خلــــــــــــونا نتعـــــــــارفوا [ المغتربين و المهاجرين ]

[أم أمين23]

سلام يا البنات ومرحبا ام محمد نورتينا وان شاء الله توالفي معانا هنا
جومانة ديما تجراب الحاجة الجديدة يرجع بكارثة هههههه انا ابو امين مهني راسو لا يروح ريستورات لا يدينا ههههههه هو اصلا ما يحبش المواقف المحرجة على بيها ديما يتجنبها
صونيا وينك حنونة وين اختفيتي
راني قررت واش ندير حقا راح ندير تاع حلوة الترك راني وجدتها العشية نكملها ونصورهالكم ان شاء الله لانها اسهل يعني نخدمها وانا قاعدة خخخخخخ
ام عبد الهادي ريمو وسميرة وكل الغايبات سلام كبير ليكم

 

[joumane]

بصحتك جمانة الواحد في الاول ديمة يحب يجرب و مرات يتكلح بصح مع الوقت تولي تعرفي الاماكن و تاني ما دامك وحدك شيخي على الاخر من بعد ان شاء الله يجيوك الاولاد و الله تولي يحبلك باه تقعد قعدة تشفاي عليها ربي يهنيك عزيزتي

عندك الحق مام انا قلت خلي نبروفيتي نحوس ونعرف
وكيجيو الاولاد من بكري مافيهاش

 

[joumane]

ريمو واشراكي واش دايرا مع القرايا
مكانش قد هدرتنا وزيد انا لغة الخليجيين تجيني ثقيله

 

[joumane]

ام امين بصحتك ازهاي غدوه مليح وراني نستنا نشوف القاطو كيفاه جاك

 

[ريمو]

اهلا لاليشكا الحمدلله بخير والقراية راني معاها نستنى وينتا نكمل ونتهنى ..انتي واش راكي معا قرايتك راكي متبعة معاهم ؟؟ اي هدرتنا ماكانش كيفها والحمدلله واحد يحب ويفتخر بالهجتوا

ام امين خلاص استقريتي على تاع حلوة ترك مليح واكيد راح يجيك بنين

 

[SAMIRA25]

السلام عليكم ورحمة والله وبركاته ان شاء الله تكونو بخير

ام محمد مرحبا بيك معانا

صونيا هونيها تهون ان شاء الله وكيما قاتلك سميرة لو نتبعو نفسية والله مانعيشو واحد يقرا قران ويدعي يحس براحة وان شاء الله تتسهل امورك

سميرة صح كيما قلتي عشت معاهم وصاحبتهم بصح مانهدرش باللهجة تاعهم تجيني ثقيلة ونحس روحي تجردت من هويتي ههههه بصح نهدر شرقي ونخلط معاه جزايري لاخاطر صعيبة عليهم هدرتنا

لاليشكا بصحتك الخرجة الواحد لازم يجرب باه يعرف ربي يهنيك حبوبة

ام امين وام عبد الهادي سلامي ليكم وفطومة اكيد راهي في ايطاليا ربي يهنيها ان شاء الله وتحوس مليح

حنا كيما قتلك ما نتلاقاوهمش بزاف بصح تبانلي هدرتهم عادي ما هيش مشوهة بزاف كيما تاعنا
الحق انا نحب الواحد لي يحكي لغة عربية فصحى لا شرقي لا خليجي

 

[fatouma2012]

Salam alikom

 

[ام محمــــــــد]

صباح الخير عليكم

 

[SAMIRA25]

صباح الخير عليكم

صباح الخير يا ام محمد واش احوالك انت بخير ما حكيتيناش عليك قداه عندك و انت مغتربة و عندك اولاد ولا فقط حاطة اسم محمد

 

[SAMIRA25]

Salam alikom

صباح النور و الفل واش احوالك واش كانت عطلتك ان شاء الله عدات مليحة و قوليلي واش احولها بنوتك؟؟؟

 

[SAMIRA25]

Salam alikom

قوليلي هده لي في التوقيع تاعك بنتك؟؟؟؟

 

[fatouma2012]

Salam 3likom labnat.om mohammad mar7ba bik m3ana.samira wah hadik li Tahiti fel profil w taw9i3 ta3i hiya sarsoura. Wel 3otla ca va mazal rana fi milano.ki nji nchallah na7kilkom ki fatat,salami ilaykom jami3an

 

[SAMIRA25]

Salam 3likom labnat.om mohammad mar7ba bik m3ana.samira wah hadik li Tahiti fel profil w taw9i3 ta3i hiya sarsoura. Wel 3otla ca va mazal rana fi milano.ki nji nchallah na7kilkom ki fatat,salami ilaykom jami3an

ما شاء الله و ربي يبارك رائع ربي يحفظها و يعيشهلك تبان اكتر من عمرها و شعرها طويل انا بنتي مزال شعرها قصير ربي يحفظها و عطلة سعيدة

 

[أم أمين23]

اهلا ام فطوم بصحتك حنونة حوسي وما تراطيش ومستنيين التفاصيل اكيد وماشاء الله سرسورة تهبل
ام محمد مرحبا بيك وعرفينا عليك اكثر حنونة
راني جيت اليوم كانت العشية مليحة نقدرو نقولو جا فيها الغاشي اكثر القاطو صورتو مي ما صورتش الخاتمة قلت نصورو في الحفلة على لخر ما خلاوليش الوقت كل شيء طار خخخخخ راه ناقصو الشوكولا الي تندار في الثقبة
راني صورت الطريقة وان شاء الله انزلها كاملة:

 

[أم أمين23]

صونيا وينها مازالها مختفية ان شاءا لله تكوني بخير يا طفلة ما تغيبيش طلي علينا

 

[SAMIRA25]

اهلا ام فطوم بصحتك حنونة حوسي وما تراطيش ومستنيين التفاصيل اكيد وماشاء الله سرسورة تهبل
ام محمد مرحبا بيك وعرفينا عليك اكثر حنونة
راني جيت اليوم كانت العشية مليحة نقدرو نقولو جا فيها الغاشي اكثر القاطو صورتو مي ما صورتش الخاتمة قلت نصورو في الحفلة على لخر ما خلاوليش الوقت كل شيء طار خخخخخ راه ناقصو الشوكولا الي تندار في الثقبة
راني صورت الطريقة وان شاء الله انزلها كاملة:

اهلا ام امين واش حوالك بصحتك اللمه و الحمد لله كي فاتت بخير و القاطو يبان يشهي علا هديك ما قعدش خلاص في ساع

 

[SAMIRA25]

صونيه ما بانتش اليوم :s

 

[أم أمين23]

راه ماشي تاعي برك الي مقعدش انا عولت نصورلكم الطابلة بصح ما لحقتش خخخخخخ
راني جبت تصاور من اختفال المرة الي فاتت ضرك نحطلكم الي فيهم الدراري برك
هاد الطارت دارتها وحدا تاع ال1 نوفمبر
ولخرين الدراري يرسمو وكي اعطاوهم الهدايا:

 

[SAMIRA25]

راه ماشي تاعي برك الي مقعدش انا عولت نصورلكم الطابلة بصح ما لحقتش خخخخخخ
راني جبت تصاور من اختفال المرة الي فاتت ضرك نحطلكم الي فيهم الدراري برك
هاد الطارت دارتها وحدا تاع ال1 نوفمبر
ولخرين الدراري يرسمو وكي اعطاوهم الهدايا:

الله يبارك ام امين راكم مزهيينها بصحتكم انا يعجبوني القعدات لي كيما هكا قوليلي هدوك الوليدات كامل جزائريين ????مشاء الله عليهم

 

[ام محمــــــــد]

صباح الخير عليكم
انا سارة من الغرب الجزائري مستغانم وعندى 27 سنة ومتزوجة وحاليا مقيمة بدبي ومازال ربي ما فتحش عليا بوليد
هدى هيا انا باختصار