اهلا ام عبد الهادي و صباح النورو نهارك زين
ماش كامل الجزائريين ان شاء الله نطيحو في الناس ملاح زعما كون نجي انا لتمة ما نتعارفوش؟؟؟؟
لالا انا راني في الامارات و عندي طفيل و طفيلة
خلــــــــــــونا نتعـــــــــارفوا [ المغتربين و المهاجرين ]
- كاتب الموضوع أم أمين23
- تاريخ النشر
اهلا ام عبد الهادي و صباح النورو نهارك زين
ماش كامل الجزائريين ان شاء الله نطيحو في الناس ملاح زعما كون نجي انا لتمة ما نتعارفوش؟؟؟؟
لالا انا راني في الامارات و عندي طفيل و طفيلة
ربي يعيشلك وليدك و يحفظو و اكيد ماش راح طيرلك باه تبكي معاه دوك بالشوي حتى تنساي على الغربو و تولوي ما عندش الوقت بزاف
وينك يا سارة واين غبتي؟؟؟؟ ان شاء الله راكي بخير
الحمد لله سميرة ونتي واش راكي
ريمو وام امين وجمانة مارهمش يبانو ان شاء الله خير
- الأوسمة
- 5
السلام عليكم اختي سميرة انا ما قلتش قاااع الناس كيف كيف انا حكيت بحكم تجربتي وعلي الي صرا ليا واكيد اكيد انا لو كان تجي عندي نحطك فوش راسي نموووووووت علي الضياف وربي يخليلك وليداتك وتفرحي بيهم يارب
- الأوسمة
- 5
السلام عليكم كراكم ؟ نشالله بخير راني جيت وتوحشت لمتكم بزاف ،وشكرا لكل من سالت علي ،الحمدلله راني مليحة وفوت عطلة رائعة وشابة بزااف العقوبة لكم وقبل منحكلكم على العطلة وخاصة أم أمين لطلبت مني التفاصيل بغيت نرحب بللمغتربات الجدد ونوجه ليهم سلامي وسللام خاص لسيرين مغتربة ألمانيا وصدقيني فرحت بزاف بيندمامك لينا وخاصة لانني حاسة بيك وبكل كلمة قولتها عن الوحدة والولادة فالغربة لانني أنا تاني مريت بنفس الضروف . ونعرفك بنفسي لانني لاحضت انكي ربما مقريتش الصفحات لفاتو ،المهم أنا فطيمة مغتربة بألمانيا مند عام و-3 شهور تقريبا بنواحي ستتغرت عندي بنوتة بعمر ابنك 5 شهور ومنعرف حتى واحد هنا ،وين نسكن ماكش العرب ماعدا 2 عائلات لبنانيين تعرفت على وحدة فيهم موخرا والمشكلة أن حتى زوجي جديد في ألمانيا جاء بشهر قبلي فقط يعني إدا احتجت إلى أي شي فحتى زوجي لا يفيدني لأنه متلي ما يعرف والو هنا لا لغة ولا أصدقاء ولا وقت راكي عارفة يخدم غاع نهار وحتى ف دار والويكند يخدم وطبيعة عمله تلزمه بالسفرخارج ألمانيا ومرات نغعد وحدي بلسبوعين ،ملي جيت وأنا نجري ونطيح ونوض غير وحدي نقرا ونتعلم كيف نقدي صوالحي غير وحدي هو يخدم وأنا مسوولة على شراء والادارات والاوراق وحتى الدار أنا حوست عليها وشفتها ورحلت الصوالح w rakabt الاتات غير وحدي ،يعني ملي جيت وأنا في تحديات ،هادي هي الغربة ملزمش تضيعي وقتك فالبكاء ولا تتكلي على واحد حاولي تواجهي الضروف أختي غير بلتكال على المولى تعالى وربي دايما مع المحتاج ، وحتى أنا كي ولدت كيفك وكيما سميرة وأم عبدالهادي ملقيت حتى واحد بجنبي ماعدا الله وراجلي،والله لبقيت 5 أيام فالسبيطار ناكل غير فال-yaghhourt والالفواكه الباردين wallit نحلم بشربةحامية حتا حكمني إمساك حاد ،راجلي مايعرفش يطبخ والمشكلة أني ولدت في رمضان وحتى هو نغبن ولى يفطر فالجامع تاع الاتراك وأنا يجيبلي بيتزا wela كباب بصح قلبي محملهاش والحليب باه نرضع بنتي مجاش ولات تشرب الإصطناعي وبعد العملية مباشرة درت عملية جراحية صغيرة لكن ملازمش نتحرك ،بنتي كي تبكي منقدش نحملها مكاش شكون يمذهالي ، بزاف صوالح ،معاناة لكن الحمدلله كولشي يفوت
وبنسبة للجزائريات نعرف وحدة لكن بعيدة علي بساعة ونص راجلي غفلني وعيطلها غال بالك تجي تزورني ، عيطتلي وباركتلي وقاتلي يدرا راكي تاكلي مليح ؟ les soup ،سكت ،قاتلي الله غالب أنا رمضان يغلبني مانقدش نزورك ههههههه ، ومن نهار لاول لخرجت من سبيطار ديركت الكوزينة والله لوليت نقف على كراع واحد من شدة الوجع
وبنسبة للجزائريات نعرف وحدة لكن بعيدة علي بساعة ونص راجلي غفلني وعيطلها غال بالك تجي تزورني ، عيطتلي وباركتلي وقاتلي يدرا راكي تاكلي مليح ؟ les soup ،سكت ،قاتلي الله غالب أنا رمضان يغلبني مانقدش نزورك ههههههه ، ومن نهار لاول لخرجت من سبيطار ديركت الكوزينة والله لوليت نقف على كراع واحد من شدة الوجع
سلام عليكم يعيشك اختي ونتيا تاني ربي يحفضلك ولادك ويخلهملك ,مرحبا بيك انا مدبيا شكون اجني يونسي ,الذرك ولا نصيب وحدا ناس ملاح كما وجوكم مدابيا نديرها كي ختي خترصعيب تقعدي ديمن وحدك
يعيشك اخت ام عبد الهادي ويخللك عبد الهادي ولا عندك ولاد احرين تاني ربي يحفضهم وصبرنا على الغربة يا رب
هبلتكم وكتبت جرنان ،أم عبدالهادي مسحتك التحويسة ،صونيا قبري قلبك يادرا مبان والو على الاوراق ؟ لبنات لتواجدهم راح قليل نشالله يكونوا بخير،ريمو sure راها مع القراية والبحت .
أم أمين كراكي مع الحمل؟ ودعاء هدي مدة مبانتش بالاك دخلت تخدم ومعندهاش الوقت ؟جمانة كراكي نشالله برك منكنونش جبنالك اكتأ ب- بالحكايات تاع ولادتنا فالغربة
سيرين قوليلي نتي وين ساكنة ف ألمانيا ودرتي B1 وال OK TEST ولا مازال؛مع العلم كاين مغتربة أخرى من ألمانيا كيما قاتلك أم أمين لكنها في عطلة للبلاد وهي تاني راها حامل، اسمها byouna وهي تاني كيفنا متعرف´jazaairiyaat ،يعني مراكيش وحدك رانا غاع فالهوى سوى ههههههه وتحتاجي أي شي راني هنا ،رانا خواتات من إليوم نشالله
أم أمين كراكي مع الحمل؟ ودعاء هدي مدة مبانتش بالاك دخلت تخدم ومعندهاش الوقت ؟جمانة كراكي نشالله برك منكنونش جبنالك اكتأ ب- بالحكايات تاع ولادتنا فالغربة
سيرين قوليلي نتي وين ساكنة ف ألمانيا ودرتي B1 وال OK TEST ولا مازال؛مع العلم كاين مغتربة أخرى من ألمانيا كيما قاتلك أم أمين لكنها في عطلة للبلاد وهي تاني راها حامل، اسمها byouna وهي تاني كيفنا متعرف´jazaairiyaat ،يعني مراكيش وحدك رانا غاع فالهوى سوى ههههههه وتحتاجي أي شي راني هنا ،رانا خواتات من إليوم نشالله
سلام ختي فطومة وربي يحفضلك بنتك وشكرا على الترحيب صدقني نقرا في رسالتك ودموع يحبطو وحدهم حسيت بيك ونفس المعانات حتى انا ولدت في رمضان ومنعرف حتى واحد في داك الوقت غير وحدهم وحتى وحد المغربيا من داك تسقسي وكي ولدت كانت مسافرا و لمكلا وتعب.و...والو خرجت مصبطار دراكة للكوزنا,بصح ماشاء الله عليك جديدا هنا ونتي اديري كلش انا رجلي عندو مدا وهو هنا ,انا نسكن في دورتموند لكان غير جتي قريبا عليا اوموا نتوانسو معلبليش ولا شتوتقارت قريبا على دروتموند؟؟
آخر تعديل:
يعطكم الصحا كامل والله راني حسا مرنيش وحدي ,دخلت قريت وانا حملا في شهرين درة a1 انا درتو في الجي بصح حبية نعاودو الهنا ندي لباز وكريب اندير a2 كنت في 7شهور وطبيبا حبستلي ختر كرشي كانت حبطا بزاف ,خسارة بصح نشاء الله وليدي يكبر شويا نعاود نرجع انكمل
ادعيلي ربي يرزقني مزال معنديش وليدات
ربي يهون عليك غربتك حبيبة
الله يسلمك سونيا والعقوبة للفيزا ،نشالله كيما إليوم تدخلي وتقولنا باركولي ساي جبت الفيزا ، في القريب العاجل نشالله
سيرين خسارة جيتي بعيدة عليا بزاف لكن معليش نشالله نغعدو على تواصل دايم ونوصيك على القراية راهي ضرورية ف ألمانيا ، قري ف دار باه متنسيش ،أنا الحمدلله كملت بأسبوع قبل الولادة في الحقيقة فورسيت على روحي شوية غير باه نكمل ولحمدللة نجحت فلمتحان ،لعقوبة ليك . وبنسبة ال-A1 في alger أنا فوته في مارس 2011 وانتي وينت ؟ ممكن نكونو تلاقينا يوم الامتحان
سيرين خسارة جيتي بعيدة عليا بزاف لكن معليش نشالله نغعدو على تواصل دايم ونوصيك على القراية راهي ضرورية ف ألمانيا ، قري ف دار باه متنسيش ،أنا الحمدلله كملت بأسبوع قبل الولادة في الحقيقة فورسيت على روحي شوية غير باه نكمل ولحمدللة نجحت فلمتحان ،لعقوبة ليك . وبنسبة ال-A1 في alger أنا فوته في مارس 2011 وانتي وينت ؟ ممكن نكونو تلاقينا يوم الامتحان