وين راهم شباب المنتدى

[farid8751]

السلام عليكم ورحمة الله وبركاته
ان شاء الله الجميع بخير وفي صحة جيدة
ليوم حبيت نحكي على المنتدى هذا لي يجمعنا ونخصص كلامي على المواضيع والمشاركات ..
راكم تشوفو في المواضيع المطروحة في المنتدى تقريبا كامل مطروحة من عند اناث ...وثاني الردود على المواضيع قريب كلها من عند اناث..
المشكل هنا ولي محيرني وين راهم الذكور نتاع المنتدى واش راهم يديرو هنا في هذا المنتدى نلقاوهم مسجلين وداخلين في المنتدى بصح غايبين على المواضيع والمشاركات.. وانا معاهم مش مستثني روحي بصح من بعد نقول علاش مانيش نشارك ....علاش غير لبنات لي يطرحو المواضيع والردود ثاني ..
علاش الذكور مراهمش يطرحو في المواضيع حتى وطرحو وردو وشاركو مش بمستوى الاناث يعني تكون نسبة ضعيفة بزاف بزاف ...
اذكان ميهمهمش المواضيع والردود واش يهمهم واش هو الشي لي مديلهم عقولهم ويخليهم لهاذي الدرجة ميهتموش لا بمناقشة ولا اي موضوع يطرحوه ..
نخليكم مع هذا الموضوع ونتمنى يشاركو فيه ذكور ومايخلوهش غير لبنات وحدهم يشاركو..وثاني لبنات مسموحلكم تشاركو فيه وتعطونا رايكم ربما عندكم تفسيير علاش الذكور مراهمش يشاركو..ولا بواش يهتمو
اليكم الخط ..
مع سلامي للجميع ...فريد ..
​

 

[Fethi.dz]

وعليكم السلام

يعاب علينا اننا جيل لا نقرأ ولكن يبدو ان هناك خصلة جديدة في الافق الا وهي بأننا جيل لا نكتب ولا نشارك الافكار .. طبعا هذه النسبة تختلف من البنات الى الذكور والمنتديات التحاورية عبر الشبكة خير دليل !!

ويبقى السؤال / ما هي الأسباب ؟؟

 

[BARCA232]

أضـــــــرب جولة أخي فريــــــد بقسم آدم ورد لي الخبـــــــر تعرف الرجــــــــــــال!!!!!!
​

 

[عابر سبيل12]

ياسيدي نبداوها بالسلام عليكم

موضوع مهم جدا وطرح رائع وفكرة صائبة

اخي انا عن نفسي راح نحكي ونقول

انا واحد من شباب المنتدى وبكل صراحة احيانا وغالبا اعزف عن المشاركة والرد والطرح والنقاش لاسباب عديدة

لن اقول ان المواضيع لاترتقي الى المستوى المطلوب بالعكس اغلب المواضيع ممتازة جدا

ولن اقول ان السبب يكمن في الاعضاء ..ففي الغالب نحن نتناقش بصورة عفوية وتنموية لااكثر

لاكن الاسباب ....فلتبقى مجهولة احسن ...منذ ايام قليلة تحاورنا في موضوع معين عن هاته الاسباب تحديدا

وانت تحديدا كان لك تدخل في ذاك الموضوع وذكرت اسباب تمنعك من طرح المواضيع

باختصار هناك اماكن معينة نستطيع فيها الطرح بكل اريحية ..واقول بكل اريحية لانا نعلم ان الطرح سيقابل بالفكر

نطرح ونحن نعلم اننا نطرح المناسب في المكان المناسب

وهنا نصبل الى نقطة معينة ...لما ادم بالتحديد ؟؟ يعزف عن الطرح والنقاش في اغلب الاقسام العامة في المنتدى

انا عن نفسي ساحتفض باسبابي ...لان طرحها قد لايرضي الجميع للاسف

​

 

[HAMOUDI2000]

مكانش رد

 

[عفيفة الحبوبة]

السلام عليكم
موضوعك رائع و التفاته جميلة من عندك
انا انتظر ان يطلعنا الشباب هول الاسباب التي تجعلهم يعزفون عن المشاركة و الردود
اما انا عن نفسي فانا انثى و لا اشارك كثيرا
لضيق الوقت عندي لا اجد وقت للمشاركة كثيرا
و مرات لا تعجبني المواضيع فلا ارد بكل بساطه
و احيانا احس انني حتى و لو وضعت رد فلا شيء سيتغير و احس انني اضيع وقتي
اشكرك مجددا على الموضوع الجيد
تقبل مروري​

 

[farid8751]

وعليكم السلام

يعاب علينا اننا جيل لا نقرأ ولكن يبدو ان هناك خصلة جديدة في الافق الا وهي بأننا جيل لا نكتب ولا نشارك الافكار .. طبعا هذه النسبة تختلف من البنات الى الذكور والمنتديات التحاورية عبر الشبكة خير دليل !!

ويبقى السؤال / ما هي الأسباب ؟؟

اولا نشكروك اخي على اعتمادك الموضوع
صحيح اخي هذا مايقال عنا اننا جيل لايقرأ ولا يكتب.. ... ولا نشارك بافكارنا وطلعاتنا واهتماماتنا وخير دليل هو كما قلت هنا امامنا في المنتدى.. وقيس على كل المنتديات والمجالات ستجد ادم مهمش نفسه بنفسه تحت راية ميهمنيش وماعندو مدخلني واش ندير بيها خلي تروح وين ماتروح يعني اهمال كلي للعقول والفكر والافكار عكس الفتيات اللاتي يحببن فرض انفسهن وتواجدهن دائما هن الاوائل
​

مشكور اخي

 

[farid8751]

أضـــــــرب جولة أخي فريــــــد بقسم آدم ورد لي الخبـــــــر تعرف الرجــــــــــــال!!!!!!
​

رايته اخي لكن هذا طبيعي ان يجتمع الشباب هناك ويبانو غير مشاركاتهم ومواضيعهم لان المنتدى مخصص لرجل فقط انظر في الاقسام الاخرى اين الرجل منهم مقارنة مع الجنس اللطيف
​

شكرا اخي
​

 

[farid8751]

ياسيدي نبداوها بالسلام عليكم

موضوع مهم جدا وطرح رائع وفكرة صائبة

اخي انا عن نفسي راح نحكي ونقول

انا واحد من شباب المنتدى وبكل صراحة احيانا وغالبا اعزف عن المشاركة والرد والطرح والنقاش لاسباب عديدة

لن اقول ان المواضيع لاترتقي الى المستوى المطلوب بالعكس اغلب المواضيع ممتازة جدا

ولن اقول ان السبب يكمن في الاعضاء ..ففي الغالب نحن نتناقش بصورة عفوية وتنموية لااكثر

لاكن الاسباب ....فلتبقى مجهولة احسن ...منذ ايام قليلة تحاورنا في موضوع معين عن هاته الاسباب تحديدا

وانت تحديدا كان لك تدخل في ذاك الموضوع وذكرت اسباب تمنعك من طرح المواضيع

باختصار هناك اماكن معينة نستطيع فيها الطرح بكل اريحية ..واقول بكل اريحية لانا نعلم ان الطرح سيقابل بالفكر

نطرح ونحن نعلم اننا نطرح المناسب في المكان المناسب

وهنا نصبل الى نقطة معينة ...لما ادم بالتحديد ؟؟ يعزف عن الطرح والنقاش في اغلب الاقسام العامة في المنتدى

انا عن نفسي ساحتفض باسبابي ...لان طرحها قد لايرضي الجميع للاسف

​

وعليكم السلام
صحيح اخي هناك مواضيع ممتازة لكن لا نستطيع الرد عليها تجنبا لجدال لا حل له ولا نهاية.. واسباب اخرى كما قلت تطرقت لها في موضوع سابق اكيد هي اسباب موجودة ويعاني منها ادم كثيرا ضف لها التمييز يعتبر عائق كبيرا جد اما ادم كل هذه الاسباب ربما تجعل الشاب يعزف عن الردود مما يظهر تفوق كبير للفتيات وهناك ايضا مواضيع لايستطيع الشاب المشاركة فيها تكون من طرح انسة او سيدة لانها لاتحب ان يشارك الرجل في مواضيعها هذا رايته من خلال تجربتي في المنتدى وهذا ايضا عائقا
​

اشكرا اخي الكريم على الرد الرائع والصريح
​

 

[farid8751]

مكانش رد

شكرا اخي هذا ايضا راي ونحترمه كثيرا لان الصمت احيانا يكون ابلغ من الكلام
ومن قال ان الصمت لا يتكلم ..بل هو سيف ولهيب يقول ملا تقوله الكلمات مشكرو اخي
​

 

[farid8751]

السلام عليكم
موضوعك رائع و التفاته جميلة من عندك
انا انتظر ان يطلعنا الشباب هول الاسباب التي تجعلهم يعزفون عن المشاركة و الردود
اما انا عن نفسي فانا انثى و لا اشارك كثيرا
لضيق الوقت عندي لا اجد وقت للمشاركة كثيرا
و مرات لا تعجبني المواضيع فلا ارد بكل بساطه
و احيانا احس انني حتى و لو وضعت رد فلا شيء سيتغير و احس انني اضيع وقتي
اشكرك مجددا على الموضوع الجيد
تقبل مروري​

وعليكم السلام

اكيد اختي كلنا نعاني من ضيق الوقت.. لكن هذا لايمنعنا من المشاركة من حين الى اخر
اما عن الاسباب فلقد رايت من المشاركين كل شخص مُتَحَفِّظٌ ولا يريد الخوذ فيها

على العموم مشكرة اختي على الرد وصراحتك
​

 

[حفيد هواري بومدين]

حتى انا راني نشوف فيهم راقدين ها ليامات ربي يكون في العون برك​

 

[قناص الغرام]

و الله غير عندك الحق فريد
كي بدات اللمة العامين لولين كان اغلبيتها شباب
ذرك مانعرف علاش ماعليش كاين اخي بارصا كيما قال راهم في قسم ادم
بصح تلقاهم شحال يعني كيكونو متواجدين بزاف كاين 300
روح شوف قسم الطبخ 3000
كاين فرق
​

 

[mohgladiator]

أضـــــــرب جولة أخي فريــــــد بقسم آدم ورد لي الخبـــــــر تعرف الرجــــــــــــال!!!!!!
​

ورثونا و حنا مزلنا هنا
كيفاه تحب تشارك
وين تروح نلقاهم
شوووف اصحاب المواضيع اللي في ركن ادم
و شوف اصحاب المواضيع اللي في اركان حواء
عندهم شحااااااال من ركن خاص بالمراة
و حنا عندنا واااحد
و يزاحمونا فيه
انا و الله مرات ندخل ليه
نجي باش نرد على كاش موضوع يعجبني
غي نشوف الكاتب تاعو
نبطل .... اقسم بالله شحال من خطرة
​

 

[mohgladiator]

ههههههههههههههههه
يكفيك يا خويا
القسم تاعنا ماعندوش مشرف
ههههههه

​

 

[عابر سبيل12]

اخي انا راح نعطيك مثال بسيط باه تفهم لاه بعض الشباب يجتنب المشاركة وطرح المواضيع خاصة

انا مرة طرحت موضوع ...تم غلقه بحجة ان القوانين تمنع طرح موضوع قصير ومختصر

واليوم وانا اتجول صدفة في القسم نفسه تحت اشراف المشرف نفسه وبالقوانين نفسها

صادف اني وجدت موضوع هاذا عنوانه شكون كان يقول

https://www.4algeria.com/forum/t/349846

وهاذا رد المشرفين على القسم

الاخ ماكانش

أهلا بيك لاليشكا
ياحصرااا عليك يا الدنيا فيك حكاية وحكايااات
أمورنا كامل قضاء وقدر
احياننا نخمم في امور ونقول شكون يقول بلي راح تصرا هكذا وتولي هكذا .....

​

الاخ docteur abdou 24

وشكون كان يقول الموضوع نتاعك يتقبل وفيه زوج كلمات؟ :p

بصراحة مفرطة وانا اعي جيدا ان الصراحة لاتعجب دائما

مع احترامي للاخت الفاضلة صاحبة الموضوع وللمشرفين القائمين على القسم ايضا

هاذا يعد في خانة التمييز الجنسي .. لان التفريق في التعامل بين الانثى والذكر يعد تمييز طبعا

وبحكم ان التمييز هنا بين الجنسين فنقول انه تمييز جنسي بحت

فلو تتامل قليلا في الموضوع ستقول

كيف لي ان اطرح موضوع اخر هنا ؟؟؟
​

 

[farid8751]

حتى انا راني نشوف فيهم راقدين ها ليامات ربي يكون في العون برك​

مشكل عويص واش هو سببو واحد مايعلم كل واحد مخبي سرو عندو على العموم نشكروك على المشاركة
​

 

[السلطانة]

ورثونا و حنا مزلنا هنا
كيفاه تحب تشارك
وين تروح نلقاهم
شوووف اصحاب المواضيع اللي في ركن ادم
و شوف اصحاب المواضيع اللي في اركان حواء
عندهم شحااااااال من ركن خاص بالمراة
و حنا عندنا واااحد
و يزاحمونا فيه
انا و الله مرات ندخل ليه
نجي باش نرد على كاش موضوع يعجبني
غي نشوف الكاتب تاعو
نبطل .... اقسم بالله شحال من خطرة
​

اسمحولي نتدخل هنا
باسكو نقطة مليحة اشرتي ليها خويا موح
وي عندك الحق
نورمالمون لبنات ميدخلوش اركان آدم
وانا شخصيايقلقوني كي نلقاهم دايرين مواضيع
تم يااختي خلي ركن الرجل للرجل علاه تتلاحي تم

كيما حنا في عالم المرأة ممنوع مشاركة الرجال
ارفعو راية انتوم تاني ممنوع مشاركة النساء
تقبل مروري
كل الشكر للأخ فريد على طرح الموضوع
سلامي
​

 

[الورد الأحمر]

السلآم عليكم ورحمة الله وبركآته ,
موضوعك جذبني عنوآنو لقيتو في الوآجهة ,
ولي جذبني أكثر ردودو ,
قلت والله نرد ,
امم مآ علآبآليش علآش مآ تحبوش تشآركو ,
هذآ السؤآل يبقى مطروح ليكم ,
أمآ على الأسبآب لي رآكم تحكموآ فيهآ لروآحكم ,
وتشرو على الموآضيع لي حكيتو فيهآ عالأسبآب ,
لي رآني فآهمة على فكرة ,
نقوللكم وحد الوقت قبل بعآمين من درك بآلآك ,
كون ترجع الإدآرة لأرشيف موآضيعي ,
تلقآلي موضوع دآيرتو هنآ ,
في المنتدى هذآ بالذآت ,
على التمييز العنصري والتكتلآت ,
وطبعآ جآني اعتمدوه ,
لأنو كآن فيه ودآع تآع أو ليكم المنتدى ,
تجي تدخل وآحد مآ يسمع بيك ,
تدير موضوع وآحد مآ يقيمك ,
تهدر الحق مآ يعجبهمش الحآل ,
تجي تنصح يقولو تفتي ,
كيمآ تدير مآ مليحش ,
بلآ هذآ حبيب هذآ يرد لهذآ ,
وفلآنة حبيبة هذيك ترد لهذيك ,
وهذو كليك في بعضآهم يردو لبعضآهم ,
وانتآ عضو/ة خضر/آء مآ يقيموكش ,
بآلآك يقولوآ عليك شكون هذآ ,
وصح غآدرت المنتدى لمدة من الزمآن ,
فآتت عآم ورجعت مرة ,
وجيت نسطح هنآ ,
درت موآضيع ,
تغلغلت وسط الشعب ,
نشطت من هنآ ,
هدرت مع فلآنة ,
نآقشت هذيك ,
مآ تفآهمتش مع هذيك ,
نشفى في 2008 حتى لـ 2011 ,
كنت بمشآركآت مآ تتجآوزش الألف ,
ومن 2011 لـدرك شوف مشآركآتي وين لحقت ,
يعني مآ تقولش هذآ فشلني ,
لي يفشلك أبقى فوق رآسو ,
واتفكر بلي المنتدى مش تآعو ,
ومش تآع حتى وآحد ,
المنتدى منآ ولينآ ,
بلآ بيآ وبيك وبفلآن وفلآن وفلآنة ,
صآحب الموقع يقفل ويروح يروّح ,
ألوغ مآ تحط بآلك لحتى وآحد ,
عبر على رآيك بالصرآحة ودآفع عليه ,
فقط مآ تتجآوزش الحدود ,
ومآ توصلش للمشآحنة ,
بآش يبقى الإحترآم ,
أنآ شكيت قبل من التمييز ,
وبعدهآ لقيت روحي أنآ لي مآ اندمجتش معآهم ,
وقلت يحقروآ ,
والمشرفين يحقروآ ,
واليوم رآني مشرفة كيفآش وصلت ؟
بآلآك كآين لي يحسبوني حقرتهم ,
مي نو ,
وآش حبيت نقول ,
حآجة مآ تفشلك ,
حآيب تشآرك شآرك ,
ترجع لردودي تلقى منهم بزآآآآف المحذوفين ,
من اللخر مشرف مآ يفشلك إدآري مآ يفشلك ,
شآرك وفيد وفي انتظآر جديدك ,
سلآمي ’
​

 

[farid8751]

ورثونا و حنا مزلنا هنا
كيفاه تحب تشارك
وين تروح نلقاهم
شوووف اصحاب المواضيع اللي في ركن ادم
و شوف اصحاب المواضيع اللي في اركان حواء
عندهم شحااااااال من ركن خاص بالمراة
و حنا عندنا واااحد
و يزاحمونا فيه
انا و الله مرات ندخل ليه
نجي باش نرد على كاش موضوع يعجبني
غي نشوف الكاتب تاعو
نبطل .... اقسم بالله شحال من خطرة
​

عندك الحق اخي رغم انه قسم خاص بالرجال لكن معظم المواضيع المطروحة هناك من قبل فتيات
ويبقى السؤال مطروح اين الشباب ..لكن ياخي انا تبالي بلي حنا لي تركنا المجال مفتوح امامهن لو قمنا بغلق وتعبئة الفرغات لا ماوضعن مواضيعهن
شكرا اخي لمداخلتك
​