خلــــــــــــونا نتعـــــــــارفوا [ المغتربين و المهاجرين ]

[SAMIRA25]

السلام عليكم جميعا
نهاركم زين ان شاء الله
ام امين انا في مكانك نشري الة الخياطة نتعلم حرفة و نتقنها تلقايها في الزمان هدا و تتلهاي شوية بيها ادا كان عندك الوقت اما العجانة بعقلك و اشريها وليداتك ما زالو صغار يعني ما ياكلوش بزاف و انت تاني مازلك شابة الله يبارك تقدري تعجني و زايد عايشة في الخارج ماكيش دلي طايبى في العجين

 

[ريمو]

السلام عليكم ورحمة الله وبركاته

ان شاء الله تكونو كامل بخير وبصحة وعافية


سلامي ليكم
​

 

[دعاء2004]

مساء الخير خواتاتي لعزاز واش راكم كامل

 

[أم أمين23]

السلام عليكم لبنات واشراكم أن شاء الله كامل لاباس
أم أمين دخلتيهالنا خياطة وأنا تاني نحب نتعلمها وحابة نشري مشينة
والماركة لي نعرفها مليحة brother والله اعلم
والبيتران اشريه قبل ماتهيطي لبلاد بسكو مليح بزاف
مي بالحق أنا سمعت طاح الرخاء عندكم وكلشي رخسو فيه
بسك و أختي عندها صحبتها في الطليان وراي هابطا لبلاد في الربيع وقاتلهم هانجيب حوايج للبيع قاتلها كلشي باطل
أنا هنا لغلا ولكوا والله كارثة سيرتو حوايج الدار والكوزينة وليلكتروميناجي

هوما على حساب احيانا تلقاي حوايج طايحين كيما ضرك راه وقت الصولد والاوفيرطات بصح من بعد كل شيء نار يعني تقدري تشري برك وقت الصولد
كلشي باطر ما نظنش خاصة القش تاع الدراري غالي فوق اللازم بصح واه حسب البلايص مثلا وين نسكن انا غالي شوي والسمانة الي رحت فيها عند اخو زوجي عندهم ارخص مثلا المقلا هنا عندنا ادير 6 اورور شريتها من عندهم ب 2 اورو يعني راه حسب المناطق

 

[أم أمين23]

wah om amin kenwood ghaali bazaaf basah mlih ana radi nachrih 3la jal el mo3ajanat wel patesseri psq lazam ndirhom wahdi ,li yatba3o hna gha3 fihom l jilatin wel l chrab

ايه على بالي كل شيء تاعهم مشكوك فيه تخافي تاكلي الحاجة والا شريتيها لازم تقراي مليح واش فيها
ايه على بيها لازمها لمة من اول العام حتى وقت الصولد خخخخخ وانا سبق وطفرت شوي حاجات فما نقدرش نطلب ضرك للبيتران وللماكينا خاصة انو ضرك راني مع التحاليل كل سمانة والطبا تخرجلو البقرة وبنتها خخخخخخ

 

[أم أمين23]

السلام عليكم ونهاركم زييييييين
ام امين ندبر عليك انا كون جيت في بلاصتك نبدا بالبيترا انا جابهالي راجلي من طليان لامارك bosch بيها بليزاكسيسوار ونهار كانو مدايرين لوفيرطا تاني تاع 7 كيلو واش نقلك روعة
والماشينا خليها لوفيرطا الجاية كشما زادو دارو يعني حتا الماشينة راهي مليحة في الدار ربي يعينك حتا نتي كما انا منجي نشري الحاجة نديرلها 70000000 حساب

المشكل ضرك انهم حاطين ماشينا ب 90 اورو والبيترا ب 120 بصح الماركة تاع البيتران ما نعرفهاش وعمري ما سمعت بيها kennex
بعكس المشينا طيوطا يعني معروفة شوي في الخياطة انا ماما قبل كانت عندها سانجار وثاني طيوطا

 

[أم أمين23]

السلام عليكم جميعا
نهاركم زين ان شاء الله
ام امين انا في مكانك نشري الة الخياطة نتعلم حرفة و نتقنها تلقايها في الزمان هدا و تتلهاي شوية بيها ادا كان عندك الوقت اما العجانة بعقلك و اشريها وليداتك ما زالو صغار يعني ما ياكلوش بزاف و انت تاني مازلك شابة الله يبارك تقدري تعجني و زايد عايشة في الخارج ماكيش دلي طايبى في العجين

صح انا المشينا قلت نحاول نتعلم نخيط بيها ونحتاجها اما البيتران حتى الا شريتها ماشي راح نستعملها هنا لخاطر حتى كي نطيب حاجة تكون قليلة ما نحتاجش الروبوات
هي ان شاء الله راح ترسي على المشينا وان شاءا لله البيتران مرة اخرى بصح ما قلتوليش شكون تعرف فيهم تقلي الا الماركة مليحة نشري ونتكل على ربي والا نشوف ماركة اخرى خير ؟؟

 

[أم أمين23]

اهلا ريمو طمنينا على دراستك ان شاء الله كل امورك تمام
اهلا دعاء واش اخبار ال تربية معاك وبديتي الخدمة حنونة والا مازال
انا رانيم ع التحاليل البارح جبت تاع الدم وكانت النتيجة ايجابية تاع الحمل وتأكدت الطبيبة لخاطر قاتلي لازم نتأكدو من تحليل الدل واليوم رحت درت واحد وغدوة ان شاءا لله نزيد ندير واحد اخر والسمانة الاخرى نروح الايكو والشهر الجاي نروح للجينيكولوج ان شاءا لله يعني راه صار وقتي كلو في الخارج نروح كاوو مع امين نديه معايا مازال ما دخلش الحضانة حتى حانفي اهبلني ندار نجري وره وهو ما يركحش راه في الباب في الضو في الحوايج وانا اقعد اقعد اقعد حتان راسي يوجعني نروح من التسنيا والعياط على امين ميتة نرتاح شوي برك ونضف شوي الدار ونعاود نخرج نجيب خوه من الحظانة ونولي نطيب العشا نلقى النهار خلاص فض وانا فضيت معاه ما نلحقش حتى نحل الكمبيوتر اليوم راني البارح سيقت ونظفت اليوم قلت خليني نقعد شوي على الكمبيوتر ومن بعد نروح نجيب وليدي وكي نولي نطيب العشا والمزية عندي الكسرة البارح طيبت ومازال عندي
طولت عليكم الحكاية بصح قلت خلي نحكي شوي خخخخخخخخ

 

[SAMIRA25]

السلام عليكم
ان شاء الله راكم كامل بخير
ام امين انا لا علاقة مع الخياطة و لا ماشيناتها ان شاء الله يفيدوك لبنات
ربي يعينك حنونتي مع الجري و الاولاد و شغل الدار ما تكتريش و الله هو لي ينقص صحة العبد و يديلو كامل وقتو كي وليتي بالحمل امسح غير واين تشوف عينك و واين تدورو
ربي يكون لخير و تكمل حملك بلا مشاكل و يسلكك على خير

 

[fatouma2012]

السلام عليكم نشالله راكم غع بخير ....ريمو ربي معاك الشهور التوالى تع القراية صعاب بصح كتكملي نشالله radi تحسي براحة كبيرة وفرحة والديك بيك radi تنسيك هاد التعب .
جمانة kiraki مع القراية ،بالمناسبة معلبليش وش راكي تقري la langue russe ؟ wela راكي تكملي في قرايتك فالجامعة
sonya و-samira كاش جديد ؟ سميرة بنتك شعل في عمرها ؟
أم أمين ربي معاك نشالله ولله يسهلك فالمشينة ،هديك هي تشريها وتتعلمي بلخف وتخيطي حاجة شابة لل-bebe هههههه ،وبما اننا رنا نحكو على الشراء تفكرت حاجة بغيت نسقسيك عليها ..بلاك في la fin de decembre راني جاية الإيطاليا نشالله وراني ولكن كتب ربي بغيت نشري un parure تع دهب wela حاجة أخرى تع دهب ،تع المهر تعي psq el3am لفات كي درت لعرس راجلي مجاش درته وحدي وجيت بلخف ،مجبليش الدهب تع لمهر ،حتى هاد لمرة قالي خيري نشرلك من طليان wela ما لبلاد ،وتفكرت كي كنت فالبلاد دايما les modeles شابين تع الدهب يقول الصايغ هدو تع طليان ويكونو ديما أغلى من تع لبلاد بصح فالجودة أحسن من تع لبلاد ،مانيش عارفة la عندك فكرة انتي wela الاخوات على هاد لموضوع ،يعني بغيت نعرف وين أحسن من ناحية لجودة وسعر ،

 

[أم أمين23]

السلام عليكم
ان شاء الله راكم كامل بخير
ام امين انا لا علاقة مع الخياطة و لا ماشيناتها ان شاء الله يفيدوك لبنات
ربي يعينك حنونتي مع الجري و الاولاد و شغل الدار ما تكتريش و الله هو لي ينقص صحة العبد و يديلو كامل وقتو كي وليتي بالحمل امسح غير واين تشوف عينك و واين تدورو
ربي يكون لخير و تكمل حملك بلا مشاكل و يسلكك على خير

هاداك الي كان راني انضف كل يومين خاصة الا خرج كي نولي خلاص نلقى روحي ما نقدرش نتحرك باش نمسح والا نسيق يا ربي نطيب الماكلة والكسرة
امين ان شاء الله هاداك واش نتمناو

 

[أم أمين23]

السلام عليكم نشالله راكم غع بخير ....ريمو ربي معاك الشهور التوالى تع القراية صعاب بصح كتكملي نشالله radi تحسي براحة كبيرة وفرحة والديك بيك radi تنسيك هاد التعب .
جمانة kiraki مع القراية ،بالمناسبة معلبليش وش راكي تقري la langue russe ؟ wela راكي تكملي في قرايتك فالجامعة
sonya و-samira كاش جديد ؟ سميرة بنتك شعل في عمرها ؟
أم أمين ربي معاك نشالله ولله يسهلك فالمشينة ،هديك هي تشريها وتتعلمي بلخف وتخيطي حاجة شابة لل-bebe هههههه ،
خخخ ان شاءا لله ولو انو تشريها تخرج ارخص هنا ما عندهمش لقماش مليح غير تاع الفراش برك والمليح مليح غالي وتلقايه غير في الماغازانات الكبيرة
وبما اننا رنا نحكو على الشراء تفكرت حاجة بغيت نسقسيك عليها ..بلاك في la fin de decembre راني جاية الإيطاليا نشالله
ان شاء الله يلا اسيدي مليح حوسي فيها وتعرفي عليها مادام زوجك كان عايش هنا اكيد يعرفها مليح
وراني ولكن كتب ربي بغيت نشري un parure تع دهب wela حاجة أخرى تع دهب ،تع المهر تعي psq el3am لفات كي درت لعرس راجلي مجاش درته وحدي وجيت بلخف ،مجبليش الدهب تع لمهر ،حتى هاد لمرة قالي خيري نشرلك من طليان wela ما لبلاد ،وتفكرت كي كنت فالبلاد دايما les modeles شابين تع الدهب يقول الصايغ هدو تع طليان ويكونو ديما أغلى من تع لبلاد بصح فالجودة أحسن من تع لبلاد ،مانيش عارفة la عندك فكرة انتي wela الاخوات على هاد لموضوع ،يعني بغيت نعرف وين أحسن من ناحية لجودة وسعر ،

انا في هاد ما نقدرش نفيدك والله ما نعرف يعني كاين قلال حوانت الي نعرفهم ونشوفهم تاع الذهب في الطريق مي يظهرلي غاليين بزاف يعني انا هاداك النهار شفت خاتم مافيه والو يعمل 750 اورو يعني قيس ما تشري ربما بارور خفيفة من البلاد مام الي نعرفهم هنا اقولول انو غالي الذهب هنا وقليل الي يشري منا تقريبا كامل يشرو من البلاد بصح ممكن يكون في ميلانو ارخص لخاطر المناطق تختلف كيما قلتلك قبل البلاصة هادي فيها الغلا بزاف بعكس الاماكن الاخرى سقصي راجلك مادام كان عايش هنا ويقولك قولو ترانتو وشوفي واش يقولك ادا كان يعرفها طبعا
وربي اسهل ان شاء الله وتلقاي الحاجة الي تعجبك بالسوم الي يناسبك

 

[SAMIRA25]

هاداك الي كان راني انضف كل يومين خاصة الا خرج كي نولي خلاص نلقى روحي ما نقدرش نتحرك باش نمسح والا نسيق يا ربي نطيب الماكلة والكسرة
امين ان شاء الله هاداك واش نتمناو

الله الله عليك يا ام امين و طيب الكسرة تاني انا نهار نديرها عرس مرة في الفال
كيفاه ديريها و عندك الطجين تاع الطين و الطبونة؟؟
انا نطيبها فوق cuisiniere تحكملي الوقت و ما طيبش مليح شيء محروق و شيء ماش طايب امالا نقول او الخبز خير​

 

[SAMIRA25]

اهلا فطومة انا بنتي قريب تكمل 4 شهر
انت بديتي تمديلها حوايج غير حليبك و لا مزال انا ان شاء الله ادا حب ربي حتى نتكمل 6 شهر باه نبدالها حوايج اخريين ربي يحفظهم و يعيشهم و كامل وليدات المسلمين​

 

[روعة2005]

ربي يهون عليكم غربتكم لبنات ويفرجها عليكم

 

[SAMIRA25]

 

[ريمو]

السلام عليكم ورحمة الله وبركاته ,, واش راكم البنات ان شاء الله الكل بخير​

اختي ام امين ربي يتمملك حملك على خير وتهلاي في روحك مليح ,, اختي سميرة واش راكي ان شاء الله تكوني بخير

عندك الحق اختي فطومة اصعب فترة هي اخر شهور ربي يوفق الجميع ان شاء الله


سلااااامي للغايبات وان شاء الله يكونو بخير

 

[SAMIRA25]

وعليكم السلام اختي ريمو الحمد لله بارك الله فيك ان شاء الله انت و كل اهلك بخير و دراستك ماشية
بالتوفيق عزيزتي​

 

[SAMIRA25]

صونية واين غايبة هد اليومين ان شاء الله السبب خير

 

[ريمو]

الحمدلله بخير واهلي راهم بخير و دراستي الحمدلله ماشية مليح في بحث بصح تعرفي البال دايما مشغول وضغط حتى لو كان كاين وقت