خلــــــــــــونا نتعـــــــــارفوا [ المغتربين و المهاجرين ]

[joumane]

اي ماكانش كيما ولد البلاد يفهمك وتفهميه راح تجيك صعيبة في الاول بصح راح توالفي ولازملك باه تقدري تكملي و ربي يفرحك ختي

اييه والله كاكانش كيما ولد البلاد
مي كيما انتي اختي ريمو حياتك كامل في الامارات يعني لوكان يتقدملك ولد البلاد تديه انتي تم مستحيل هو يجيبك

 

[ريمو]

اييه والله كاكانش كيما ولد البلاد
مي كيما انتي اختي ريمو حياتك كامل في الامارات يعني لوكان يتقدملك ولد البلاد تديه انتي تم مستحيل هو يجيبك

ههههههه ختي لاليشكا جيتيني في نقطة حساسة ,, هو شوفي فكرة اني انا نجيبه هادي ماخممتلهاش بصح خلينا نتفاؤلوا خير ممكن يكون هو ساكن في الامارات او ممكن يكون في جزاير ويجي لانو مانكذبش عليك المعيشة في جزاير شوية صعيبة عليا راني نروح غير في صيف ومانتأقلمش الله غالب هادي من سلبيات الغربة بصح حاطة في بالي ندي ولد بلادي .. بصح راهي عندي ختي مخطوبة لواحد جزايري وساكن في جزاير وراح تخلي خدمتها وحياتها في الامارات وتتزوج في جزاير يعني لازم تضحيات

 

[أم أمين23]

السلام عليكم ورحمة الله وبركاته

واش راكم خياتي ان شاء الله الكل بخير وبصحة وعافية
​

اختي لاليشكا راني نشوفك تحت مكونكتيا ان شاء الله راكي احسن دروك و ماتشوفي شر حبيبتي

اختي ام امين عندك الحق الواحد يحس بالغربة غير وين يبعد عن الاهل ,,, وراني معاكي في انو الواحد كي يحب يستقر في بلاده راح تجيه صعيبة انا غي نروح في صيف للجزاير كل شي يتبدل عليا من نمط الحياة للنظام وللعقلية بصح الواحد لازم يوالف وراهي بلادنا زينة بصح ماهمش متهليين فيها وتغيضني كي نشوف بلاد ناس كيفاش طورو من بلادهم وكيفاش الانسان العادي متوسط المدخول عايش مليحة ..الله كريم
المشكل انو بلادنا صح ما خاضها والو الثروات عندنا بصح ما كلينها غي الصحاح والشعب مسكين بدل العقلية وولى يتصرف بالعكس وبالفساد لخاطر الي فوق ما خلاوناش ترونكيلي دورتها سياية خخخخ
وسلامي لبقية الاخوات ومعرفة خير ان شاء الله​

ربي اعين برك

 

[أم أمين23]

صباح الخير عليكم كاملين كيراكم ؟ نتمنى برك نكونو على تواصل دايم إن شاء الله
ان شاء الله اخيتي انا عن نفسي كل ما اجد ردود راني هنا وكي ما نلقاش نرفع الموضوع باش نفكركم خخخخ
ونكونو دايماً متحمسين ولله لا وليت نغير كي نشوف تجمعات المغتربات المغربيات وكيف يحكو مع بعض على غربتهم ويتناقشو في كل المواضيع...
كاين منها احنا ثاني هنا كي كنت نروح المصلى نلقى التوانسة والسوارى والمغربيات ديما مجمعات واحنا ما تلقاي حتى واحدة وحتى البرا ديما يعملو جمعات ويتلمو غير احنا الجزائريات اغلبنا ما نعرفوش بعض
mais دروك يبانلي حدة هو التجمع المخير تع الجزائريات وراضي كل يوم نزيد نشاطه أكتر ونفذ كل مرة مواضيع لالنقاش والمواضيع بالنسبة للمغتربات كتيرة على ما أضن ....وحتى لبنات لمشي مغتربات يشاركون....ولا وش غولتي أم أمين ؟
اكيد اخيتي فكرة مليحة ولازم نكتيفيو فيها وما كثر ربي عندنا غير الحوايج الي ممكن نتناقشو حولها بصح من الافضل نقترحو الموضوع هنا ومن بعض نفتحولو صفحة خاصة بعنوان وحدة باش يفقدر الكل يشارك فيه والي تحط موضوع تحطلنا الرابط هنا وتنبهنا الا واحدة فينا ما نتبهتش للموضوع
أم أمين أنا نيشان من الغرب أنا من معسكر وتزوجت في وهران
العام لفات بسة للاسف مشي أنا مرت ولد عمك hhhhh ..
خخخخ للاسف تعرفي نعرف واحدة هنا من معسكر ثاني بنتها تقرا مع وليدي في الحضانة
بيلنسبة للبرد هنا ف ألمانيا أنا مازال مولفتهش psq العام لفات كجيت تلقيت معه كنت نخاف به نخرج ومهما نلبس ونحس بالبرد وهاد العام سب التلج سمانة لفتت..

أختي lalichka الله يشفيك ويكون معاك نشالله

ضرك توالفي انت كيفي انا ثاني العام لول واش نلبس ما نسخش ومهما تغطيت كيف كيف اما ضرك خلاص والفتو وليت خبرة ههههه والثلج من نهار جيت صب غير العام لول ابو امين قالي مالف الثلج ما يحبس قتلو مالا انا كي جيت هرب ههه

 

[أم أمين23]

اهلا اختى و مرحبا بيك
انت تغيرى كى تشوفى المغربيات انا كى نشوف السوريين المصريين التونسيين حتى الاسياويين لى ماعندهم لا دين لا ملة الله يبارك ملمومين يجمع و لامين بعضاهم الله يبارك غير حنا الجزائريين ما علاباليش غير انا و لا تشاطرونى الراي ؟؟؟
راني معاك انا راه كاين منها عندنا هنا نفس الحكاية انا عندي 5 سنين هنا اول تجمع كان للجزائريين كان في اول نوفمبر وما حضروهش غير كعبات يتعدو على الاصابع وهاد عام برك وين دارو جمعية خاصة للجزائريين وقبل التوانسة كانو حاكمين كلشيء
لاش احنا الجزائريين نتهربو من بعضنا ؟؟؟؟ ادا تحبو تناقشو هدا الموضوع ؟؟؟

ايه موضوع مليح افتحيه في صفحة وحدها باش يكون الموضوع اكثر نشاط وراح نكون ان شاءا لله من اول المشاركات الا ما سبقونيش الاخوات يلا مستنيينك تبدايه

 

[أم أمين23]

السلام علييكم يالبنات ان شاء الله كامل راكم لاباس
والله فرحتولي قلبي بسؤالكم عليا وحسستونس صح بلي كاينين ناس طيبين كيما ام امين لي ربي يجازيك على هاد الموضوع
انا في لول كي طرحتو للامانة كنت خايفة يجرالو كيما راه جاري في غربتنا وواحد ما يدخلو خخخ ما نعرف علاه نخافو احنا هكدا بصح الحمد الله مادام كاين ناس طيبين ان شاءا لله الدنيا دائما بخير
انا راني في شهري الاول في الغربة في روسيا وبالضبط في سان بطرس بورغ
ربي اعينك حنونة الشهر لول والا خليني نقول الشهرة وتقريبا العام ولو ديما صعيب
درت عرس في البلاد بدون زوجي والنهار الثاني بعثوني لحقت بزوجي
نفسك بصح انا زوجي جا واداني
وماكنش معولى هكا يفوت زواجي مي ربي قدرها هكا وزربت روحي باه نلحق على الموسم الدراسي في الجامعات
وراني بديت نقرا الغة الروسية ومن بعد نكمل دراستي ونجيب الماستار هكا معولا
والله يعطيك الصحة مليح مادامك مازالك خفيفة ما اضيعيش قرايتك انا جيت وكنت في عامي الثاني تاع الماجستار بصح مع الحمل والولادة ضيعتها وما كملتش للاسف
مي هاكو تشوفو قريت غير سمانة والسمانة هادي كامل في الفراش حتى باه نريفيزي في الدار والله ماكدرت

معليش حنونة ربي اجيب الشفا ان شاءا لله وان شاءا لله ما يكون غير امتحان من الله المهم انت ما تيأسين وارجعي كملي بقوة وربي اوفقك ان شاءا لله

 

[أم أمين23]

اختي لاليشكا الحمدلله لي راكي بخير ,,ومبروك الزواج وربي يهنيك ختي شوية شوية توالفي وماشاء الله عليكي راكي تتعلمي روسي انا هنا عندي صحاباتي روسيات بصح هدرتهم صعبة وخشينة ههههههه ربي يوفقك ختي في قرايتك

اختي سميرة واش راكي ؟؟ قوليلي انتي وين ساكنة في الامارات ؟؟اذا ابوظبي والله ماما تفرح ومادابيها تتعرف على بنات بلادها ..بالنسبة للجزائرين في الخارج صح كيما قلتي دروك بزااف تبدلو ماما دايما تتذكر على يامات لي فاتو كانت هي وصحباتها جزايريات كي خواتات وتربينا حنا ذراري معا بعض ماكلتنا قعداتنا ومناسبات دايما ما بعض والله ذكرتني ختي بيامات الصغر كانو كي رجالة كي النسا يتلمو في دار وحدة النسا ويقعدوا وحدهم والرجالة تاني وتلاقي الضحك واللعب وبقات غير ذكريات اما دروك الناس تبدلت كل واحد ولايجبد روحو واذا كانو يتلاقو بصح النية الصافية راحت الله كريم حبيبتي,,

فعلا وهادي الظاهرة راهي كانت حتى في البلاد كانو الجيران والحباب ديما عند بعض نشفى انا بكري احنا عند جيرانا وهما عندنا في كل وقت ومع مرور الزمن ولى كل واحد في دارو ولو الكل يطبقو مبدأ صباح الخير اجاري انت في دارك وانا في داري وولى الامان والثقة ماشي كيما بكري والا واحد ما يوثق في اللاخر
ربي يرجع الخير برك هدا الي خلى البراكة تترفع من قلوبنا وديارنا

 

[أم أمين23]

مشكووورة حببتي وانا هنا كانو هيدخلوني hopital مي انا ماحبيتش قتل لزوجي لوكان ندخل نموت مافيهاش ماحرقت الغربة ولميمة ماكانش كيفاه حاتسرالي
انا والله مانحب نشكي مي راني نفوت في يامات كوووحل والحمد لله على كل حاال وعلابالك حتى باه تحكي لماليك لميمتك ماتقدريش تقولي نشطنها عليا ماجياش
وربي يستر انا الحمل مانيش حااباتو خلاص حتان نستقر وماضنيتش حنستقر هنا

ايه لازم في الغربة المالي ما يسمعو بوالو انا عملت هنا ثاني عملية ودخلت السبيطار وما قلتش لدارنا وماما غير بعد ما رتحت مليح لازم ديما نقولو لاباس والحمد الله باش ما نقلقوهمش لخاطر اصلا ما راح يقدرو يديرولنا والو نزيدو برك نمرضوهم معانا
خخخخ الحمل والله ما اتقدري تضمني هو الطفل مليح في الغربة لخاطر يلهي وينحي القلقة انا في الاول كنت كارهة تاع الصح بصح مع الوقت خف الملل خصوصا مع الولاد والجري معاهم خلاص تقريبا تنسي اهلك وما يخلولكش الوقت تعب صح بصح ثاني كي يقولك ماما وتار يبوس واحنن عليك تنسي الدنيا وما فيها

 

[قلمي سلاحي]

سأسافر قريبا ضموني معكم أم أمين

 

[أم أمين23]

الله يبارك عليكم يعنى قدرتو توصبرو كل هده المدة هنا بصح بالاك ما كنتش المعيشة كيما دوك دورك انا نشوف فيها صعيبة و كيما قالت ام امين باه ترجعى تانى لبلادك صعيبة و خاصة كيما انت مشاء الله عليك حياتك كلها خارج الجزائر تروحى اليوم الاول تهربى ما تشوفيهاش كى تروحى عطلة كيما تروحى مستقرة فيها
ربى يقدم لى فيه الخير لكم كلكم

والله ما تفكرونيش في الرجعة للبلاد انا في الاول على قد ما كنت حابة نرجع للبلاد على قد ما راني خايفة ضرك من اول هبطة ليا بعد عامين غربة خلاص ما وليتش نحب نهبط لخاطر ما كاين غير المشاكل في البلاد ربي برك ييسر الامور وتتقد لخاطر والله راني خايفة من الهبطة وخمامي فيها اكثر من خمام الغربة ولى خصوصا الي راني لا دار لا دوار في البلاد يعني راح نهبك على باب الله كيما يقولو يا في دارنا يا في دار العجوز

 

[أم أمين23]

ههههههه ختي لاليشكا جيتيني في نقطة حساسة ,, هو شوفي فكرة اني انا نجيبه هادي ماخممتلهاش بصح خلينا نتفاؤلوا خير ممكن يكون هو ساكن في الامارات او ممكن يكون في جزاير ويجي لانو مانكذبش عليك المعيشة في جزاير شوية صعيبة عليا راني نروح غير في صيف ومانتأقلمش الله غالب هادي من سلبيات الغربة بصح حاطة في بالي ندي ولد بلادي .. بصح راهي عندي ختي مخطوبة لواحد جزايري وساكن في جزاير وراح تخلي خدمتها وحياتها في الامارات وتتزوج في جزاير يعني لازم تضحيات

علاش واش بيهم الاماراتيين ما تدريش على المكتوب وين يكون خخخخ اونت تربيتي لتم يعني نقدرو نقولو عليك اماراتية
اكيد المعيشة في البلاد راهي صعيبة خصوصا الي مالف بالنضام في الخارج تروح لذزاير ماشاءا لله كلشي اعوج وبالمقلوب ماينة انا العام الي فات نزلت فاكونس باش نعقب عند طبيب تاع العينين كان لازمني نسلك قهوة للعساس باش يحكملي البلاصة لول لخاطر كان لازم نروح وما بقاليش الوقت هانه تاع الصح
بالنسبة لاختك ربي اوفقها ان شاءا لله والا خطيبها وضعية ماشي مستقرة انا من عندي ما اضيعش خدمتها وين راهي ضرك لخاطر راح اثر في حياتها خصوصا ادا كانت وضعية الراجل ماشي مستقرة
رانا لقينا موضوع جديد خلي اختي سميرة تكمل موضوع علاش احنا الجزائريين نهربو من بعض
ومن بعد نفتحو موضوع ترك المرأة لعملها والبلد الي هي ممكن تكون مغتربة فيه وتروح للزواج في الجزائر ايجابيات وسلبيات ونشوفو راي ناس البلاد خصوصا راني كتبت الفكرة هنا باش ما ننساش

 

[أم أمين23]

سأسافر قريبا ضموني معكم أم أمين

اختي راكي معان بلا سؤال مادامك تزوري فينا مرحبا بيك بلا استئذان راه الدار داركم

 

[قلمي سلاحي]

والله ما تفكرونيش في الرجعة للبلاد انا في الاول على قد ما كنت حابة نرجع للبلاد على قد ما راني خايفة ضرك من اول هبطة ليا بعد عامين غربة خلاص ما وليتش نحب نهبط لخاطر ما كاين غير المشاكل في البلاد ربي برك ييسر الامور وتتقد لخاطر والله راني خايفة من الهبطة وخمامي فيها اكثر من خمام الغربة ولى خصوصا الي راني لا دار لا دوار في البلاد يعني راح نهبك على باب الله كيما يقولو يا في دارنا يا في دار العجوز

انتِ في أي بلد ام امين ؟؟

 

[oumniati]

ايييه على لمات بكري مي نقولك حاجة اختي ريمو دركا حتى في الجزائر ومابقاوش اللمات هادوك
والله مابقات الناس تروح لبعضاها كيما بكري كل واحد حاكم دارو حتى الاعياد لاكثرو يعيطولك بالتيليفون

kayna ya khti, ana ki nabkilhoum fi el 3id, ygoulouli rana hna wahed ma jana

 

[oumniati]

labnet nwassikoum haja, elli mazel ma 3ndhach wlad, ngoulha kamli kraytek kbal koulchi
psq ghir terfdi yabdaw el machakil, hadha wham, hadha thoukl, hadhi wlada w zid trabia
w rabi yhanikoum kamel in cha allah

ya3tik saha oum amine , in cha allah yatwassel el mawdou3

 

[SAMIRA25]

kayna ya khti, ana ki nabkilhoum fi el 3id, ygoulouli rana hna wahed ma jana

والله صح انا تانى ماما تقولى عدنا نتلاقاو غير فى الافراح و فى الموت ما تشوفو شر و الاعياد

 

[SAMIRA25]

ام امين يعطيك الصحة اختى و مشاء الله عليك راكى قايمة بيها ربى يزيدك و يعطيك ​

 

[joumane]

ههههههه ختي لاليشكا جيتيني في نقطة حساسة ,, هو شوفي فكرة اني انا نجيبه هادي ماخممتلهاش بصح خلينا نتفاؤلوا خير ممكن يكون هو ساكن في الامارات او ممكن يكون في جزاير ويجي لانو مانكذبش عليك المعيشة في جزاير شوية صعيبة عليا راني نروح غير في صيف ومانتأقلمش الله غالب هادي من سلبيات الغربة بصح حاطة في بالي ندي ولد بلادي .. بصح راهي عندي ختي مخطوبة لواحد جزايري وساكن في جزاير وراح تخلي خدمتها وحياتها في الامارات وتتزوج في جزاير يعني لازم تضحيات

ههههه عجبتيني كيقلتي خلينا نتفاؤلو خير مي نقولك حاجة والله ماتدري مكتوب منين والا وين وكيما قالت الاخت ام اطمين وعلاش مايكونش امارالتي ماتدري والا علاش مايكونش تركي ههههههه وانتي راكي تم ماتدري تتلاقاي بمكتوبك تم وقادر حتى يكون فنان تركي ههههههههه كشما امير والا مهند ههههه هنا راني غير نضحكو
وربي يبارك لختك ويتمملها بالخير والبركة وشوفي غير الزواجي ماتقدريش تقولي انا ندي هك ولازم هكا بسكو مكتوب

 

[joumane]

ايه لازم في الغربة المالي ما يسمعو بوالو انا عملت هنا ثاني عملية ودخلت السبيطار وما قلتش لدارنا وماما غير بعد ما رتحت مليح لازم ديما نقولو لاباس والحمد الله باش ما نقلقوهمش لخاطر اصلا ما راح يقدرو يديرولنا والو نزيدو برك نمرضوهم معانا
خخخخ الحمل والله ما اتقدري تضمني هو الطفل مليح في الغربة لخاطر يلهي وينحي القلقة انا في الاول كنت كارهة تاع الصح بصح مع الوقت خف الملل خصوصا مع الولاد والجري معاهم خلاص تقريبا تنسي اهلك وما يخلولكش الوقت تعب صح بصح ثاني كي يقولك ماما وتار يبوس واحنن عليك تنسي الدنيا وما فيها

شفتي اختي ام امين هنا وين ماش مليحة الغربة انو حتا المعانات تعاني وحدك
ملاح الاطفال مي كيكون الاستقرار

 

[anissa 13]

ام امين متشرفة بمعرفتك وشكرا على الموضوع الرائع
zinooo walidoo ربي يطيحك في بنت حلال انا شايفة بزاف بنات قدامي مي غير من بعيد مانعرفهمش
fatouma ربي يكون معاك ختي ومبروك عليك البنوتة
lalichka ربي يشفيك ختي وربي يقدرك روسيا بلد صعيب على حساب ماحكاولي الله ينجحك
قلمي سلاحي مرحبا بيك ختي في وسطنا
على فكرة حتى انا متغربة ههههه من فرنسا
​