــيلا

500 غ فرينة
120 غ زبدة ذايبة او مارغارين
60 غ سكر
ملعقة كبيرة خميرة خبز
4 م ك لحظة
رشة ملح
ماء دافي
بيضةللتزيين
نوتيلا او اي نوع شوكولا
-

اولا نخلط المواد الجافة ونغربلها ومن بعد نضيفلها الزبدة الذايبةوندخلها مليح في العجينة ثم الخميرة والماء الدافئ
نعجنهامليح لمدة 10 دقائق
*

ومن بعد نغطيها بغلاف بلاستيكي ومنديل مطبخ ونخليهاتخمر
حتى يتضاعف حجمها
*

ناخد قطعة من العجينة ونفردها ونقطعها الى مستطيلين
*

ونحشيها بطبقة رفيعة بالنوتيلا
*

ونغلقها بالمستطيل الثاني
ومن بعد نلفهاونشكلها على شكل حلزون والصور توضح المراحل
*

نخليها تخمر ونشعل الفرن يسخن
*

باقي العجينة نقسمها الى قطع متساوية
*

كل قطعة نفردها ونحشيها بملعقة صغيرة من النوتيلا
*

ونغلق الاطراف جيدا باطراف الاصابع
*

ونكورها
*

نكمل باقي العجينة وفي الاخير نحطهم في صينية فرن مدهونة بالزبدةومرشوشة بالفرينة
*

نخليها تخمر لوقت كافي
وفي الاخير بواسطة سكيننشكل خطوط على الكريات او نرشهم باللوز الايفيلي او الجلجلانية
ندهنهم بيضة مع رشة سكر + فانيلا
ندخلهم الىالفرن
وهذا شكلهم النهائي
*

*

*

​

 

[فايزة1207]

الدرس السابع

طبقات الارز والدجاج بالكريمة

صدر دجاج

فطر معلب
ملح وفلفل اكحل
3 الى 4 م ك كريمةطازجة
معدنوس
ارز

نحضر الروز اولا
نغليه في ماء وملح وشوية زيت وفي نص الطياب نصفيه ونفورو حتان يكملطيابو
في مقلاة فيها شوية زيت نحط قطع من صدر الدجاج + ملحوفلفل اكحل

*

نقليه حتى يشقر لونه
ثم نضيفلوالفطر
*

ثم الكريمة الطازجة
*

واخيرا رشة معدنوس. عندما يتكاثف نطفي عليه النار
*

نجيب علبة بلاستيك ونقصلها القاعدة ( لنشكل بها قالب بدون قاعدة) انااستعملت علبة مارغارين لابال
نحط العلبة على صحن ونحط طبقة ارز


*

ثم طبقة من الدجاج
*

ثم طبقة ارز وفي الاخير الفطر
*

وننزع القالب
*

وتقدم
*

*

فطيرة المرقاز
*
عجينة ال 10 دقائق
حبة بصل
مرقاز
بيضة للتزيين
*

في مقلاة على النار نحط المرقاز
*

ونثقبو بسكين ونخليه يطيب على نار هادئة
نحضر عجينة ال 10 دقائقونخليها تختمر
هذا المول اللي استعملتو دهنتو بالزبدةورشيتو بالفرينة
*

نفرد جزء من العجينة ونحطها في المول
*

ومن بعد نفرد باقي العجينة ونقطعها مستطيلات بالجرارة
*

نقسم حبة المرقاز الى 2 ونحط كل جزء على طرف العجينة
*

نلفها مرة ونص ونقسم بالجرارة
ونحط المرقازالملفوف بالعجينة على اطراف المول

الخطوة الثانية
في نفسالمقلاة اللي حمرنا فيها المرقاز . نحط حبة بصل مقطعة جوانح + رشة ملح

من بعد نجيب حبتين او 3 من المرقاز وننزع الجلد الخارجي ونحطهم معالبصل *

نحمرهم على نار متوسطة
*

نحط الحشو في المول
*

وفي هاته الاثناء تكون الفطيرة خمرت وتضاعف حجمها

ندخلها الى فرن مسخن مسبقا 180 درجة
*

ومن بعد نقدمها
*

شهية طيبة
*

*

ماكسي بالبندق والنوتيلا​

*

كاس سكر رطب
فرينة
معجون
بندق
نوتيلا
شيكولاسوداء
500غ مرغرين صول 4 صفار بيض+ بيضة 2 خميرة
*

في اناء نخلطو البيض
*

السكر
*
المرغرين جيدا
*

ونضيفو الفرينة مع الخميرة
*

نحلو العجينة بالحلال ونطبعو مستطيلات
*

نديروها تطيب
بعد ما نخرجوها نلصقو حبتين فوق بعضهم بالمعجون
*

نخلوها ينشف شويا
وبعد ذلك ندهنو فوق الحبة بالنوتيلا
*

ونحطو فوقها حبات بندق
*

نخلوها شويا ينشف
نذوبو الشيكولا في حمام مائي ونخففوها شويا
نغمسو حباتالقاطو في الشيكولا ونخلوها تنشف
ونقدموها
*

 

[ندى الورود]

بارك الله فيكِ اختي فايزة
ويعطيك الصحة
فقط فيما يخص الدروس الاولى قلتي انك حافظتها في ملفات ورد
يا ليت تحطي الصور كي تكتمل الدروس ويكون كل شيء واضح بالصور
انا شرحلتلك طريقة نسخ الصور من ملفات الورد في مشاركة سابقة
ان شاء الله الشرح واضح واذا ما فهمتي شي انا اشرحلك مرة اخرى

​

 

[فايزة1207]

بارك الله فيك انت التي شرحت لي كل شيء
الصور نهائيةفقط
وضحيلي اين اضعها وانا رهن الاشارة
لان الدروس الاولى مافيهاش تعديل

 

[nada242008]

جزاك الله كل خير اختي فايزة على المجهودات وشرف لينا انك احتفظتي بالدروس

 

[ibtesem]

جزاكي الله خير اخت فايزة على الافادة
راح اثبت الموضوع ليستفاد منو الجييع
خاصة الاعضاء الجدد

​

 

[السلطانة]

يعطيك الصحة اختي فايزة
الحمد لله انك احتفظتي بالدروس تاع الدورة 1
سلامي

​

 

[ندى الورود]

بارك الله فيك انت التي شرحت لي كل شيء
الصور نهائيةفقط
وضحيلي اين اضعها وانا رهن الاشارة
لان الدروس الاولى مافيهاش تعديل

اختي فايزة حطيها هنا في نفس الموضوع واحنا نقوم بتعديل الموضوع
برك حطي صور كل وصفة لوحدها باش ما يتخلطوش
وسميهم مثلا قولي هاذو صور الدرس الاول شخشوخة بسكرية
وهاذو صورles cornets salés وهكذا

 

[فايزة1207]

ان شاء الله نكون عند حسن ظنكن
بارك الله فيك يا ابتسام على التثبيت
سانديلا زماني شكرا على الاطراء

 

[فايزة1207]

الدرس الثامن

*

على بركة الله الدرس الثامن
*

سمك في الفرن بصلصة الطماطم
​

3 فصوص ثوم
ملح - فلفل اكحل - فلفل احمر حار - كمون
2 حبات طماطم
م ك طماطم مصبرة
معدنوس مفرومة
3 م ك زيت
شرائح ليمون
حبات زيتون للتزيين
واي نوع سمك متوفر

اولا ننظف السمكونقوم بعمل خطوط على جلده حتى يسهل طبخه وتتداخل النكهات ونتركهجانبا
- نفرم الثوم ونضيفلوالزيت + التوابل

نرحي الطماطم ونضيفها الى المزيج مع الطماطمالمصبرة والمعدنوس

نضع السمك في التتبيلة ونتركه لمدة نصف ساعة فيها

نغطيها بورق الومنيوم وندخلها الى الفرن الى ان تستوي
ومن بعد ننزع ورق الالمنيوم ونتركها تحت شواية الفرن ( في هذه الخطوة نزعت شرائح الليمون حتى لاتحترق)

قدمتها مع شرائح البطاطا المقلية

بيتزا بشكل جديد
​

المكونات
عجينة ال 10 دقائق
عجينة تستعمل لجميع المعجنات من مطبخي
صلصة طماطم
زيتون
فرماج
لحم مرحي اختياري

نحضر العجينة ونتركهاتختمر
نقسمها الى 3/4 و 1/4
ال 3/4 نفردها على شك دائرة ونحطها في البلاتو ونضع عليها صلصة الطماطم + الزيتون والفرماج واللحم المرحي

ثم نفرد الجزء المتبقي من العجينة وبقطاعة حادةنقطع دوائر
*

نضعها على الجزء الاول وندهنها بصفاربيضة
*

نتركها تختمر لمرة ثانية ثم ندخلها الى فرن مسخن
عندما تستوي من الاسفل نعيد اشعال الفرن من الاعلى لتستوي الطبقة الثانية
وهذا شكلها

وهذي بحجم اكبر مع اضافة الفطر
*

*

*

*

*

dessert au fruit caramelisé
​

اي فاكهة تفضلونها مثل التفاح والاجاص و الفراز , موز ,اناناس .. الخ
انا استعملت موز + اناناس + معجون الايجاص ( منزلي الصنع )
للكراميل
4 م ك سكر + 2 م ك ماء
للكريمة
7 فناجين حليب
1 فنجان سكر
3 م ك ماءزهر
3/4 فنجان نشاء اي ما يعادل 6 م ص

في كسرونة على النارنحط 4 م ك سكر + 2 م ك ماء ونخليها على النار حتى تتحول الى كراميل

*

نضيفلها شرائح الاناناس

*

في الاول تيبس الكراميل ومن بعد يطلق الاناناسالماء اللي فيه. ترجع الكراميل سائلة
نقلب الشرائح في الكراميل على الجهتين ونتركها لمدة 5 دقائق ومن بعد نضعها جانبا
*

في نفس كسرونة الكراميل نحط قطع الموز وتكون غليظة نوعا ما حتى لا تتفتت

ونقلبها لمدة دقيقتين وننزعها منالكراميل

في اطباق التزيين نضع قطع الموز والاناناس المكرملة ونخلي جزء منها للتزيين

*

ثم نحضر الكريمة
نحط 7 فناجين حليب في كسرونة اخرى + فنجان سكر ونحرك مليح حتان يذوب

هذا الفنجان الذي استعملته

*

نخلط النشا مع ماء الزهر ومع قطرات من الماء حتىيذوب النشا مليح

*

ومن بعد نصب خليط النشا المذاب مع الحليب والكراميل اللي بقات في الكسرونة الاولى

*

نضع المزيج على نار هادئة ونخلط مليح حتى يبدايخثار

*

نطفي عليه ونصبو في الاكواب فوق الفاكهة المكرملةوفوق الكوب الذي استعملت فيه المعجون

*

ونزينها بالفاكهة
*

نتركها تبرد جيدا ثم تقدم
*

ملاحظة بامكاننا استبدال الفواكه بالفواكه الجافة ( المكسرات)
جربتها بالجوز وجات هايلة

 

[فايزة1207]

دزيريات بعجينة الفيلو
ه>ه الوصفة ماكتبتش المقادير لاني مانقدرش نديرها فع>را
ممكن صاحبة الوصفة تعاود تكتبها

 

[ندى الورود]

اختي فايزة بالنسبة للدرس 3 لوصفة فيلي اللحم
انا بحثت في google images
ووجدت صور الوصفة الاصلية وانا حطيتها في الموضوع في الصفحة الاولى
لكن لم اجد الصورة النهائية للوصفة عندما يقدم في الصحن
هل لديك الصورة النهائية لوصفة فيلي اللحم
وسابحث بنفس الطريقة على باقي الوصفات ربما اجد لها صور

​

 

[فايزة1207]

للاسف هذاماعندي
فيما يخص الدرس4 راني خلطت الصور اذا تحبي نعاودهم ما في مشكل