خلــــــــــــونا نتعـــــــــارفوا [ المغتربين و المهاجرين ]

السلام عليكم ورحمة الله وبركاته

ان شاء الله تكونو كامل بخير ,, راني نشوفكم تهدروا على الماكلة و فضايح احريق ماكلة هههههه كيما قلتي صونيا الشاطرة لي تخف وتمحي الاثار هههههه.. اليوم الجو عندنا غي تاع عيش راهي تمطر من امبارح حتى دروك ما شاء الله بصح انا راني نطيب في سباغيتي :( حالة المغترب على عايلتو

سلامي ليكم وللغايبات
 
ما شاء الله ذوقك رائع
بصحتك عزيزتي تلبسيهم بالصحة و الهناء
 
يسلمك حبيبتي .. انتي الاروع
 
قال SAMIRA25:
ماشفتيش البوراك مقشر و الجاج منحي الجلدة و طجين العين المشماش تاعو جهة حمرة و جيهة برتقالي كون نكمل الصفحة تتعبة :d
إضغط للتوسيع...
ههههههههههههههههههههههههههههههههههههههههههههههههههههه اني نستخايل فيهمممممممممممممممممم والله شر البلية مايضحك
 
بصحتك ريمو تلبسي بالصحة ولهنا العاقبة لحاجة اخرى
 
السلام عليكم كاملين .....سميرة كراكي وشكراً على النصائح تع ماكلة ال-bebe انتي وأم أمين ، وشكراً على نصائح تع تحميل صور انتي وريمو
ريمو الله يعاونك.ikea أنا تاني تعجبني وشريت منها بزاف صوالح الدار . ومسحتك الحوايج لشريتهم شابين تلبسعيهم بصحة
byouna شفتي التوجاد باه تروحي للبلاد شعال صعيب بنسبة لهدايا العجايز أنا شريتلهم les tricot d peau و 3ajbouhom خاترش مقطنين وخير من تاع البلاد ، وتزادم يعني port feuile
وكي تحصلي تسلكك غير ريحة وشيكولا
هاد السماط لحكيتو عليه أول مرة نسمع به ، هادة ديسار ويندار بمرق العجل ؟؟؟؟ احنا فالغرب مندروهش وعمري ماسمعت به زيدو حكونا عليه نتعلمو حاجة جديدة
أم أمين درك نرغد ساره ونروح نشوف الموضوع لدرتيه .
 
صباح الخير لبنات واشراكم ان شاء الله كامل لابااااس
انا راو جمدني البرد من تحت الكوات مانخرجش راني قريب ندير ليقون في يدي ونكتب
رانا في -20
والكارثة وين الشمس كاينا والثلج ولا جليد
انا ماقدرتش على الجو هذا حتى قرايتي راني تغيبت عليها
قتلني البااااااارد
ريمو بصحتك اللبسة شبااااب
صونية كامل فينا صنعة الحريق وكيما قالت سميرة حتى انا عندي مشكل مع بطاطا البوريك ديما ننساها تتحرق مي راكي شوكيتيني مع ديسار بمرقة اللحم هادي مادابيك تجيبي الوصفة والصورة هههههه
ام امين مالا راهي طايحتلك على لي ديسار ههههههه ايا كالا بصحتك يالقاولك الغوسات برك انا والله منعرفها
فطومة واشراهي صرصورة كشما راهي تناغي شوي هههه
ايا لبنات انا نرد يديا تحت الكوات جمدووووووووووووو
 
صباح الخير لبناتتتتتتتتتتتتتتتتتتتت
فطومة واش راكي
جمانة 20 تحت الزيرو ومزلتيييييييييييييييي عايشة ههههههههههههههه ربي يقدرك يا لعزيزة
هادا الطبيخ يالبنات والله مهما تاكلي منو متشبعيش هو صح بالحم تاع العجل والا تاع الراص 'المرقة ' بصح كما تاكليه تسبني غير الجوز وماء الورد يكون مقطر جديد
المهم اني نجيبلكم المقادير ان شاء الله
 
هو اللون تاعو يكون موطارد بصح الصور مام تاع الجرية تاعي منيش مصورتو
والله كون جيت وحدي نديرو ونصورهولكم الله غالب افراد المراقبة هنا منقدرش :s
 
ههههه صونية ربي يعينك على الحصار ماعليش الصابر ينال
والله غير شهيتيني راني نستنا غي المقادير
صح مزال متجمدتش مي راني نمشي كي روبوكوp هههههه
 
صباح الخير البنات ان شاء الله راكم بخير

يسلمكم البنات ,, فطومة صوالح ايكيا ما يتشبعوش وانا نحب نروحلها غير باه نعرف هادي واش تصلح عندهم افكار ما تخطرش عالبال

لاليشكا الله يعينك عالبرد بزاااف -20 انا 5 وماتحملتهاش

صونيا واش راكي ..رانا نستناو الوصفة راهي جديدة

سميرة وام امين وام عبد الهادي سلامي ليكم
 
صباح الانوار عليكم جميعا ربي يهنيكم​
 
صباح الخير عليكم لبنات
جمانة الله يعينك على البرد، كاين هنا وحد الأغطية مريشين تتغطي بهم كي تكوني ف الصالة تتفرجي ويسخنو بالكهرباء ،يتشرجاو وفيهم كي تلكموند صغيرة تتحكمي فالحرارة كي تكوني مغطية وكاين تقاشير حاشاك يدخلو للميكروويف ويحافدو على الحرارة وحتى أنتم يكونو عندكم .
نهاركم مبروك جميعا
 
فطوم لي كوات علابالي بيهم مي التقاشير اول مرة نسمع بيهم
سميرة مشكورة حببتي على الاجابة
ريمو ikea تاع لي موبل برك والا كلشي
 
فيها كل شي من اثاث ,مطابخ ,ديكور و ماعين
 
سلام يا البنات
لا لا يا صونيا خاطي هادي بالكل هادي تكون حلوة ماشكتش يديروها بمرقة العجل خاطيها لا لا
ريمو اللبسة هايلة وذوقك حلو
جومانة الله اعينك على البرد حنونة
البنات تشفاو في اول نوفمبر عملو تجمع تاع الجزائريين قلتلكم عليه يوم 25 يعني الثلاثاء ان شاءا لله راح يزيدو يديرو واحد جديد مالا الا عندكم كاشي حلو ساهل وما يتعبش ويندار فيسع فيسع قولولي عليه باش نديرو ونديه
 
قال أم أمين23:
سلام يا البنات
لا لا يا صونيا خاطي هادي بالكل هادي تكون حلوة ماشكتش يديروها بمرقة العجل خاطيها لا لا
ريمو اللبسة هايلة وذوقك حلو
جومانة الله اعينك على البرد حنونة
البنات تشفاو في اول نوفمبر عملو تجمع تاع الجزائريين قلتلكم عليه يوم 25 يعني الثلاثاء ان شاءا لله راح يزيدو يديرو واحد جديد مالا الا عندكم كاشي حلو ساهل وما يتعبش ويندار فيسع فيسع قولولي عليه باش نديرو ونديه
إضغط للتوسيع...
اهلا ام امين
انا كما ذقتو اول مرة والله منعرف بلي بمرقة اللحم كما عاد حلوووووووووووووو صدقيني ميبانش خلاص بلي بالمرقة تاع اللحم سبحان الله مهم
ديري كاستال ساهل ويجيك بزاف
 
اهلا ام امين

كاين هاد قاطو ساهل ومايدخلش للكوشة وتجي حبته كي حبة فيرورشيه :)

كاس حلوة الترك مفتتة مطحونة+1كاس كاوكاو مطحون+1كاس بسكوت مطحون تخلطيهم جاع مع بعض مليح ومن بعد ذوبي زبدة و خلطيها مع الاخرين حتى تولي عجينة ومن بعد تكوريهم وتحيطهم في شوكولا ذايبة ومن بعد في كاوكاو مدشش


وكاين واحد وخداخر راني سقسيت ختي دروك تبعتهولي
 
وهادا تاني ساهل بصح يدخل للكوشة هههههه



2 بيضات+لافاني+1كاس وربع فرينة +1كاس سكر بني
خلطي السكر مع البيض ومن بعد زيدي فرينة ,ذوبي 100جرام شوكولا مع نصف كوب زبدة ومن بعد زيدي 1 كوب جوز مكسر

وحطي الخليط في سني يا تكوني داهنتيه بزبدة و رشة فرينة او ورق الزبدة باه ما يلصقش .. وكي تطيب قطعيها معينات راهو يجي شباب بنة جوز مع سكر بني
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom