السلام عليكم ورحمة الله وبركاته
إن شاء الله كامل لاباس؟؟
---
شحال عندو البورتابل ملي ظهر عندنا؟؟ نقولو بالتقريب 10 سنين و لا حتى 12 سنة يعني من 2000ظهر وكان قليل الي عندو و جوايه ال2009 هكداك انتشر و شاع و ولاو بزاااف الي عندهم
و اليوم رانا فال 2012 خلاص , جابلي ربي كامل الناس عندهم بورتابل
ولبارح برك بنت جيرانا صغيرة تقرا السنة التالتة ابتدائي حاكمة واحد و سلفت اينيتي لختها باش تبعث بيه ميساج و بالتحلال و كلش هههههه
---
والبروبلام الي رح نهدر عليه هو بويسك دوكا الغاشي كامل عندو تيليفون صغير شباب توت اوبصيون وعلاش مازالو المخلوعين بيهم؟؟؟؟؟؟
حاجة تخليك تحير :-o
*قاعدين فلونفي نسناو البروف تلقى كل غنيات الموسم!! ماشي قاع عقلية هادي "ازعاج ×ازعاج"
*واقفين نسناو الكوس , يصوني التليفون بوحد السونغي قاسحة ,قوية و تصرع ..!! "الي عندو خلعة قديمة راحت عليه"
و زيد قاسهم تحضر التليفون وما قاسهمش تحضر الاستعمال
تلقاهم بهداك التليفون يصورو في كل حاجة بروف يهدر يفيلميوه سكيمي ,
تصرا زوج يضاربو يصوروهم وهادي صرات فالليسي زوج بنات تضاربو صوروهم !!! و راكم عارفين بلي مور الفيديو كاين بارطاجي ...
*ومؤخرا في الجامعة عندنا مشكل تاع الكوس غاشي كبير يتصارع على نص وقفة تانيت صوروها و ما علابالهومش بلي كاين ناس رح يخرجو ويظهرو فالفيديو وماشي خدمة كامل هادي
وخلينا من البيباج الي بلا فايدة (ديرونجمون برك ) والمشاكل الي داروهم الناس لرواحهم ..
*و بلا ما ننساو في الاعراس تجي وحدة من المعروضين تصور العروسة لوكان من لافامي نقولو معليش , مي هادي راهي "ريحة الشحم فالشاقور " ولا "بنت خالة مول الباش "
يعني ما عندهاش الحق تصور العروسة مهما كان عجبتها لاغوب ولا عجبتها العروسة !!
ما علاباليش وقتاش ربي يخفف علينا و يتوعاو الناس ويعرفو يخدمو بالتليفون الي راااااهووووو قدييييييم بزاااااااااااااف و ديمودي وما بقاش الواحد الي مالكو يزوخ بيه ولا يدير بيه استعراض
خلاصة القول: "كاين عباد يستهلو نفي لعالم اللاتكنولوجيا "
ومع اللخر شكرا لكم على حسن الاصغاء
---
واللهم صل على محمد وعلى آله و صحبه و التابعين إلى يوم الدين
إن شاء الله كامل لاباس؟؟
---
شحال عندو البورتابل ملي ظهر عندنا؟؟ نقولو بالتقريب 10 سنين و لا حتى 12 سنة يعني من 2000ظهر وكان قليل الي عندو و جوايه ال2009 هكداك انتشر و شاع و ولاو بزاااف الي عندهم
و اليوم رانا فال 2012 خلاص , جابلي ربي كامل الناس عندهم بورتابل
ولبارح برك بنت جيرانا صغيرة تقرا السنة التالتة ابتدائي حاكمة واحد و سلفت اينيتي لختها باش تبعث بيه ميساج و بالتحلال و كلش هههههه
---
والبروبلام الي رح نهدر عليه هو بويسك دوكا الغاشي كامل عندو تيليفون صغير شباب توت اوبصيون وعلاش مازالو المخلوعين بيهم؟؟؟؟؟؟
حاجة تخليك تحير :-o
*قاعدين فلونفي نسناو البروف تلقى كل غنيات الموسم!! ماشي قاع عقلية هادي "ازعاج ×ازعاج"
*واقفين نسناو الكوس , يصوني التليفون بوحد السونغي قاسحة ,قوية و تصرع ..!! "الي عندو خلعة قديمة راحت عليه"
و زيد قاسهم تحضر التليفون وما قاسهمش تحضر الاستعمال
تلقاهم بهداك التليفون يصورو في كل حاجة بروف يهدر يفيلميوه سكيمي ,
تصرا زوج يضاربو يصوروهم وهادي صرات فالليسي زوج بنات تضاربو صوروهم !!! و راكم عارفين بلي مور الفيديو كاين بارطاجي ...
*ومؤخرا في الجامعة عندنا مشكل تاع الكوس غاشي كبير يتصارع على نص وقفة تانيت صوروها و ما علابالهومش بلي كاين ناس رح يخرجو ويظهرو فالفيديو وماشي خدمة كامل هادي
وخلينا من البيباج الي بلا فايدة (ديرونجمون برك ) والمشاكل الي داروهم الناس لرواحهم ..
*و بلا ما ننساو في الاعراس تجي وحدة من المعروضين تصور العروسة لوكان من لافامي نقولو معليش , مي هادي راهي "ريحة الشحم فالشاقور " ولا "بنت خالة مول الباش "
يعني ما عندهاش الحق تصور العروسة مهما كان عجبتها لاغوب ولا عجبتها العروسة !! ما علاباليش وقتاش ربي يخفف علينا و يتوعاو الناس ويعرفو يخدمو بالتليفون الي راااااهووووو قدييييييم بزاااااااااااااف و ديمودي وما بقاش الواحد الي مالكو يزوخ بيه ولا يدير بيه استعراض
خلاصة القول: "كاين عباد يستهلو نفي لعالم اللاتكنولوجيا "
ومع اللخر شكرا لكم على حسن الاصغاء
---
واللهم صل على محمد وعلى آله و صحبه و التابعين إلى يوم الدين
ْ~
