افيدوني اخواتي

[samah06]

السلام عليكم
اخواتي راني احترت مع شعري راهو مؤخرا صارت الشعرة تنقسم اي تتقطع راهو في غبنة
انا تاني كنت نضل مع السوشوار لي بلاك والصبغات وليماش وووو
لكن الان راني نغسلو ونبدا ندير في حمامات الزيوت برك
سؤالي هل الزيوت نحطها وشعري نظيف والا بعد ايام وندهنهالوواي الزيوت تنفع وتعطي نتيجة
ولكم جزيل الشكر

 

[الورد الأحمر]

ايه اغسلي شعرك وحطي الزيوت ,
ديري خلطة من الزيوت ,
زيت الزيتون مثلآ وزيت الخروع ,
هذو أكثر الزيوت المفيدة وتقدري تزيديلهم ,
مي كآن شعرك مزيت أفضل مآ تديريهمش ,
حمآم الزيوت يصلح للشعر الجآف ,
ان شآء الله يزيدو يفيدوك لبنآت ,
سلآمي ’
​

 

[samah06]

شكرا حبيبتيMOOn light
وانا شعري جاف جدا

 

[ЯǾᵯẫḭṧşẰ]

جيبي الزعتر غليه في الماء وصفيه وديريه في قنينة فيها بخاخ (رشاشة) وبقاي غير دوري رشي بيها شعرك وفركي بصباعك الفروة(هادي لتساقط الشعر 3ايام في الاسبوع)


الوصفة التانية لشعر الجاف

مقديرها هي:

كاس دانون مسوس


نصف كاس صغير زيت الذرة


ملعقة كبيرة من الزبدة لكن لا يجب استعمال الزبدة النباتية


تخلط المقادير جيدا ثم توضع على الشعر و تترك لمدة ساعة ونصف و يغسل الشعر بالشامبو و البلسم


حبيبتي هذا الماسك ينفع للي شعرها جااف كيما انت

موزتين

50غرام زبدة

تلاتة ملاعق كبيرة من زيت الزيتون

خدي الموزتين وخليطهم مع الزبدة بعد ما تذوبيها و الزيت خلطي الكل وحطيهم على شعرك بعد 15 دقيقة غسلي شعرك بالماء الدافى

. وصفة للشعر الجاف : امزجي صفار بيضة مع قليل من زيت الخروع افركي شعرك ثم اغسلي بالماء الساخن المخلوط معه قليل من الليمون ثم بالماء البارد.


لتقصف الشعر : تفرك أطراف الشعر بقهوة مطبوخة بدون هيل.

لشعر صحي ولامع: صفار بيضة ملعقة خل تفاح ملعقتين زيت زيتون (ضاعفي الكمية حسب شعرك) ضعيها على شعرك نصف ساعة أو أكثر ثم اغسليها.


احذري استخدام السيشوار خلال فترة العلاج


مهم جدا عند عمل هذه الخلطات ان تغطي شعرك بكيس بلاستيك او ما يماثله. للحصول على نتيجة سريعة مع اي خلطة يفضل تغطية الشعر بمنشفة ساخنة.وان شاء الله تستفيدي من هاذي الوصفات


​

لكي الاختيار غاليتي
نتمني ونطلب من ربي يتسgم شعرك

سلامي وتحياتي







​

 

[samah06]

تسلمي اخت romaissa2011 راني استفدت منك كثيرا وانشاء الله راح نطبق من هده اللحظة
الله يوفقك ويحميك
شكرا

 

[ЯǾᵯẫḭṧşẰ]

العفو نحن في الخدمة
امييييييييييييييين
​

 

[hiba14]

اختي الزيوت ديرها قبل ما تغسلي شعرك و خلطي كل الزيوت مع بعض و هاد الشي عن تجربة مام انا السيراميك و السيشوا ر مع لي تانت دارو فيا حالة من بعد لهيتلو راه علامة
المهم زيت الزيتون راه يزيد ينشف الشعر
مالا درت زيت التفاح و الخروع و السمسم و اللوز الحلو و العطرشة و الصبار و الحية و التوم و جوز الهند و اكومار ما تتقلقيش و تقولي بزاف هادو صح تشريهم قاع و ادا ماصبتيهمش قاع ممكن تستغاناي على البعض و خلطيهم بمقادير متساوية و ادا حابة شعرك يطوال كتري من زيت الحية و الصبار و التوم و ادا حباتو يغزر كتري من تاع التوم و سيرتو الخروع المهم رايحين يشدولك بزاف 4 اشهر على الاقل على حساب طول الشعر المهم خلطيهم مليح في قرعة كبيرة و ديريهم قبل الاستحمام 3 سوايع على الاقل متلا نوضي الصباح و ديريهم و راكي تعملي في شغل البيت و المفيد و المهم انك تغطي شعرك ببلاستيك انا شريت بوني تاع بلاستيك مليح بغاتيك يتباع 50 دج برك و من بعد غسلي شعرك بشمبوا من الافضل يكون elséve ou bien glisse (des cheveus colorés)
من بعد ديري الماسك تاع شبش كاين تاع الحية ولا تاع التوم راه مليح بزاف بزافو ماشي قاع غالي باطا كبيرة ب 600 دج و خليه على الاقل 10د و شلي شعرك و هو مبلل ديريلو السيروم ايلساف او اي سيروم متوفر عند و ما تمشكيهش كامل و غطيه حتى ينشف من بعد كي تنحيلو الغطا ديريلو ادا صبتي زيت جدايل من عبد الصمد القرشي قرعة كبيرة شوي ب 900 دج و ادا ماصبتيش و لا الامكانيات ما تسمحش معليش ديري زيت العطرشوة و لا جوز الهند مي ما تكتريش مام ريحيتهم مليحة ماشي كيما الخروع و لا التوم
و واظبي على هاد الشي و رديلي الخبر ادا كنت لاهية تنجمي ديريه كل 3 ايام و ادا ماكاش ل ما تبغي تستحمي و لا تسمحلك الفرصة
و ادا كنتي كيما انا من محبي الصبغة معليش منين داك ديريها مي اخطيك من لي ماش راهم يضرو بزاف الشعر
و كاينة طريقة ادا كنتي تبغي لاكولوغ شاتان مليحة و اللي يشوفني يحير فيها تهبل
خلطي صفار البيض على حساب طول شعرك انا ندير غي صفار واحد و ادا كان شعرك دهني ديري الحيبة كاملة مع كميات متساوية من زيت الحية و اللوز الحلو و 2 مغارف كبار لوكسيدون و مغرف كبيرة من الماسك تاع شعرك و خليها فوق شعرك
انا نديرها ابوع باسبوع و كي كنت قاعدة في الدار كنت كل اسبوع
علابالي كترت عليك مي بغيت نفهمك مليح كاش استفسار راني هنا و الله العظيم عن تجربة و النتيجة رائعة دعيلي بر ك

 

[السلطانة]

تمت تلبية الطلب
​