روحي يالجامعة روحي

[AdNan31]

السلام عليكم
كيراكم دايرين نورمالمو غاية شا ياغي يخصكم ههههه
المهم اليوم جيت نحكي على الجامعة والطلاية اهه ديزولي الطلبة
المهم
انا والحمد لله هادا عامي التالي في الجامعة سنة ثالثة هندسة ميكانيكية بجامعة تيارت
ليسونسال بغيت نحكي على وضعية يها حنا الطلبة فهاد الجامعة
انو عندي 5 شهر كووونجي ههه
المشكل ماشي الطلبة ما يقرووش هههه
الادارة نفسها عندها كونجي كيفنا ههه
انا مشيت قبل العيد نسجل ايا وبغيت نستخبر عن موعد الدراسة
حتى لفيت تما الخدمات يقولولي يا ودي مازال ههههه
وانا نقولكم الصح كرهت االكونجي هههه باغي نقرا ونخدم مخي هههه
باسكو عييت من الراحة المشكل قالولي ولي مور العيد ب 15 يوم وعاد نقولوك وينتا تبدا الدراسة
من فضلكم هادي حالة راها فيها الجامعة الجزائرية
واللي عندو نفس المشكل يقولنا هههه
ايا سلام
خووكم عدنان
​

 

[ماكانش]

أهلا بيك عدنان
ونتا واش زربك ياخويا ؟؟ هههه ذرك ترجع وتكره هههههههه
مساكن غير جماعة الميدسين ألي يرجعو اللولين ويكملو اللخرين الباقي وخاصة الشعب الغلبانة تاع 10 فالباك وسجل هاذوك مايقراوش خلاص ههه
​

 

[سمسم السمسومة]

ربي يكون فالعون .....اصبر و وجد روحك دركا تبدا لقراية _بوليكب ورا بوليكوب ورا بوليكب...._و الله متلقا روحك.ادا عندك وقت الفراغ بزاف روح للمكتبة جيب كتابات فالفيلياغ تاعك و حاول تهز منهم شويا...ربي يوفقك نشاء الله

 

[AnGel_LoVe]

ماراكش وحدك خويا
رانا كامل كيفكيف .. surtt حنا في البليدة جماعة لارشي مكاش كامل قرايا كل خطرة واش يقولك .. إدارة تعيي
كرهت و عييت من ليفاكونس حبيت نبدا باش نخرجو بكري كيما الناس ماشي دايمن حنا اللخرين حتى لأوت ​

 

[AdNan31]

مشكورين على المرور
ربي يفرجها

 

[abdellah gourari]

أقرى أقرى خيرلك ما ليكش غير قرايتك :up:

 

[***سوسن الجزائرية]

رانا كيما نتوما من لي راني نروح مازال ماقريناش قاع..
يدخل الأستاذ يقصر مع لبنات لي قاعدات قداموا و يجيبوها غير ضحك..
مالا قلت مانزديش نشقى ..وباش مانخسرش الوقت لي قاعدة فيه باطل سجلت لغات أجنبية في مؤسسة خاصة و راني نروح نقرا ولا السماطة تاع الجامعة.
وأخيرا الله يكون في عوننا.​

 

[قلمي سلاحي]

التعليم في وطني :s

 

[־●ـ‗غمــــوض ــالــورد_ـ●־]

بدون تعليق خويا
ماعندي ماراح نقول على حالة الجامعات
بارتو نفس لي بروبلام
مي انت متكونش عاطل كيما هوما هههه ومتخسرش وقتك
حاول انت تريفيزي وتوجد روحك بش مبعد كي تبدا لقراية تلقى روحك يكون عندك وقت ومتتعبش بزاف
ربي يوفقك ويوفقنا كامل يارب
​

 

[lizou]

هههههههههههههههههههههههههههههههههههههههههههه نتوما على الاقل مازال مابديتوش ميشي كيما حنا بدينا بصح مانروحوش علاخاطر حتى دوكة مازال مامدولناش المفتاع تاع الاقامة يعني رانا 4 اشهر وحنا في الدار ياو رايحة نهبل والله خبيت نقرا خلاص ههههههههههههههههه شكرا على الموضوع خو​

 

[AdNan31]

هههههههههه ايوا مزيا راكم قاع كيما حالتي

 

[رضوة الجزائرية]

لاموض بالدراسة الله الله على ايام زمان نشتاقو للدارسة لوكان شهر مين نبدو نبدو من اكتوبر ونخلصو بجوان يرحم الصح ربي يعاونكم​

 

[قناص الغرام]

بصراحة
ذرك مابقاتش قراية انا ماديتش الباك صح
بصح عندي تقني سامي مختص في التحاليل الفيزيوكيمبائية و البكتيرولوجية
و مادرت بيها والو بصح راني خدام و صحابي الي داو الباك قراو في الجامعة و تخرجو
و راهم قاعدين حيطيست
​

 

[*همس*]

صفي نحمد ربي علي الادارة تعنا

 

[nina bonoise]

مزالكم روطار خويا
احنا بدينا من اكتوبر
و القرايا شارجي رايحة نموت بالتعب
مي واش انقولك نحسدك على الفاكونس لي راك فيه ههههههه
شحال توحشت الرقدة تاع الصباح

 

[souhila_95]

*أجمل مافي الدنيا العطلة * حكمة من تاليف التلميذ الجزائري العبقري ..ههههه خليك في العطلة رحمة ربي خير ...هذه الخدمة ليmade in algeria

 

[asma.la.saharienne]

انا عمبالي غير هنا لي روطار كل ما نروحو نسقسو مازال الحال و يديرو السبة بالطلبة و يعجبك وش دارو علقوا قائمة مكتوب فيها سوف يعاقب كل الطلبة المتاخرين و هوما خطرة يجو خط ما يجوش وووووو... موضوع طويل عريض لا ينتهي

 

[بنـ MaPa ـت]

كي نطلع ونشوف الحيحاية كي دايرة غادي نقولك :p

ربي يكون في عونكم خويا
سلآآمو
​

 

[محـ أمين مد]

هههههه يا شريكي مازلت مامن بالغولة

الجامعة = تضييع للوقت + حفلات

ضعنا ف الجامعة
​

 

[dana1993]

ههه السلام عليكم
جامعات الجزائر كامل في الهوا سوا هه
مام حنا هكاك و لضك لبدينا القراية
زعما نبداو بالحد لي فات مجاوش لي بروف
ههههه غير واحد برك جا قالهم اني حطيتلكم الدرس باه ديرو فوتوكوبي المرة الجاية نبداو
و الخدمة تاع الورشة افيشاوهالنا برا حتا ليبروف مشفناش حلايقهم هههههه
نحن في الانتضار كاشما ينور الملح تراه
ربي يعيييييييييينك