والله احترت وحيرت الغاشي معي

M

meriem28

:: عضو منتسِب ::
السلام عليكم انا اول مرة نشارك وحابة اي واحد يقرا موضوعي ينصحني وكاني اخته المهم بدون اطالة انا تقدم لخطبتي بن خالي وماكنتش متوقعة منو هدا المبادرة المهم صليت صلاة الاستخارة وقعدت مترددة والسبب انو عندو زوجة اب جد شريرة وانا خايفة malgré ختو قالتلي مارايحاش تعيش معاها mais انا مازولت متخوفة هو انسان مليح وكامل قالولي اللي تعرفو خير من الي ماتعرفوش نتمني تمدولي راي باش نقدر نقرر :(
 
السلام عليكم اختي
نشكرك كي لجأتي لهذا القسم
بون انا كنت رايحة ننصحك ديري استخارة لكنك مدامك قلتي انك درتيها وبقيتي مترددة
يعني ما ارتحتيش للأمر ولو بنسبة 1 فالمية وتشوفي بلي رايحة تسببلك هاد المرأة مشاكل مستقبلا إيـvيتي
خير ما تقبلي وتندمي بقية حياتك
وان شاء الله ربي يرزقك أحسن منو

(أصلا أنا وحدة مالناس منسيبورتيش زواج الاقارب)
رأي شخصي

والله اعلم
​
 
etekli 3LA rabi
w 3assa an takrahou chai2an wa houa khairon lakom
 
amin.select, تم حظره "حظر دائم". السبب: مخالفة القوانين
اذا جاءكم من ترضون دينه وخلقه فزوجوه
صدق رسول الله صلى الله عليه وسلم

انتي اختي صليتي الاستخارة فاصدقي الله وتوكلي عليه ولو راى سبحانه وتعالى ما يضرك في هذه العلاقة فسيتولى انقاذك
 
نقولك لي فيه الخير ربي يجيبو
والله مانقدر نقولك .
​
 
مرحباا حنونة ... تاخذي رايي الاحسن انك ترفضي لانو مادام صليتي صلاة الاستخارة وما ارتحتيش والله احسن لك انو ترفضي ظك قبل ما تطفر... هذا رأيي ورأي اختي المقبلة على الزواج وهي مصرة على توصيل المعلومة لك ونصحك على الرفض والقرار الاخير يرجع لك...احسني الاختيار ووفقك الله​
 
مبروك عليك أولا...ادا هو مليح وعلاه ترفضيه و ادا قدر يدبرك دار وحدك تحل المشكل و ادا مكانش و راك متخوفة من هديك المرا روحي ربي معاك على قد قباحتها كوني مليحة معاها مع الايام تتبدل نشاءالله..ربي يهنيك
 
السلام عليكم
مادام صليتي صلاة الاستخارة ماتخافيش اختي ولكان فيه الشر (ربي يبعدو) راه مايكونش من نصيبك
ربي يجيب الخير ان شاء الله
 
انا مستر سامحوني
​
 
ادا هو ابن خالتك ادا راكي تعرفيه وادا تبعي كلام الدين من ترضون دينه وخلقة توكلي على الله راكيتقولي مليح وكثري من صلاة الاستخارة ربي كريم والقرار ليك​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom