كيف تتصرف مع الخائن

[امال نسيم]

كانت لي صديقة والله من اغلى الناس على قلبي كنا اكثر من الاختان دامت هذه الصداقة 9 سنوات درست معها في المتوسطة ثم انفصلنا فانا تحصلت على البكلوريا وهي تركت الدراسة الا ان صداقتنا لم تنفصل لكن هذه الايام اكتشفت انها تخونني تكشف اسراري لم اصدق كتمت عنها الموضوع وانا اتصرف معها بشكل عادي فهل ما افعل صح:s

 

[ماكانش]

اهلا اختي
روحي صارحيها فرغي قلبك واسمعي منها
ثم قرري واش تتصرفي معاها

 

[love papitou]

oukhti rouhi ahki m3aha gouli laha afahmi man 3andaha
w ba3ad khami wach rah diri

 

[dana1993]

السلام عليكم
اختي احكي معاها و قوليلها هاهي هاهي هاهي فهميها و تفهمك و اذا راها صح صاحبتك حتا و تدابزو مش حتتفارقو
انا عندي صاحبتي والله كنا نريفيزيو و دابزنا هزت حوايجها و راحت فالليل عيطتلي و نحكيز عادي و وحدا تاني دارتلنا عفسة ا كتر من تاعك عاقبناها يامات ههه و مبعد عيطنالها و كملنا عادي كلي مكان والو
اذا راها صاحبتك مش حتضرك و لا تخليك
اكتاشفيها و شوفي



​

 

[mohgladiator]

ياو اللي يخونك مرة يخونك 5678712 مرة
مايغلطوكش ختي

​

 

[بنـ MaPa ـت]

وعليكم السلآم

كنتي تحكميها و تهدري معاها على الاسرار هادو والشي لي خلاها تفشهم وتخونك على قولك بالاك ماكانش قصدها ماكانتش متعمدة تقول كاين اعذار تعرفيهم بعدما تحكي معاها وشوفي ايدا تستاهل تتعاملي معاها كيما زمان ولا لاااا

على خاطر الخائن لازم يتعاقب ايدا كان متعمد
والصداقة عندها مبادئ وكيما قلتي صداقة 9 سنين الله يبارك وآخرتها خيانة عيب...

وربي يوفقك ويهنيك
سلآمو
​

 

[امال نسيم]

عملت بنصيحتكم ورحت هدرت معاها وياريتني مارحت قاتلي مارح يصرالك والو راكي ظامنه مستقبلك عندك 2باك

 

[brahim tiniri]

تأكدي من واش سمعتي ممبعد قوليلها هاني واش سمعت كاينة منها ولا لا ثم تعرفي واش ليك وواش عليك
-مع تحيات الجنرال- نرجو لكم التوفيق-
​

 

[la_safa]

السلآم عليكم ..

لآلآ اختي مآتكمليش معآهآ عآدي ..
اقطعي علآقتكـ بيهآ بيسكـ لآ خرجت مرة سركـ رآح تخرجو مرة اخرى ..
و اذآ هدرت قنبليهآ بوآش دآرت .. بآه تبطل هآذ العفآيس
لآخآطر لي يشوفكـ سآكتة يزيد فيهآ كثر و كثر .. و احذري منهآ بزآف ..
الله غآلب هآذو بنآت آخر زمآن .. و اخطيكـ منهآ نصيحة والله ~
و ربي يهنيكـ ~
​

 

[Om anfal]

انت ما كتمتيش سرارك وقلتيهملها بغيت هي تكتمهوملك
انتالغالطة الاولى وهدا درس باه ماتزيدي تحكي حتى احد

 

[بنت الـ25]

السلام عليكم
ختي لما قريت وش كتبتي رجعتيني ست سنوات للورا
حتى انا صحبتي أو بالأحرى لي كانت صحبتي غدرت بيا كيما حكيتي
انا دركا طيشت حكايتها ورا ظهري بارسكو كسما قالولك الأعضاء قبلي لي يخونك مرة يخونك عشرة
اجبدي عليها احسن تربحي راحتك
سلامي
​

 

[hanana42]

اختى انا نرد عليك خاصة في هدا موضوع لانوا صارلى مرة قاتت كيفك


نقلك حاجة ختى واديها منى قاعدة صاحبيات خداعت وما فيهماش امان ونزيدك صداقة راحت زمن في وقت نية


ام الان رانا في وقت يعيشوها غير دئاب لهدا حابة نقلك اتركيه هد ى صاحبتك في حاله ماشي هى خرجت معك شسنا ورخيسة


وحكت اسرارك تكونى انت مثاله بلا عكس كونى احسن منه ................ اتركه وكل جزء جزائوا يوم اخرة


اخت انا هدا رئى شخصى وانت قرار يرجعلك في تصرفك معه .......... و شكرا نشالله نكون اضافة شي فيه فايدةةةةة

 

[فاطمة الزهراء86]

يقولك احدر عدوك مرة واحدر صديقك الف مرة هادي راهي حاسداتك من رأيي تتجنبيها

 

[INES EMO]

ما تزيديش تهدري معاها خلاص

 

[قناص الغرام]

حسبي الله و نعم الوكيل
​

 

[نقطة حبر]

بكل بساط كي هي قريبة منك هاكذا واجهيها بكل بساطة صح ولا
اذا صح يعطيك الصحة والسلام وكوني فحلة واعرفي وين تحطي رجلك مستقبلا و الافضل سرك لامك فقط لانه مكانش اللي يخاف عليك وتهمو مصلحتك وصورتك كيفها
واكيد دائما تتمنى لك الافضل وحتى تكوني افضل منها

 

[سمسم السمسومة]

وكلي ربيو خليها لي هانت عليها العشرة متستاهلش حتى تشوفي في عينيها_ان الله يمهل ولا يهمل_الدنيا دوارة و يجي النهار كيما دارتلك يتندارلها....ربي يكون معاك

 

[hakimafethi]

عدوك احدره مرة واحدة وصديقك احدره طول حياتك:pسرك اسيرك فادا نطقت به صرت اسيره

 

[kabos fara3ina]

ماتصرفيش معاها عادي بزاف كما يقول
(اذا اكرمت الكريم امتلكته و اذا اكرمتاللئيم تمردا)

وما تبينيلهاش كل شيء عندك
انا هذي الطريقة مجربها مع واحد عرفت قناعه مخفي