الديقوتاج

[siimo]

مصطلح الديقوتاج مصطلح منتشر بارتو في حياتنا احنا ليزالجيريان.و لنقولو وشراك صافا خويا يقلك و الله الديقوتااااااااج قاتلني.
مي علاش رانا نعانيو من هادا المشكل و واش هي اسبابومالقري كاين حوايج بزاف قادرين نتلهاو بيها
واش رايكم قولولو حسب ارائكم واش هي الاسباب تاع هادي الظاهرة
تحياااااتي

​

 

[ماكانش]

أهلا بيك سيمو

يعطيك الصحة على الموضوع
لوكان غير شوي حكيتينا فيه وخليتي نصائح ماختاصرتيهش ههههههههه
الإنسان يكون مديقوتي لما يكون بعيد على دين ربي تارك للصلاة ووو
الصلاة والإيمان يطمئن القلب بزااااف
اما ألي يجري وراء المادة والدنيا والتفاهات اكيد راح يكون ديما مديقوتي
​

 

[إلياس]

الديقوتاج ياتي من قلة الوازع الديني

 

[دعاء2004]

الديقوتاج يجي من اننا مانشغلوش عقولنا من قلة الخدمة وثاني كي تروح حاجة من يدك يعني كنتي تتلها ي بيها تحسي عندك فراغ والله اعلم

 

[mohgladiator]

الديقوطاج في بلادي الديقوطاج
أووووول رد هنا هو الرد الكاافي و الواافي
مشكووور خويا سفياان
​

 

[الاخت دلال]

انا في نضري

الديقوتاج سببه الروتين والملل
الانسان دايما عيان دايما تعبان دايما كاره
مكاش حاجة تطلع المورال سي بورسا الجزائري دايما مديقوتي
مسكين

 

[homework]

الفراغ و البعد عن الدين هو لي خلي الانسان يشعر بديقوتاجو نفس الريتم ونفس المكان

 

[INES EMO]

الديقوتاج سببه مشاكل عاطفية

 

[imaa]

حسنا نحن نعاني من هذا المشكل

لاننا لم نضع هدفا معينا في حياتنا
ياخذ كل وقتنا
ويضعنا في مواقف جديدة نتعلم منها ونستفيد
فنحن ندرس لاننا مجبرون
ولان الدراسة واجبة على كل طفل
بلغ 5 سنوات

ونعمل كذلك لاننا مجبرون
لذا فنحن لا نستمتع بما نقوم به
ولا ندري اصلا لما نقوم بهذه الامور

باختصار نحن نعيش لاننا خلقنا
ولا نعيش لنترك بصمة


شكرا لك اختي على الطرح
انه مهم جدا
وارجو ان اكون قد اوصلت مقصودي
​

 

[بنت الـ25]

الديقوتاج غالبا يصرا مالروتين الممل
من البعد على ربي
من البطالة
ويديقوتي غير الإنسان السلبي لي ميعرفش يخدم مخو
ميعرفش يعمر وقتو ويشغل نفسو بأمور مفيدة
على هادي تلقاي نص الشعبي مديقوتي
وساعات ديقوتي من الناس .. التدخال والتخراج وقالي وقتلك
تديقوتي وحدك

سلام سيمو
​

 

[siimo]

 

[WàLiiD]

جابلي ربي المعيشة هي راهي دير هاك والله اعلم
En Dit Elhamdoulilah

مرسي اختاه

^^
​

 

[DjOuHeInA mInOUcHa]

hmd 3la koli hal mrcccc khtiiii

 

[grand coeur]

الفراغ هو اهم الاسباب للديقوتاج لو الانسان يشغل نفسو بعمل والرياضة والقراءة ميحسش بالملل

 

[lemia]

.....................

 

[lemia]

صح الفرااغ سبب الدييغوتاج وما تنساش البعد علئ الدين تاني يا grand couer

 

[subainaz]

la khedma la san3A la dar la dowar
ri l vide dayr rayo
kifach mahabtch ykon
DEGOTAAAAAAAAAAAGE

 

[iméne09]

ديما مديـgـوتيين من الــvـيد ولاروتيـــن ليجوغني يتعاودو كرهنا من حياتنا لي توجوغ مافيهاش جديد ومالقاوش باش سعمروها سيـpـوغ سا ديما كارهين ديفوا تنوضي كارهة حياتك مالـgـري مازال gــاع ماكملش نهارك باغسكو والفنا بلومام ريتم ​

 

[نور الهدايات]

البعد على الله عز وجل وكثرة الوقت في ما لا ينفع يولد حالة نفسية وروتين كئيب يسمى بالديقوداج ولا واحد تشوفو في وقت فراغو حامل مصحف ويقرا أو كتاب ويثقف فأكيد راح ينتشر الديقوتاج غلى في بعض الأوقات يولد أفكار توصل بالشاب للإأنتحار .
الله يفرج همومنا يارب ويصلح امتنا.
تقبل مروري اخي الكريم​

 

[siimo]