صباح الخير مرة خرا ,بالبركا عليكم ونشاء الله تسلكو على خير ختي بيونة متخميش كاينا وحدا مصريا كانت تقرا معايا كانت حاملة وجها السكر قاوي وتمشي غير باانسولين وصغيرة كانت خايفة بلاك ميروحش كانت صح تبكي بصح الحمد الله ولدة رحلها ,يعني متخميش ومتقلقيش روحك مش مليح للبيبي وحاجة نورمال تولدي يروح ,تأمني انا كحملة كانت طالعتلي لتونسيو وكنت دايمن نبكي خايفة ختر ماما متلها بيبي بالتونسيو يعني حاجة وراتي ومارني سمينا ولا كبيرا فلاج وكانو يقلول ارجي لمشكل ولا كدجي تولد تتلعلها وكلت امري الله وبقية ديمن ندعي تأمني كجية نولد حبتة حتي 6سبحان الله ,الومعنى مكلام متقلقيش روحك وتوكلي على ربي لا سحقتي حاجة تسقسي على لولادة والسبيطار اي حاجة راني هنا ولا حبتي حتى نميرو تلفون اتاعي نمدهولك ماشي مشكل راكي كختي وحتى انا كنت وحدي وسفريت لمكنتش نعرف لعلمني
خلــــــــــــونا نتعـــــــــارفوا [ المغتربين و المهاجرين ]
- كاتب الموضوع أم أمين23
- تاريخ النشر
صباح الخير مرة خرا ,بالبركا عليكم ونشاء الله تسلكو على خير ختي بيونة متخميش كاينا وحدا مصريا كانت تقرا معايا كانت حاملة وجها السكر قاوي وتمشي غير باانسولين وصغيرة كانت خايفة بلاك ميروحش كانت صح تبكي بصح الحمد الله ولدة رحلها ,يعني متخميش ومتقلقيش روحك مش مليح للبيبي وحاجة نورمال تولدي يروح ,تأمني انا كحملة كانت طالعتلي لتونسيو وكنت دايمن نبكي خايفة ختر ماما متلها بيبي بالتونسيو يعني حاجة وراتي ومارني سمينا ولا كبيرا فلاج وكانو يقلول ارجي لمشكل ولا كدجي تولد تتلعلها وكلت امري الله وبقية ديمن ندعي تأمني كجية نولد حبتة حتي 6سبحان الله ,الومعنى مكلام متقلقيش روحك وتوكلي على ربي لا سحقتي حاجة تسقسي على لولادة والسبيطار اي حاجة راني هنا ولا حبتي حتى نميرو تلفون اتاعي نمدهولك ماشي مشكل راكي كختي وحتى انا كنت وحدي وسفريت لمكنتش نعرف لعلمني
سلام و مبروك عليكم مرا خرا ولعقوبة لختنا صونيا قولو اميييييييييييييييين ,نقولكم انا واش وجدة قبل 5 شهور للبيبي اولا صوالح دوش بينين شمبو جال دوش حليب بيبي كرام طالك ليgو تع سربيتا بينوار وسربيتا للنجات مقص صغير مشطا 2 قرع وحدا كبيرا وحدا صغيرة 2 سوسات 2 كفرطات وصوالح لفراش يعني غطاوات المطرح ولمخدا...شريت 2 تبديلات للمطرح نبدل بناتهم ولبسا كان الصيف صوالح لداخل يكونو تع قطن وقالولي متكتريش بزاف البسا للمزيود وصح فاة شهر مولاوش يجوه ننصحكم متشروش بزاف البسا للبيبي ختر بالخف يكبر وميوليوش يجيوه وكترحو تشرو مدجبوش البسا قيس صغير بزاف يعني نورمال يكونو شويا كبار وصح انا شريت صوالح صغار وعلى شهرين وليت كامل نعاود من جديد نشري ,معلبليش سور رني نسيا شويا .مكانتش عندي خبرا كنت نخلت وحدي هههههه مدروش عليا
آخر تعديل:
صباح النور اختي انا تاني لقاو عندي شوي سكري في حملي السابق بصح الطبيبة نصحتني قاتلي لازم تنقصي في السكريات و الدهون منعت عليا حوايج بزاف و الحمد لله تعدل السكري عندي و ولدت عادي
و من الماكولات لي قتلي حبسيهم العجائن كلهم حتى الخبز و السكريات و خاصة اني هبلت على الحلويات في حملي
و السكري هو صح يروح مع الولادة بصح اثارو جي من بعد على الولد بعيد الشر قادر يديه من الام
و ربي يسهلك حملك و ولادتك و يفرحك
و من الماكولات لي قتلي حبسيهم العجائن كلهم حتى الخبز و السكريات و خاصة اني هبلت على الحلويات في حملي
و السكري هو صح يروح مع الولادة بصح اثارو جي من بعد على الولد بعيد الشر قادر يديه من الام
و ربي يسهلك حملك و ولادتك و يفرحك
ام امين صباح النور اختي
موضوعك هذا انا ما يكلش خلاص معايا انا زوجي يقولي ما تحكيش خلاص على التحضير كي يزيد و نسميوه بوزيد اول مولود تاعي حتى نزاد و شافو باه راح شرالو السرير و الملابس تاني ما نديش يلبسولهم في المستشفى حتى نزيد باه يبدا هو في المشتريات
و الحمد لله ان شاء الله يفيدونا الاخوات الاخرين
موضوعك هذا انا ما يكلش خلاص معايا انا زوجي يقولي ما تحكيش خلاص على التحضير كي يزيد و نسميوه بوزيد اول مولود تاعي حتى نزاد و شافو باه راح شرالو السرير و الملابس تاني ما نديش يلبسولهم في المستشفى حتى نزيد باه يبدا هو في المشتريات
و الحمد لله ان شاء الله يفيدونا الاخوات الاخرين
allah ysalmak okhti
allah ysalmak w ya7afdlak 3abd l haadi nchallah
يسلمك سيرين والعقوبة لك والبيونة ، أنا في قسمي الاغلبية ربحنا على حساب الأستاد والإرادة تاعك ، أنا كنت نريفيزي ف دار ونتفرج على القنوات الالمانية وفالقسم نسقسي بزاف كي منفهمش حاجة ، فالقراية منحشمش ههههههه وتاني نضن على حساب الفوج لتكوني معاه ،راني شرحت البيونة كانت سالتني ورديت عليها في موضوعي (أريد التعرف على صديقات جزائريات بألمانيا ) إدا حبيتي شوفيه ممكن كاش متزيدي تفيدها أكتر وخاصة بما أنك قريتي شوية وخاصة انكم قراب ila بعض لأنا القوانين في ألمانيا في بعض المرات تتبدل من ولاية لأخرى ..المهم أنا المدرسة لكنت فيها هي volks hoch schule والاستادة كانت مليحة لكن كما قلت البيونة الريتم كان سريع جدا يعني لازم تعتمدي بزاف على نفسك ف دار وأنا نشوف بالي عندك حافز أكتر انتي وبيونة لي أنا أزواجكم يتكلموا الالمانية ،حاولي تتكلمي معاه ف دار ولو أني راني عارفة أنا أغلب الجزائريين ميبغوش يتكلموا ف دار بألمانيا يكرهو مساكين برا وداخل .......معليش كي مكملتيش كيما قلتي مكتبتش ،كي يكبر ولدك شوية تقدري تشوفي مدرسة لفيها حضانة ،يعني يدرسوكم ويشدولكم أولادكم في نفس الوقت وكل مرة طلي عليه ،الله غالب الدراسة جات إجباري ف ألمانيا ، كانو معايا وحدين اتراك عندهم 20 سنة ف ألمانيا وفرضوا عليهم يقروا ويجيبو الدبلوم
خسارة جيتي بعيدة لكن كيما قلتي متحسيش غاع كفاه ونتلقاو نشالله ، وبنسبة السرسورة واه هديك صورتها ،
نشالله تجيبي ال-B1 من أول مرة انتي وبيونة ،كنت جيت حداكم كون شديتلكم ولادكم انتوما تروحو تقروا وهوما يلعبو مع سرسورة
سلام خاص الإيمان وأم أحمد وكاين عضوة أخرى جديدة من فرنسا نضن اسمها شريفة
أم أمين والبنات كاملين ،هاكي التفاصيل ،أولا سافرنا بالسيارة من ألمانيا إلى ميلانو مرورا بسويسرا ، المناضر كانت خلابة . في ميلانو رحنا عند عايلة إيطالية أصحاب زوجي ومعريفة قديمة كاين غير الام وبنتها، الام صراحة اندهشت فيها هي عجوز عندها 85 سنة لكن نشيطة وساجية إلى درجة كبيرة ، عايشة وحدها ،بنتها تجي كل شهر فقط ، وهاد العجوز قايمة بدارها جدا جدا جدا ، تنوض كل يوم على 5 صباحا ودارها تحسبوها laboratoir من كترت النضافة وتسوق السيارة ، أنا وراجلي خلعناها كي نصبحو راقدين ، شكاير تاع رقاد ههههههه .المهم قعدنا عندها 4 أيام حوست في ميلانو ،هي مدينة جميلة ومشهورة ب-schopping فيها محلات لأشهر الماركات الإيطالية وفيها ساحة الدومو والغاليريا مشهورين ،عجبتني لكن قلت الراجلي لي يشري من هاد المحلات لازم يكون ملياردار ، une vest ب-5 الآف اورو هههههه ،قتله ديني البلايس تاع المساكين شوية psq الغمة حكمتني مل أسعار . عجبتني الماكلة بزاف بزاف ،وليت كل مرة نروحو المطعم جديد ونجرب الاكل الإيطالي ،البيتزا و-rozito والباستا جربت بزاف أنواع ، عجبتني pasta a la marie bazaaf بفواكه البحر رائعة .وخبز الفوكاشيا هبلني يخدموه شباب bazaaf ،تم رحنا يوم المدينة como ،شابة bazaaf ومعمرة سياح فيها بحيرة كبيرة وجبل عالي جدا لدرجة أنك تشوفي الفنادق في أعل الجبل والسحاب تحتهم و yatal3oolah ب قطار تشوفي القطار طالع واقف ، أنا نخاف الاماكن العالية وتاني خفت على ساره من البرد في الاعلى نشالله ندير موضوع ونحط فيه الصور عن قريب ، فلسبوع تاني حجزنا ف hotel ف la toskana بعيدة ب-4 ساعات على ميلانو رحنا بسيارة قعدنا 5 أيام ف هاد الفصل راهم دايرين تخفيضات ف الفنادق .الفندق كان في جبل وفنفس الوقت حدا البحر الطبيعة والهوا نقيين ،رحنا المحمية طبيعية رائعا جاية في غابات واسعة وفيها انهار تصب فالبحر كانت تجربة فريدة من نوعها ،تشوفي الحيونات على طبيعتها مشي متل حديقة الحيوانات، خيول وابقار وحشية وتعالب وأنواع كتيرة من الطيور والسناجب والمصورين ليديرو الأفلام الوتائقية عن الطيور ، مكدرناش نحوسوها كامل psq كبيرة بزاف ولاجمل مافيها أنها حدا البحر،تم في يوم آخر رحنا الجزيرة نصحونا باه ناكلو الحوت فيها ،هاد الجزيرة كاين جسر يوصل لها بسيارة ،في يوم آخر رحنا الالمدينة ساتورنيا هاد المدينة بحمامات المياه الجبلية ، الناس تدوش فالجبل نورمال ههههه .حنا رحنا ال-hotel fih حمام لكن أنا محممتش لينة كاين picine مخلطة رجال ونساء ،elpicin داير ينها في وسط المزارع والجبال يعومو ويشوفو الجبال وخضرة ،أنا وسارة شبعنا غير تصاوير ، هادي تاني كانت تجربة جديدة ،وفي يوم أخر وكان أجمل يوم رحنا للجزيرة لغرق فيها البابور نضن سمعتو به ،البابور مازال راح كاين نصه الفوق ونصه فالماء وأصبح معلم سياحي يروحو يشوفوه الناس ،ركبنا فالباخرة باه نوصلو ليه ،منضر بابور غارق منضر جديد والجزيرة تاني شابة فيها سكان ،كي كنت صغيرة كنت نحلم نروح لجزيرة .تم رجعنا الميلانو يومين دارت schooping شريت la machine تاع la pate وال-pasta والفرامج الإيطالية وبيجامات ليا والسرسورة وولينا الدار ،وهدي هي كانت 30tlaa شابة العقوبة ليكم نشالله ، كي نلها نشالله ندير الصور :up:
ماشاءا لله كانت عطلة هايلة بصحتك حنونة لعقوبة لينا
لعجايز تاعهم كامل هكا انا عندي جيراني وفي الباطيمات الي مقابلين ندوخ نشوفهم على الصباح ادور والا قشهم منشور يتشمس كي يكون الحال مليح والا الوقت الي انا انوض يكونو هما ادخلو في قشهم فعلا نشيطين تاع الصح وكي تشوفيهم ما تقليش عجايز من لور ومن لبستهم وكي تجي تشوفي الوجه تقولي سبحان الله حنا العجايز غير يوصلو 55 يبداو يكاكيو خخخخ
مالا رانا مستنيين التصاور بالخف حنونة ايطاليا عندها اماكن مشهورة للسياحة والي يزورها ديما ما يندمش خسارة ما قدمتوش هنا جيهة الشمال بلايص ثاني هايلين بصح في الصيف لخاطر ضرك كلها ثلج تاع ليسكي برك
سرين مشكورة حنونة على النصائح تاعك انا والله ديما ندوخ واش نشري وساعات نروح نشري ومن بعد نقول كيما قالت سميرة كي يزيد ونسموه بوزيد بصح في الغالب نشري الغرونيار ونشري اللبسة تاع الداخل وضرك راني ما زلت ما شريت والو مازالني حتى نعرف الجنس ومن بعد نبدا نخطف بالحاجة
سميرة حتى ابو امين هكاكا بالعموم الرجال كامل هكا يقلك بالعقل حتى تولدي ومن بعد ساهل الحال
هنا المشكل لازم يكون عندك على الاقل ثلاث تبديلات لخاطر كي تولدي في السبيطار يحكموك 3 ايام ولازم تبدليلو للصغير
سميرة حتى ابو امين هكاكا بالعموم الرجال كامل هكا يقلك بالعقل حتى تولدي ومن بعد ساهل الحال
هنا المشكل لازم يكون عندك على الاقل ثلاث تبديلات لخاطر كي تولدي في السبيطار يحكموك 3 ايام ولازم تبدليلو للصغير
بنسبة لمشتريات البيبي أنا وجدت قبل ب-3 أشهر حتى les couches وشرعيتهم قبل لينة زوجي يسافر ، الملابس أنا تاني ماكنتش عندي خبرة شريت بزاف صوالح والبيبي يكبر بالخف ،لكن المهمين شريت السرير والمطرح والالأغطية ،السرير chriitah تاع ال-voyage يعني كي تكبر سارة نقدر نطبقه وندسه فالماريو و-fih دراريج مرة ندرة فالشومبرة ومرة ف صالة وفيه لعب يدورو فوق راسها و يديرو موسيقى و هي تضل مدابزة معاهم و فيه أماكن و جيوب باه نحط les couches وال kosmitic. وشريت ال-maxi cosi كرسي السيارة للبيبي ، ويساعدني حتى ف دار نديرها فيه قدام la tele تتفرج ، والتارموماتر و-la poussete والملابس الخاصة بالتلج وجبت معايا ملبلاد لحافات صغار خيطتثم ماما والقرع وتارمو تاع المااء و schlafsac تاع النوم هادوك ليديرو فيهم البيبي يرقد ويبلعو لينة الأغطية مرات تسبيب إختناق للبيبي كي يغم روحه أتناء النوم ،بعيد الشر .وكريمة الجريحة تاني مهمة جدا وزيت زيتون تاني مهم نصحتني بيه الفرملية كانت تجي عندي الدار بعض الولادة وعلمتني بزاف صوالح ،قاتلي متدرلهاش غاع صابون أو chompoi أو جل دوش في الشهور الاولى فقط زيت زيتون فالماء ،،أم أمين أنتما تاني ف إيطاليا ال-assurence تخلص الفرملية باه تجيكم الدار بعد الولادة ؟؟ هدا واش تفكرت دروك ..........f sbiitaar homaa ylabsooh
إحكينا غير على صوالح البيبي ونسينا الأم مسكينة . أنا شريت حاشاكم les bandes والملابس الداخلية تاع لقطن وسوتينات تاع الرضاعة لي ينتحلو و-la غان تاع الكرش والشاي والحبوب المدرة للحليب والملابس سهلة الفتح ليلرداعة
والراجل شروله القطن باه يبلع ودنيه ف الليل هههههههه
إحكينا غير على صوالح البيبي ونسينا الأم مسكينة . أنا شريت حاشاكم les bandes والملابس الداخلية تاع لقطن وسوتينات تاع الرضاعة لي ينتحلو و-la غان تاع الكرش والشاي والحبوب المدرة للحليب والملابس سهلة الفتح ليلرداعة
والراجل شروله القطن باه يبلع ودنيه ف الليل هههههههه
هههههههههههههههههههههههه اكديلي على اللخرة تقتل خلاص والله وحدك فطومة:up:
نتومة يحكموكم 3 ايام:-o
هنا يحكموك ليلة و تروحي و هديك الليلة بسيف لا نعديها قلبي يوخرج في المستشفى
وكاين مستشفيات نهار مرة انا ما بتش روحت بات في الدار منين قاتلي الطبية اكي اوكي لميت حوايج و الى البيت
hhhhhhhhhhhh chafti manich gha3 na7cham 7sabt rou7i rani mjam3a fi jmaa3a ta3 nsa wa7adna ...hhhhhhhhhhhh
سلام حنونة والله غير درتيلي لكوراج نرجع في اقرب وقت نقرا وندير b1 اما على راجلي منهدر كامل قدامو كل منهدر يموت بدحك كمبلكساني بسح برا نهدر نورمل ,زمتعرفي بلاك يجي كاش نهار ونتلقاو في 3 دنيا قصيرة
سلام للجميع للحاضرين ولغايبين ,بفطومة بسحتك التحويسا و لعقبا لنا ,بنسبا لصبيطار هنا في للمان جيبي غير حويجك مدجبي والو للبيبي غير البسا لتخرجه بيه يلبسوه من عندهم تصبي في شمبرتك خزانة فيها كامل صوالح تع لبيبي من لبسا من كلش وحتى لكان جبتلو لبسا معاك ميلبسهلوش ,تقعدي 3 ايام وكفاش يتهلاو مشاء الله تقولي اه تصبيهم قدامك ولتحبي كفاش جونتي حنا في دزاير يعيطو على لدجي تولد ويصلو حتى يمدو الكف الله يهديهم