خلــــــــــــونا نتعـــــــــارفوا [ المغتربين و المهاجرين ]

مسا الخير البنات ان شاء الله تكونو بخير

اهلا اختي سميرة والله الحمدلله نشكرو ربي وانتي اخبارك وكيراهم اولادك ان شاء الله بخير ,,

بالنسبة للخبز ( فيه شرائح زيتون اسود واخضر و جبنة فيتا مقطعة مكعبات و بصل اخضر مقطع ونعناع وزعتر يابس وزيت زيتون) تخلطيهم جاع مع بعض ومن جهة ثانية تكوني عجتني خبز المقادير العادية لخبز الكوشة بصح ماتكثريش الفرينة لانو يجي مقرمش خبز شوية من برا ومن بعد تزيدي الخلطة عليه ولميها بزيت زيتون وخليها تخمر وطيبيها .. ان شاء الله تكوني فهمتي عليا لانو ماعنديش مقادير محددة غير كيما نشوف وندير ,, حنا كي نديروه لازم معا لاتاي امممم ولا احلى من هاك ههههههه

يسلمك حبوبة ,, على سيرة التصاوير اسكتي برك قبل اسبوعين قبضتني القنطة ههههههه من شطارتي جبت الكاميرا ونسيت الشارجار في الامارات وراهي طافية دروك بصح راح نصور بالموبايل ونوريهملك ... باينة ولادك صغار مازال مادخلو للمدرسة واذا يقراو فرصتك مع الصباح حنا كي نبغو نشرو نخرجو مع الصباح راكي عارفة حالة المولات كيفاه في العشية ماتديش راحتك ,,واستغلي الفرصة راه وقت تنزيلات دروك واذا انتي من نوع تشري عبايات او لبسة المناسبات نوجدوا للصيف ههههه ننصحك هاد وقت اشري في شتا ترخص الحالة عكس الصيف كل شي يزيدوا فيه
 
اهلااا اختي صونيا راني هنا ,,واش راكي ؟

تعرفي انا حتى الان ماشتش الشتا تاع الجزاير حتى الربيع والله ,, دايما في الصيف بصح يقولولي ارواحي في الربيع يكون الجو مليح والمناظر روعة
 
اهلا يا ريمو
والله بداو التنزيلات البارح شفت حوايج ملاح :up:بصح كيما قتلك عدت خارج مجال التغطية لازمني وقت باه نخير و زيد كي يولي الغاشي ما نقدرش وما نحبش نحب نروح الصباح مع الاولاد ما نقدرش بصح ان شاء الله نلقالها الحل
 
صح الله يعينك بصح الا تلاقي وقت وتشري
 
السلام عليكم اولا حبيت نشكر الاخت ام امين علي هاد اللمة الحلوة ربي يحفظك ويرزقك بالدرية الصالحة ان شاء الله انا اول شفت وقريت من 1 ال 30 ولكن ولدي ما خلانيش نكتب ومن بعد قريت من 30 الي 60 واليوم حليت وشفت بلي وصلت 70 ما شاء الله ربي يصبر كل واحد في غربتها ويهون عليها يارب الاخت ريمو ربي ينجحك في قرايتك وحبيت نقولك الزواج من واحد ماشي جزائري انا بالنسبة ليا الحمد لله متزوجة من 4 سنين والحمد لله يعني الايام الاولي كنا مانفهموش بعضياتنا بصح دروك هو ولا يهدر كيفنا وصحابه قاع جزايريين وان شاء الله ربي يرزقك بولد الحلال الي يفهمك ويقدرك اختي لا ليشكا او جمانة الغربة والوحدة صعيبة وان شاءالله ربي يهون عليك وان شاء الله قاع الاخوات الي مادكرتش اسمهم سامحوني وربي يهون عليكم في غربتكم انا تاني راني مغتربة في لندن وراه عندي دروك 3 سنين ونص
 
وعليكم السلام ورحمة .. مرحبا بيك اختي ام عبد الهادي الله يعينك على غربتك وربي يهنيك مع عايلتك

ربي يحفظك ختي ربي يوفق الجميع.. معاكي حق واش قلتي وزواج عامة من ولد البلاد او من براني ممكن ينجح وممكن لا راه كل شي مكتوب من عند ربي ..وكل واحد كيفاه ينظر للزواج كاين لي ماتفرقش معاهم الجنسية المهم انسان يخاف ربي ويصونها وكاين العكس .. انا تفرق معايا يعني تخيلي ختي راهي حياتي كاملة وانا في الغربة حتى ولينا غريبين على بلادنا (ماشي يقولو المغترب غريب في بلاد الناس وحتى كي يرجع لبلادو) المهم نقولو الحمدلله مادام الواحد راه في الخير ..

انا حاطة في بالي ان شاء الله كي يجي مكتوب يكون ولد بلادي يكفي عقلية جزايرية حرة هههه يكفي الهدرة العادات وتقاليد بلادي واهممم نقطة ولادي يكونوا جزايرين ,, راني عشت بين جنسيات وشفت وسمعت قصص من ناس تزوجوا غير جنسيتهم فيهم لي عايشين مليح وفيهم الي لا .. مرت عليا تجربة وماقدرتش نتقبل الفكرة خممت للمستقبل اكثر من حاضر ولقيتها صعيبة .. وربي يرزق كل واحدة واش متمنية :)
 
قال ريمو:
وعليكم السلام ورحمة .. مرحبا بيك اختي ام عبد الهادي الله يعينك على غربتك وربي يهنيك مع عايلتك

ربي يحفظك ختي ربي يوفق الجميع.. معاكي حق واش قلتي وزواج عامة من ولد البلاد او من براني ممكن ينجح وممكن لا راه كل شي مكتوب من عند ربي ..وكل واحد كيفاه ينظر للزواج كاين لي ماتفرقش معاهم الجنسية المهم انسان يخاف ربي ويصونها وكاين العكس .. انا تفرق معايا يعني تخيلي ختي راهي حياتي كاملة وانا في الغربة حتى ولينا غريبين على بلادنا (ماشي يقولو المغترب غريب في بلاد الناس وحتى كي يرجع لبلادو) المهم نقولو الحمدلله مادام الواحد راه في الخير ..

انا حاطة في بالي ان شاء الله كي يجي مكتوب يكون ولد بلادي يكفي عقلية جزايرية حرة هههه يكفي الهدرة العادات وتقاليد بلادي واهممم نقطة ولادي يكونوا جزايرين ,, راني عشت بين جنسيات وشفت وسمعت قصص من ناس تزوجوا غير جنسيتهم فيهم لي عايشين مليح وفيهم الي لا .. مرت عليا تجربة وماقدرتش نتقبل الفكرة خممت للمستقبل اكثر من حاضر ولقيتها صعيبة .. وربي يرزق كل واحدة واش متمنية :)
إضغط للتوسيع...
صح اختي ريمو الزواج حظ كل واحدة وحظها كاين الي مرتاح وكاين الي لا ان عندي صحبتي مغربية متزوجة واحد من سيرلنكا والله ما تامني عقلك عايشة هانية والحمد لله ربي يكمللها ويهنيها انا اختي عطيتك نظرتي علي الزواج بغير جزايري بحكم تجريبتي هي راني معاك الواحد يتوحش التشغنين ههههههههه نتاع الجزايري وووووو الخ وكل وحدة وربي الي مكتبلها وان شاء الله ربي يرزقك بولد الحلال الي يستاهلك ويقيمك يارب
 
ما شاء الله ربي يهنيها يارب ويهني الجميع ,,عجبتني هادي التشغنين ههههه شا معناها ؟

بارك الله فيك عالدعوة الزينة .. كيفاش لقيتي غربتك وتأقلمتي ولا مازال
 
قال ريمو:
ما شاء الله ربي يهنيها يارب ويهني الجميع ,,عجبتني هادي التشغنين ههههه شا معناها ؟

بارك الله فيك عالدعوة الزينة .. كيفاش لقيتي غربتك وتأقلمتي ولا مازال
إضغط للتوسيع...


متعرفيش شاهو التشغنين ههههههههه ؟؟؟
الغربة والله يلا صعيبة يعني في بلاد اوروبي ويكون عندك الولاد صعيييييبة بالبزاف خصوصا من يدخلو للمدارس ويكبرو شوية ما توليش تتحكمي فيهم شفت ناس بزااااف يعانو مع ولادهم هنايا انا بالنسبة ليا مارانيش مطولا هنا وما باقيش بزااااف ونروح من هنا بادن الله راني نقارع راجلي يكمل قرايته ونروحو نعيشو في السعودية شوفي المهم انا دروك نخليك ولدي راه باغي ينعس ويليق نطفي كل شئ غدوة لن شاء الله نكملو صح تصبحو بخييير
 
ههههه راني سمعتها منك دروك ,,, ايه صح راهي مسؤولية ربي يعينك ومليح تستقري في سعودية تبقى احسن من بلد اروبي اكيد

وانتي من اهل الخير ومتشرفة بمعرفتك
 
صباح الخير عليكم كامل ان شاء الله راكم كامل ملاح
ام عبد الهادى مرحبا بيك معانا
 
صباح النور ان شاء الله الكل بخير وبصحة وعافية
 
اهلا اختي ام عبد الهادي واش راكي ؟

راهي وصلتني رسالتك غير ماقدرتش نبعثلك مشاركاتي قليلة ;)
 
صباح الخير عليكم كاملين انشاء الله تكونو بخير
سميرة 25 شكرا اختي علي الترحيب بارك الله فيك
ريمو صايي عرفتي شاهو؟؟؟؟ ههههه راني غاية والحمد لله بارك الله فيك علي السؤال
 
السلام عليكم....مرحبا بيك أم عبد الهادي معانا أنا فهمت التشغنين شاولا ،التشغنين = التنغريش هههههههه، راني خارجة بغيت برك نسلم عليكم
 
قال fatouma2012:
السلام عليكم....مرحبا بيك أم عبد الهادي معانا أنا فهمت التشغنين شاولا ،التشغنين = التنغريش هههههههه، راني خارجة بغيت برك نسلم عليكم
إضغط للتوسيع...
بارك الله فيك حبيبتي
 
هههههه صاي عرفت

اهلا فطومة
 
اهلا بالعضوة الجديدة وناس لندن هاي بلاد جديدة ومغتربة جديدة مرحبا بيك حبوبة وان شاءا لله اكمل راجلك وترجعو للسعودية في اقرب وقت هو مهما يكون على الاقل الغربة في البلاد العربية تكون اهون على الاقل كاين اللغة والدين ماشي ي الدول الغربية
وانا مرة في احد المواضيع قلت لواحدة مغتربة في السعودية اني نحسدها كونها عايشة لتم وانا قصدي لان الصعودية فيها بيت الله فقط بصح هي زعفت وحسبتني حاسدتها بالمعنى الصريح وهنا جات الهدرة مرة أخرى وراني نقول للمغتربات الي في السعودية كامل راني نحسدكم على غربتكم لتم ههههههههههههههه
سلام للكل صونيا ايه الطريقة تقريبا واحدة لو انو الظاهر سميرة كانت قاصدة الخبز التركي وانا فهمت غالط خخخخخخخخخخخخ مي ماشي مشكل
جومانة ودعاء طولتو الغيبة ان شاء الله تكونو بخير سلامي للكل
 
نسيت فطوم عرفتي كيفاش تعملي التوقيع والا مازال حسب الشوفة مازال لاني نشوف ما عندكش توقيع من اصلو حبوبة روحي للوحة التحكم ومن تعديل التقيع ضيفي الصورة بعد ما تحمليها طبعا وكاين موضوع لندى الورود عن كيفية تحميل الصور من مركز تحميل المنتدى والطريقة راه تقريبا نفسها لتعديل التوقيع
 
سلام لبنات واش راكم
ان شاء الله تكونو لباس
مرحبا بيك ام عبد الهادي ربي يهون عليك غربتك
ام امين ريمو سميرة فطومة وجمانه الي غايبة علينا متكونش تجمدت برك في تلج روسيااااااااااااااااااا
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom