اريد رايكم

[حلوم]

السلام عليكم
انا اليوم حايرة في موضوع حابتكم تشاركوني فيه
انا متزوجة من سنة و نصف و اعيش انا و زوجي في شقة كاريينها و هادي الشقة ما فيهاش ريزارف تاع الما اي صهريج الماء انا دايما نعمر في الما و هادي الطريقة تعبتني بزاف و هو ما عندوش باه يجيبلي ريزارف تاع الما خاطر لا باي نتاعو ماشي حاجة انا مانيش خدامة مي عندي ذهب حبيت نبيع خاتم و نحل المشكل
واش رايكم هادا شي عادي و لا ممكن يعلومو الاتكال مع العلم انو ماشي هو لي قالي انا لي قررت وحدي
اعطوني رايكم راني نستنا

 

[إلياس]

صراحة لا أشاطرك الراي في ذلك اختي حلوم حاولي تشوف ليك حل اخر خير من هذا

 

[عرفتك]

نورمال اختي اذا راجلك معندوش باش يشري صهريج اشري انتي انا نشوف البيت تتعانو عليه في زوج
ربي يكون في عونكم ويفرجها عليك

 

[amin.select]

بهذا التصرف ستساعدي نفسك وتسعدي زوجك وترضي الله
وتاكدي ان الله سيعوضك عن ما تصرفين لارضاء عائلتك اضعافا
اقدر فيك هذا التصرف النبيل وادعو الله لك التوفيق

 

[قلمي سلاحي]

لا تترددي

وربي ينورلك طريقك ويسعدك

الحياة أخذ وعطاء

​

 

[حلوم]

طمأنتو بالي الله يطمئن بالكم و يعطي لكل واحد ما يتمناه اتمنى ان تستمروا في الردود لاني فعلا بحاجة الى التواصل معكم

 

[عرفتك]

عادي اختي انا اختي متزوجة مرة احتاجت تشري غسالة باعت قطعة ذهب راهي دارك انتي الي راح ترتاحي ولا تتعبي فيها

 

[Anwar Berklee]

السلام عليكم ..

أظن لا خلاف في بيع خاتمكِ
بيعيه وصلحي المي وبعدين جوزك بيعوظك

هذا رايي المال بيروح وبييجي عادي

شكراً الك

​

 

[اردن حب جزائر]

أنتم شركاء اختي بالحياه
و الدنيا يسر و عسر
و نسأل الله لكم اليسر
​

 

[روح الورد]

ربي يفرجها عليك اختي دمتي بودي
اخيتك في الله ياسمين

 

[ام منصف]

الدار دارك اختي
واكيد لازم تتعاوني بالشيء اللي تقدري عليه
وراكي تقولي ماهوش لاحق لان شهريته ماهيش حاجة
يعني ماهوش باخلك
تكلي على ربي
واكيد انت الرابحة في الحكاية
​

 

[حكيك]

النية من تكون في الدار خلاص انوي خير ربي يجييبلك مثلو
انا بعت قاع الدهب تاعي للدار وباقي زوجت بنتي بيه و وخلييت حاجة صغيرة للولادي
مخممتش على نفسسي كون طييح مريضة وعل العقوبة كيما يقولو
ربي عوضني بالدهب تاع امي ربي يرحمها راني مخليتو نجييب حجا بيه ان شاء الله
الانسان لي ديرو يبعملو لعمرو اولا
ربي يوفقك ان شاء الله

 

[amin.select]

النية من تكون في الدار خلاص انوي خير ربي يجييبلك مثلو
انا بعت قاع الدهب تاعي للدار وباقي زوجت بنتي بيه و وخلييت حاجة صغيرة للولادي
مخممتش على نفسسي كون طييح مريضة وعل العقوبة كيما يقولو
ربي عوضني بالدهب تاع امي ربي يرحمها راني مخليتو نجييب حجا بيه ان شاء الله
الانسان لي ديرو يبعملو لعمرو اولا
ربي يوفقك ان شاء الله

كم تاثرت بردك وراقت لي طينتك الطاهرة
واعجبت سيدتي بشخصيتك المحترمة

ربي يكثر من امثالك

 

[حلوم]

الى الاخت حكيك نشالله تروحي للحج و تدعيلي باه يجي النهار و نروح و نتعلق بستائر الكعبة و ندعي الله الذي لا اله سواه حلم عمري ادعيلي يتحقق و ادعيلي ربي يرزيقني الذرية الصالحة
الى جميع الاخوة و الاخواة ربي يريحكم كيما ريحتوني و ربي يفرج على كل مكروب و مهموم يا رب

 

[إلياس]

الله يرزقك بالذرية الصالحة اختي

 

[حكيك]

شكرا حلوم الله لايحرم احد
ربي يعمر حجرك ان شاء الله والى جميع لراه متمني

 

[wafa 1990]

ألصمتُ سيد أللغات
ربي يكون معاك ختيتي
انصحك بصلاة الاستخارة.

 

[سارة 196]

السلام عليكم صح عيدكم
والله هدا من كرم أخلاقك وطيبة قلبك يمكن تساعدي زوجة وبالدرجة الاولى تساعدي نفسك
عادي مافيها والو ربي انشاء الله يفرج عليه ويشريلك خير منها
وادا ما عوضكش هو انتظري فالله سيعوضك أحسن منها
جزاك الله الف خير لا ترددي

 

[أم أنس الموحّدة]

يا اختي الذهب الى ما تلقيهش في وقت الضيق ما عندك ما ديري بيه يا حتى الزينة الشرعية تكون لزوجك وشكوون راها تتزين لزوجها في وقتنا الحالي لهذا بيعي قدر ما احتاجتي واحسني الظن في الله واجعليه في سبيل الله ثم مرضاة زوجك وبالعكس راح ربي يعوضك احسن منه وكما قال الاخ انور بيركلي المال يذهب ويعود

اعانك الله ووفقك لما يحبه ويرضاه واغناكم من ماله الحلال الطيب
​

 

[simou11]

ايه يا حنونة الزواج تضحيات
بيعيه
و كي يخلف عليكم ربي اخلفيه

و هكا تكبري في عين زوجك
و ترضي ربك
و تريحي روحك ​