ساعدوني يالبنات كيفاش يعملو الرقاق

[دمعة اشتياق]

السلام عليكم

الرقاق الجزائري دائما نجربه ومايخرجليش دائما يخرج لي قاسح و ناشف
ومين نكسلو يا يتمزق و يتقطع
اللي مجرباته تفيدنا و ربي يعطيها ما تتمنى
ما هي المقادر و تانيك المدة اللي نقعدو ندلكو فيها الرقاق
المهم راني نستنى فيطكم حباباتي
هادي صورتوا :

 

[دمعة اشتياق]

؟؟؟؟؟؟

 

[روز]

السلام عليكم
حبيت نرد عليك هنا وشكرا على الرسالة
انا نكسلو فقط واغلب المرات نخدمو بالفرينة فقط نعجنها مليح ونخليها ترتاح
وامبعد نرجع نعجنها و ندهن ايدي بالزيت نديرها دي بولات ونغطيهم بساشي ونخليهم يرتاحو مليح مليح
أهم شي يرتاحو لانهم اذا مارتاحوش ماتتكسللكش
اما اذا درتيه بالفرينة والسميد فيلزم تعجنيه حتى تولي العجينة ملساء وتطرطق بين ايديك
ولما تريح مليييييييح لي بولاة هاذيك ادهني البوتاجي بالزيت وتحليها ..
تحليها المرة اللولة بايدك تخبزيها في الوسط أكثر شي
وامبعد تولي تكسلي فيها واجبديها بالشوي برك من كل الجوانب
وكي تكوني تجبدي فيها شغل تنفضي فيها باش ماتتقطعش وحدة وحدة برك
هاهي طريقتي نخدم بيها تاني المحاجب

كاينة طريقة شفتها في النت مي ماجربتهاش
نحوسلك عليها ونحطهالك طريقة تخلي العجينة رطبة بلاما تعجنيها بزاف

 

[hiba14]

السلام عليكم
نتمنى نفيدك انشاء الله
شوفي اختي باش يجيك طري و مورق مليح دلكيه مليح مليح حتى تبداي تسمعي العجينة كي ترطق تماك حبسي و خله يرتاح و من بعد حليه بالزيت هادا ماكان

 

[دمعة اشتياق]

شكرا ليكم كامل راني درتو و خرج هااااااااايل هاااااااايل

و المشكلة اللي كانت تصادفني عرفت بلي بسبب الدليك

والآن خلاااآص راني ندير الرقاق فووووووور

شكرا حباباتي :°

 

[ندى الورود]

مبروك اختي كي نجحتي في عمل الرقاق
ووليتي فوووووووور ومن الشاطرين الكبار
............
تمت المساعدة موضوع للغلق
​