خلــــــــــــونا نتعـــــــــارفوا [ المغتربين و المهاجرين ]

[anissa 13]

السلام عليكم ورحمة الله وبركاته
يعطيكم الصحة كامل الي سقسيتو عليا
انا البرد راه قاتلني نسكن ف 6 eme etage
انا تالية وزيد الradiateur مايخدمش مين يحب يشعل يدفى غي شوية ويولي يطفى
راني نظل مقابلة التيلي ومتغطية ياخواتاتي مانحملش البرد ههههههه
الاخ وليد حبيت نعرف حاجة انت عندك les papiers ؟
​

 

[دعاء2004]

مساء النو أختي lalichkaو أختي fatouma وباقي لبنات واش ركم في الغربة نتمنى راكم لاباس راني تعبت والله تعبت تعبوني لبنات كون ماهيش تعاون فيا أمي راني باصيت راهم صغار ولقيا علاما كانش يتقياو في كل دقيقة نبدل وشويه راه بدا البرد عدنا والله قتلتيني بالضحك رانا أكل كيف كيف يا أختي لاليشكا رجالاتنا الا الافلام ولا البالو احنا راهم نساونا خلاص تعرفي انا مديا لاليسونس ادب وراني نقري بصح ضرك مديا كونجي زدت شهر بعد الكونجي نتاعي ونحوس نزيد فيه والله تعبانة خلاص قاتلي امي واش حتمك قتلها والله غير من عند ربي سبحان وهك باذ ن الله خلاص لواحد يشوف روحو شويه

 

[دعاء2004]

راني نسيت أم أمين اختي لعزيزة وين راه والله تنساك الموت اسمحيلي ما سقسيتش عليك نتمنى راك لاباس توحشناك

 

[أم أمين23]

هههههههه لا وحياتك طيبت غير لخويا بسلامته
بصحتو صح الشباب دائما اكلها اكثر اكيد لان حركتهم اكثر
,, درت سكالوب دجاج مع صلصة ليمون ,, وبطاطا محشية باللفيونداشي مع صوص تومات,, وسلاطة تونة ,, رانا نتعلمو شوية شوية نولو نكملوا في ربع ساعة هههههههه

ايا مليح هاديك هي لازمها ثلاث سوايع بين التقشير والتحضير والله تدي الوقت كاين
ايه هكاكا تعلمي في خوك باش كي تلقاي وليد الحلال ما تحصليش
انا الحق تعلمت في وليد الحلال خخخخ ومن النهار الاول قتلو راني ما نعرف نطيب ما تعولش خخخخخ

 

[أم أمين23]

واش راك اختي أم أمين والله هاني معاك علابالك الا في الليل تقريبا نقعد تعبوني الاولاد والله حاجة ربي تعرفي نحب الاولاد يكون بعاد على بعضاهم والله الله غالب والله كلش بالمكتوب تعرفي عندنا شويه البرد
شكون سمعك انا ضرك وين شوي خف علي شوي في النهار الحس لخاطر واحد راه اروح للحضانة بصح كي روح حرب يردهم دوبل
ايه احنا ديما حساباتنا غالطة انا جبت الاول وقلت ما نزيدش الثاني حتى يكبر الاول على الاخر ما كملش العام الا وخوه قال راني جاي والحمد الله راهم يكبرو مع بعض ناس بكري يقولو تعمب مرة ولا تعب كل مرة
وانا ثاني مع لخدمة نتاع الدار وهو ديما ثاني في الجزيرة وفي الليل يقتلني بالرعب من الافلام أكشن mbc2 والله كون غير جا يتفرج الافلام انا قاتلني غير بالجزيرة والمغاربة حتى وليت نحب نتفرج الماطش غير باش يبدل شوي من اخبار الموت والمشاكل تاع البلاد قلتلو عقدتني
المهم راك لاباس

والله الحمد الله رحمة ربي وانت ثاني ان شاءا لله تكون امورك ماشية

 

[أم أمين23]

السلام عليكم .......
وعليكم السلام ورحمة الله وبركاته
.أم أمين كراكي ؟ الجو عندنا تاني المطر محبسش إليوم ..... ؟

الحمد الله الله اخليكي وانت؟؟ احنا ثاني راهي ولات عادة كل ويك اند المطر ما يحبسش ومن بعد يرجع الحال صافي صحا بارد بصح على الاقل ما كانش مطر

 

[أم أمين23]

صباح الانوار حببتي ام امين
اانا هنا الاحد يوم السعد عندي بسكو غير هو لي يقعد فيه راجلي ويخرجني
والمطر مكانش مي الجمادة موووت حمرااا

ايا مالا ما نحسوش عليك الاحد وبروفيتي مادامك بلا دراري انا من نهار جاو الدراري خلاص ابو امين ولى الا مطر خلي برك الدراري يمرضو والا خرجنا ما نطولوش يرقو نوليو نرجعو فسع يعني ولينا مرقلين عليهم

 

[SAMIRA25]

السلام عليكم اخواتى الحمد للله كراكم كامل بخير ربي ييسر امورنا كلها

 

[أم أمين23]

السلام عليكم ورحمة الله وبركاته
يعطيكم الصحة كامل الي سقسيتو عليا
انا البرد راه قاتلني نسكن ف 6 eme etage
انا تالية وزيد الradiateur مايخدمش مين يحب يشعل يدفى غي شوية ويولي يطفى
راني نظل مقابلة التيلي ومتغطية ياخواتاتي مانحملش البرد ههههههه
الاخ وليد حبيت نعرف حاجة انت عندك les papiers ؟
​

وعليكم السلام ورحمة الله وبركاته
اهلا انيسة مرحبا بيك مرة اخرى
وشكون سمعت انا ثاني راني في 7 ومقابلني الجبال بصح السخانة الحمد الله هاد العام راهم يخدم احسن لخاطر جاو قبل الشتا ونظفو الشمينيات راهم اسخنو خير من العام الاول

 

[أم أمين23]

اقتباس

المشاركة الأصلية كتبت بواسطة romaissa2011

فكرة بزاف هالية اختي
انا عشت في الغربة مدة 04 سنوات والحمد الله دخلت للبلاد
بارك الله فيك اختي وجزاك الفردوس
​

lalichka

مرحبا بيك اختي ومكانش قد بلادي ومطولين والا مقصرين في الغربة كامل مصيرنا نرجعو لبلادنا
​

c vrai khété
كي كنت تماك عقلي وتخمامي غير في دارنا وناسي وحبابي
وليت غير وقتاش نكمل قرايتي وندخل للبلاد
والحمد الله تحصلت على الشهادة ودخلت للبلا د ومادا بيا منعاودش نخرج منها
يا ناس الغربة جد صعيبة
مي الحمد الله عدنا خاوتنا وحبابنا dse foia والله ماكنت نحس روحي في بلاد الناس
غير تقولي راني في البلاد


​

اها يعني راكي كنت مغتربة للدراسة برك ؟؟؟

 

[أم أمين23]

راني نسيت أم أمين اختي لعزيزة وين راه والله تنساك الموت اسمحيلي ما سقسيتش عليك نتمنى راك لاباس توحشناك

ما شي مشكلة حنونة راني اليوم انا ثاني لتيت نضت ديت وليدي للحضانة ورجعت عملت انقلاب في الدار لخاطر راني كل مرة تجيني الحالة ونعمل تغيير في اماكن الحوايج الي في الدار كل مرة انقل من بلاصة لبلاصة واليوم راني كرهت من الحوايج الي معمرين الكوزينا مع هي صغيرة فنحيت منها البيفي الي كان فيها والليليمو وحطيتهم في الديبارا وخليت برك الفريجيدار والكوزنيار فديت نهار كامل فيهم تقريبا وعلى الثلاثة رحت جبت وليدي ورحت شريت حاجت خاصين وروحت طيبت العشا وكي فرغت جيت قابلت عمي الكمبيوتر باش نشوف وين وصلتو وشكون تفكرنا

 

[أم أمين23]

على سلامتكم الكل وان شاءا لله تكونو لاباس
سميرة اليوم ما ينتيش ان شاء الله تكوني لاباس
الاخوات الي زارونا وما ولوش وينكم ان شاء الله راكم كامل لاباس
الي منورين ديما دعاء جومانة وريمو وفطوم ان شاء الله راكم بخير

 

[أم أمين23]

اهلا سميرة ما شفتش ردك كنت لاتية نكتب واش راكي اخيتي ان شاء الله انت ثاني ريحتي شوي

 

[fatouma2012]

صباح الخير عليكم كاملين كيراكم ؟ أم أمين نسيت باش نقلك أنا راجلي راح جديد في ألمانيا وقبل كان عايش في إيطاليا 15 عام في ميلانو هو وهراني مي يعرف بزاف جزائرين من الشرق الجزائر ...بالك يعرف راجلك ؟ يعني كون عرفته شوية قبل كون راني جارتك دروك ........شفتي tellement مازال matla9itch
بالجزائريين هنا راني نحلم بهم ....راني في 14 شهر هنا مرة شفت وحدة اردنية ومرة وحدة لبنانية ومن كنت نقرا الألمانية كنت أنا لا seul من إفريقيا كنت ممتلة قارة إفريقيا هههههه

dou3aa rabi y3awnak fi tarbiya w ykhalilak omak

 

[أم أمين23]

صباح الخير عليكم كاملين كيراكم ؟ أم أمين نسيت باش نقلك أنا راجلي راح جديد في ألمانيا وقبل كان عايش في إيطاليا 15 عام في ميلانو هو وهراني مي يعرف بزاف جزائرين من الشرق الجزائر ...بالك يعرف راجلك ؟ يعني كون عرفته شوية قبل كون راني جارتك دروك ........شفتي tellement مازال matla9itch
بالجزائريين هنا راني نحلم بهم ....راني في 14 شهر هنا مرة شفت وحدة اردنية ومرة وحدة لبنانية ومن كنت نقرا الألمانية كنت أنا لا seul من إفريقيا كنت ممتلة قارة إفريقيا هههههه

dou3aa rabi y3awnak fi tarbiya w ykhalilak omak

صباح النور حنونة اوه خسارة عليه واش اداه للمان ولو انو الطليان صح امسط بلاد مي باش نتعارفو احنا على الاقل خخخ
انا راجلي يظهرلي ما عاشش في ميلانو والله فكرتيني نسقصيه علابالي كان في بولونيا قبل وضرك رانا في ترانتو مي ما نعرف الا عاش في ميلانو
شفتي خسارة تاع هنا قلال الي راهي تدخل النت انا ولا مرة لقيت واحدة جزائرية في ايطاليا مكونكتيا والا مسجلة في كاشي بلاصة خخخخ
الله اعينك والله كي اعود ماكانش الونس مشكل كبير احنا كاينين الحمد الله بصح واشنو التواصل الي قليل كل واحدة وين لاتية

 

[ЯǾᵯẫḭṧşẰ]

اقتباس

المشاركة الأصلية كتبت بواسطة romaissa2011

اقتباس

المشاركة الأصلية كتبت بواسطة romaissa2011

فكرة بزاف هالية اختي
انا عشت في الغربة مدة 04 سنوات والحمد الله دخلت للبلاد
بارك الله فيك اختي وجزاك الفردوس
​

lalichka

مرحبا بيك اختي ومكانش قد بلادي ومطولين والا مقصرين في الغربة كامل مصيرنا نرجعو لبلادنا
​

c vrai khété
كي كنت تماك عقلي وتخمامي غير في دارنا وناسي وحبابي
وليت غير وقتاش نكمل قرايتي وندخل للبلاد
والحمد الله تحصلت على الشهادة ودخلت للبلا د ومادا بيا منعاودش نخرج منها
يا ناس الغربة جد صعيبة
مي الحمد الله عدنا خاوتنا وحبابنا dse foia والله ماكنت نحس روحي في بلاد الناس
غير تقولي راني في البلاد


​

أم أمين23

اها يعني راكي كنت مغتربة للدراسة برك ؟؟؟


نعم اختي انا كنت ندرس تماك مي فترة الدراسة ديالي هبطت للبلاد مرة وحدة يعني في 04 سنوات دخلت خطرة
شكرا

​

 

[أم أمين23]

​

أم أمين23

اها يعني راكي كنت مغتربة للدراسة برك ؟؟؟


نعم اختي انا كنت ندرس تماك مي فترة الدراسة ديالي هبطت للبلاد مرة وحدة يعني في 04 سنوات دخلت خطرة
شكرا

​

الحمد الله مالا على رجعتك بخير وان شاءا لله ما يكتبهالكش ربي مرة اخرى وموفقة في حياتك ان شاءا لله
بصح والله اعطيك الصحة اربع سنين ما تنزليش للبلاد كوراج

 

[أم أمين23]

سلام عليكم جميعا
واش راكم واش عملين فيها ان شاءا لله اموركم كلها بخير تحياتي

 

[sonia 25]

السلام عليكم بنات بلادي لعزاز
والله فرحت كما لقيت تجمع تاعكم
يعطيك الصحة ام امين على هاد المبادرة
انا صونيا من قسنطينة وراني ان شاء الله رايحة لفرانسا اني نستنا في لي بابيي يوجدولي منعرف الا تقبلوني معاكم والا حتا نروح لفرانسا باش يعود عندي الحق ننضم ليكم
ربي يصبركم على غربتكم ويهنيكم
انا متزوجة عندي 5 سنين
راحلي طالع هابط كل مرة يقولي نطلعك معايا بصح ديما كاين عراقيل سبحان الله واكبر العراقيل امووووووووووووووو ربي يهديها معارضة اني نروح معاه غير باش نقعد معاها ونخدم عليها
حياتي راحت هكاك متزوجة وماني متمتعة حتا في حاجة
غير ندعي في ربي برك باش يفرج حتا لولاد معنديش وهادا الشىء الي زاد عليا والهدرة تاع الناس
راجلي بسيف باش فهمني وقرر اخيرا باش يطلعني كشاف بلي العمر يجري ولا انا لا هو عشنا حياتنا
هادي هيا حكايتي وان شاء الله تقبلوني معاكم
حقا اني قريت الصفحااات كامل وخذيت فكرة على لبنات الي هنا
صح غداكممممممممممممممممم

 

[ريمو]

وعليكم السلام ورحمة الله وبركاته

الحمدلله بخير نشكرو ربي ,,, وانتي واش راكي ختي ام امين؟

مرحبا بيكي ختي صونيا ,, واش راكي؟؟ الله يسهلك وتلحقي بزوجك صعبة الوحدة تتزوج وراجلها في جهة وهي في جهة يلا هانت وتعوضي جاع الوقت الي راح واكييد نقبلوك بيناتنا ختي ..معرفة خير حبيبتي

​