خلــــــــــــونا نتعـــــــــارفوا [ المغتربين و المهاجرين ]

ام اسراء و اسحاق ما تفكرينيش في الكابات لي يتسرقو انا تاني نعرف بزاف لي طارولهم بكاباتهم و دائما الحوايج الغاليين ما نحطهمش باgاج نهزهم في يدي و شي الاخر الحافظ ربي يا راحت يا جات خاصة دوك البزانسية منين تبدا الطيارة تهبط تلقايهم مستعدين غير تحط راهم في الباب ربي يهدين و يحفظنا و بارك الله فيك
 
حبيت نسقسيكم انا مرانيش هابطة هاد العام للزاير بسبب الحمل ، حبيت نبعث لامي و اختي عندها 9 سنوات و اخي عندو 19 عام ، هل ممكن يعطولهم الفيزا و لا لالا ؟؟؟؟؟
امي و اختي جاو عندي في 2009 ومدولهم الفيزا لكن هاد المرة خفت 3 اشخاص ميمدولهمش .
جاوبوني من فضلكم ؟؟؟؟؟
 
ام اسحاق ربي يسهللكم امك اختك عادي ما دام جاوك من قبل نظن ما فيش مشكل بصح اخوك الله يبارك عمره 19 سنة ما نعرف و زيدي اسالي و ان شاء الله يفيدوك
 
تعيشي سميرة
انا خفت مايمدولهمش لان العام الماضي زوجي بعث لاخوه عندو 56 عام و وليدو عندو 20 عام و مامدولهمش .
ان شاء الله نجيب غير امي و اختي .
 
ام اسراء مشكورة على المعلومة ربي اخليك
بالنسبة للفيزا والله ما نقدر نفيدك لخاطر كل بلاد كيفاش حنا هنا في ايطاليا ولاو لا يمدو لا لصغير ولا لكبير والا مدوها مرة ما يعاودوش يزيدو يمدوها انت جربي وشوفي وصقصي عندكم لتم نورمالمو عندكم مكتب تسألي فيه
 
سرين اهلا واخيرا طليتي وين الغيبة
ايه للكابا نسيت نرد صح كامل قالولي هكا وانا حبيت نزيد نصقصي ونثبث اكثر انا ما عنديش حوايج الي يتكمشو يعني الكابا تساعدني اكثر وكيما قلتو الفاليزا ديجا فيها وزن وانا حابة نهبط بالبابور مع المخلوق احسن ديجا مع زوج صغار وبيبي مشكل كي نكون وحدي بالطيارة تن شاءا لله ربي يسهل ونهبطو في رحبة على راي صاحبتي
 
السلام عليكم ورحمة الله وبركاته

​

واش راكم خواتاتي ليكم وحشة كامل ,, ان شاء الله تكونو بخير و بصحة وعافية​
 
و عليكم السلام اهلا بالغالية ريمو واش احوالك توحشناك واين هربتي علينا ان شاء الله يكونو امورك كلها اوكي
 
حبيبتي سميرة يتوحشك الخير انا الحمدلله بخير راني في الامارات دروك والحمدلله بديت خدمة

انتي واش راكي وواش احوالك ان شاء الله بخير
 
الحمد لله يسال عليك الخير
و الحمد لله على السلامة و مبروك عليك الخدمة ربي يهنيك
 
ريمو راكي تخدمي في الميدان تاعك و صعيبة شوي و الا ساهلة باه حصلتي الخدمة انا نشوف في السوق شوي مازال حابس و الا تحسن؟؟؟
 
الله يبارك فيك ختي سميرة ,والله راني اكثر من شهر رجعت بصح انشغلت مع اهلي وعرس اختي وتوجاد

راني شايفتكم تهدروا على السفر وتوجاد رانا جاع حاصلين

الله يعين الجميع
 
مبروك لاختك و ربي يهنيها ان شاء الله مال فيهها هبطة الصيف هذا انا و الله في الشك ما زال ماشي باينة خلاص ربي يسهل
 
خدمتي خدمة ادارية بصح ماشي في تخصصي صعيبة هنا الخدمة وتعرفي لازم الخبرة وهنا يبغوا الخبرة 5 سنين وفوق وانا متخرجة جديدة بصح حاطة في بالي نحوس على خدمة تناسب تخصصي بصح لازملها طولة البال
 
ربي يوفقك هيه كيما قلتي هنا لازمها الخبرة و مع الازمة زادو ولاو يشرطو اكثر بالتوفيق ان شاء الله
 
الله يبارك فيك ختي ,, اي فيها هبطة وراهم جاع يقارعوا غي سكتي ومشكلة ماعندناش وقت بزاف ان شاء الله العرس بعد العيد 10 ايام وحنا راح نروحو للجزاير على اواخر رمضان


ربي يسهلك ان شاء الله وتشوفي الاهل
 
ااه هدا العرس مازال ؟؟؟ ايمالا رانا معروضين كامل ربي يهنيها و يفرحكم و لعقوبة ليك
 
اي مازال العرس في الصيف ان شاء الله

اكييييد راكم معروضين كامل خواتاتي والله هاد يوم المنى لي نشوفكم ,, وانتي سمورة اذا جيتي لابوظبي قوليلي نتلاقاو ان شاء الله رانا في بلاد وحدة دروك
 
ان شاء الله ريمو اختي ربي يجازيك مع انه طلعاتنا لابوظبي تقريب معدومة كي دارونا القنصلية هنا
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom