خلــــــــــــونا نتعـــــــــارفوا [ المغتربين و المهاجرين ]

[mimou.maryoul]

ونسيت

كل شكر كل التقدير الي صاحبة الموضوع الي تفكرتنا والحمد الله اننا عندنا اهل في الجزائر ما ينساونا
وخالتي ام امين راهي بلغت لي رسالة
دمتي عنوان الابداع
وقاع خاوتي الي راهم عايشين في الامرات مذا بيهم يرسلو لي طلب صداق فانا مشتاق الي اهلي واشم رائحة الجزائر
​

 

[أم أمين23]

سلام عليكم البنات واش راكم راني توحشت القعدة معاكم راني قريت كل الي فات على بيها طولت
مرحبا اختي ام فريال وكل الضياف الي زارونا ومشكور وليدي ميمو وان شاءا لله تلقى اصدقاء يونسوك في غربتك
انا اسفة جدا للغياب المفاجئ وراه ماشي بيدي لخاطر المفتاح تاع الانترنات تكسرتلي فجأة واليوم وين فرج ربي وجبت واحدة جديدة واول ما فتحت دخلت نطمن وراني قريت كل الي فات
اختي بيونة ان شاءا لله مع اقتراب الولادة يتعدل الصغير وحاولي تمشي راه يساعد في تعديل الوضعية
اختي شهرة ربي يفك ضيقك والا كاين خير في طلاقك ربي اسهلو والا لا ربي اعسرو فاستخيري الله وكل شيء يكون على خير
جومانة بالشفا على راجلك ان شاءا لله يكون بخير
وسيرين وليدك ان شاء الله وعلى بالك تنبات الشتا خير من الصيف
سميرة ربي يعيشك على السؤال وسيرين وفطوم وصونيا والله الغالب والله ما كانش عندي طريقة باش نطمنكم غير النت وكان مفصول ربي اخليكم واخليلكم كل احبابكم

 

[SONYA25]

امممممممممممممممم امين اهلا بيك يا لعزيزة واش هاد الغيبة ان شاء الله تكوني لباس نتي ولولاد واممممممممممممينة

 

[manel 83]

الحمد لله على سلامتك أم أمين و الحمد لله الى غيبتك غيبت الخير
سقسيت عليك أنا تاني شفتك ماذكرتنيش زعفت بصح قلت معليش المهم راهي بخير وطمنتنا عليها

 

[manel 83]

مولودكم مبروك و كل عام وانتم بالف خير

 

[sirin2013]

يويويويوييييييييييو الحمد الله على سلامتك ام امين و الله غير تقلقنا عليك وبانت بزاف بلاصتك والحمد الله السبا مش كبيرا

 

[SONYA25]

صبببببببببببببببببباح الخير

 

[joumane]

صباح الانوار يالبنات واشراكم
ام امين اهلا بعودتك يالحبيبه
واش نقولكم بعد مشكيتلكم من راجلي انتقلت العدوا ليا وراني مع لاقريب وسخانة تطلعلي راني في حاله
كيفاه فوتو المولود انا راجلي يقولي بدعة وزيد مع المرض والله صماطة فرات
مي كي حكيت مع دارنا في السكايب خرجولي قلبي العشا ماشاء الله ولقيت خواتيتي مزوجات جاو و وولاتهم زاهيين
اييييه والله سخفوني فهاديك اللمة مع السامط لي عندي حتان دمعتي طاحت

 

[SONYA25]

معليش جمان حبيبة ربي يشفيك ان شاء الله وماديري والو في بالك ان شاء الله كلشي يتعوض

 

[joumane]

معليش جمان حبيبة ربي يشفيك ان شاء الله وماديري والو في بالك ان شاء الله كلشي يتعوض

شكورة حببتي صونية ان شاء الله
وانا لي مصبرني كيراني قريب نروح توحشت لبلاد وشميست لبلاد وهواها النقي

 

[أم أمين23]

الحمد لله على سلامتك أم أمين و الحمد لله الى غيبتك غيبت الخير
سقسيت عليك أنا تاني شفتك ماذكرتنيش زعفت بصح قلت معليش المهم راهي بخير وطمنتنا عليها

الله اسلمك حنونة معليش سقطتي مني سهوا تعرفي راني قريت تقريبا 20 ورقة كي تفكرت واش قريت راني مليحة

 

[أم أمين23]

يويويويوييييييييييو الحمد الله على سلامتك ام امين و الله غير تقلقنا عليك وبانت بزاف بلاصتك والحمد الله السبا مش كبيرا

هاديك هي الحمد الله جات برك في النت خخخ والله اخليك حنونة انا ثانيك نت كي المهبولة بلا نت والتقرعيج على راي الدزيريات تاع اللمة خخخخخخ

 

[أم أمين23]

صباح الانوار يالبنات واشراكم
ام امين اهلا بعودتك يالحبيبه
واش نقولكم بعد مشكيتلكم من راجلي انتقلت العدوا ليا وراني مع لاقريب وسخانة تطلعلي راني في حاله
كيفاه فوتو المولود انا راجلي يقولي بدعة وزيد مع المرض والله صماطة فرات
مي كي حكيت مع دارنا في السكايب خرجولي قلبي العشا ماشاء الله ولقيت خواتيتي مزوجات جاو و وولاتهم زاهيين
اييييه والله سخفوني فهاديك اللمة مع السامط لي عندي حتان دمعتي طاحت

الله اسلمك حنونة
اكيد القريب راه فايرس يسطي لازم يعدي على كل الي في الدار بالدالة ربي يشفيك حنونة
اما المناسبات الدينية انا من يوم جيت هنا نعرف غير العيد الصغير والعيد الكبير لخاطر فيهم صلاة العيد اما باقي المناسبات ولا كأنهم موجودين اولا لان زوجي يقول كما الكثير من العلماء طبعا انو بدعة وثانيا لاني ما كانش اصلا شكون افكرك غير الا دخلت هكا للنت او دورت بعض القنوات الي تعمل زيطة وريطة فيهم مالا ولفي روحك حنونة ومع الوقت تنساي خخخخخخ

 

[sirin2013]

سلام وعليكم لبنات
اختي جمانة ربي يجبلك شفا حتى انا فتت عليا اليلة تع لبارح صعيبة نتفكر راهم زاهيين في لبلاد وانا وحدي الهنا وزعما درة عشا مليح وشموع كما لبلاد بش نتفكر غير من والو

 

[SAMIRA25]

السلام عليكم جميعا
ام امين الحمد لله على سلامتك يا لالا و الله غير توحشناك و تحيرنا عليك الحمد لله كي راكي بخير و وليداتك واش احولهم ماعليهمش؟؟؟؟؟؟؟​

 

[SAMIRA25]

جمانة اختي ما تزعفيش هدا اول عام ليك في الغربة برك من بعد توالفي تولي جيك عادي و ربي يشفيك حنونة و ما تشوفي شر ان شاء الله​

 

[joumane]

سلام وعليكم لبنات
اختي جمانة ربي يجبلك شفا حتى انا فتت عليا اليلة تع لبارح صعيبة نتفكر راهم زاهيين في لبلاد وانا وحدي الهنا وزعما درة عشا مليح وشموع كما لبلاد بش نتفكر غير من والو

ربي يصبرنا اختي سرين انا غير صباح درت بخور في الدار جبتو معايا منو نبدل الجو شوي
مي العشا محبش راجلي

 

[joumane]

ام امين انتي بلاك تحسي بالعيد الصغير والكبير مي انا قدامي كنيسه ربي يبعدها على كل المومنين
واش نقولك السنا تقدري تقولي حسيت براس العام صح كيفاه يحتفلو القور ربي يعافينا
مي اعياد المسلمين واااالو صدقيني مشتاقه نسمع اذان هنا
ااااخ ياربي
سميره صح ربي يصبرني هاد العام مي منيش حابة نوالف حياة القاوري وتولي تبالي نرمال

 

[sirin2013]

سلام وعليكم
جمانة حتى انا وين نسكن قدامي كنيسة ويدلو يخبطو كجية مولفتش قتلو ارجلي والله راسي درني من هاذ لخبيط حبا نبدلو ادار قالي درك توالفي وصح مع الوقت والفة عادي كان يضلو يخبطو منا لصبح نورمال اما لعياد ام امين ولي سكنين في لبلدان لكبار لفهم لجوامع احمدو ربي لر كو اموا تشمو شويا بارحت لعياد

 

[أم أمين23]

السلام عليكم جميعا
ام امين الحمد لله على سلامتك يا لالا و الله غير توحشناك و تحيرنا عليك الحمد لله كي راكي بخير و وليداتك واش احولهم ماعليهمش؟؟؟؟؟؟؟​

ربي عيشك والله الحمد الله بخير حالة الشتا سمانة مرتاحين وسمانة مراض هاد السمانة راهم في الدار قراجمهم وناضلهم واحد الحب صغير تحت الجلد كي الحب قاتلي الطبيبة اليغجيك برك هو واحد عدى لخر