سلام بيونة أنا تاني توحشتك والحمدلله علسلمتكم ،بنسبة lelB1 غادي نشرحلك أولا تروحي المكتب المغتربين تعكم وتقليلهم غادي تقري يعطوك وحد الاوراق تديهم للمدرسة أو ممكن يكونو deja عتوهملك نهار لجبتي la carte د residence ،أنا عتوهملي معاها ، تدي أوراقك و-pasporak للمدرسة يسجلوك ،نضن انتي deja درتي هاد الخطوة psq قلتلي رحتي وقالولك مكاش البلاص ؟ المهم هما يرسلولك إدا كنتي مسجلة عندهم ،ومنبعد يدرولك test باه يعرفو مستواك ووينه group يديروك فيه ،بنسبة للوقت أنا درته في تقريبا 7 أشهر ،6 أشهر تع b1 وشهر تع ال-orientirung kurs تقري فيه على النضام السياسي في ألمانيا ،يعني كاين امتحانين واحد تع b1 والزاوج تع السياسة ويعطوك لكل واحد دبلوم .كنت نقرا كل يوم ماعدا الويكند .4 ساعات ف نهار من 8 إلى 12 وبديت مل niveau 1 psq كي دارولي test قالولي تنجمي تبدي م a2 لكن elgroup مكانش واجد وأنا كنت كارهة باه نقارع لقيت هادة واجد دخلت معاهم وعاودت ملبدية وكانت في صالحي . b1 فيه 6 تاع les modules كل modul فيه 100 ساعة يعني كنا كل شهر نكملو واحد الريتم تاع القراية سريع ولازم تركزي مليح وتقري بزاف ف دار ، وكاين أفواج أخرى ميقروش كل يوم والريتم بطي جدا ويقروهم غير بشوية ويبدولهم بالحروف لكن يقعدو 3 أشهر فال-modul هادة خاص بلناس لعندهم مستوى دراسي صغير ،لكن منسحكش به psq صاحبتي في مدينة أخرى دارته وبدات قبلي ومكملتش واضطرت تحبس psq ولدت ،هادة يقعدو فيه عامين ج pense.بنسبة لدراهم أنا كنت نخلص النصف كل شهر يعني كل modul ينقام 200 اورو وأنا كنت نخلص 100 اورو psq راجلي يخدم ولي راجلها ميخدمش نضن تقرا باطل .وكي تكملي وتربحي الامتحان يردولك 50 % من دراهمك لكن بشرط لازم تربحي الامتحانين .وتقري كاين عطل تريحو فيهم .والكتب انتي تشريهم نضن 14 اورو للكتاب
