خلــــــــــــونا نتعـــــــــارفوا [ المغتربين و المهاجرين ]

سلام بيونة نشاء الله تكوني تنفستي شويا
شوفي ختي هذك حاجة عادية كاين بزاف دراري ملي يزيدو ويبدو يرضعو يردو حتى وحدا صحبتي تسكن هنا في للمان وليدها ملي زاد وهو كل ميرضع يرض قلتلها لهيبا مان عادي كل ميبدا يكبر يبدا ينقص درك عندو 4 شهور نقص بزاف على الاول بصح مزالو يرض بصح ماشي بزاف ونعاود نسكسيلك واش لازم اديري ونرجعلك لخبر
ربي يكملك اشفا راكي دايرا لهيبا مان دجيك ؟شوفي ننصحك دريها ختر تعاون بزاف وتوريلك بزاف حوايج وتسكسيها وتاني لصيغونص هي لتخلص.انا معيطلهاش وندمة بزاف ختر هذي صحبتي عونتها بزاف سغتو لواحد وحدو وحتى ولا متهدريش مليح ميهمش انا على هذيك مكلمتهتش باش تولي جيني
 
السلام عليكم
واش احوالكم لبنات ان شاء الله كامل بخير
سيرين واين عاد وليدك راه يوقف و لا مزال؟؟؟
صونية ان شاء الله تكوني عقبتي العرس مليح و بصحتك حنونة
بيونة عادي كي يرد شوي انت كي ترضعيه و قفيها و اخبطيلها على ظهرها بالشوي حتى تخرج الهواء يعني تتقرع و الا انت تغلبي مديها لباباها يقرعها يبقى موقفها حتى تخرج الهواء و تاني باه ما يديرولهاش الغازات بزاف و الا حطيها مايلة على مخدة
و رضعيها على قد ما تقدري لايشتى تتعبي شوي بصح بنتك تجي ان شاء الله بصحة و عافية و ربي يعيشهالك و يحفظهاو اصبري برك البيبي الاول دائما الوالدين يقلقو شوي مناه والفو حدهم حتى تتعودو عليه
 
آخر تعديل:
السلام عليكم ان شاءا لله راكم بخير البارح ما قدرتش ندخل ما حبش يتحل المنتدى
بيونة كيما قالولك البنات نورمال ولازم برك تقرعيها بعد ما ترضع والا شفتي انها بزاف وفوق اللازم ترد قولي للطبيب تاعها ولو انو بالعموم لو قاعدة تزيد في الميزان فالامر عادي
 
سلام عليكم كيراكم ؟

أنا كنت مشغولة شوية كانت عندي حماتي تاع فرنسا معا ولادها البارح بارك راحو

بيونة ألف ألف مبروك وتربيها بالمعيشة نشالله والحمدلله لي سلكتي بخير ، أنا تاني بنتي كانت ترجع الحليب بزاف وقال الطبيب عادي وكتبلها دواء ومدارلهة والو ومدامها تكبر تولي تنقص حتى تولي نورمال ، المهم إدا احتجت حاجة راني هنا وإدا بغيتي سكايب وتليفون تاعي مكاش مشكل نعتيهلك
سيرين راكي واجدة للبلاد؟

قوليلي إدا أمكن فاه راكم رايحين بابور ولا طيارة وشعال خلصتو لي بيي ،أنا تاني راني باغية نروح وراهي باحرتلي
 
اهلا فطوم مالا تونستي شوي بالضياف مليح
رانا كل مع البيي دايخين انا من ضرك راني ندخل للنت ونشوف الاسعار الا هبطت وحدي راه بالطيارة اما ادا نزل المخلوق معايا نروحو في البابور وانا حابة البابور لخاطر عندي حوايج لازمهم البابور ماشي الطيارة
وربي اسهل نهار الي تحضر الساعة كلشي يكون برونطو على راي الطلاينه
 
سلام وعليكم ورحمة الله بالمة الخير
هاذي غيبة انا راني مع اتوجاد كل يوم راني نخرج وكنجي لدار نجبد لحوايج لراني نوجدهم ولكادو ونعاود نرجهم ههههههه هذا كامل بالفرحة
بيونة نشاء الله راكي بخير انت ولكتكوتة
سميرة واش راهي بنتك راهي تحبي انا ولدي مزال راه غير يدور برك
ام امين نشاء الله راكي مليحة مع لحمل
بيونة ونسوك شويا مليح حنا نروحو في البابور بصح مزال مكريناش ختر راجلي عندو صوالح شفنا بيي في البابو في 4 افريل حتى 15 ماي ب 1200 قالي راجلي مليح 2 ناس وسيارة ولبيبي ميحسبوهش
 
merci sirin
om 3abdlhaadi el7amdolilah li raya7 waldak
 
السلام عليكم واش احوالكم لبنات
فطوم بصحتك الضياف و الله الوحدة على الاقل تحكي مع عباد تاع الصح و تنحي على بالها و ربي يسهلك في المرواح و الله مرض تبقاي طلعي و تهبطي و تحسبي و هي كامل مكاتيب من عند الله
سرين يسال عليك الخير بنتي ما رهيش تحبو بصح تحطيها في مكان تلقايها في مكان اخر تزحف:) ربي يعيشهم و انت تاني ربي يسهلك المرواح و قولينا من بعد واش شريتي كامل باه نتعاندو عليك
 
ايه الشرية ما تفكرونيش فيها انا نشري وكي نزيد نروح نزيد نلقى ناقص فلان وفلان دخت ما عرفتش لمن نشري وشكون نخلي هبال تاع الصح
 
قال أم أمين23:
ايه الشرية ما تفكرونيش فيها انا نشري وكي نزيد نروح نزيد نلقى ناقص فلان وفلان دخت ما عرفتش لمن نشري وشكون نخلي هبال تاع الصح
إضغط للتوسيع...

ام امين عليك و على الحلويات و الشوكولا هي الحل الامثل:)
 
صباحكم بالخير
والله ما تسلك الحلوى والشيكولا اصلا الشيكولا ما نديش لخاطر اذوب والحلوى فيها فيها بصح خواتاتي وخواتاتو والاولاد لازمهم حاجة على الاقل ما تقدريش تعطيهم غير الحلوى المزية بالك هاد اخر عام ومن بعد نولي كيفي كيفهم ونتهنى من الكادوات
 
السلام عليكم جميعا
واينكم لبنات ان شاء الله يكون الجميع بخير
ام امين اكيد الاقارب القريبين لازمهم حاجة حاجة بصح لي شوي بعاد ما تقدريش تكفي ما تنفع غير الحلويات و ربي يسهل علينا كامل نحبو نفرحو اكبر عدد :(
 
السلام عليكم

****ي سميرة ، واه سميرة الضياف يغلعو الضيقة ، مام حماتي عجبتها الحالة عندي ، بصح ولادها هبلوها عندها 3 تبارك الله ، دارو فينا حالة ، ألمانيا قلبوها ههههه ونزيدكم حاجة واحد النهار ديتها لمدينة أخرى نشرو رحنا ب-train وكي جينا مشورين باه نركبو ف train أنا رحت نشري التكيييات وخليتلها la poussete تاع بنتي وهي تاني بنتها عندها 7 شهور في poussete وووالد عنده 8 سنين وبنت عندها 5 سنين كي جات طلعهم ف قطار هبلوها طلعت بنتها لفال-poussete وبنتها تاع 5 سنين و-train تبلع وقلع وراح ........تخيلو وبنتها تحكي francais مكاش لي فهملها داخل ، هبلت بالبكاء وحنا تاني الشوك حكمنا مزية عاونونا واحد les jeunes و-la police تاني تصرفو بلخف وعلى 20 دقيقة جابونا الصغار ، بصح واش نقولكم فاتت علينا كحلة ..........مسكينة جات تحوس شوية خلصتها ، psq ف صيف راها داخلة للبلاد نهائيا

دعاء مرحبا بيك هادي غيبة ****ي و-kiraahom البنوتات
 
قال دعاء2004:
السلام عليكم جميعا
كيف حالكن يا اخوتي العزيزات
إضغط للتوسيع...

اهلا بالغالية دعاء واش احوالك هدي غيبة و واش احوالهم البنوتات ان شاء الله ملاح
حنا ما دام رانا كونكتي نقولو الحمد لله
 
فطوم الحمد لله كي خرجتلكم سلامات و الله القلب يقطعوه الوليدات و صح المراة كي يعودو عندها الاولاد يتلفولها العقل تدخل في بعضاها و الحمد لله و ربي يفرج عليها و يحفظلها وليداتها و كامل اولادنا​
 
اهلا دعاء توحشناك الالا وين الغيبة ان شاءا لله راكي بخير
فطوم ديما بمغامراتك بصح قوليلي حماتك هادي تقصدي بيها اخت زوجك لخاطر ما تقوليليش ام زوجك عندها اولاد بهاد العمر لخاطر احنا الحماء عندنا هي ام الزوج
والحمد الله انها في بلاد تاع كون في الجزائر قولي عليهم السلام راحو وربي كبير الا بالزهر وربي برك
 
الله يسلمك سميرة ويحفض كل الاولاد نشالله

أم أمين حماتي هي أخت زوجي هاكا نقولوا ، وأم الزوج نقولولها عجوزتي

سمعتو لبنات واش راه صاري فالبلاد من سرقة الاطفال ، قاتلي ماما كل الناس راها خايفة على ولادها ، الله يجيب الخير برك
 
صباح الخير عليكم
فطومة الحمد الله كصبتوها كما قالت ام امين لكان في دزاير لكان خلاص ميبنلهاش حس معلبليش واش راه يصرا حجا تبكي كل يوم خبر جديد ياصرقو ولد ولا بنت والاغتصاب والقتل ولا الواحد يخاف يحبط على طول البلاد خلاص لمان مبقاش هذا في بلاد المسلمين والله حاجة تحشم وانا لكان جاة عليا يجبوهم ويشنقوهم قدام الغاشي عبرة لمن يعتبر
 
sbahkoum belkheir lbnat ki akoum,samhouli manih ndkhel bezzef ,sirine w fatouma habit nsksikoum aala les papier taa tefla ,khrjnalha extrait de naissance ,habba nsksi est ce que ylzemlha passport wla ghir la carte kima ana,wteni ana mezel li shehar tmout la residence tai,ma baatouli walou
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom