مـآذآ ستطبخيــن اليـوم سيدتــي / آنستــي ,, الجــــــ 21 ـــزء

[tasnim55]

ميمي شكرا على الدعوة و لكي بالمثل حنونتي
بسومتي امممممممم كل طبق ينسي في خوه رووووووووعة الله يبارك يشهو كيما راهم يعطيك الصحة وبصحتكم حبيبتي
شهرزاد امممم على هدوك لقواطو هايلين والمسمن مع لبولات روووعة من فضلك طريقة الحلوى لبطلية بليز بالتفصيل الممل ولقلاصاج كيفاش درتيه وبصحتكم

 

[oumniati]

ya3tik saha ibtissem koulchi ychahi, chahani el barkoukess

 

[بنت الجسور المعلقة]

صباح الأمل والخير ورضى الرحمن ^_^
صبآآح البركة نتمنى تكونو كامل بيخير
جمعة مباركة ان شاء الله نهاركم زين​

 

[omarwa]

صباح الخير الله يبارك عليكم بصحتكم واش طيبتو
جمعة مباركة للجميع

 

[shahrazad]

صباااح النووور على الزييينات :d
جمعة مبااركة
ميمي -تسنيم -امنيتي الله ينوركم يا الغاليات تعييشو
تسنيم لحبيبة هاي ليك المقادير تاع الكعيكعات
3 كيلات فرينة
كيلة معمرة مليحح سمن المرجان
قرصة ملح
نص كيلة ماء والماء الزهر
تبسسي السمن مع الفرينة والمح مليييح وتلميها بالماء والماء الزهر وتخليها ترتاح
بالنسبة للعقدة تاع اللوز 3كيلات لوز+كيلو سكر وتلميهم بالماء الزهر اذا حبيتي ضيفي شوية برك تاع زبدة باه جيك طرية
وتشكلي الكعيكعات
القلاصاج
طيبي السيرو 2 كسيان ماء وكاس سكر حتى يعقد وخليه يبرد +2بياض بيض+2م ك عصير ليمون +م ك ماء الزهر ممبعد خلطيها مليح بالباتور ممبعد ضيفي السكر قلاصي وتخلطي بالمغرف حتي تتحصلي على طلية مليحة والتزيين كيما تحبي راهي كاين بزاف طرق

بالنسبة لحبيتي امنيتي لي بولات تاع القرنون
طيبي مرقة بيضة اذا حبيتي باللحم انا درتها بلاش تقلي بصل و فلفل وقرفة و حميصة ولا جلبانة كيما تحبي ممبعد حطي القرنون وطيبيه فالكوكوت
كي يطيب نحي القرنون كرازيه بالفرشيطة خليه يبرد ممبعد خلطي معاه فيونداشي معدنوس فروماج +حبة بيض حسب الكيمة +شوية شابلور+فلفل ملح
وتشكليهم كويرات رمديهم فالفرينة وقليهم نص طياب ممبعد فرغي المرقة في بلا تاع فور وحطي لي بولات وديري ملفوق فروماج رابي
وبصحتكم


​

 

[ام نوسه]

صباح النور على احلى طباخات
يعطيكم الصحة راكم قايمين بالكوزينه تاعنا و11 ضيف لي راهم التحت
شهرة ابتسام تسنيم ميمي يعطيكم الصحة كلشي يشهي

 

[ام شيماء]

صباح النور يا غاليات واش صبحتو نتمنى كل وحدة تكون بخير وجمعة مباركة

 

[ام شيماء]

راني عاملة الفطور الطعاااااااااااااااااااااااااااااام

 

[shahrazad]

حالياً الأعضاء النشيطين الذين يشاهدون هذا الموضوع : 6 (1 عضو و 5 ضيف) ‏shahrazad

​

 

[imane27]

مساء الخير عليكم جمعتكم مباركة صح فطوركم
ام شيماء بصحتكم طعام

 

[ام شيماء]

الله يسلمك اخت ايمان27

 

[oumniati]

nharkoum zine

ya3tik saha ya sharazed, baaaaaayna bnina, raki chatoura allh ybarek

 

[tasnim55]

السلام عليكم وشراكم يالغوالي وجمعة مباركة
بصحتكم كامل وش تغديتو بالهناء
شهرزاد الف شكر حبيبتي تسلمي على الوصفة تاع الكعيكعات ولبولات القرنون مشااااااء الله باركة الله فيك
ام نوسة توحشناك حبوبتي وشراكي يالعزيزة والله راكي في القلب وتوحشنة اطبافك الرائعة

 

[rafiness]

جمعة مباركة لبنات بصحتكم واش طيبتوا
​

 

[mimi53]

السلام عليكم لبنات اليوم درت قاطو انشاء الله يعجبكم الوصفة لقيتها في منتدى اخر وطبقتها البنة منحكيلكمش
نشكر بزاف صاحبة الوصفة

 

[ibtesem]

اممممممممممممممم بصحتك ميمي خرجلك هايل القاطو

 

[ام شيماء]

الله يبارك اخت ميمي راكي فحلة وخرجلك القاطو رووووووووووووووووعة

 

[لمسة من الماضي]

قصعة طعام بالعصبان


يوم جمعة و من العادة كل جمعة طعام

تفضلو معنا

 

[عفاف الجزائرية]

ميمي حبيبتي نسقسيك
لي كيسات هاذوك سبيسيال شكل لورة ولا كيسات نورمال مدورين
وزيد هاذا بالمول الشكل ولا كيفاه درتيه
ماذا بيك تفيدينا
ومشكورة ليك ولصاحبة الوصفة

----------
بصحتك اختي لمسة من الماضي البربوشة بالعصبان العصبان نتاعك بواش حشيتيه من فضلك
​

 

[mimi53]

اممممممممممممممم بصحتك ميمي خرجلك هايل القاطو

تسلمي حبيبتي ربي يخليك