مـآذآ ستطبخيــن اليـوم سيدتــي / آنستــي ,, الجــــــ 21 ـــزء

[shahrazad]

مساء الانوااار لبنات
بصحتكم كلكم بدون استثناء يعطيكم الصحة
اليوم درت سينامون رولز مي ماخمرليش مليح مع البرد

​

 

[imane27]

ام امانى وابتسام بصحتكم عشاء خفيف

 

[ibtesem]

امممممممممممم شهرزاد جاك هايل سنمن رول هههه

الله اسلمكم يالبنات

 

[messhuda]

السلام عليكم
كيراكم كاملين لاباس؟:-r
انا سمحولي راني مع الجامعة والجري مع لبحوت :graduation:والكوزينة نسيت كيفاه دايرة؟؟؟:bye01:
بصح راني نتبع في ابداعاتكم ياحلوين وراكم عجبتوني وراني توحشتكم ياسر ياسر:love01:
(قالو بلي الجامعة درك تدخل في اضراب يعني وقيلا درك نرجع نطيب:d)
ياك ما نسيتوني!!!
تحياتي

 

[mimi53]

السلام عليكم لبنات توحشتكم
حبيبة قلبي شهرا اممممم خرجلك هايل بصحتكم وتسلم ايدك الحلوة كي مولاتها
اختي ام كوثر تسلميلي يالغالية ربي يحفظك الف شكر
اختي عفاف يعطيك الف شكر وتسلملي انت يا جميل شرح كافي ووافي انشاء الله نجربهم ونعرضك عليهم انشاء الله برك منتبهدلش ههههه
اختي ابتسام تسلميلي يالغالية مممم الهمبورقر يشهي تسلم ايدك انشاء الله تكوني بخير
اختي ام اماني الشورما وما دارت فيا ممممممم ماخليتي فيا والو
اختي السعيدة بربها على السلامة يا السكر بلا ماء انشاء الله تكوني بخير حبيبتي انا الحمد لله انت طمنينا على صحتك ان شاء الله لاباس راني ديما ندعيلك في صلاتي ربي يشافيك ويعافيك ويبعد عليك البلا امين يارب العالمين
اختي ايمان 27 واش راكي حبيبتي انشاء الله تكوني بخير

انا اليوم درت لمحاجب سخونين وزيد حارين بصحتكم حبيباتي
مطرح ما يسري يمري

 

[mimi53]

اختي مايشودا ودي عايزة كلام اكيد منسيناكش ومحاش ننساوك حبيبتنا والغالية على قلبنا ا رانا نسناو في جديدك حبيبتي

 

[nada242008]

يعطيكم الصحة كامل يالفحلات على الاطباق .. عندي مدة ملي هجرت الموضوع ههه بربي ان شاء الله نرجع نشارككم
سلام خاص للاخت ام اماني قاتلي واحد الزائرة بلي ديما تصقصلي عليا ربي يخليك اختي
ارواحو باركو لندودة:$
https://www.4algeria.com/forum/t/351092

 

[ام سارة1]

بما انو اليوم ليلة محرم راني درت بربوشة بالرقبة وسلاطة اللهم أدمها نعمة علينا جميعا

 

[hadda0425]

عفاف ربي يبارك اكلات تشهي والله يا الشخشوخة المهراس يم يم يم بصحتك يا الحبوبة
لويزة وتسنيم تسلمو خياتي الله يسلمكم
اسمهان ميمي وام اماني كل شي رائع في رائع ربي بارك عليكم ميمي المحاجب سخونين يااااااااااي غدوا نديرهم
فريدة بصحتك اللوبيا
ام سارة وام شيماء بصحتك وش طبختو
خيرة وصفة التليتلي مليحة وساهلة مرسي
شهورة ربي يخليك حبيبتي نخبطكم ضربة وحدة دوخو ما تشوفوش هههههههه بصحتك لابيري والسينابون يهبل
سارة راني هنا برك خيتي يسقسي عليك الخير
بسومة حصلتوني لهيه ونتي رحتي درتي هومبرغر ايا بصحتك يا لحبيبة
​

 

[hadda0425]

اليوم درت بريوش
تفضلو






وهذا عجين فضال عملتو شكل اخر









​

 

[oumniati]

bsahatkoum labnet

bassoum, oum amani, shahrazed, ma dourouch bia khlass tfassdouli rejimi hhhhhhh


sara yatwahchek el khir ya zina, ana twahacht nchouf tyabek allah allah 3lih ychahi

oum sara1 bsahatkoum el barboucha, w koul 3am wentoum bkhir

haddouda raki kayma belhala hna w lhih hhhhhh








elli nssitha tasmahli

ngoulkoum koul 3am wentoum bkhir, w in cha allah 3am khir lina kamel

 

[ام اماني05]

مرحبا بيك حبيبتي ام ندى وانا نقول المنتدى منور هذي غيبة توحشتك بزااااااف لعقوبة ماترجع روعة وشريفة وكل الغاليات
لبنات الباقيات يعطيكم الصحة كااااامل وبصحتكم يا الفحلات
عشاي اليوم تليتلي وعملت كيكة الدانيت
http://
http://
http://

 

[ام منصف]

اه يا ام اماني اطباقك كالعادة هايلين يعطيك الصحة
وهذيك الكيكة امممممممممم بالدانيت والشوكولا سايحة راني نشعر
تسلم الايادي
***
حدة راح الريجيم مع هذاك البريوش يعطيك الصحة
***
وللجميع صحى عشاكم
***
اليوم درت لي باركات نتاع البطاطا مع سكالوب مقلي صوص الموطارد ومقلي طماطم بالفلفل وسلاطة
صحى موسمكم
وكل عام وانتم بخير
والامة الاسلامية بصحة وسلامة
​

 

[imane27]

شهرزاد بصحتكم سنمن رول راه جاك هايل
ميميى يعطيك الصحة محاجب جاوك يشهو
ام امانى يعطيك الصحة اطباقك ديما رائعة

 

[ام رحاب]

اليوم درت طاجين بطاطا


واسكالوب منقوع

والحوت دولمة


وسلطة

وفاكهة

و

وعصير

​

 

[ام رحاب]

اللهم ادمها من نعمة واحفظها ربي من الزوال
​

 

[ام رحاب]

شوفوا وقولولي رايكم...ماتضحكوش عليا راني عاد في البداية....راني وراها وراها حتى نتعلم...الوقت كلوا راه قدامي..العشرين وماقفلتهاش...

يالله يالله ردوا
​

 

[بوح المشاعر]

السلام عليكم
واش حوالك لبنات ان شاء الله راكم بخير
ماشاء الله عليك كي عوايدكم راكم مزهيين الحالة
اصباق رئيسية وثانوية خخخخ و هادي حلويات كيكات
ديسيرات مشروبآت سلطات كل شيء كل شيء
الله يبارك عليك فحلات ومميزات كلكن
ميش راح نذكرا لاسماء باه متزعف حتى وحدة مني كان نسيتها
كلكم شاطرين واطباقكم الكل روعة روعة
اختي ام رحاب ماشاء الله عليك اطباقك هايلة ويعطيك الصحة
راكي مرا ونص كل شيء هايل بصحتكم
وبصحتكم لبنات الكل الكل دون استثناء
ربي يدوم النعمة ويحفظها من الزوآل
اختي ام منصف مبروك عليك السكنة الجديدة وكيما نقولو ان شاء الله
تكون عتبة خير عليكم الكل ومربوحة يارب
لكل الغايبات ان شاء الله تكون بخير وترجعو في اقرب وقت
راكم خليتو بلايصكم فارغين
راح نحط الصور تاع العيد لي محطيتهمش لانو الكارط ميمواغ
مكانتش عندي غير كيما زارتني قلت نزرب نحط


​

 

[السلطانة]

السلام عليكم


ياي شحال توحشت هاد الموضوع
وتوشحت الكوزينة
الله يبارك اطبقاكن شهية كالعادة

أم رحاب ماشاء الله راكي مرا ونص
بوح المشاعر يممممممممممم راني نشوف ونعاود في واش طيبتي
ام منصف مبروك عليك الدار الجديدة

أم اماني القاطوة هاديك تشهي يعطيك الصحة
طاطا حدة كالعادة منورة يمممممممممممم

وانا اليوم كي قعدت قلت نمد يدي للكسرة
باسكو تفنينت الله غالب مع الخدمة ماكانش وقت للكوزينة

​

 

[ام رحاب]

الله الله الله
على هديك المطلوع المنور....

يعطيك الصحة..
​