ارجوكم انصحوني

[سارة6]

السلام عليكم ورحمة الله تعالى وبركاته

انا يا اخوتي حبست لقراية ومارانيش حابة ندير ستاج puisque مارانيش حابة نقرا كرهتها لوكان نصيب مانشوف حتى كراس قدامي كنت دايمن نروح نقرا بالبكا وكامل فاميلتي عياو فيا باه ندير ستاج بصح انا ميبسة راسي ما علبليش وعلاه اسمحولي ويلا قلقتكم بصح راني حابة ناخد بنصيحتكم ششششششششششكرررررررررااا

 

[brahim tiniri]

دري الستاج الا تقدري حتى قعدة الدار ماتخرجكش في الاخير الامر عائد ليك
-مع تحيات الجنرال- نرجو لكم التوفيق-
​

 

[sousou28]

وعليكم السلام
اختي ننصحك كما اختي ...بما اني اكبر منك سنا و خبرة والله يا اختي في هاد الزمان واحد عندو شهادة جامعية و ما خدمش فما بالك الي ماعندو والو على الاقل ديري كاش formation شابة و يكون فيها فرص العمل ...هاد الزمان ولا صعيب بزاف ما تدري واش يكون فيه الدنيا ماراهيس بالصورة الي رانا نتخيلوها كلها وردية....كاين ايامات حلوة وايامات مرة كاين المليح و كاين القبيح و زيد اهلك واحد في هاد الدنيا ما يحبلك الخير كما هوما ....راهي مجرد شهادة تديها بادن الله و تكون سلاح في يدك ...بالاكي تقعدي فالدار لا صنعة لا شهادة راني ننصحك كما اختي ....
والله الموفق.....

 

[dana1993]

اختي القراية ماش غير للخدمة
القراية باه يكون فيدك سلاح و واحد لا يحقرك و كاشما يقدر ربي تحاتاجيه اختي
ناس راها تبكي باه يوليلها الوقت و تقرا و ناس راها تسلك الدراهم باه تقرا و نتي حابة تخلي؟
في وقتنا و المجتمع تاعنا يديرلك حساب اذا كنت من هاذ الزوج واصلا بقرايتك ولا معمرا جيبك و لكي حرية الاختيار
رايي الشخصي متخليهاش و ماشي فالندامة
ربي يعاونك​

 

[سارة6]

نشكركم بزاف بزاففففففففففف

 

[بنت الـ25]

اختي سارة
متشوفيش دركا بالاك راكي قاعدة في دار باباك وما خاصك والو
وممكن تقولي وش ندير بالقراية فمصيري لدار زوجي وهو لي يتكل بيا من كلشي
لكن الدنيا غدارة والحياة قاسية والمجتمع لا يرحم
واللي ما يحسبش ما يسلمش
ما فيها والو اذا عفستي على قلبك ودرتي سطاج وكملتي قرايتك
عالأقل إذا لا قدر الله وتقفلت في وجهك الأبواب تقدري تسلكي راسك
انتي طلبتي نصيحة واحنا نصحناك
الحل بيدك عزيزتي الحقي روحك قبل فوات الأوان
سلامي
​

 

[سارة6]

شكرا اختي على النصيحة

 

[TeNtOuNa]

اهلا اختي
الاخوات عطاولك نصائح بصح راني نشوفها غامضة شوية وبالاك ما تفهميهاش
مالا انا نخرجهالك طاطاي كيما يقولو
افرضي قعدتي فالدار لاشغل لا مشغلة لا دورو فالساك
غدوة تزوجتي ورحتي لدار راجلك بالاك اليامات اللولين ملاح بصح مبعد يعود يحتقرك كيما عندكش مستوى دراسي مليح وسيرتو لكانو صحابو مزوجين بنساء قاريات وخدامات ويجي يلقاك انتي النهار كامل مع الطياب والتنشاف وريحتك بالبصل والثوم يكره حياتو ويكرهلك حياتك وتم تندمي ندمة عمرك
ونفرضو لا قدر الله تطلقتي ولا مات راجلك وعندك ولاد
منين تصرفي عليهم منين تقريهم وتلبسيهم منين تصرفي على روحك اولا
خمي يا اختي مليح مدام ما فاتش الحال
وكيما قالتلنا الاستاذة تاعنا اقراو واديو الشهادات باش واحد ما يشيكر عليكم والفاهم يفهم
​

 

[سارة6]

شكرا اختي تنتونة عندك الحق والله غير دحكتيني نتاع الصح باين بلي نتي مفعمة بالحيوية نشكرك على النصيحة

 

[mohgladiator]

يا ختي حنا قرينا و درنا سطاج وخدمنا
ومزالنا ماراناش لاحقين
وانا واحد منهم
تعب في تعب في تعب
مي في لخر الحمد لله
و الوقت مايرحمكش ختي لعزيزة
ربي يوفقك
و غي خمي معا روحك
سلااامي
​

 

[سارة6]

شكرا ليك خويا ربي يوفقك

 

[سمسم السمسومة]

زعما كي اكي قاعدة واش من فايدة ليك...زيدي اقراي و ديري دي ستاج مازالك صغيرة نودي تحركي على روحك..وادا راكي حابة تتزوجي اتزوجي و من بعد تجيك الندامة و تقولي يا ريت كملت قرايتي و حكمت خدمتى...خممي للقدام و ادا لقيتي لي يعاونك وعلاه تبخلي روحك...يزي بال تفنين الزواج ماهوش حل و القعدة فالدار مهيش حل...جربي تخدمي و تجيبي دراهمك و تفري امورك بال مترجعي لاي واحد و يحشمك....وربي يجيبلك الخير ان شاء الله

 

[prïηςεšše ŝóÛsỐυ]

و عليكمـ السسلــآمـ :
أختي القرآيـآ سلـآح المرأة في كل شيء , خآصة بوقتنــآ هاد
العمل ماشي بروبلـآمـ بسكو كآين بزآفـ بنات كي تزوجة حابسو الخدمة ,
و لكن يجبـ أن تكون لديك شهادة تفتخري بيها و رآح تكون سلـآحكـ في المستقبل ,
فلـآ تدري مالذي ينتظركـ الآن ,
القرآيــآ دوك خلاص طفرتــ , مي ديري ستآج تاع اعلام الي رآح يفيدكـ و الله بزآفــ , خاصة اننـآ في عصر التكنولوجيـآ ,
لـأنكـ اذا كنتي بدون شهادة و قاعدة بالبيت برك و ماشي قارية و لا شيء و الله راح تكوني محقورة من طرف الزوج
أنـآ راني نقلك هكدا بسكو راني نشوف و نحكيلكـ ,,,
انتي راكي من الجزائر و ساكنة في مدينة ,
رايحة تقبلي لوكان يجي يخطبك واحد ساكن على برآ يعني في دشرة؟؟ ,
رايحة تقدري تتألقمي مع جوهمــ يا ترى ؟؟
يا اختي قرايتك و شهادة رايحة تزيد فيكي النص باعين الناس ,
فرق كبير بين وحدة متعلمة و متثقفة و عندها شهادة , و وحدة ما تعرفش اصلا كيفاه تهدر ,
زيدي خمي و شوفي , بسكو انتي اللي تقرري ماشي أنـآ أو غيري ,
كآن رآيي بكل صراحة و آسفة اذا جرحتك باي كلمة لم أقصد في ذلك شيء و الله ,


ربي يوفقك اختي و يسدد خطاك و ينور لك طريقك
سلــآمي لكـِ​

 

[hanana42]

واش نقلك انت يا خيتى لقراية اهم حاجة في هدا لوقت وحدة بالقريتها وشهادتها تتهنا في هدا لوقت اخير



راكى فهمتنى ماشي لقاعد في دار حاجة مليحة تقعدى وتكبرى ومن بعد تزوجى نقالك حاجة انا نعرف وحداة كيفك بطلت قرايتها لانه


تكره كلمة قراء اصلا مهم من بعد زوجت ورجاله هو يخدم عليه بطبيعة حال ومن بعد عاد كل يوم


يضربها ويبهدال فيه انا رانى نشوف في رئى شخصى راك غلطتى غلطة كبيرة بزااااااااف كى حبستى قرايتك


مى نقالك بالنسبة لسطج ماششي مهم راك تقدرى تتعلمى حتى في دار خياطة او قطوا راكى تعرفي باقي


انا هدا رئي شخصى ....... ومتزعفيش من كلامى حنونة انا قالت رئى فقد مى نتمنى منكونش جراحتك بكلامى لانه هدى حقيقة



يقالك خود راي لى يبكيك ومتاخدش راي لى يضحكك

 

[mohamed ali 1992]

السلام عليكم ورحمة الله تعالى وبركاته
الي يقولك القراية تضمن الحياة والمستقبل غالط
والي يقولك دراهم تضمن العيشة المليحة والرفاهية غالط
كلنا عايشين برحمة ربي عز وجل وهو الي يسير في الدنيا
اما الصحيح هو القراية مليحة وصح مفيدة ليك الان وغدوة وبعد غدوة
والإنسان الفاهم والقاري ديما مفضل على الي ماشي قاري هذه النظرة الي
تعيش بيها كل المجتمعات,,,حتى أولادك مستقبلا تقدري تعاونيهم وتقريهم
وحتى عقلك يزيد يتفتح على أشياء جديدة ومفيدة في العالم ويمكنك العلم
من مواكبة العصرنة الي رانا عايشينها,,,
ممكن هذه الفترة تمري بيها حاليا برك ورايحة تتغير مع الوقت
إنتي حاولي تحبي العلم لروحك وطالعي كتب تحث على طلب العلم وفوائده
ممكن يولي عقلك لين ههه ومايبقاش قاسي كيما قلتي :d
وإلا ماحبيتيش تعلمي شغل الدار و خياطة ولا طبخ ولا اي شيئ آخر
مش الناس الكل تطلع تحب القراية هههه
ربي يسهلك ويهنيك إن شاء الله
وتفكري ديما
العلم يبنى بيوت لا أساس لها والجهل يهدم بيوت العز والشرف

​