مـآذآ ستطبخيــن اليـوم سيدتــي / آنستــي ,, الجــــــ 21 ـــزء

[cherine]

ماشاءالله تبارك الله عليكن يعطيكم الصحة

 

[imane27]

صح فطوركم لبنات بصحتكم

 

[روز]

اليوم تشهيت لي كاليدي درترهم جاو امممم هاهي صورتهم

ورايحة ندير المحاجب بطريقتنا
حنا نخدمو الحشو ولا وش تسموه نخدموه بالجزر المفور المهرس واللحم المطحون وووو يجي امممم احسن من الشكشوكة وحدها
اذا قدرت نحطولكم موضوع

 

[ام شيماء]

الله يبارك يا لبنات راني معولة في العشا ندير الرقاق وطاجين الحلو بالسفرجل وتفاح ربي يقوي الخير ونعمة دايما

 

[om siraje]

هدا عشانا خيرة ارواحي تتعشاي راهي خضرت الشخشوخة

كي بقالي الفتات عملت حسوة

راهو نص تفتات

ebtesem bsahetkom ana nmot 3la lhaswa shahitini mmmmmmmmtwahashetha bzf:-o

 

[Djazaire-El-Ghalia]

هلكتيني يابسّوم من العصبان للحسوة يعطيك الرّبح:down:

 

[ام منة]

هدا عشانا خيرة ارواحي تتعشاي راهي خضرت الشخشوخة

كي بقالي الفتات عملت حسوة

راهو نص تفتات

بصحت الجميع

::::::::::::::

حدة بصحتكم
اعطيني فواكه حلو كثير

اممممممم يعطيك الصحة خاصة الشخشوخة هايلة.

 

[راضية حامدة]

يعطيكم الصحة البنات
ديرولي القلب باش نطيب كيفكم

 

[روز]

المحاجب

 

[لمسة من الماضي]

الله الله على ذوك المحاجب
شهيتينا

 

[ibtesem]

alla iselemkoum ya banet

 

[ibtesem]

المحاجب

امممممممممممممممممممممم روز ليكالدي
كملتي عليا بالمحاجب :-o

 

[ibtesem]

يعطيكم الصحة البنات
ديرولي القلب باش نطيب كيفكم

ساهلة زهرة الخليل ادخلي مرة تتعودي وتوالفي :regards01:

 

[روز]

والله كليت يابسومة مانكذبش
رغم تحذيرات الطبيب اني ماناكلهاش:p

 

[عفاف الجزائرية]

الله الله عليكم يا محاجب ويا شخاشخ ويا حسوات
ربي بارك فيكم ويزيد
انا عملتلهم للعشاء رشتة خويا سخف عليها كونه هاذا اخر عشاء من يدي
قرب موعد رحيلو في لليل يقلع
قلبي رح يديه معاه والله تقول ولدي ونحيتو من حضني
ربي يسهللو امورو ويوفقو في حياتو ويحميه في بلاد الغربة
مباعد نوافيكم بالصور
ربي يهنيكم اجمعين
​

 

[روز]

ربي يطمنكم عليه عفاف ويخليه ليكم

أخرين سقساوني على خدمة المسمن
انا مانخبزوش انا نفتحو فقط ونحط فوقو الحشو هاهي الصور توضح

امبعد نطبقها ونحط الدوا الداخل

امبعد نديرها طيب
المسمن نحلوه والحلول نتاع المسمن يخليه يجي مورق الاخت يلدز سقساتني
وكي تحليه ديري شوي زيت وفرينة ذرذري

والعجينة نخدمها بالفرينة بسكو السميد لي عندي مش مليح
لكن سميد الدزاير هايل كي تخلطيه مع الفرينة
هاذي لي سقساتني عليه الاخت ميمي الفرينة تاني عندها دور باش تجي مورقة

 

[MĺŹǾ žĕĥÔŖ]

السلااااااام عليكم

وش راكم لبنااات

خويا الي في فرنساا ربي يحفظو ويخليه وصاني على الصامصااا اياا درتها وبعثتهاااالو

حبيت نوريلهالكم

ورح نحطها في موضوع مع الخطوات بإذن الله تعالى

​

 

[عفاف الجزائرية]

هاذا عشانا

صورت قبل لا نكمل نحط كل شي عارفة يدخلو ويهجمو وما يخلونيش نصور
والحمد لله على نعمتو
دعواتكم لخويا عزيزي يوصل بخير وفي رحمة
الجو شوي ما شمليح والنو تصب
​

 

[hadda0425]

عفاف بصحتك خوك الرشتة وربي يوصلو على خير
​

 

[عفاف الجزائرية]

الله يسلمك حبيبتي حدة
ربي يهنيك ان شالله
​