سلام عليكم البنات نشالله راكم بخير
أنا مريت بفترة صعيبة بزاف عليها مكنتش ندخل مكانش عندي الغو في أي حاجة ، اكتأبت الله غالب وكون مشي بنتي نهبل
كيما يقولوا أصعب حاجة نمرو بها فالغربة هي المرض و يموت أحد عزيز عليك فالبلاد ، وأنا صراولي في زوج في نفس الوقت بعيد الشر عليكم
فالأول كنت كارهة أكتر من 10 أيام مخرجتش psq كان التلج وكي حبس قلت نخرج أنا وسرسورة نبدل شوية وقررت نبدل شوية لوك ، قلت نحوس على حلاقة غير تاع نسا ورحت شريت مكياج جديد ومشينة تاع خياطة وبزاف صوالح وwallah أنا نشري و- تفكرتكم قلت كي نوصل الدار نصور واش شريت ونوريلكم ...المهم قبل منوصل الدار طحت ف طريق زلجت ف تلج وأغمى عليا وبنتي ربي سترها كانت ف لبوسات ومزي لبووسات مارحتش بها الطريق تع لواطا...تلايمو الناس وأنا حالتي حالة هههههه ومبغيتش يدوني السبيطار ولا بغيتو تضحكو عليا غاع هاك وزدت رحت نشري ومحتيطش السلاح وزدت رفدت وفورسيت على يدي ، بصح فليل بت ق اعدة ، والغدوة رحنا السبيطار ودارولي الجبس من الأصابع حتى الكتف واش نقولكم معانااااات ، والله مغادتني الأوجاع لي كنت نحس بيها كي بنتي لي مكاش شكون يثهلى فيها ، هي تبكي وأنا نبكي ، لي كوش والحليب و-......يد وحدة متدير والو وزيد الطياب وراجلي يخدم غاع النهار ومشي من النوع لي يعاون ، والله يا خوتاتي مبدلت قشي سمانة psq كي نحرك يدي ألم لا يقاوم وزيد بنتي تنوض على الاقل 3 مرات ف ليل ترضع ، ف نهار التالت ناضت على 4 تع صباح وكان لازم نرضعها ونبدلها الكوش حشاكم كي مقديتش وهي كترت البكاء تنارفيت ورحت بزعاف قلعت البلاط ورميت جده ، الله غالب قنطت كيفاه بنتي تبكي وأنا نشوف
وفيهاد الايام تاع البلاط تفاديت نحكي مع دارنا مبغيتش ماما تشوفني ف سكايب و جات بالزهر كان العرس تاع ولدخالي كانو لاهين معاه ، فوات شوية أيامات وعيطت نسقسي كي فات العرس ، التليفون تاع دارنا ميجاوبش وليبورتابل مبلعين ، خدمتلي وحسيت كاين حاجة مشي من عوايذم ، مابعد ردت عليا ماما حمدت ربي قاتلي رانا عند خالك قلتلها علاه نورمالمو العرس كمل هادي 3 أيام ،وكنت نسمع فالقران لا حول الله ول قوة العرس تحول إلى جنازة أو 2 جنازات بنت خالي الكبير لي هي أخت العريس وبنت خالي الصغير الله يرحمهم
يسكنوا حدا بعض ماتو فالكورتاج accident في زوج عازبات وحدة قدي عندها 29 سنة وعرسها راه قريب وأختي ربي سترها كانت ف سيارة ليضيقت عليهم ، شوفو مكتوب ربي دارو العرس وجابو العروسة وفليل العريس قالهم عييت ندي مرتي ونروح الداري ، جات هادي أخته ليماتت قاتله والله ماتروح وحدك نعاودو نديرولك كورتاج وحد أخر وندخلو العروسة الدارها بزغاريد ، هو مبغاش وهي أصرت وعاودو كورتاج وف طريق دارو accident وحدة ماتت تم تم والزاوجة غدوة لحقت .إن لله وإن إليه راجعون واش نقولكم على حالة أماهثم كي راهم ، يشفو العدو ربي يلطف بيهم برك ماقدوش يصبروا خلاص ، أمها تجبد ف جهاز بنتها لعرسها راه قريب وتهدر معاه ، مسكينة مصدقتتش ..................ااااه يا ربي الموت حق لكن صبر الاحياء inchaallah
