عايشين في مدينة ولا في غابة؟؟؟

A

amine dendane

:: عضو منتسِب ::
السلام عليكم يا خاوتي
والله عدنا عايشين في غابة !! القوي ياكل الضعيف
والله الجمعة اللي فاتت كنا ساهرين أنا و ولد خالي و خويا، حتى سمعنا وحد العياط:s
طلينا من التاقة لقينا راجل في الأرض ويعيط : ياخاوتي اجرو ليا!!!!
احنا توسوسنا و قفلنا التاقة ورقدنا.
غدوة الصباح فقنا بلي هذاك الراجل جاو ليه جماعة سكرانين وضربوه ونحاولوا الطوموبيل و واحد ما هدر
يا عجبة يا ربي وين راح النيف والرجلة!!! :@ ​
 
كون جا واقف بوليسي راو مادخلش في الوقت نتعنا دوركا !
فمابالك بشخص عادي مسكين مالا نقولو ربي يجيبها في الصواب برك
 
شت كيفاش ولينا من جماعة النار راه في بلادكم قالهم تخطي حينا راه في حيكم تخطي دارنا قالولو راها في داركم قالهم تخطي راسي
ولينا نشوفو الناس تموت و نورمال
ربي يستر
 
ياك انت قلتها فرميتو التاقة ورقتو امالا الناس دارو كيما انتم
ربي يهدي من خلق
 
والله غير تحير يا خو او نتا راك واحد منهم على حساب واش راك تحكي طليتو من التاقة نوسوستو امبعد ارقدتو امالا وراهي النيف تاعك والرجلة تاع راك تحاسب في لخرين ونت نسيت روحك مع كل احترامي​
 
بصراحة كنتو قادرين تتصلو بالشرطة ولا تخرجو مع الجيران ولا اي حاجة المهم باه تبينو للعاااالم بانو كاين الرجال ومازال النيف
 
كل واحد راه رجع يخاف على روحو....حاجة كيما هادي لازم مش واحد ولا زوج باه يغيروها...لوكان خرجو الناس لي فالحومة كامل و تعاونو فيهم و عطاوهم طريحة_مرتبة_ميزيدوش يعاودوها....ربي يستر و يجيب الخير_اين انتم يا حماة الوطن....يا من اقسمتم انكم ستحمون الشعب ...فهل انتهى قسمكم يوم تخرجتم ...........
 
أنت الاول لي شفتو ورحت ترقد ودوك راك تسقسي فينا وين راهي الرجلة
normalement حنا لي تسقسوك وين راهي الرجلة وين راااه النيف لي راك تهدر عليه ؟؟؟
لاحول ولا قوة الا بالله
​
 
لو الناس تنبذ هوذا السكارا ومكانش لي يقعد معاهم وليعش معاهم تشوف كيفاش يتسقمو
حنا وليدو يشرب وعايش معاه؟؟؟
 
صح كل واحد يخاف على روحوا مبصح انت ولي معاك كنتوا قادرين ديروا هدة تاع رجال ........
ربي يجيب الخير
 
اييييييييه عادي
قبيل برك انا وصحاباتي نمشيو في وحد لبلاصة (......) منيش حابة نذكرها :d
على كل معروفة عندنا خخخخخخخخخخخخخ
والله ماشيين ويدينا على قلوبنا تالمو فيها ليزاقريسيون نورمال
يسرقوك ولا يخطفوك قدام الشعب وواحد ميهدر
قتلهم اتمهبلو باش يحطونا مالمنطقة خخخخخخخ
والله عاد الواحد يمشي وخايف من ظلو
ربي يستر
​
 
قال اسيل 16:
بصراحة كنتو قادرين تتصلو بالشرطة ولا تخرجو مع الجيران ولا اي حاجة المهم باه تبينو للعاااالم بانو كاين الرجال ومازال النيف
إضغط للتوسيع...
احنا حسبناه سكران ولا مهبول
 
مشكورين على الردود والتفاعل
 
ايه هادي هي دنيا ولينا عايشين في غابة ماشي في مدينة و زيد لابوليس الخوافين راهم يحميو في كرسيهم لي قاعدين فيه ماشي يحميو فينا لكان يموت الواحد ولله ميجيبولو لخبر

ولله غير دكا جا خويا من برا قالنا كنت مع صحابي حتى شفنا واحد يجري مسكين هارب من واحد ذراري سكرانين حابين يقتلوه ..مالا دخل لواحد الحانوت زعما باش يتخبى و فاقولو هادوك سكارة ودخلو للحانوت وقتلوه لتماك وناس تتفرج نورمال كامل ميتين بالخلعة كي مات باش لحقت بيه شرطة وداتو للسبيطار ....هيا قولولي برك هادي دولة دكا زعما رانا في 2012 ورايحين ل 2013 ...ولله غير ولينا منخافوش من الارهاب قد منخافو من شعبنا
ربي يسترنا و انشاء الله تزرب تقوم الساعة هكا باش نتهناو خلاص
 
قال mira real:
ايه هادي هي دنيا ولينا عايشين في غابة ماشي في مدينة و زيد لابوليس الخوافين راهم يحميو في كرسيهم لي قاعدين فيه ماشي يحميو فينا لكان يموت الواحد ولله ميجيبولو لخبر

ولله غير دكا جا خويا من برا قالنا كنت مع صحابي حتى شفنا واحد يجري مسكين هارب من واحد ذراري سكرانين حابين يقتلوه ..مالا دخل لواحد الحانوت زعما باش يتخبى و فاقولو هادوك سكارة ودخلو للحانوت وقتلوه لتماك وناس تتفرج نورمال كامل ميتين بالخلعة كي مات باش لحقت بيه شرطة وداتو للسبيطار ....هيا قولولي برك هادي دولة دكا زعما رانا في 2012 ورايحين ل 2013 ...ولله غير ولينا منخافوش من الارهاب قد منخافو من شعبنا
ربي يسترنا و انشاء الله تزرب تقوم الساعة هكا باش نتهناو خلاص
إضغط للتوسيع...

اختي حبيت نقولك كون ماجاوش لابوليس راكم على 17:00 تاع لعشية تدخلو لدياركم كيما قبل لواحد يديرها بيدو وي يقول لابوليس خوافين هه ربي يهدي برك
 
جاوب انت على هدا السؤال لي طرحتو

يا عجبة يا ربي وين راح النيف والرجلة!!!​

وهدي هي اجابتك

احنا توسوسنا و قفلنا التاقة ورقدنا.
​
 
قال merouane87:
جاوب انت على هدا السؤال لي طرحتو

يا عجبة يا ربي وين راح النيف والرجلة!!!​

وهدي هي اجابتك

احنا توسوسنا و قفلنا التاقة ورقدنا.
​
إضغط للتوسيع...

:regards01:​
 
توقيع simou11
قال سمسم السمسومة:
كل واحد راه رجع يخاف على روحو....حاجة كيما هادي لازم مش واحد ولا زوج باه يغيروها...لوكان خرجو الناس لي فالحومة كامل و تعاونو فيهم و عطاوهم طريحة_مرتبة_ميزيدوش يعاودوها....ربي يستر و يجيب الخير_اين انتم يا حماة الوطن....يا من اقسمتم انكم ستحمون الشعب ...فهل انتهى قسمكم يوم تخرجتم ...........
إضغط للتوسيع...

سامحيلي سمسومة بصح راكي غالطة اختي خاطرالدرك الوطني ولا الشرطة مايقدرو ايديرو والو بلا الشعب
يعني
انا ذرك دركي راني خدام كون مايعيطش الشعب بلي راهي صرى حادث مرور و لا سرقة منين رايح نعرف
هذا من جهة ومن جهة اخرى كاين الدوريات في اليل و في النهار بصح مانقدروش نغطيو الشوارع كلها في نفس الوقت
تحياتي
​
 
لامية شكرا على ردك اختي عندك حق
حنا رانا نموتو و الشعب يقلقك الحكومة راهي راقدة
ماشافوش الجيش و لا الدرك و الشرطة الي قتلوهم الارهاب
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom