الزواج هل اصبح حلما عند بعض الشباب .

[NASRO DZ]

اخواتي مرحبا بكم اليوم في موضوع جديد موضوع يهم كل شاب وشابة وهو
مهم ايضا في حياتنا الشخصية وهو الزواج نصف الدين اليوم اردت التكلم على الزواج في وقتنا هذا

لحضت شيء هو نقص كبير في الزواج عند الشباب السؤال المطروح لماذا وماهي الاسباب

اقول لكم ان السبب تقريبا من الاهل البنت هم يشرطو كثيرا نحن نتكلم في الجزائر فقط

هناك من تصل شرط البنت فقط 25 مليون وعلاه الشاب معجب بفتاة يروح يتقدملها باش يخطبها يقلولو 25 مليون واحد 15 مليون واحد 10 ملاين كا اقل حد
هل تعرفون ان هذا هو السبب الخطير والكبير لعدم قدرة الشباب على الزواج وعلى عدم انشاء عائلة مثل ابيه هناك من وصل سنه 40 سنة ولم يتزوج
هذي معضلة في ريكم واش من حل وهل هناك اسباب اخرى لنتوج هذا الشيء على غير كلام الاهل

لانها جرت دراسة في الجزائر وجدو بلي الشباب المتزوج يوجد نسبة قليلة على الاعوام السابقة

يعني هذي كارثة صرحتا تهدد مجتمعنا كيف نجدو الحل في رائيكم انتم ...
اخوكم في الله ..نصرو ...
:regards01:

 

[أم أمين23]

والله بالفعل هاد الظاهرة اصبحت مشكل كبير وكاين كثير من العائلات يشرطو وزيدو ويقولك الا مديتي بنتك بالرخيص ماش راح يقدروها وهاد الي خلى الكثير من الشباب يلجأ للعلاقات والتعارف ولا يقدم على التقدم للزواج الرسمي
انا من راي ادا كان الشاب على الاقل خدام وقادر يوفر مسكن للمرأة على اهلها انهم يساعفوه واعاونوه ومش رازم الشرط يكون كبير يعني يكون بقدر ما حدد في العقد وخلاص يعني اخلوها للقاضي الي راح يعقد لهم ماعلى باليش ضرك شحال ولات من 5 سنين على بالي كانت 500 الف ضرك ما علاباليش شحال ولات
واكيد الدين راه يحث على ضرورة المساعدة وتقليل المهر ادا كانت ابنه رسولنا الكريم تزوجت بذرع قديم فلما نحن نتشرط ونغالي في المهور ولكن يجب ان يكون الرجل ايضا جديرا ويقدر معروف اهل الزوجة ولا يتمادى في الاعتماد عليهم واكرهم في النهار الي قبلو يمدو بنتهم بلاش

 

[إلياس]

الله يجيب الخير برك تغالي في المهور سبب الانحلال العاطفي لدى بعض الشباب

 

[mohgladiator]

ياو اللي يقولك شرط بنتي
15 و 20 ووو
قوووووولو بخر بيها
يا خويا بسبب هاد الوالدين و التقلاش تاع بعض البنات
اللي كتر الفساد عندنا
اللي يجي باش ينوي الحلال
ياقى روووحو وين هو وين الحلال
الحلال و صعبوه علينا يا صاحبي
و في لخر يقولك الجيل تاع هاد الوقت فاسد
هو في وقتو اتزوج بــ 2 دورو
و دك يقولك 20 مليون
ادي لا خلي
نقصو من قيمة الزواج حتى عاد الواحد حاس روحو يشري
كي يقولو 20
يقولو لالا مانقدرلهاش
ساعدني شويا
ياخي حالة ياخي
ربي يهدي ماخلق
راك عارف راني مقلق
وزدت قريت هاد الموضوع
زدت كملت
نحبس هنا خير مانكمل و نحصل
ايا ربي يوفق

​

 

[NASRO DZ]

والله بالفعل هاد الظاهرة اصبحت مشكل كبير وكاين كثير من العائلات يشرطو وزيدو ويقولك الا مديتي بنتك بالرخيص ماش راح يقدروها وهاد الي خلى الكثير من الشباب يلجأ للعلاقات والتعارف ولا يقدم على التقدم للزواج الرسمي
انا من راي ادا كان الشاب على الاقل خدام وقادر يوفر مسكن للمرأة على اهلها انهم يساعفوه واعاونوه ومش رازم الشرط يكون كبير يعني يكون بقدر ما حدد في العقد وخلاص يعني اخلوها للقاضي الي راح يعقد لهم ماعلى باليش ضرك شحال ولات من 5 سنين على بالي كانت 500 الف ضرك ما علاباليش شحال ولات
واكيد الدين راه يحث على ضرورة المساعدة وتقليل المهر ادا كانت ابنه رسولنا الكريم تزوجت بذرع قديم فلما نحن نتشرط ونغالي في المهور ولكن يجب ان يكون الرجل ايضا جديرا ويقدر معروف اهل الزوجة ولا يتمادى في الاعتماد عليهم واكرهم في النهار الي قبلو يمدو بنتهم بلاش

كلامك كامل عندك فيه حق لازم هما يسعفو الرجل وهوتاني لازم يكون عارف ويقد ويتحمل الحياة العائلية
وميرسي على المرور

 

[NASRO DZ]

أسير نفسي
.............
ان شاء الله اخي هذا مانقول حتى انا

 

[NASRO DZ]

والله بالفعل هاد الظاهرة اصبحت مشكل كبير وكاين كثير من العائلات يشرطو وزيدو ويقولك الا مديتي بنتك بالرخيص ماش راح يقدروها وهاد الي خلى الكثير من الشباب يلجأ للعلاقات والتعارف ولا يقدم على التقدم للزواج الرسمي
انا من راي ادا كان الشاب على الاقل خدام وقادر يوفر مسكن للمرأة على اهلها انهم يساعفوه واعاونوه ومش رازم الشرط يكون كبير يعني يكون بقدر ما حدد في العقد وخلاص يعني اخلوها للقاضي الي راح يعقد لهم ماعلى باليش ضرك شحال ولات من 5 سنين على بالي كانت 500 الف ضرك ما علاباليش شحال ولات
واكيد الدين راه يحث على ضرورة المساعدة وتقليل المهر ادا كانت ابنه رسولنا الكريم تزوجت بذرع قديم فلما نحن نتشرط ونغالي في المهور ولكن يجب ان يكون الرجل ايضا جديرا ويقدر معروف اهل الزوجة ولا يتمادى في الاعتماد عليهم واكرهم في النهار الي قبلو يمدو بنتهم بلاش

عندك الحق اختي في كل شيء

شكرا على المرور

 

[بيكهام]

سلام عليكم

انا نظن الشباب الجزائرى كره زواج بلا متزوجو علاه منيش عارف

وتصيبو يحكي على زواج ومصروف زواج وهو ماشي متزوج

شباب قال : منتزوجوش رانا قاعدين

شكرا
​

 

[NASRO DZ]

ياو اللي يقولك شرط بنتي
15 و 20 ووو
قوووووولو بخر بيها
يا خويا بسبب هاد الوالدين و التقلاش تاع بعض البنات
اللي كتر الفساد عندنا
اللي يجي باش ينوي الحلال
ياقى روووحو وين هو وين الحلال
الحلال و صعبوه علينا يا صاحبي
و في لخر يقولك الجيل تاع هاد الوقت فاسد
هو في وقتو اتزوج بــ 2 دورو
و دك يقولك 20 مليون
ادي لا خلي
نقصو من قيمة الزواج حتى عاد الواحد حاس روحو يشري
كي يقولو 20
يقولو لالا مانقدرلهاش
ساعدني شويا
ياخي حالة ياخي
ربي يهدي ماخلق
راك عارف راني مقلق
وزدت قريت هاد الموضوع
زدت كملت
نحبس هنا خير مانكمل و نحصل
ايا ربي يوفق

​

صح خويا عادالواحد كي يعجب بفتاة يروح يطلب ايدها يشرطو عليه عبارة انهم يبعون له شيء

ان اضن في الدين حرام وعلاه نحلقو نعودو نشرطو ب25 مليون واش بقى من دنيا

البنات بزاف كاينين والشباب مايتزوجش بسبب ارتفاعالشرط والله عيب على الاهالي تعمل هاك والله عيب

 

[NASRO DZ]

صح عيدكم وتعيدو بالصحة و الهناء

 

[سميحة 01]

رايي من راي ام امين

 

[NASRO DZ]

سميحة 01

مليح اختي وشكرا على الراي معنا

 

[سمية25]

صباح الخير عليكم يا ناس الخير
حبيت نشارك معاكم على هذا المشكل اللي راه في بلادنا وصح كاينة منها الشباب يرفضوا الزواج بسبب غلاء المهر وتكاليف العرس اللي ولات زوخ ومعاندة في كلشي
انا وعوذ بالله من كلمة انا اتخطبت لانسان فايت الاربعين سنة ولم يكن يريد الزواج اصلا بحكم انه من الشرق وفي تلك المنطقة الفتاة تشترط علط على العريس يجيبلها مسايس نهار حنتها يديرو فايت 20مليون هذا بلا مبلغ المهر وزيد العشاء نتاعها تديه دراهم ولا يجيبولها كبش ولا زوج هههههههههههههههه
كي قالو لهذا اللي خطبني من قبل اتزوج قاللهم لالا مانقدرش مي كي جا خطبني نقولك الصح ساعدناه نتاع الصح وماقتلوش جيبلي ولا عندي شرط ولا حاجة طلبنا مهر الاقل قيمة عندنا هو عشرة ملاين ومكان لا عشاء لا كبش لا والو شرط عليه بابا حاجة وحدة برك هي الهناء وعيشة مليحة لبنته فقط وافق وقل له رانني نوعدك نهنيها ان شاء الله تعالى
ودرك راني نجهز باللي نقدر عليه وندي ما كتبلي ربي المهم نهنى عنده هذا هو الصح مايهمني لا فلانة ادات 100مليون نتاع ذهب ولا ادات زوج صالونات ولا ....................... الصح في العشرة الزوجية كي تكون لاباس
واللي حب يتزوج راني هنا نخطبله ههههههههههههههه
المهم هذا هو رايي في الموضوع
وحبيت نقول وحد النكتة عليه
قالك بوشي يعني جزار حب يخطب لوليدو اداه لوحدة ايا كي شاف الطفلة وعجبتهم والد العروسة اطلب 25مليون مهر لبنته اياا البوشي انخلع وقالوو علاش شحال راكم تبيعو للكيلو هنا .....................
هههههههههههه فهمتوها نورمالموووووووووووووووو
ايا سلااااااااااااااااام وشكرا على طرحك لهذا الموضوع القيم
+تق تق تق تق تق تق

 

[souhila_95]

الله يجيب الخير للبلاد

 

[أم عبد الله]

لي عودة للموضوع اخي نصرو


سلام

 

[simou11]

كيما قالوا كامل
غلاء المهور هو سبب عزوف الشباب عن الزواج
تقولك بنتي لازمها فيلا و اوطوموبيل و 25 مليون و زيد الصياغة و الخ الخ
هذي شروط تعجيزية

و كي تقولها وعلاه ادا كامل ؟
تقولك بنتي ما نمدهاش بالرخيص
و بنتي تسوى اضعاف
و مشها ناقصة على تراباتها
و نديرلها عرس كيما البنات كامل
ما نعرف شكون لي قالهم بلي غلاء المهر معناه غلاء الطفلة !!
و اصلا شكون يدير قيمة بنتو بالصوارد ؟

و نساو بلي اهم شيء الهنا
كي تصرف ملايير على الزواج و ترجع مطلقة وشمن فايدة ؟
نساو حديث الرسول (ص) :
عَنْ مُحَمَّدِ بْنِ سِيرِينَ عَنْ أَبِى الْعَجْفَاءِ السُّلَمِىِّ قَالَ سَمِعْتُ عُمَرَ بْنَ الْخَطَّابِ رَضِىَ اللَّهُ عَنْهُ يَقُولُ :" إِيَّاكُمْ وَالْمُغَالاَةِ فِى مُهُورِ النِّسَاءِ فَإِنَّهَا لَوْ كَانَتْ تَقْوَى عِنْدَ اللَّهِ أَوْ مَكْرُمَةً عِنْدَ النَّاسِ لَكَانَ رَسُولُ اللَّهِ -صلى الله عليه وسلم- أَوْلاَكُمْ بِهَا مَا نَكَحَ رَسُولُ اللَّهِ -صلى الله عليه وسلم- شَيْئًا مِنْ نِسَائِهِ وَلاَ أَنْكَحَ وَاحِدَةً مِنْ بَنَاتِهِ بِأَكْثَرِ مِنِ اثْنَىْ عَشَرَةَ أُوقِيَّةً وَهِىَ أَرْبَعُمِائَةِ دِرْهَمٍ وَثَمَانُونَ دِرْهَمًا وَإِنَّ أَحَدَهُمْ لَيُغَالِى بِمَهْرِ امْرَأَتِهِ حَتَّى يَبْقَى عَدَاوَةً فِى نَفْسِهِ فَيَقُولُ : لَقَدْ كُلِّفْتُ لَكِ عَلَقَ الْقِرْبَةِ " .
رواه الخمسة وغيرهم وصححه الشيخ الألبانى رحمه الله

و زيد العرس
ولات فاها سال دي فات و ملايين تروح بلا فائدة
الرسول (ص) امرنا باعلان النكاح بالدف
مش باعراس لا يزي غالية و السيئات فاها اكثر من الحسنات
و زيد شهر ما نعرف وش ادا في تونس و ادا في تركيا و ادا في شنغاهاي
ياسر والله ياسر

بكري كانت البراكة
و المهر كان دوروات محسوبة
درك لي يصرفوه في العرس و العفايس ادم
يشريو بيه دار و لا يجهزوها
يقدرو يديرو بيه الف حاجة

المهم ربي يهدينا
و اسمحلي على الاطالة ​

 

[NASRO DZ]

سمية25
عملتي مليح اختي الكريمة نتمنى الوالدين قاع الناس يكونو كيما والديك الي يعرفو كيفاه يصرفو
وشكرا على المشاركة والراي معنا في هذا الموضوع المهم
+10

 

[NASRO DZ]

souhila_95

ان شاء الله اختي

 

[NASRO DZ]

°Nina Dz°
سلام
ان شاء الله اختي ننتضر رائيك بفارغ الصبر

 

[NASRO DZ]

simou11

كلامك كامل في المستوى ماذبيا اغلبية الاباء يستعمو الى حديث الرسول (ص)
باش يعرفو ويفهم انهم غالطين واش ديرو راهم هاك يعرقلو الزواج
لازم يعرفو بلي احسن شيء في الزواج هو الهناء انت كي تلقى بنتك مليحة مع هذا الانسان ولاباس وعلاه يعرقلو الامور
ان شاء الله يفهمو هذو الاباء بلي راهم غالطين ومن الاحسن يسمعو احديث الرسول (ص)
وبرك الله فيك اختي الكريمة على مشركتك معنا
اللتي اعجتني كثيرا
برك الله فيك
وشكرا على الحديث
+10